發記腸粉粥品

Open Now

Now Closed

元朗好多粥鋪，唯獨喜歡這一間，招牌鹹雞粥係必食，估唔到炒河粉都唔錯，河粉比較粗身，吃起身有口感，而且一點都唔油膩，另外仲可以叫炒菜，唔洗淨吃澱粉，蝦米腸都好足料，不過環境就一般，夏天預咗會好熱，煮粥嘅姐姐都好辛苦。

店鋪經營甚長，門外貼有手寫餐牌。雖然環境一般，唔係個個食客都接受到，但勝在食物及價錢經濟實惠，吸引好多人光顧。叫左蠔仔粥($32)，皮蛋瘦肉粥($26)，齋腸(~$13)。蠔仔隻隻飽滿，大小正常，份量非常多。新鮮蠔仔鮮甜，因為來貨貴，所以價錢由原本$30要加$2，但都值得。粥底好似潮州粥款，米粒明顯，會感覺‘水’d。皮蛋及瘦肉同樣量多，香，而尼款粥底就會綿身。每窩粥都熱辣辣送到，冬天食一流。齋腸不過不失，每枱都有醬料可以自己加。腸粉皮厚身，重米味。另外，叫左豆漿，價錢相對上同齋腸差唔多。整體，食物好快就送上，熱辣辣。人情味濃郁。餐牌上既配搭係參考，自己鍾意點配搭都得。以粥店既水準，不錯。

又禁堂食喇之前係發記買過炸兩同炒河外賣，印象中大大兜同幾好食所以見今日口淡淡，就諗住買碗粥返屋企食去到門口已經見到好多人等外賣好多人都嗌碗粥加個炸兩咁我又唔太餓，就同姐姐講要碗艇仔粥得喇等咗5分鐘左右就拎得喇返到屋企一打開碗粥 見到好多生菜同蔥 有一刻覺得姐姐比錯粥我…但係了下了下，又見到有尤魚同豬皮..應該就係艇仔粥黎既不過同我印象中既唔同.. 味道仲好淡可能每間粥檔既煮法都有啲分別啦總括黎講下次外賣粥品不了，都係叫返炸兩最穩陣

發記腸粉粥品成日經過元朗都見呢間粥店大排長龍。今次同埋男朋友一齊會一會佢！今次去到，都係一如既往咁多人，不過由於好多人都係等外賣既關係，等咗大概15至20分鐘就入到。 粥店地方唔算大，所以座位比較迫少少，不過呢樣都係其次，最緊要係啲野好食！發記第一腸 呢個我會改佢個名做發記第一多料腸粉。一夾開，發現佢有雞蛋，叉燒，蝦，樣樣都勁足料，貪心既朋友可以試下。可惜係要包住咁多料，個腸粉就要整厚啲，唔係就好易穿，令腸粉唔夠滑。。。荔灣艇仔粥靚靚及弟粥兩個粥可以一整講。兩碗粥既料都好好食，尤其係及弟粥既豬膶，好新鮮，而且厚薄都好適中。食落去好嫩，完全唔會好乾同鞋。其他既配料例如粉腸，豬肉丸，水魷，豬皮等都正常發揮。 而粥感都算綿滑，但味道略嫌有少少過咸。最後我地叫多咗個牛脷酥餸粥。牛脷酥好香脆，大家都可以試下！

想食清淡d,就去咗呢間粥店食。環境正常，坐得少少逼。食物方面，腸粉麻麻地，唔滑同同埋一夾就散，唔推介。另外，叫咗個糯米雞，睇落好大隻，不過打開入面就冇咩涵，得一條蠟腸同雞翼。粥就叫咗個蠔仔粥，粥黎講就唔錯，粥夠綿，蠔仔都夠味同多。

見到有人留言，即係唔止我一個啦！每次外賣三催四次都話叫佢記得比齊醬料，冇一次比齊，落單又落漏，問多兩句又唔鍾意，話有叫一定有比㗎啦，叉燒腸買到返去豉油都無滴點食呀？？？一係就冇餐具，唔係個個都外賣係返屋企食㗎嘛！喺街度係咪用手拿嚟食？啲嘢又唔係特別好食！以後都唔幫襯！

我地又去咗元朗繼續發掘小店😎。天寒地凍🥶見到間餐廳「發記腸粉粥品」，好彩唔洗排好耐隊，係門口等咗一陣就可以入餐廳🍴嗌嘢食暖下個胃。😮‍💨餐廳簡單裝修，好多人坐低食緊嘢😚。眼見大部分都係食粥同腸粉。😋餐牌係用手寫，d字寫得好靚😍，好有親和力！🥰靚靚咸雞飯🐔切雞飯加薑蔥，雞肉好大件，飯嘅份量都幾多。蝦米🦐鮮蝦腸即叫即蒸，腸粉好滑，鮮蝦好大隻。而且好足料！蝦米炸兩腸🍤炸兩上面再加蝦米。都係即叫即蒸嘅，可惜中間嘅油炸鬼唔脆，有少少硬。大部分都係20幾-30幾蚊，相當抵食。🥸

