營豐海南雞專門店 (柴灣道)

Open Now

Now Closed

營豐一週年做緊限時優惠活動，4pm前買海南雞飯只需$38，超抵食啊🤩🌸招牌脫骨海南雞飯｜$38（原價$48）會跟一個湯，可以簡白飯/油飯。雞肉嫩滑，雞皮入味，面頭淋上姜蓉同海南雞醬油～仲會付上一包酸酸地既辣醬汁。雞既底部舖左醃蘿蔔，酸酸甜甜好開胃，而油飯既雞油味就唔算好濃。呢間都幫襯左好多年，質素穩定，有時就算系買到雞胸位都唔會覺得鞋。📍營豐海南雞專門店 (柴灣道) (柴灣)柴灣柴灣道343號宏德居5座地下55及56號舖

其實之前都有好多負評，不過呢頭海南雞飯就得個三間，點都試埋呢一間啦。如圖所示，48蚊買得幾舊雞肉仔，個底鋪左酸菜。雞肉又唔係好味，有一件仔既脾位，其他搭晒雞胸肉等，本來都無咩問題，但問題係煮出黎都係白雪雪得個鞋口感，咁就一啲都唔值48啦，亦都唔值得用海南雞專門店呢個名啦。

本身打咗電話落去叫外賣同佢講咗話15分鐘後落去攞，點知15分鐘後落到舖頭諗住講返電話號碼同佢講話攞外賣，佢同我講話未幫你落單要再排過隊，呢一間野一定冇下次唔會再幫襯🤬🤬

平時都係幫襯買雞，琴日路過見到有盆菜訂，即刻訂今晚食😋平時做冬過年先會食盆菜，難得見到有2人即刻買黎試下😝簡左麻辣汁，加熱後一打開呆左😱2人份量都超足料！！所有配料十分入味，麻辣汁花膠出乎意料地好好食！估唔到唔單只雞好味，盆菜都好足料好入味好抵食👍🏻👍🏻👍🏻好食過好多盆菜👍🏻👍🏻👍🏻

今日試食了海南雞飯同咖哩牛腩飯第一份量少第二場咖哩沒有味道第三完全唔好食完全唔明白點解可以有分店絕對唔會再幫襯未食過既人我覺得絕對唔好試浪費金錢又浪費食物第一次食甘難食既野

疫情嚴峻，個個都唔出街食飯同聚會，包括我，今日唔想自己煮野食，於是就落街買個飯自私食算，之前我媽咪成日係呢到斬料，所以我地都好鍾意食呢到嘅雞~今次我就試左佢呢個招牌脫骨海南雞飯同加料香茅煎豬扒，外賣拎番屋企食~招牌脫骨海南雞飯都幾大份，海南雞食落啖啖肉，而且皮爽肉厚，加埋海南雞飯必配嘅油飯，油飯有好香嘅香茅同黃薑味，飯粒粒分明，非常好食，仲有一碗例湯飲，海南雞飯一定要配埋例湯先夠完滿! 例湯熱辣辣，又唔會好重調味，幾清，飲完都唔會覺得好口渴。香茅煎豬扒加料香茅煎豬扒，一件都幾大塊，香茅味好突出，豬扒好易咬，煮到入味又軟腍，果然值得追加!而家疫情就變左個宅女好少出街，有時唔想煮野食，外賣拎番屋企食都係一個唔錯嘅選擇。大家都要乖乖地留係屋企! 到疫情過後大家先再同朋友一齊GETHERING啦~

這外賣店雖然是海南雞最出名，但是我最喜歡它的泰式豬腳，豬腳以用泰式酸辣汁泡著，豬腳上的豬皮十分彈牙爽口，豬肉吸收了酸辣汁，十分惹味好吃，因為此汁的酸度和辣度均適中，互不搶到對方突出的味道，很適合夏天一邊享用，一邊享受一瓶冰凍啤酒。

