澳門三盞燈食坊

Open Now

Now Closed

見裝修完未試過就同細佬入去咬個tea啦， 見有紅咖喱餐就試下啦，叫左兩個紅咖喱牛扒飯。36蚊一個tea都無乜期望，跟杯凍飲再+3蚊。 凍檸茶黎先，見到杯茶色都唔多對路，點知真係好難飲吓……到個飯黎，賣相已經唔開胃，聞落去仲要係杯麵喇沙味囉！ 咩料呀？ 牛扒唔好講啦，40蚊都唔可能要求啲咩，但個汁ex7tly係759 隻喇沙杯麵囉！ 紅乜咖喱？ 個飯又生米又少！ 食完好似俾人打劫左80蚊咁……真係俾乞兒都無咁惱！紅咖喱汁就杯麵味精粉，飯又生米又少凍檸茶澀到苦檸檬又唔香裝修前都試過個干燒伊麵俾個干燒意粉黎，諗住裝修完好少少吖，點知仲變本加厲差多兩錢

下午茶叫左個雞扒炒公仔面，少到3口便食完，加杯凍飲要$39，太貴，不值，之後再叫一個吉列魚柳配沙拉，魚柳又細塊，加杯凍飲$37，如果見佢是新裝修想試，可能晚餐較為值得，味道一般！

這個早餐，有薯仔番茄牛肉湯粉，我選擇了螺絲粉，總覺得螺絲粉和番茄湯比較配合，而且外賣不會那麼容易浸到軟林林，沒有口感。外賣盒只有一盒😯，就知道火腿奄列應該都同樣放進了湯粉的碗子之內。一打開蓋，大大塊火腿奄列就浸在番茄湯的面頭，切開奄列之後，下底又有兩大件蕃茄、幾顆薯仔、還有幾片牛肉。牛肉是用醃肉粉醃得鬆弛非常，因此沒有什麼牛肉味，你說是豬肉也有說服力。螺絲粉沒有浸得太林，還有點兒爽口彈牙。盛起一點兒番茄薯仔湯，配螺絲粉味道更佳，湯微酸微咸，不太過火，還有點微甜剛好。奶茶的味道也不太淡，可能是在天水圍區內比較佳的奶茶之一，加入輕微煉奶，美味甜味，味道就更加好。＄32的價錢，早餐而言不是非常便宜，但是不用經常光顧大快活這種連鎖餐廳，支持一下本土食店也不錯

先讓大家看看店裡的環境，大約有十六至八個座位，不會太擁擠，每一桌還是有點距離，但又不失平民的感覺。食個午餐也頂多是一個小時左右，所以這樣的環境算是可以的。而且燈光是白中帶點黃色，舒服的燈光不會令眼睛太刺眼。說說我那天食的午餐是福建炒飯加上冰檸檬茶，HKD$44。份量是蠻多，所以就兩個人只點一個餐。雖然是這樣，但侍應嬸嬸也沒有不快。而且當我們說要「加底」(加多一點分量)，她還提醒我們說其實不用「加底」，夠食的啦!我們也相信這個善心的嬸嬸，沒有「加底」，結果還是夠食啦。嬸嬸沒有為了替公司多賺一黠錢而令食物浪費!熱度不算很足夠，可是在炎炎夏日，太熱的話也食不到，所以還可以接受。若果是冬天的話，那就不夠了。也許廚師有考慮到這點吧。至於味道方面，個人覺得還不錯。芡汁不會太濃或是太稀。太濃的話會把炒飯的飯粒黏在一起，不再粒粒分明。太稀的話會變成湯飯，但他們家這個芡汁剛剛好，把飯和材料輕輕的黏在一起，但也可以食到飯粒的口感。材料方面，看相片也可以看得到有很多不同的材料。冬菇、西芹、鮑魚片、蟹柳等等。可能說穿了也許是雜錦炒飯，但我每當想不到食什麼的時候，我就會食這個。每一間食肆都會有不同做法的檸檬茶，

星期六晚因為想吃住家菜, 於是去了三盞燈澳門食坊.  平日好多時侯, 我和老公都會到呢間餐廳享用晚膳, 因為佢地每一款菜式都好好味, 好像住家飯一樣, 有家的感覺.  梅菜蒸鯇魚腩~ 這個菜每一次老公都必定要吃, 因為係用新鮮鯇魚魚腩即叫即蒸, size 有一隻手掌長和闊, 鯇魚魚腩蒸完後, 魚肉肉質簡直係鮮甜無比, 魚油的香散發滲透出黎, 配搭了甜甜地的梅菜一起蒸, 完全係難以抗拒的一道菜式. 蝦醬肉鬆炒飯~ 米飯炒完後仍然保持到軟綿綿口感, 邊吃邊聞到陣陣濃郁蝦醬香味, 呢個炒飯好好味, 香味俱全, 必食推介!!鮑魚片炒西籣花~ 鮑魚片煙煙韌韌好好味, 有多款新鮮菜任君選擇, 我老公選擇了新鮮爽口的西蘭花, 這樣配搭非常好味!!三盞燈大鍋~ 呢個菜式有好多材料, 包括西芹, 腰果, 白飯魚, 蝦乾, 辣椒.  每款材料都被炸到黃金香脆, 由其是脆炸白飯魚, 炸到非常香脆又香口, 每一款的味道都香香脆脆帶有少許椒鹽香味, 非常香口又好味!!沙嗲鮮魷粉絲煲~ 鮮魷新鮮爽口彈牙, 粉絲索滿了香濃又濃郁沙嗲香味, 每吃一啖都非常香又好味, 非常滿足!!

