燒鳥 (Closed)

5月21日19:00在油麻地買完糕盤，便去官涌黃根記食麵，18:30到店，光頭肥老板竟在洗煲。把心一橫再行去尖沙咀，食慕名已久的串燒。店內祇有一臺人，非常熱，店主指向冷氣機，打手勢道慊。要了三支串燒和一瓶啤酒。牛肉露筍：牛肉好精緻，露筍甜。雞肉大蔥：燒得好香，大蔥惹味。雞軟骨：夠鹹香。啤酒：竟是深圳金威，有點失望。除了冷氣不足，還不斷有蚊滋飛來飛去，看來老板要加裝滅蚊燈。我相信冬天來，感受會好一點。

看到網友的食評，於是前些日子曾來此試試。時值晚上，兩人要了一個串燒拼盤套餐，有10串串燒、兩個飯團和兩罐汽水。眾多串燒中，以雞軟骨最正，魷魚、金菇牛肉卷也不俗，雞翼就非常一般。後來又追加了7、8串左右，原來餃子雞翼也很好。一面等店主燒、一面與朋友傾計，一坐便是兩個小時。埋單一計，只是160元，以串燒來說算十分抵食。食物質素不錯，縱地方不太清潔但也可接受。來之時有五六個客人、但坐下之後就沒有人入過，生意之清淡實令我擔憂店主是否可以維皮。另，究竟店主是否懂說廣東話？開頭坐下時和落單時，他好像不懂說廣東話，於是同行友人與他說日語，但後來又好似聽到他講廣東話。

三位麻甩,一清一白兩紅,有乜後果?之前同D朋友一個聚會,ORDER 左超過二十條串燒,用黎送酒仲有乜野好得過佢?飲下一枝飲下又一枝,呢度串燒又水準穩定,位置又靜局,講下講下又一晚,三條友腳步浮浮返歸!

琴日同個朋友放學之後，2 個都唔快食快餐又唔想食貴野，於是去食燒鳥~ 今次去到，好明顯乾淨左，諗諗下，發覺佢換過d牆紙上次食左個串燒飯幾好食，於是今次又再食過，不過今次唔係好餓唔想食飯，於是叫串燒拉麵；黎到之後，個拉麵同平日係出面食果d好唔同，好好味~ d串燒比我上次食更好食。我朋友係第一次食，佢話好食又抵食，佢都話下次會再黎食。我同朋友食完野又唔想走，坐左係到傾計，點知有2個女仔入黎同到無坐就走左喇~ 令佢無左幾十蚊生意，真係唔好意思~

之前黎過幾次，都係食他的18蚊餐，味道就一般啦，但日本仔毅力搭夠。上兩個禮拜，同另外兩條麻甩，幫手搞完d野後，見仲未係好飽，就再也來這裡趕下場。黎到九點未夠，人亦不多。坐低後，就馬上分工合作，有的買酒、有的點野食。叫了很多串燒，各式各樣，加埋連飲數支酒，在頭轉轉的情況下，都唔係好記得d野食名稱。但整體而言，各類串燒都燒得香口撲鼻，佐酒就更顯突出。整個晚上，大家都似乎都有自己飲酒的理由，即使喝多了又何妨？！離開時都搖搖擺擺，須要互相撐乎，可能這樣才算得上「一醉解千愁吧」！

3月5日舞林大會前夕,照例又是先行去醫肚,有時人多都懊惱吃什麼,人少就更加想不到呢!友人提議來這裡吃,都好丫,反正之前幾次想來也不得要領嘛!七時許到來時只得我們兩個,店內仍是描著酒井法子的歌曲……,有說檯面痴立立,好刻意咁去摸摸,都唔係丫,無野喎,店子雖然小一點,但整體感覺還可以!廢話小說,返回講講出品,本來打算今次主打串燒,但因友人喉嚨有點不適,因此婉拒了,望望時間,食串燒又恐怕太趕,故此作罷,於是友人叫了魚生飯,我就叫了豬扒飯,中途加入之友人就要了日式燒飯團(附加兩款串燒)先來的是麵豉湯,只有半碗,略鹹,但都算幾好飲,如果熱番d,我估會更加好飲.魚生飯:如果情況許可的話,魚生應和飯分開上,因為飯是熱呼呼的,但魚生是凍的,但明白到老闆一腳踢,如這樣做就要洗多隻碟,所以都會體諒,魚生有三文魚,吞拿魚和魷魚,切得幾厚,據友人說是不錯.豬扒飯:豬扒厚身,不過靱了點,蛋好鬼滑,送飯一流,飯面上淋了醬油之餘,最讚的是夠熱辣辣,食落去我估佢唔係用珍珠米囉,如果係就更加正喇!燒飯團:有三個,一個好像是芝麻,一個是面層有醬,我估係麵豉醬,兩者也不是我吃的,也是據友人稱,脆脆地幾好食,不過都膩了點,因

