琦興餐廳

Open Now

Now Closed

黃店搵食 無意中試左呢間價錢十分公道 選擇超多 落完柯打十分鐘內上齊野食👍我地試左西蘭花雞肉 同埋 黑椒薯仔牛柳粒兩個餸味道十分對得住嗰價錢😋😋仲要跟埋湯同野飲平時少寫食評 今次忍唔住分享 好味+良知💛👍

今年第一餐煲仔飯，幫襯咗深水埗嘅琦興餐廳。三個人，叫咗兩個煲仔飯，另外再加隻小店名物生炸巨型雞脾。首先要讚既係價錢好親民：煲仔飯六十蚊起就有交易，加個炒菜都只不過係加十蚊，店員仲送我哋一人一個例湯，超級窩心🥰。兩個煲仔飯嘅配料都係一絲不苟：薑絲椒絲大蒜紅蔥頭一應俱全👍，我較為鍾意蒜蓉鮮魷，因為魷魚夠新鮮，蒜蓉夠惹味；臘腸排骨雖然都唔錯，但肉排則略嫌唔夠肥美。兩個煲仔飯都有少量飯焦，唔算燶，火喉欠咗少少，但整體嚟講非常唔錯。至於個炸脾就真係幾震撼，我影相時專登用隻湯羹做比較，大家可以想像巨脾到底有幾巨😮。成隻脾我覺得最好食嘅係塊皮，有啲似串燒店嘅炸雞皮，又薄又脆，超正😍；味道方面，始終係雪藏嘢，肉味就會差少少，不過咁大隻雞髀，啖啖肉，慢慢𡁻，其實都係一種享受🥳。

繼上次同老細a食過琦興外賣之後,老細b又要食,要捉緊煲仔飯最後既尾巴~今次早左叫外賣,預定一小時後送到,果然,準時由單車姐姐送到,是日都係一品煲仔飯,海南雞半隻,黑椒牛柳粒, 海南雞有油菜同湯跟埋,但我想飲紫菜湯自己整左XD一品煲仔飯同之前一樣咁足料,賣相一樣咁靚,一樣咁好食,不過今次冇飯焦XDD海南雞個樣好靚喎,都ok喎,雖然唔夠後生仔海南雞咁滑,但都ok既, 黑椒牛柳粒香口惹味,肉質有咬口得黎唔韌.配料有薯仔同紅青椒~結果呃左老細b比今晚哩餐~~(上餐係老細a比錢)

係公司成日想食小菜,又想食煲仔飯,好彩琦興餐廳有原煲煲仔飯外送服務,仲有單車車隊送外賣我地先食到.同老細A話未食飯,好啦,打個電話去琦興叫個外賣先,一品煲仔飯,古法蒸盲魚,鹹魚雞粒炒飯,過左一陣,外賣到啦!!打開一睇....嘩!好正呀,個煲仔飯夠曬足料,有瑤柱,臘腸,蠔豉,臘肉,份量唔少,滿滿遮住曬d飯,係根本見唔到飯!冇甜豉油,自己加d生抽焗一焗,再打開,香氣四溢,挾起d餸撈均個飯先,竟然有飯焦,唔係次次都有架,臘味既油份同瑤柱既香味滲曬係飯度,真係好好食.古法蒸魚,有肉絲既?原來古法蒸魚就係冬菇肉絲蒸魚,魚肉結實,豉汁惹味,甜甜地又鹹鹹地,D 肉絲同汁料撈飯都一流,可惜今日全部都係有味飯唔洗撈呢XDD鹹魚雞粒炒飯,老細a指定食品,佢話想食得清淡d(?)入口鹹香,飯炒得夠乾身,好食呀,咁其對今晚其他餸菜的確係清淡d 既XD