我常常吃這家餐廳~裡面的菜單我有一半都吃過了~其中最貴的是廚師推薦類~每樣都超過50元~還不括包飯~+飯+野飲都要+正價一個人去時就要搞倒成七八十紋才能買單期中全店最好吃的是 酸甜蝦球雖然貴~但是蝦球超大顆~而且很多~~特殊的酸甜醬也很好吃全店最差的是所有的炒飯類他們的抄飯都抄的爛爛的~水分超多~好像拿粥米來煮一樣~飯好像沒吵過的感覺~感覺像把飯和料隨便混在一起就拿來給你吃的感覺

天水圍已經係一個冇咩好食既地方.....仲要講到食早餐真係冇乜好揀..有次跟過新北江望見三盞燈都好多人食..但價錢偏貴...不過都攞定外賣紙先la.本人好鐘意食蕃茄薯仔..所以見到早餐有個蕃茄薯仔餐就決定試一試...其實我已經食過幾次...食完一次停唔到口..差d個個星期六都要叫黎食.份量適中...個火腿奄列會放埋入碗粉到...可以環保d..唔錯~真係有蕃茄薯仔係到ga...個湯一望就知係煲出黎..唔同落茄膏個d ga...因為茄膏d色會令到個湯偏紅同埋唔會見到有d渣係到....牛肉亦鮮嫩..真係每次食完都會飲埋d湯ga..重點係飲左都唔覺口渴~而家乜都貴...好多都已經偷工減料...但lee到仲keep得住...好多茶餐廳d火腿奄列入面既火腿真係小得可憐...仲可以食到啖啖火腿絲真係買少見少la~

返到家，唔知點解想出黎食小菜。又唔想出元朗，呢度都係唔錯既選擇。因為種類多而且價錢都算合理，幾個人叫啲小菜黎食，真係幾抵架。水煮牛肉講真，我對呢個水煮牛肉無乜期望。不過，我覺得佢只係用左上湯再加上辣油炮制出黎既。味道係點，大家都估到啦。真係同品味鮮既味道風馬牛不相及。好彩，牛肉都唔韌，都叫有啲野食。只不過，大家對呢個用水煮既牛肉嘖嘖稱奇。椒鹽鮮魷呢個表現都幾出色，首先個份量足夠我地食有餘。而且炸粉唔厚，用上新鮮爽口既鮮魷。而且醃料都幾夾，呢個小菜送飯真係一流。呢度既鮮魷都做到我既要求，脆卜卜既皮配上鮮魷，可算是完美既配搭。芝士焗龍脷柳珊珊來遲既你，等咁耐都值得既。個芝士汁可算是撈飯之選，真係幾正。芝士汁好濃同帶creamy既滋味，汁多到可以撈飯。而且龍脷柳都幾好食，魚肉都幾爽口。無乜腥味。而配菜既薯仔都唔差，好淋好好食。呢餐都唔錯，食物除左個用水煮既牛肉。其他既都幾啱我心意，食到真係幾飽。再有機會，實會再翻兜既。

呢日呀媽唔想煮飯，咁就出左黎食。行下行下，就黎左呢度食。聽講話粉麵幾好食，而且價錢又唔算太貴，咁就睇下好唔好食啦。麻辣干炒牛河我覺得好食既干炒牛河應該要爽口，而且唔會太油。呢次就做到我既要求，首先個牛河真係好夠穫氣。而且辣辣地同好大碟，真係幾好食架。牛肉唔會太韌，河粉就真係唔錯，有料到。麻辣烤雞翼呢個都好食，好重燒烤味既雞翼。肉質鮮嫩，皮脆已經係基本既。而個size都算幾大隻，最緊要既係夠惹味，真係想食多幾隻。 整體上都唔錯既，野食都幾好食。服務都算唔錯，價錢合理。應該可以再黎既。

平時食開哩間d米線都又大碗又好食,見咁耐冇食過今日再買唻食點知去到佢話轉左湯底,心諗是但喇,應該唔會好大分別姐.....返到去一打開.....完全係兩回事.....d配料少到乜咁.....連我最鐘意食ge芫茜都係得幾粒(我已經特別話要多芫茜)酸菜冇哂,得幾粒芫茜幾條芽菜同幾條九菜......最驚喜係有幾塊魚鱗o係入面....湯底更加唔駛講係冇咁好食啦試完今次我已經掉埋張外賣紙.....以後唔會再幫襯

豬扒包 d 蕃茄好新鮮 一拎上手個包係熱嫁..因為d豬扒岩岩整好.. 好正!!焗咖喱牛腩飯 由於餓得制=v=..所以唔記得影飯既相.. 呢個飯實在好大碟丫..如果1個女仔既話..一定食唔晒..要同人Share d咖喱汁雖然唔係好咖喱,...但味道真係好味.. 加埋d牛筋牛腩...食得好滿足服務方面一般..衛生就麻麻地..因為d碗洗得好似唔清潔

今日無時間入廚房，就呢度買左個米線番屋企食。果個係兩隻既米線，有牛肉同牛扒既酸辣米線。加錢飲凍奶茶。酸辣米線個湯底都幾好飲，辣辣地但唔多覺酸既味道。就幾多，都有差唔多十塊既牛肉，無乜肉味但勝在夠淋。米線都算爽口彈牙，當然同譚仔還有一點距離。不過天水圍，呢米線都唔錯。凍奶茶落得太多奶，感覺似飲緊奶水。同埋唔多夠甜。唔好飲。呢餐米線都可以啦，下次都係去譚仔食番特辣米線。一諗起就流哂口水。