發記腸粉粥品

Open Now

Now Closed

豬潤靚雞粥 $54好味指數 5/5 🍭🍭🍭🍭🍭{豬潤厚身大件 熟度剛好 帶點爽口 豬潤同雞都好新鮮 雞件都好大件 不油膩 肉很嫩 喜歡食雞或豬潤 一定要試下 粥很鮮甜很綿 不會好稀 整個粥好暖身飽肚}靚靚鮮蝦腸 $22好味指數 4/5 🍭🍭🍭🍭{腸粉很大份 蝦肉大粒爽口 非常鮮味}傳統牛肉腸 $20好味指數 3.5/5 🍭🍭🍭🍬(腸粉很大份 餡料很飽滿 牛肉熟度剛好 只係有點鹹}

第一次嚟食呢間小店！今日係探住喺元朗嘅朋友，自從介紹完佢食靠得住，佢就愛上咗食粥！加上而家天氣凍冰冰，食碗熱辣辣嘅足最適合我哋兩個人一齊share食一碗粥腸粉同埋豬紅價錢非常相宜，比起靠得住好明顯平好多！佢仲要啲粥煲仔相好大碗㗎 ！雖然其實都係一人份量嗌咗個及第粥，即係豬什粥，原來有人會唔知哈哈 因為我朋友話冇豬什粥，我話及第粥就係🤣🤣關由於太肚餓嘅關係冇逐一影！應該有三片好大好厚嘅豬潤！靠得住最多都係得兩篇，仲要貴成倍🥹佢仲有新鮮嘅肉片，粉腸！雖然沒有豬肚，同埋豬腰，不過都冇所謂因為佢呢幾樣嘢已經勁出色，勁大碗！嗌咗個發記第一場，即係有叉燒下同埋雞蛋！勁大份只係$27而且材料極重做！雖然覺得游咗少少，但係都係地道嘅口味嘩你睇吓完全個腸提醒落雞蛋喺度，入面仲有蝦同埋叉燒，我諗應該一條腸粉係有一隻蝦，雖然係急凍蝦，但係都大隻㗎你諗吓呢樣嘢只係27！正豬紅$28大大碗，豬紅比平時嘅好味，我都唔識講點解好味啲但係就係好味🤣🤣嚟呢度就唔好期望咩環境同埋服務好好！不過呢度勝在有獨立廁所喎如果唔係丸嘅話我應該會瘋狂食😂🤣

首先講環境：預咗係舊式，但係冷氣真係好唔夠🔥，本來一心去食粥，結果我哋只order一碗粥分享😅建議改善下個冷氣。跟住講服務態度：有一位 負責落order 女職員比較勞氣，收銀果位女職員👌炒麵🍜：椰菜☘️同芽菜🌱都幾多。麵質啱我，唔會太淋。份量都幾多幾大碟。炸兩：腸粉唔厚皮，唔會糊口，但係炸兩唔脆，比較失望。豉油偏鹹。皮蛋瘦肉粥🍲：十分足料，連蔥花都多😆，最後皮蛋食剩少少。粥底可以，比一般冇咁糊狀。

元朗一食粥一定諗起發記，雖然都知姐姐態度唔係咁好，不過啲粥真係好食，所以都係繼續要去😜最愛豬潤粥，豬潤處理得好好，唔會過老，另外上次外賣蘿蔔糕返屋企，拎返屋企氣炸後更好食。

嗰個呀姐入甜醬好辛苦我明白，但炸両冇甜醬真係唔好食，次次都唔比，買兩盒就比一包，算啦，去第二間食，不過鷄粥的確係正，基本上全部野都唔差，就係個阿姐唔比甜醬人，幾無謂。

食完昨天的富記牛雜，呢舖真係肚痛到腸胃炎，在等睇醫生嘅時候，我去附近食左碗（嚴格黎講係一盆）放左鹽嘅白粥，外加一碟蝦米炸両。餐牌上沒有白粥可選，入內問問，19蚊，清清地清番腸胃。難以想像白粥可以煲到如此吸引，綿綿的，咸咸的，令我一口一口的食著，彷彿肚沒有疼一樣。蝦米炸両的味道還好，腸粉夠滑，但入面嘅油條就唔係好夠脆，影響左整體評分。不過，好似食親間間加蝦米都係油條唔夠脆咁，都係唔加正d又平d。不過，總結黎講，呢間野係好味嘅，仲滿載回憶添。

今日又跑左去元朗搵食，因為食左糖水無耐又唔想食太飽所以今日晚餐選擇食粥😂依家粥鋪叫發記，係元朗都愈開愈多分店，平時我食開近又新街果間，今次去左另一間分店度幫襯。我地一日叫左一碗沙煲生滾粥：皮蛋咸雞粥同蠔仔豬潤粥加一個即拉布腸粉，蝦米叉燒腸雞粥咸咸地粥底幾綿，煮到連d雞油都出埋黎蠔仔粥d蠔大大粒，豬膶好滑個拉布腸份好大份，腸粉皮夠通透，次次食都覺得好正😝係豉油比較咸。兩個人食埋單都係百幾蚊，好抵食

女樓面態度十分十分十分差，黎食個粥要睇人面色。落錯單仲派錯粥仲講到好似我錯咁。諗住唔舒服食粥點知背脊骨落。粥味道一般，唔值得我咁辛苦咁受住氣食。女樓面掛住自己傾計唔會理你，佢地落單鍾意就過黎同你落，唔鍾意你就等下先。環境又迫又窄，坐得一d都唔舒服。外賣落完單唔會俾單或俾號碼你，你要係門口企係度等叫，試過有人同我落同一樣食物但遲過我好多落單，食物準備好個女樓面一叫另外果個人一黎攞左我個外賣，我要等多十五分鐘，但女樓面黑面話唔關佢地事😡😡😡😡😡😡😡😡😡如果大家唔介意受住氣去食或想挑戰自己EQ可以去試下

