燒鳥 (Closed)

有一次同男友行街,我好想食和民,但他不想食,但我又好想食日本野.....行下行下,見到"燒鳥",裡面一個人都冇,但男友竟和我說:不如入去試下.....咁我地就入左去喇......入到去,發現老闆原來係日本人.......我地唯有用英文和他溝通.....我地叫左一些刺身,一些串燒,一個燒雞肉飯,一個燒多春魚飯.....d野食其實真係一d都吾好食,d刺身我仲吾敢食tim,因為感覺上覺得呢間野吾係咁乾淨(可能呢間野裝修我太up得),所以男友佢差不多食哂所有既刺身.....雖然"燒鳥"d野食真係好吾得,但我好懷念佢,因為個日本老闆真係好熱誠,仲有,就係呢間野比我既感覺係好有人情味........還有,就是以往既開心時光.......

講真，呢間d 野食唔係話好好食! 還境亦都唔係話好好!但係我同另一半就好鍾意黎呢度食! 原因係見到個老闆自己一個一腳踼間鋪頭，招呼客人果種熱誠所吸引。一句講哂，好家庭feel ! 又有部細細電視機仔播日本mv~如果講到入面邊種食物最吸引，我就會推介凍蕃茄!不過而家推乜都冇用了，間鋪都執左。所以希望大家見到燒鳥的最新踪影，即刻公告天下pls!

雖然知道closed 有一段日子,但是也要講兩句.在燒鳥食lunch感覺好特別,一路看著老闆對工作的熱誠,邊煮野邊招呼人客,而電視成日都播著酒井法子,再加上老闆的半咸淡廣東話,感覺有趣^^(雖然冷氣唔多凍=p)食物味道還不錯,雖然有些是"現成",不是自家home made,但價錢咁平,仲可以點?!偶爾還會在尖沙咀街角看見老闆匆忙地路過,唔知佢係咪搵緊新鋪呢??!!

12-8-2005 1830要咁樣食雞翼，咁先叫麻甩到盡嘛。縱使這間食店專題介紹係我寫兼出埋街，還加入Foodking 的精心編輯(呢點係講真，自己文筆一向劣無可劣)，在自己的食評中都要出一出，文筆會有些唔同，但如果純評論食物大致上一樣。第一次黎，亦係最後一次黎，環境都幾迫，地下及檯有少少立chichi，冷氣又唔夠，都要堅持坐到最後一刻，無非都係感受麻甩氣氛。食物大致上都講得七七八八，但都要講下雞翼，真係燒得好正，表面好乾身但內裡係熟，唔會係蒸熟先燒，就算係頂級既食店都未必有咁既質素。免治雞肉串本來真係食唔落口，為了支持日本籍老闆兼要學習“忍”，都食了兩舊，好彩第2日唔駛見報。當晚都有新人，但冇嫌棄，人少但氣氛當相好，係我參加咁多聚會中最close既一晚，thx！

一直都有在這附近出沒,但就從來未入過這間店.兩個月前貼出了結業,決定去一次...因為唔知道呢度原來係食串燒為主,兩個人食左味噌湯+餃子雞翼+燒烏東+咖喱漢堡扒飯其實樣樣食物都好咸...唔好食~日本人煮日本野唔一定好食...地方環境也不敢恭維~內向的老闆講廣東話真係好難聽~不過望住佢做野,覺得佢好型,好令人敬佩...離走前同佢講左聲: 好依時!佢都開心的以笑容回應.祝佢明天會更好啦!

