甜品哥哥 (Closed)

11月14日（星期六）晚，和女友在朗豪坊看完電影，女友想吃點東西才回家，那當然是甜品！本想帶女友去「甜品革命」，不過門口的人群已令我們卻步，正當女友懷著失望的心情去巴士站時，在轉角位給我望見這店，於是轉地方來這裡。店子不大，選擇卻頗多，有點花多眼亂，女友很快就想到吃芝麻糊燉蛋白，我就望了很久才想到試試清心丸黑糯米，後來更追加一碟擂沙湯丸。女友的芝麻糊燉蛋白很不錯，芝麻糊不是開粉的，蛋白帶有蛋白味，兩者皆味道濃厚，口感香軟滑溜；我的清心丸黑糯米反而成了三不像，清心丸竟然是類似大菜糕的方粒，黑糯米就真的是一堆煮熟了的糯米，白色的液體又是不香不濃的椰汁，我倒是第一次吃沒有“甜湯”的黑糯米，吃得已屬半飽的我幾乎牙關也酸軟，而且很飽很辛苦，但這碗所謂“糖水”的甜度是零！後加的擂沙湯丸也祇是沒有薑湯和放上類似“木糠”粉的芝麻湯丸而已，幸好湯丸煙韌軟綿，芝麻餡料夠濃味，挽回不少分數。“革命”嘗未成功，我倆仍會努力嘗試的！！！

超愛甜的我,食完飯總係想包1碗糖水返家. 因甜品哥哥係正屋企樓下所以經常都去外賣糖水返家.我覺得佢係個芝麻燉蛋白叫吾錯,其他都麻麻.但芝麻糊佢就比吾上大良8記,佢呢度果d好似用水開咁又太甜.其實佢呢度吾算係好食,係麻麻地,但賣d糖水算貴,個人覺得吾值 ..

今日(20-1-2009Tue)男友放工o黎食飯,又順便買甜品o黎,佢o係呢o度買o左$18.00o既芒果布甸畀我爸爸食.我又偷食兩啖.打開,好多淡奶啊,食吓布甸,算幾滑,但冇乜芒果味,芒果肉唔酸但有渣.

2人分別點了-寄生旦茶 - 只旦好滑ok; 但個茶就超甜...飲唔落...$13一只旦-紫米露- 一半係西米, 成碗野冇乜味, 杰撻撻又唔熱...想點?!-芝麻湯丸 - 唔太差不過不算好食, 亦唔夠熱冬天去食湯水, 喜歡熱辣辣的...佢完全唔合格.食唔哂埋單閃人...

尋晚(29-12-08 Mon)男友突然話o黎食飯,順便o係o度買甜品o黎.,爸爸同我o地三個食完飯後就食喇,男友買o左兩碗榴槤金露同一碗蛋白芝麻糊.爸爸自己食一碗榴槤金露,我同男友兩樣都試.我o地都先試榴槤金露,好凍,有冰o既?但好香榴槤味,有椂柚肉同西米,甜度o岩o岩好,但我o地o個碗好少榴彈肉,椂柚肉有正常o既微澀味,我問爸爸食唔食到,佢竟然答佢o個碗冇,只係有好多榴槤肉,又冇冰.啊,佢揀o左碗勁多榴槤o既,但我男友話唔係喎,佢隨手拎,都冇開蓋睇過.哈,咁唔通係要兩碗撈埋再分?不過呢個甜品可以encore o既,之後到蛋白芝麻糊,暖暖地o既,蛋白夠滑,芝麻糊有少少燶味咁.好似比榴槤金露遜色.男友唔sure幾錢,佢話榴槤金露應該係$20.00一碗.

朋友介紹, 過時我有咳, 咳了幾個月, 但為朋友, 都一起去食甜品.老闆娘見我咳, 介紹了一個 紅棗海底椰桑寄生茶. 很好味, 清甜得來一d都唔「漏」 而且還醫了我的咳.朋友們都話佢地的甜品好食, 甜得啱啱好, 不會漏. 值得一試

去房間前, 幫余生先去 7-11 幫了個三明治, 心思思想買甜品去房間裡吃, 製造 "甜".打電話給他問他吃不吃, 他叫我幫他選. 自個兒甜甜的幫佢點了個冷的芝麻糊, 我知道他喜歡吃. 自己則要了個黑白配.．芝麻糊：嘗了一口, 芝麻好像太少, 糖加得太多, 太甜了點. 不算香, 也不太滑, 當然比不上大良八記, 但要 $12, 我記得大良八記好像是 $10?．黑白配：裡面有芒果, 西瓜, 蜜瓜, 蘋果(?), 波羅, 涼粉, 大菜糕, 一粒粒的出面透明, 入面有粒黑色野的好 "煙 un" 的野, 還有芒果醬. 不太甜, 味道剛剛好, 食起來感覺蠻清新, 是能令人有好心情的甜品. 不過要 $22, 份量不算多, 好像有點貴, 還是我還未適應通漲?芝麻精不行, 但黑白配行, 所以只可以給 "OK".休息時邊吃甜品, 邊看電視, 輕鬆的對話, 我喜歡房間中的空氣.

想不到黃金時間仍可拿到十個位子。要的是「黑白配」走甜：無落糖漿既黑白配，有芒果醬（...）、各式新鮮生果粒（西瓜、蜜瓜、哈密瓜、柿、菠蘿...）、大菜糕、涼粉、黑珍珠同玻璃珠；感覺好fresh（D生果），心型的涼粉（黑）好顯然切得太薄同太稔，蛋花大菜糕（白）既口感，亦好顯然同其他食物唔夾，再加上整得麻麻...其實椰果都算係白色吖，若果落椰果或者會好D。其他人既「黃金入球」（榴槤刨冰加芒果金柚之類）、桂花蓮子清心丸湯丸、煮到融既腐竹雞蛋糖水...好似都各有千秋。無，無改錯名，不過係搭錯料，或者我叫錯掛。

1號果晩食完野，行左陣，個fd話想食糖水，就去左呢度。我叫左個合桃芝麻糊，個fd要芝麻糊。今次d野好唔掂！又淡又稀！好少晌呢度食糊類o既糖水，之前都係食果d比較特別，其他地方冇得食o既，估唔到今次咁，有d失望！

一路幫襯開太子道甜品哥哥都唔錯，未試過旺角呢間，上兩個禮拜同朋友行過見到，入去試下，其實見到門面都打左個突，環境亂七八糟，不過如果好食都算，叫左個黑珍珠飄雪同熱紅豆沙，前者刨冰，兩個勁唔掂，無賣相，無味道可言，刨冰:刨冰+涼粉+芒果肉/汁...份量錯晒，配搭完全唔掂；(太子店:刨冰+涼粉+大菜糕+黑糯米+椰奶，上見得人)，紅豆沙好淡，水汪汪，無味，超級市場好過佢，食到咁上下撥到刨冰個底有個鐵片狀的東西，jesus，無問，即閃。一定無第二次。

我早兩晚去食,明明要叫加湯圓,侍應小姐好似冇聽到咁,落錯柯打,其實食物質數麻麻地啦

中秋果時諗住bbq，點知落雨！於是出去其他地方食野，之後去呢度食甜品。我見有幾種甜品都幾特別，最後揀咗椰汁鴛鴦珠燉蛋白。鴛鴦珠係黑珍珠同類似西米嘅野，不過比西米爽d，燉蛋白喺底，一d都唔"漏"，淡淡地唔錯，啱晒做飯後甜品。