呢間真心好抵食🤩平時晚飯叫小菜閒閒地都七十幾蚊八十以上🧐但佢完全係良心價，60蚊就有湯有飯有餸有嘢飲，仲要味道同份量都唔差，唔會偷工減料👍🏻==============================🍽 琦興餐廳📍 深水埗通州街294號地舖⏰ 星期一至日 06:00 - 22:30==============================【自選小菜一款 配送例湯、白飯及熱飲】$601️⃣【沙嗲金菇牛肉🐮】出面食到嘅牛肉通常係用肥牛片，但佢用嘅係牛肉片，感覺無咁肥🙈沙嗲汁唔太濃，唔會過咸，不過可以再濃味啲😚整體份量好足，味道好正常，送飯一流👍🏻(🔥怒食指數：8/10).2️⃣【金銀蛋白菜仔🥬】白菜仔好新鮮，一啲都唔梅，仲好爽口同埋有菜嘅鮮甜味😋個上湯都係偏清淡，係靠鹹蛋同皮蛋調味，整體來講唔錯，如果係想健康啲有菜食嘅話值得一試🤪(🔥怒食指數：7.5/10).3️⃣【回鍋肉片🍲】味道辣辣地🌶好惹味😗菜同肉嘅份量都差唔多，肉片偏瘦，係冰鮮肉片，口感就好一般，如果肥啲就更加好味嚕🙈(🔥怒食指數：7/10)==============================🔥評分：環境：6.5/10 味道：7.5

出開深水埗，咁啱前一日見有介紹呢間良心小店，專登黎試下，不過個位幾隔涉下，真係要特登行過黎先去到。menu超多選擇，除左一般既茶記野之餘，仲有打冷。 一場黎到緊係要試個招牌炸脾，配薯條，啱啱炸起，係辣咀ga. 雞脾堅大隻，塊皮炸到好薄好脆，超正，但肉就唔算話好juicy, 正正常常。 個薯條灑左少少鹽，好好食。 常餐叫左沙嗲牛麵，d牛食得出係冇乸過，所以唔會冇晒肉味又超淋，但都唔算靱。 幾好食，沙嗲都夠味，麵煮得啱啱好，唔會太淋。 本來仲想叫多個西多，但食唔落，下次黎先試。😋

做完運動就到附近搵間茶餐廳醫肚男朋友係到食過午餐同下午茶今次試埋晚餐我地揀左一個 二人套餐可選擇鮮雞/滷水鴨半隻 + 蒜蓉炒時菜/芝士焗西蘭花+ 自選小菜一款包兩碗白飯和飲品我哋叫咗🐓薑蔥霸王雞半隻、蒜蓉炒白菜仔、粟米炸魚柳、凍檸樂（+$4）、熱菜蜜 total$168薑蔥霸王雞好大碟，一送到上枱就聞到好香薑蔥味，半隻雞都好大份，鼓油剛好唔會太鹹。蒜蓉炒白菜仔表演正常。粟米炸魚柳幾香脆，炸粉不會過厚，魚味一般，不過份量一樣多！

位置其實都唔太方便，但附近可以揀既野食的確唔多，下午茶都幾多人排隊，雖然搭枱但都有野隔住，幾安全，只係比較迫少少🙈今次嗌左常餐沙嗲牛米，火腿奄列牛油方包同潮式雲吞米線🙈要強調，沙嗲牛同火腿奄列真係極出色，絕對係兒時茶記味道，沙嗲牛香得黎夠味，少少辣，牛肉唔會太淋；奄列唔會太油，煎得夠香足料！！雲吞米線係應該係舖頭包既雲吞，好大粒好足料，而且個皮都幾滑😜個麵仲要勁多，完全係午餐都未必食得哂奶茶就比較甜，但茶底真係交足功課夠香🤤埋單仲要大概80蚊，抵到！！

今日約朋友行鷹巢山看日落，所以先吃好西才出發！今日試深水埗琦興茶餐廳，近排大熱！聽聞琦興現在是呀仔接捧！店舖裝修幾有特色，一邊牆掛有香港特色的畫，還有座位地方也夠寬躺⋯⋯巨型生炸雞🍗下午茶$37和一杯紅豆冰+$5可以加薯條或沙律，雞脾真係幾巨型，皮炸很夠脆，可惜今日廚房應該重手左，雞脾和薯有啲過咸..紅豆冰就一般，紅豆不夠沙，如果再淋啲沙啲就更好...茶餐沙嗲牛肉麵火腿奄烈餐包，跟凍檸檬茶，沙嗲牛肉麵很足份量，牛肉有厚度，沙嗲味濃是濃可惜湯底過多..少啲湯，沙嗲應更濃！