先前回去柴灣，自從大學一年級後回到呢個我長大既地方既日子寥寥可數，突然想食海南雞飯，走過街頭見到呢個價廉物美既舖頭，連湯加汁加飯都係$45，食落雞肉尚算嫩口，湯水都還不錯。住附近既朋友不妨過黎試一試。一講起海南雞，我諗起大學既canteen。「海南雞飯吖唔該！」有時候有雞髀，有時候無，次次都會問佢可唔可以多薑蓉，姐姐望我一眼，就遞上一小個膠盒裝起來的薑蓉。然後，拎住個托盤去攞野飲，通常飲凍檸樂或者凍檸茶，更多嘅時候係會問隔離左右飲咩，之後就跟佢一樣。大學既生活好簡單隨意，重點從來都唔係個海南雞飯/杯凍檸樂，而係同身邊既老死諗緊陣間有咩攪，講下d八掛唔等使既事。當時海南雞飯既味道，實在唔知會唔會有機會再試到。

第二次幫襯，上次食過藕餅同雞扒幾好食，今次就食咗一肚氣喇諗住lunch time快手買個外賣算，順便幫埋老闆買。當日(2月19日)比完錢，我自己麻煩，想請阿姐分番單，阿姐就係咁話我好麻煩，有咩應該一早講。阿姐講得啱嘅，所以我好客氣講咗幾次唔好意思。香港人，你有壓力我有壓力，我明嘅，但喺我講咗幾次唔好意思之後，亦喺同意等你處理咗其他訂單先嘅情況下，唔好再向你嘅顧客發脾氣啦。另一點係，阿姐負責收錢同包裝，另一位哥哥負責處理食物，但一隻手戴咗手套，一隻無。而家大家身在疫境，要更加注重衛生~最後，比大家睇睇我嘅30蚊BB雞飯：(澄清：賣相原本ok，我係撩過啲雞比大家睇) 有一種食餸頭餸尾嘅感覺味係幾好，賣相原本ok，但比雞翼尖、雞頸、無肉嘅雞背我(有一件正常) ，感覺唔係咁良好。想支持小店，亦明白呢個時勢做生意唔容易，但都希望顧客可以食得有尊嚴。

每逢星期五可以落街食飯嘅機會係好低!因為周圍都係人.我一個人放工攰攰哋唔想周圍去到去咗買外賣.嚟到呢度見到好多人排隊呀!我諗應該好好食㗎啦!排咗幾個到就到我啦！等咗大概5至10分鐘到就 外賣到!我叫咗個海南雞飯加湯 我驚唔夠食所以加多塊豬扒豬扒都幾大塊㗎!一定夠我呢個大食之人!係我等候嘅期間,睇下有無其他美食. 佢哋有兩塊巨型嘅餐牌,列出咗好多嘢食!午餐都唔算好貴三十零蚊!啱曬我哋啲打工仔已經搵唔到嘅午餐我最欣賞既嘢就係放左一些熟食放在窗裡等我哋可以係出面睇到嘢食乾唔乾淨,同埋有唔同嘅靚湯,啱曬我哋啲唔係日日有湯飲嘅單身人士!一間咁好食既海南雞飯兼係海南雞迷既我,我會再來食野嫁.招牌海南雞飯加湯$45香茅煎豬扒$15

柴灣可以算是香港島的其中一個美食沙漠，區內居民一般節日晚飯慶祝，定必需要他區而求，就連普通一人份午餐或晚飯，經常都需要大傷腦筋，然而人龍店營豐海南雞專門店，相信會是居民大熱的選擇。營豐海南雞專門店位於宏德居商場地下，附近人流極多，店舖屬於外賣食店，方便居民外賣斬料加餸或簡單飯餐。餐牌餐牌餐牌今日選擇了餐廳招牌推介，脫骨海南雞飯套餐，餐牌附送無味精例湯，雞肉嫩滑，油飯香，可以算是區內第一的海南雞飯，作為一人份午餐實為首選，難怪於午餐或晚飯時間，餐廳均大排長龍。脫骨海南雞飯例湯餐廳除了有海南雞飯以外，還有其他小食，今日選擇了椒鹽豬扒，味道好，廚師好貼心幫忙將豬扒斬件，值得一讚。