又跟元朗叔叔入元朗食好西~今次元朗叔叔帶咗我去咗試一間老字號粥鋪「發記腸粉粥品」，粥鋪已有30年歷史，今時今日都依然好多人幫襯，我哋平日夜晚去都要排一陣隊~ 用四個字嚟形容呢間粥鋪就係「物美價廉」，份量足，價錢平，又好食，唔怪得之咁多人幫襯！如果我住附近都會成日食~ 🧡蠔仔碎牛粥（$30）呢度嘅粥係用砂煲上，滿滿一大煲，一煲粥足夠兩個人食~蠔仔鮮嫩又大隻，份量都多，落料好足，從頭食到尾啖啖都有料，好抵食~ 🧡新鮮鯇腩粥（$28）新鮮鯇腩粥同樣落料好足，有鯇魚腩同鯇魚骨，全部都大大塊，味道好鮮甜，超正！ 🧡蜜汁叉燒腸（$18）叉燒腸同樣落料好足，腸粉好滑，裡面包咗勁多叉燒，叉燒甜度同腸粉豉油配合得啱啱好，正！ 🧡肉片炒河粉（$29）炒河好大碟，肉片腌得入味，炒得好惹味，有鑊氣！

港島人既我專登走左去下白泥睇日落，逃經元朗，去到咁遠既地方緊係要咩都試下，而我地就揀左食粥，食得西餐多都會想食下中餐😆當然對環境同service既期望唔會高，好食就得😋其實店入面都keep住full，好多人都快食就走，店入面都係得兩個員工執枱同落單。由於入到元朗，我地咩都食下，所以只係嗌左幾樣輕食。❤️荔灣艇仔粥🥣用沙窩裝住，唔會好快凍🥰最緊要粥夠綿，材料足，有魷魚，豬皮，肉碎，加埋葱花，味道剛好，唔會太鹹👍🏻❤️肉片炒麵👩🏻‍🍳大量肉片，好似食極都仲有咁😆炒得香口，加上芽菜椰菜點綴，麵又唔會太濕。❤️炸兩🍴依個咁受歡迎既食物，都應該好小整得難食，唔係特別出眾，主要想食番傳統既味道，加埋醬油，配埋粥一齊食👍🏻

見最近凍咗所以想食返啲好暖嘅嘢暖返個肚, 呢間粥店都食過唔少次㗎啦, 就算係唔凍既天氣都好都好多人幫襯嘅!今次我就叫咗個蠔仔粥加個炸兩, 一個人食份量啱啱好😄其實睇相都見到佢啲配料好多嘅而且亦唔會細碗, 蠔仔食到底都仲有好多, 粥感綿綿😋😋不過唯一嘅問題就係佢真係好多人, 所以經常性都要排隊就算係買外賣😅佢樓面通常就只有兩個姐姐, 已經負責晒落單, 清潔, 收銀同埋做腸粉都會關到佢哋事, 所以真係踢晒腳, 要比多少少時間等佢哋幫你落單😌

蠔仔粥啲蠔多到好驚訝🤯🤯仲要隻隻都漲卜卜㗎成碗粥都係蠔😆😆😆😆😆😆😆仲有芫茜蔥都好香🥳🥳蘿蔔糕好香 足料 煎得剛剛好 不會太焦👍🏽蝦米腸好食😋

發記腸粉粥品 #生滾雞粥 #豬潤蠔仔粥清淡中的奢華 天氣有啲轉涼又唔知想食乜 屎窟痕去咗元朗為咗去過一啖清淡嘅雞粥佢個雞係黃色 嫩滑可口其他嘢可以唔食 呢個唔可以我見到每一個人都嗌一個炸兩跟住又嗌左一份 其實唔脆咋可以放棄 口味唔同呀你鍾意可以嗌$19個炒米粉真係要試吓有家嘅感覺 不油不利我會再嚟㗎#元朗 #粥鋪 #發記腸粉粥品 #元朗美食發記腸粉粥品 #生滾雞粥 #豬潤蠔仔粥#元朗美食

搬黎元朗一年都未識搵食，昨天同事介紹食發記，趁今早不用太早去荃灣便幫襯下。每次食粥店我只會叫白粥，今次一樣白粥腸粉$29白粥上菜時很大碗也很熱，是兩人份量，比以前食開的大很多。味道剛好不用落調味也可入口。腸粉味道可以，咬感還好，只是腸粉皮太厚，但也可能是太厚關係入口有煙韌感覺。看食評說已經差了，但我因第一次去沒有太差感覺，我會再幫襯

之前個幾年食都覺得還好，都幾好食，但係自從開左分店之後，兩間D質素一下子差到貼地。食落去好似隔夜腸粉咁，腸粉皮厚到好似海綿蛋糕咁，記得以前食佢既叉燒腸，佢係會切碎D叉燒跟住先攞去捲腸粉，依家直程懶到切都懶得切，求其捲幾塊落去就賣比人。 第一次食到咁大差別就話可以體諒/包容，但係自2020年起，每一次買返屋企食，都係差次，劣品既食物，今次真係決定以後都唔會再幫襯。（第二間分店更加唔洗講，比總店更差）

因為無位 所以坐咗門口位 食到一半 有位亞姐將門口檔風屏打開咗 我問位姐姐甘樣好熱喎 姐姐話因為多人出出入入所以要打開檔風屏 當時唔係真係多人到爆場 食緊碗粥 出面啲熱風兜口兜面吹入嚟 一路食一路滴汗 大埔深水埗重多人啦 人地都唔會打開對門啦 個位亞姐重要態度差 重話元朗係總店 其他店好好多啦今日路過元朗 諗住試下總店係咪正啲 點知原來係甘樣 又無電話發表下意見 所以係度借位反應返 個位姐姐嘅偉論 甘不如拆咗個檔風屏啦 碗粥未食晒都走人 以後都唔會過元朗店食啦