大概係兩年前既夏天, 偶然下光顧「燒鳥」呢間日式小鋪, 今日再去, 離結業重有三日, 一切如舊, 日本老闆仍然係咁落力, 一個人做到身水身汗, 店內仍係播放日本MV, 唯一唔同係今日木檯變得油淰淰, 同廚房門口漏水, 不過我一早就知道, 並無介意.最後一次係度食lunch, 叫左串燒飯, 另加鹽燒鰻魚同餃子雞翼.串燒飯有四串串燒, 包括雞翼, 雞軟骨, 多春魚同冬菇, 全部係鹽燒, 雞翼味道一般, 其餘三樣幾好, 雞軟骨並非港式做法, 多春魚同冬菇燒得幾香, 而飯竟然用上珍珠米, 附送既麵豉湯超咸, 但整體上真係極抵食.鹽燒鰻魚變左汁燒, 鰻魚肉幾甜但燒汁咸左D.最後既餃子雞翼, 都係汁燒, 不過無咁咸, 個封口好靚, 幾好味可惜隻雞翼尖燒過火, 不過都係水準之作.串燒幾有水準, 真正日式小店風味, 加上結業前價格下調答謝顧客支持, 唔介意環境既話, 非常抵食.「可惜這個城市裡, 從今找不到你...」, 今後日本師傅何去何從呢??

雖然之前也聽說過這間店，但一直也沒有多大興趣來試，知道它將要結業，便和openrice 幾個食家一起來，食這店最後的一餐。我們到時，已經來了很多人，其中兩位係新朋友，而Lazyqueen坐了一陣便走了。一早知道這裏很細，也只有老闆一個燒食，實在不敢要求一些什麼，能夠食飽就已經滿足了。食物實在上得超慢，一來到不用一分鐘就沒有了，而比較印象深的，相信係雞翼串、鰻魚串、雞軟骨串、日式餃子、尤魚串，其它的就唔多記得了，又因有些沒有食過。這店的食物其實只是一般，但當晚的氣氛的確唔錯，尤其是老闆好好人，請我們飲清酒，又另外請我們一些食物。因當晚係最後一晚，它的酒也給我們飲完，所以我們立刻外出再買一些回來再飲過。當晚談得都幾開心，可惜那裏太熱，都幾辛苦。第一次由6:30pm食到晚上10:30pm才食完(因要關門)，可能因太多人又上得太慢，當晚其實我都未飽。老闆這樣有心做好一間食店，可惜輸給了這現實，實在有點可惜，希望在他新的人生裏，會過得開心快活吧！

知道燒鳥將會結業，星期日下晝就專程到燒鳥黎捧一捧場。食評己經寫過了，今次唔再講，要講既係日本老細為感謝顧客們四年幾來既支持，將所有食物價格下調，串燒平均只$7一串，其餘的set dinner 就減$3-$5 上下，而一向平爆既午市套餐就再減$1至$17，令人無話可說。事後問老細將會情歸何處，老細話因四圍租金都好貴，所以會轉行咁話。睇黎條亞士里道一帶既商鋪將會大執位，事關行過星加坡同fat angelo 都話要搬走。

食左成個月有多，到而家人地唔做都未寫過野，呢度地方實在幾羅命。不過價錢就真係時光倒流。其實如果唔計裝修，唔同爐端燒計，單以一串燒雞皮、一串燒牛利，呢度其實可以比靡南蠻亭、般若湯等。題外話，般若湯而家都好唔掂了。而且真係燒出黎，唔同好多地方的炸。整體的氣氛好失意，由其係好似幾耐向的老闆。不過就好有意境，三五知已，播埋首羅記名曲前程錦繡就…嗚…可能因為咁，連囂張的我黎度呢到都收儉左。星期五暫未知能否抽空到，但希望到時去到的玩得開心D。