營豐海南雞飯專門店喺柴灣開咗一排，有時經過都見到好多人排隊買飯盒，老公都買過嚟食，但係我就未試過。今晚得我同囡囡喺屋企懶煮飯，就落街買海南雞飯加一塊煎豬扒。六點行到舖頭，已經要排隊，好彩排幾個就可以落單，大約等5至10分鐘就攞到外賣。外賣店門口個易拉架，見到原來午飯時候，呢度一個飯先30蚊，真係好抵，下次晏晝唔知食乜，又可以嚟買個飯盒。返到屋企個飯盒仲係熱辣辣，去骨海南雞飯仲會送一碗例湯或者一罐汽水，我就揀咗湯，係紅青蘿蔔湯。味道唔錯，清清地。去骨海南雞真係好滑，有驚喜，而且雞味濃郁， 真心唔錯。油飯分量好多，夠曬同囡囡一齊分，而且黃薑味好香。煎豬扒香口唔會太乾，好juicy，送飯食唔錯，下次再嚟買半隻海南雞加餸。

今天同毛毛又派左去柴灣做野，又到月尾，荷包硬化，得嗰100蚊包兩餐，要係午餐時間食得好同飽，都唔知食咩？見街市轉角，有間細舖仔排左好多人外賣，根據柴灣搵食法則，所以走過去看看嘩！原來12-2點有優惠，30蚊就有一盒海南雞飯， 唔止啊！還有無骨豬手飯， BB鴨飯， 椒鹽豬扒飯，酥炸雞球飯非特惠時段，款式都仲多，有醒胃的撈檬系列同咖哩系列我地點左佢地嘅招牌菜海南雞飯同無骨豬手飯點後約5分鐘就攞到外賣，立即急不及待食，份量適中海南雞飯：雞肉嫰，油飯黃金，蔥薑蓉酸菜入味無骨豬手飯： 豬皮彈牙，肉嫩，骨膠原滿滿（黏嘴的）還包有中湯：今天是冬瓜雞腳薏米湯，味道材料都不錯

本身自己都住喺柴灣附近 嗰日經過見到有間新開嘅海南雞飯 門口掛住嘅雞好似好新鮮 賣相又幾好咁 所以今日收工 屋企又冇煮飯 就一於試吓呢間先！😏呢間餐廳喺柴灣體育館附近 都易搵！呢到除左海南雞飯外 都仲有其他飯類架！另外仲有其他小食都好吸引！🙈之後我就當然叫一個海南雞飯但係慢慢食啦！☺️呢間海南雞飯嘅外賣都擺得幾靚-招牌無骨海南雞飯🐔-海南雞飯除咗個雞要鮮嫩之外 個飯都好重要！而呢間餐廳就真係用咗黃姜飯加少少雞油煮所以令到個飯增添左雞油嘅香👍🏻另外個雞都煮得好入味之餘 雞肉仲好鮮嫩！咬落去啖啖肉又唔使拆骨 好方便 啱晒我呢啲懶人😂個套餐仲有例湯餸添阿！例湯落咗唔少材料煲而且唔會太過重味 幾舒服☺️整體來講呢間海南雞飯又近又方便又新鮮 而且價錢又唔貴 下次收工冇飯食都可以去再買！👍🏻👍🏻

屋企貪方便就落街買外賣反屋企食😂之前食過覺得都幾唔錯所以再去食😋雖然招牌菜係海南雞飯 不過除此之外都有好多其他野揀👍🏾價錢全部都算係合理 幾值得呢個係豬頸肉飯🐷D肉好嫩 好輕鬆可以咬開 加埋個汁 超夾 仲有唔係好肥！肥瘦比例啱啱好啊 而且無論係飯或者餸都會比好多呢個係雞排飯🐔同樣D雞排都比左好多分量 雖然有少少黑椒 不過唔係好辣 覺得個味道剛好 雞肉都唔「鞋」最招牌就係個海南雞飯 飯真係有油飯或者普通白飯比人揀☺️個油飯算係幾好食💗D飯又粒粒分明 仲有海南雞上面會配左D薑蔥同醬汁🤤雞肉超嫩口 皮同肉係黐埋一齊💛唔止D嘢食好味 而且老世都好有人情味👹對客人既態度和藹親切 推介大家去試 而且包裝包得幾好 可以安全咁拎反屋企🥳