香港政府扭盡六壬推出新措施，規定食客進入食肆用餐前必須使用安心出行或在紙張上寫下姓名和電話號碼資料的第一天，我的早餐是在這裡吃的。原因，第一是因為肚餓，第二則是因為這是一間屬於少數派的茶餐廳。從何見得，從餐廳內的第五代黃色扭卡機可見一斑。簡單地叫來堪稱經典的港式早餐：「沙嗲牛肉麵 + 火腿煎蛋 + 牛油方包 + 少甜凍奶茶」（$34），沙嗲牛肉麵的牛肉切得頗厚，頗有份量；沙嗲湯略鹹，仍可接受。火腿煎蛋與牛油方包水準正常，少甜的凍奶茶也真的不太甜。這餐廳格局無甚特別，招呼也非特別好，但既是良心食店，感覺卻是特別良好。這一天，沒有安裝安心出行的我，只以餐廳提供的紙筆寫下個人資料，倍覺安心。

2020年12月頭到訪，尚有晚市堂食的日子.....傷心💔幾時可以再安安樂樂食個新鮮滾熱辣既煲仔飯？ 雖然我成日出沒深水埗，但真係唔搵都唔知呢個位置有間食肆仲要係良心店，從來冇轉入呢條街望 材料足、味道都好，係飯略嫌過濕但有好多最重要既飯焦價錢合理兩人入座，坐一張好長好長既卡位闊落舒服、環境光猛、服務都唔錯有禮除左煲仔飯，都仲有小菜套餐聽到收銀不斷收到電話外賣order睇黎本區街坊都好支持亦表示質素有保證有機會都要試下

見屋企附近新開張，平時行過都見有人排隊，今日諗住試下佢地既外賣，叫左咕嚕雞球飯，點知返到屋企打開左先知佢比錯生炒骨，咁都算，食食下仲要見到原隻曱甴，即刻嘔返曬成個飯出黎。建議幫襯這間鋪頭要小心食每一啖飯!!除時曱甴食落肚都唔知~

估唔到公司附近有間黃店茶餐廳！黃既茶記真係好少有 仲要係咁好食🥺💛睇相見到個生炸巨型雞脾飯好似幾正 男朋友同我都嗌左🤤茄汁/白汁/黑椒汁 任選一款 送例湯~叫左茄汁另上 驚啲汁會浸腍左隻雞脾男朋友就叫左重口味黑椒汁😆好邪惡啊！其實我平時盡量都唔會食啲咁熱氣既野 不過我好肯定如果我下次再黎都一定會嗌返呢個！一上枱果然係熱辣辣😆隻雞脾好大隻 皮好香好脆 一啲都唔厚粉👍🏻肉好嫩 咬落仲好Juicy 必哂啲肉汁出黎🤩🤩調味仲啱啱好！呢隻係我食過最好味既生炸雞脾！希望可以keep住個水準！

今天和2個朋友共3人一同到深水埗琦興室吃晚飯小菜,叫了五個餸都只不過350蚊左右,小菜分量大碟.包湯及餐茶.首先叫了清蒸鮮時魚（盲曹）及半隻霸王雞套餐（送芝士焗西蘭花）只需162蚊,並在叫了椒鹽鮮魷及沙爹金菇牛肉煲.清蒸盲鰽魚新鮮多薑蔥豉油汁刚好.半隻霸王雞肉質淋好味椒鹽鮮魷香脆口,炸粉薄,配合喼汁好味沙爹金菇牛肉煲味道一般汁醬比較多.整體小菜性價比高,餐廳環境闊落,服務員熱誠.不用加一收費👍🏻

深水埗一直只係行下腦場，鴨記，好少行大南街一帶，原來開咗唔少文青店，行完食個下午茶，醒起附近有間琦興，以巨炸肶出名，雖然邪惡，但點都要會一會佢。門面，內部裝修都係新派茶餐廳格局。其實，睇佢個餐牌，晚飯都好多小菜選擇。不過，一心來會巨肶，其實都唔洗睇其他選擇。$37巨型生炸雞肶下午菜餐，飲紅豆冰，菠蘿冰，仲可以加$5加沙律或薯條。真係夠晒邪惡！終於巨肶上枱，真係重量十足，比起細個咸豐年代大家樂炸肶重手大件！炸肶最基本皮脆，大家睇相都知一定過關。肉質方面，阿廚可能無睇火，係炸得有d過火，入面肉質有d乾。整體比7分，大件抵食，味道唔錯但有改善空間。至於菠蘿冰，雖然菠蘿都唔係咩值錢野，但差不多成杯都係，都係少見。