和豬公食過下午茶後去了太空館,再到海旁談心至入夜。將近九點是時候OpenRice,行了頗久又知你喜歡食日本拉麵,所以建議去了這間---燒鳥。我們分別叫牛肉及雞肉set meal 和一罐Sprite(雪碧)。所謂的set meal是指有跟麵豉湯,氣水要另加$6。那位懂中文的日本老闆先將兩碗麵豉湯送來,等了大約五分鐘才前後送上麵來。我和豬公食了數口已心感今次要在OpenRice大彈特彈一次。先講豬公的牛肉拉麵,牛肉粗糙到不得了,像鞋底般粗硬;再講我的雞肉拉麵,雞肉好嗅,那不是雪嗅味,我曾懷疑那是H5N1雞(禽流雞)。拉麵就如未煮透的油麵,不夠熱之餘而且很硬,完全不似拉麵。麵豉湯就比阿伯看的“龍x豹”還要鹹,鈉的成份一定超標,心臓病及血壓高者勿飲。總括所有,唯一合格的只有Sprite,我永遠都不會再光顧那店了。嗚~嗚~ 嗚~ 豬公對不起是我選擇錯誤!

今日同女朋友出左尖沙咀行街，在這裡食lunch。叫了咖哩雞和雜錦串燒烏冬，另加串燒3串，雞翼餃子一隻。今次落單同老板講，佢識得用中文覆單喇，有進步，不過d 枱 椅就仍然油淋淋! 烏冬普通，咖哩放湯令到味道唔夠濃，咖哩裡的薯仔和雞都不錯; 鹽燒串燒好味，汁燒仍然偏鹹，大荵雞，雞翼餃子仍然保持水準，好食!

店面小不過日本仔師傅很努力，很用心。可惜他只得一人，未能顧及全面，所以地方不是很乾淨。地板有點滑，桌面也比較油膩。好處是串燒便宜，只要$8一串，而且味道也不錯。但飯便不行了，還有餃子太多油。

我同beanie一樣又係睇完食評去既今晚兩個人七點左右去到點知得我地一檯客叫左個set D即係10串串燒,2件鰻魚飯糰同2罐汽水串燒叫左牛肉露筍,冬菇,雞軟骨,茄子雞肉,牛利,雞腎,鰻魚,雞肉大蔥,金菇牛肉卷,蝦仁全部味道一般只係鹽燒冬菇同雞軟骨味道較好無乜驚喜而且份量偏少食完要再去食甜品日本仔雖然真係好努力做好不過真係要搞好既話就要留意下環境衛生同D水既味道喇張檯真係好"立"而且D水味道好怪呢!

昨天在openrice 看完燒鳥的食評於是兩口子計劃於火間土晚飯後去食串燒一去到燒鳥門口真係覺得有點"up dup"本來都有諗過不如唔好入去食lor..因為都無乜人係到食野..不過最後都決定入去試下啦..又唔係好貴..而且食評又幾好!~我地選擇左座係熱些少的出面..(其實入面的房間亦唔見得好涼喎..)一坐低就發現..哇..檯面痴立立..好似唔係好乾淨..攪到有d唔自在..um..咁都算啦..於是我地就叫左以下的串燒:- 鰻魚x1 -->好唔掂呀! 上檯時竟然係唔熱的!有無攪錯呀!- 魷魚x1 -->都係好唔掂呀! 上檯時都係唔熱,只係暖暖地!- 雞軟骨x2 -->ok好食..因為似係有燒過同埋係熱的!- 多春魚x1 -->ok好食..係細條d啦- 雞腎x2 -->ok- 餃子雞翼x1 -->ok啦. 不過d汁好salty喎..(飲品:青島Beer一樽..注意..我地兩口子發覺佢d水好似有d怪味所以先至叫beer..但係佢俾我地的柸係有油係面..aiya..好dirty呀! >_<)老實講, 我地兩個人都好失望..雖然係價錢

6月3日，19:40因事到老尖，竟然心思思要到此店。借口1:下雨天不會太熱。借口2:正宗日式串燒，好小咁平要了：牛舌：醬汁極好味，牛舌不會過火鰻魚飯團：圓圓乾乾的，上面有一小團甜漿(梅?)和薄薄的鰻魚片。雞心：口感幾豐富，偶然一次可以。胸骨：乾乾的，還是鹽燒軟骨好。啤酒小不了^m^咁快就翻炒的理由，可能是我欣賞日本仔的態度。