見好多人叫雞粥同埋蠔仔碎牛粥。。最後嗌左雞粥食😋😋👍🏻.新鮮滑雞粥好味度：⭐️⭐️⭐️⭐️雞好滑，而且好有味，真係好好味。。同埋見佢喺鹽焗雞來。。個粥，雞都好多～見都有其他客人剩係買雞返去做手撕雞。。都唔錯啊😀😍👍🏻👍🏻.發記第一腸好味度：⭐️⭐️⭐️主要蛋，叉燒，蝦。。。個腸粉最好味係佢ge 腸粉皮，做得好滑同柔軟，其次係佢個豉油，食落似甜豉油+美極～好正😁😋.豆漿都抵😀😀

滑雞粥味道鮮美，米粒煮得剛剛好，碎牛粥食落口滑溜，牛肉碎咀嚼起來鮮嫩多汁，散發出淡淡嘅肉香；叉燒腸粉啫係外皮輕薄柔滑，內餡鮮肉或叉燒味香可口，落埋配好嘅豉油，真係好好味！無論係早餐定係晚餐，非常推介俾鍾意食粥又行開元朗嘅朋友。

因為受氣，原本經常幫襯（已有3-4年多，疫情期間都一直幫襯），變成永遠不再幫襯。我同家人2個人去幫襯，一張4人枱有2人埋單，另外2人仲食緊，我倆坐低，無人執枱。到另外2個食客先後埋單，女樓面話有4個食客要坐我地張4人枱，叫我2個轉去門口果邊張枱，我地唔願意轉位，因為門口係冷氣風口位，坐得唔舒服。個女樓面大聲講2次話我地唔肯轉位。跟住佢執左我地隔離2個位嘅碗碟，偏偏唔執我地2個位嘅碗碟，我要求清走我枱面嘅碗碟，講左3、4次佢先至行動。之後我叫左幾次想落單，佢企喺陜窄嘅通道上背着我扮聽唔到。我再出聲時，佢話等緊我落單，試問樓面係背對住食客幫客落單的嗎？全因為我地唔肯轉位就得到咁惡劣嘅對待，最後我地憤而離開。

下午茶時間附近好多餐廳都落場，又好耐冇食粥，所以入嚟試下，鋪位細，但枱櫈都大張，店員見我哋拎得多嘢，仲主動俾多張櫈我哋擺，我哋叫咗蠔仔肉碎粥、及弟粥、炸兩両同炒麵兩碗粥都好足料，啖啖都食到餸，仲多到食唔晒，蠔仔粥都幾重蠔味，炒麵係即刻炒，所以熱辣辣，但個人鍾意幼啲嘅炒麵，同埋少啲椰菜會好啲，太多好似有啲唔夾，炸両就普通，應該係包定，所以條油炸鬼唔係好脆，有啲淋食物份量大，醬料擺晒喺枱面，唔洗問店員拎，價錢都經濟，可以有下次

Throwback 食評✍🏻發記腸粉粥品@元朗試食指數⭐⭐⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·傳統粥麵店例牌1️⃣魚腩雞粥瓦煲上夠熱魚腩滑唔腥雞量多足料但肉鞋2️⃣油炸鬼唔夠酥脆3️⃣炒麵15蚊大大碟超抵食👍🏻4️⃣腸粉夠熱但太膠·價錢好抵食全單唔過百·無論大鋪小店我哋都會盡試盡講Follow我哋bw.foodie

我住呢邊係呢到買外賣真係好方便佢係一間好傳統既賣粥既鋪頭我每次都會叫佢既雞粥 蝦腸 豬雜炒河粉返屋企同屋企人share食😍又平又好味！好過連鎖食粥既鋪頭呢！支持支持，要多啲去幫襯先得❤️

發記腸粉粥品 🍲今次嚟到一間比較舊式嘅粥鋪，menu 全部都係人手寫，成個感覺都有廿年前茶餐廳既feel，咁樣嘅舖頭宜家真係買少見少了😢我一直都覺得呢一種舖頭通常都特別好食！果然係冇估錯😜😜新鮮蠔仔粥 🦪🦪$33蠔仔全部都大大粒，我數過起碼有20粒蠔仔喺入面！！真正做到啖啖粥都有蠔仔，粥底都幾綿滑，仲有濃郁嘅蠔仔味添😍😍一路食一路覺得，$33而家都買唔到廿隻蠔仔啦呀嘛😂抵食又好食！ 大推大推！👍🏻👍🏻👍🏻靚靚鮮雞粥 🐓🐓$46鮮雞味道一樣好出色，一碗入面有六嚿雞件，件件都大大件！呢個粥底嘅味道就更加濃郁，真係有好香雞味㗎！而家天氣咁凍食番碗就啱晒啦！👍🏻👍🏻👍🏻發記第一腸 🦐🐷$27呢一個腸粉由鮮蝦、叉燒、雞蛋整成，鮮蝦比平時酒樓食嘅更加出色，爽口彈牙又入味～如果腸粉嘅皮可以更加滑，就肯定prefect啦！一樣係高分區，都推介大家嗌黎食！👍🏻👍🏻總括嚟講，兩個人$100左右埋單，食完暖笠笠，仲要好味道，我一定會再encore ！💓💓