見到d 食評介紹ok 專登叫男朋友陪我去試滿心歡喜唸住會有好既食評但有d 失望7:00左右去到坐下見得兩個客人在吃我們坐下叫了一個2set ..兩碗面鼓湯<==味道一般一客咖哩豬柳飯<===咖哩汁好希又好多似食湯飯買相好差豬柳似用水十熟一樣沒有味道一客照燒牛肉飯<==d 牛肉好鹹好鹹勁失望牛油金姑<==得小小味道一般冷豆腐<==算是最ok 既一個可樂綠茶雪糕<==一早上了木台吃完飯已經溶了好多冰同沒有綠茶味$98元

同女朋友去呢度捧場，見下一腳踢日本人。去到入面坐低，面好似之前d人咁講，油淋淋。寫紙仔交單，不過張紙仔就唔係好識填，叫唔到set。老闆一收到紙仔就會做，逐個出。叫10串串燒，一個咖哩吉列豬排飯，一個燒烏冬，兩個人食成都係碟。d串燒鹽燒好好味，汁燒個醬似甜醬，都好味；味噌燒就咸d。餃子釀雞翼味道一流，外皮有蜜味雞翼feel。燒烏冬用菇，牛肉乾燒，個樣有d似乾炒烏冬，味道就普通。咖哩豬排飯個咖哩酸酸甜甜，幾特別。兩個人148蚊落樓，抱住個肚走。抵！要試就試鹽燒串燒，餃子釀雞翼一定要試。老闆服務誠意可嘉，雖然佢唔識講中文，但是服務態度一流，有典型日本人本色。埋單陣我無找到散紙，老闆找好耐散紙比我，之後我找到散紙，佢堅持找比我，話ok ok，想比tips 都唔收。老闆誠意可嘉，值得支持！

老闆是日本人，一腳踼。鋪子細細，店內重覆播放同一日本vcd。晚上來吃過幾次，食物真的不算上佳，飲品也不會特別，以汽水為主。但食物每次也是即落單即整，鹽燒串燒算是比較可口的，不知怎的，自己不喜歡飯團上的醬汁，因為感覺太濃味。老闆面上的表情，看似辛苦但滿足。加油！

聽說這裡的師傅是日本人，就二話不說的來到。我們叫了雞肉串、雞骨串、佢的招牌菜雞餃子、鰻魚飯團、魚生飯。說真的，味道呢就是很一般，不過師傅真的很好人。我說0的mizo 太濃味，佢就整得淡0的好飲0的。衛生喇，的確係唔及其他地方，佢自己一個人，又洗又煮，有時便野唔要求得咁多啦。我識日文，溝通上都冇咩問題，係佢唔多願意講野，只係密密煮、密密洗。很便的一個晚餐。

晚上放學後和朋友由左敦散步到尖沙咀, 約莫二十分鐘已到達燒鳥, 一間細小簡陋的日式燒烤餐廳, 餐廳內還播著十多年前酒井法子的音樂特輯; 和朋友拿起點菜單, 每人選擇了好幾個串燒, 小食等等; 背包中剛好有一支澳洲東南部的切粒子廉價紅酒, 正好用來配合燒烤食品. 先來了麵豉湯, 味道明顯過重; 鰻魚飯賣相討好, 飯粒比較短有點濕氣, 鰻魚肉質鬆軟但外皮不夠脆身, 燒汁味道濃烈; 銀雪魚飯的銀雪魚比一般的小油, 銀雪香味亦比較輕清; 再點了數個燒物, 可能是價錢問題, 份量比想像中小, 其中鹽燒豬頸肉串, 香口野味; 而雞翼餃子製作精美, 可惜有點火喉控制得不好, 餃子中間只帶著微曖.想不到慢慢的飲了一整瓶紅酒, 帶著半點醉意的結帳, 老闆還是帶著樂天的笑容. 沿著尖沙咀海旁一直散步, 散散酒氣, 亦散散心情~

