Video
Opening Hours
Today
11:00 - 19:30
Mon - Sun
11:00 - 19:30
Public Holiday
11:00 - 19:30
Public Holiday Eve
11:00 - 19:30
Above information is for reference only. Please check details with the restaurant.
新推出左麻辣系列，用左獨家秘製麻辣醬，而家天氣咁熱，冷盤食物岩哂。罐裝即開就可以加餸拌飯食，當前菜或者睇戲當零食咁食都得，而且佢有拉環蓋密封。鐘意食辣既我買左4款麻辣口味🔹麻辣牛𦟌🔹麻辣豬耳🔹麻辣金錢肚🔹麻辣薰蹄一開罐，香辣味已湧出黎，豬耳同薰蹄都好爽，牛𦟌好淋，麻辣汁完全入哂味，會食唔停口。另外簡左個酒醉海蜇，好香酒味😋😋除左冷盤食物之外，佢仲有德式烤豬手、燒春雞等等，望落好吸引，有機會再試下先。
continue reading
對於食深宵宵夜講究🌙或者做開跑腿斬料加餸🏃♂️🍽️既你，可以book mark定呢間小店📌，佢哋各種中西食燒味，仲有酒醉🍺同埋麻辣🔥兩大系列嘅罐裝小食，包括薰鴨舌，薰蹄，雞卷，豬手粒，雞軟骨，腎片，海蜇，糖心蛋，牛腱，金錢肚，豬耳，雞翼尖等等，款式多到小編都唔知點揀🤔，最後一次過試晒以下5款：-酒醉雞捲💰$45醃製的酒醉味道啱啱好，不會太過濃烈。雞肉的口感非常之厚實，份量都算幾多下，可以喺做yoga / gym 前，當一個輕量晚餐咁食都好夠做🧘♂️🏋️♀️。-酒醉雞軟骨💰$45酒醉雞軟骨真係喺市面上比較少見，雞軟骨的口感非常獨特爽口，咬上去有啲韌性，但係又唔會嚼到牙都軟，過下口癮一流。個人認為好適合夏天口痕痕嘅時候食🍻。-酒醉糖心蛋💰$30雞蛋蛋白係熟晒，但係蛋黃仲係超濕潤，唔知係咪浸咗好耐，成隻蛋勁索味，食落甜甜地， 仲有啲酒香味🍮。-麻辣牛𦟌💰$55陣麻辣徐勁濃郁，識開譚仔三小辣嘅小編覺得又唔會太過刺激，同埋每塊牛腱都勁大塊，唔會碎濕濕，極度建議配搭埋啤酒一齊enjoy!🍻-麻辣雞翼尖💰$32隻隻都勁入味但又唔會好鹹，真係食到上晒癮！🤤
continue reading
有冇人都好似我咁，屋企係個「無飯家庭」，要喺八點之前開飯有啲難度，因為大家都未收工返到屋企🏠 所以加料好幫到手🙊 最近天氣咁熱，好啱食一啲冷盤，見幾多foodie介紹，兩老同我揀左幾罐👇🏽➿ 酒醉薰蹄 ($45)➿ 酒醉雞卷 ($45)➿ 酒醉腎片 ($45)➿ 酒醉海蜇 ($45)➿ 麻辣金錢肚 ($55)佢哋整體都好滿意呢😆 冇諗過酒醉系列同麻辣系列都好多選擇揀～ 👨🏻老竇就最鍾意薰蹄，似上海菜前菜嘅處理方法～🧑🏻娘親就話鍾意雞卷，去骨啖啖肉，厚切又入味～🦥 我最難忘嘅係酒醉海蜇，呢個配搭好少見，打破咗我平時食海蜇只有鹹味同埋爽口嘅印象😆 麻辣金錢肚都推介，份量多，辣度溫和～
continue reading
早2日打風，全日都好乖係屋企休息，落左8號風球之後去左街市行左個圈準備夜晚既晚餐😆早排熱到無咩胃口，見到燒洒一族有醉同麻辣系列既小食，岩哂啦😍買幾樽返屋企看門口先！作為前菜/平日食既小食，又或者想放鬆下做伴酒菜既話都好岩，真係好正！岩哂我呢啲懶人系列😆放係雪櫃，想食麵時又想食小食，係雪櫃拎出黎就岩哂啦😉💫麻辣系列（金錢肚/牛𦟌）食落其實唔辣，係一陣好香既麻香味道，愈食愈香口😍😍先講講個罐包裝，係密封左既包裝蓋，保證密實，唔會倒瀉，乾淨衛生👍🏻全部都係香港製造🇭🇰🔸金錢肚爽口彈牙🔹牛𦟌味道濃，愈食愈惹味💫酒醉系列（雞卷/腎片/薰蹄）醉系列夠哂酒味，勁香口濃郁！每款一打開個就有濃濃嘅酒香味🔹雞卷好有驚喜！啖啖肉！老公醉愛😆🔸薰蹄味濃但唔會太肥，岩哂做下酒菜🔹腎片爽滑美味，爽口彈牙🌟店鋪仲做緊優惠：同時買2罐以上仲會減$5（優惠以店內資訊為準）
continue reading
有時收工已經好夜，街市都閂左門買唔到餸點算好呢？除咗買定啲急凍餸菜包之外，呢啲一罐罐嘅小食類別都唔可以少(⁎⁍̴̛ᴗ⁍̴̛⁎)週末用嚟佐酒更加係嘆上之嘆！✨酒醉雞卷、雞軟骨、海哲三款同樣用上酒醉嘅方式去浸泡，酒味唔算好濃，清清哋好易入口。雞卷食落嫩口、海蜇爽口，而且容易夾起，並無打結或是纏繞住嘅情況、而雞軟骨勁有嚼頭，適合補補骨膠原！✨麻辣牛𦟌、金錢肚另一個系列就有麻辣口味，啱晒小編鍾意食辣嘅～當中金錢肚份量驚人，且相當掛汁，滿是麻香感，味道帶甜；牛𦟌軟淋易咬，帶有牛肉嘅口感，滷製後辛香不油膩，絕對係深宵嘅美食，建議可以煮個米粉或者公仔麵(・ω・)ノ💡小店更加提供一系列特色燒味：鹹香德國燒豬手、燒春雞、烤豬頸肉、醬燒豬肋骨等等，同樣係斬料嘅選擇！📍馬鞍山、藍田、大圍、南昌薈、坑口、大埔、樂富。
continue reading