睇了燒鳥的食評很久, 很想去試但次次都俾朋友叫了去他處。日前終於去了一趟。晚上七時, 入門時剛有一對男女離開, 所以店內只剩下老闆, 不過當我同朋友坐下後不久, 又來多了一對情侶。檯面唔算太『痴立立』, 不過做到open kitchen油煙真係少不免。雖然開了電蒼蠅的光管, 不過始終都有不少細細隻野飛來飛去, 或者係佢的碟洗得唔夠乾淨, 因為見廚房堆起的一堆似係乾淨的碟停留不少細細隻飛行物體。因為約了人夜點吃煲仔飯, 所以同朋友只叫了個串燒套餐。鰻魚串就幾好, 只不過個汁好似烯了點, 帶唔出鰻魚個味。牛肉金菇、牛肉露荀、雞肉大荵、雞心、雞軟骨、雞腎、茄子雞肉都唔錯, 日本青椒同個蒜頭就比相像中差了點, 因為無咩燒過的痕跡, 或者被汁料蓋過了食物的味道。鰻魚飯糰極好味, 加了些甜醬在面更加俾佢吸引到, 結果要後加多個。兩個人正餐當前菜都只不過係$106, 咁抵食的真係好難得, 第日一定多到幫襯, 不過希望老闆能改善下衛生情況就好了。

記得第一次光顧燒鳥係舊年ｏ既除夕夜，今年未到除夕夜跟瘦女同學黎左幫襯，本來諗住行遠ｏ的食翡翠，見凍到縮下縮下，近近地行少兩步入去食左過二人串燒餐。依然係one man band、依然係殷勤招待、依然係無乜人幫襯、依然係檯面「痴立立」、依然係指手劃腳剔紙仔叫野食、依然播住ｏ的舊日文歌、依然ｏ既即叫即燒、依然ｏ既一小碟、依然係咁平．．．唯獨唔「依然」ｏ既係，老闆企理左，剪短了頭髮，精神爽利左，識多講廣東話同英語。胸肉軟骨串口感幾好，有野ｏ趙ｏ下咁，燒饅魚永遠都係至正ｏ既，試左鹽燒蝦肉，雖然唔係什麼靚蝦肉，但咸咸地幾好味ｏ架．．．要求唔高，整體上ok，係嫌唔太熱，諗深一層，除非企係廚房邊整邊吃，都幾難話做到「熱辣辣」ｏ既（就算做到，咪又係偉大發明- 微波爐！），算啦，咁ｏ既價錢，仲想點丫！

聖誕節當日，我同朋友一行三人去食，前一晚我細妹去食過，話唔多人，係8點半又係節日又係假期的繁忙時間，都唔想去諗邊到食，於是去食，燒鳥既晚市價錢一d都唔貴，四十幾蚊一個set dinner~ 我地叫左個二人餐同一個一人餐，共三個飯，一隻雞翼餃子，燒雞心串，一個凍豆腐，一個牛油炒雜菇，和味噌湯......唔知係咪好多人味噌湯得半碗到，不過咸咸地好好飲，好飲過平時果時日本廳餐。我地一坐低已經想叫清酒，不過老闆好忙，一腳踢，又唔係好識講廣東話，我由一坐低叫一路叫到我走都飲唔到，不過見佢咁忙，就由佢lu~~~當中雞翼餃子、燒雞心串好好食和鰻炒飯最好食。我地走果時明明計過係$148，但唔知點解佢話係$108，死都唔肯收我地錢，而家已經好少見到咁既人lu~~佢除外係裝潢麻麻之外，老闆態度殷勤落力，食物又不錯，最重要係即叫即整，價錢又平，我會再幫襯。

原來日藉老細唔係取消左下午茶休息時間，只係到四點先收鋪抖兩粒鐘。所謂賤價出死士，今次同女友專為特平刺身飯($18，連味噌湯)而來，女友則點了鰻魚飯餐($18，連味噌湯)。刺身飯有三文魚、鯛魚、八爪魚及赤貝各一片，材料係想像之中既貧乏，當中最好的是三文魚，外表乃四種刺身中較好的，可以肯定的是下次幫襯一定唔會再叫。鰻魚飯一向都好難失手，女友亦食得滿意。飯餐連汽水+$6，合計$48，當下午茶都算唔錯。