白木屋居樂屋 (Closed)

大約一年前一行四人試過呢間餐廳，那次串燒魚生壽司都有叫，覺得味道唔錯，所以前晚同男友成九點鐘行完商場就嚟開餐。因為唔肚餓，所以只係叫咗一客炒烏冬，一客煱燒蝦天掃羅湯烏冬同一客燒牛肉沙律。炒烏冬- 油到不得了...有啲咸肉片，有啲椰菜青埱一齊炒，味道ok，不過真係好油，食食吓淨食到油味。煱燒蝦天掃羅湯烏冬- 我冇試味，不過睇個樣就覺得係普通貨色，天掃羅蝦唔夠大隻(不過幾十蚊算啦)，而且一早放喺湯面夠到淋哂。燒牛肉沙律- 牛肉好好味，非常唔錯，不過個菜底就好麻麻，只有兩粒車厘茄開邊，個底有少少生洋蔥絲，有少少蘿蔔絲，另有好多手撕西生菜，不過冇乜dressing...唔連牛肉食真係覺得自己似兔仔食緊菜。同一年前比較...好明顯退步咗。

今日老闆請食lunch, 就黎左呢度! 當師傅我知道會黎呢度時, 真係打左個’突’架, 因為呢間野自佢開張幫襯過之後就已經bad list左! 點解? 無他, 當時佢地新開張做緊$48自助餐, 但試過之後覺得$48係冇野食, 仲要好似搶咁, 所以印象好差!今次黎到唔使搶喇, 一人叫一個自己鍾意野食再加去d小食! 而師傅我就叫左咖哩漢堡扒定食, 定食有湯有餐茶! 小食就叫左炸雞軟骨, 薄餅同埋串燒! 好快就有得食, 咖哩漢堡扒d咖哩汁好多下, 不過一d都唔辣, 裡面有d薯仔同紅蘿蔔, 薯仔都腍但唔會腍到溶晒咁, 紅蘿蔔都好甜, 漢堡扒算幾大件, 幾鬆身下不過都幾多洋蔥, 但都可以接受; 個湯係好似d蛋花湯咁, ok啦; 餐茶要左凍檸茶, 好細杯下同埋冇咩茶味, 普通咁啦! 炸雞軟骨都炸得好脆, 軟硬適中; 至於薄餅同埋串燒就冇試喇, 因為唔吸引呀!埋單唔知幾多錢, 不過如果你問師傅我仲有冇下次, 我一定會話我唔會再黎, 點解, 因為服務唔好, 杯茶由坐底到走都冇人加過, 咁咪即係趕客, 而野食又唔算話好出色囉, 印象已經差, 點知服務仲差, $48個咖哩漢堡扒定食咪同和民差唔多, 咁師傅

七色拼盤($138.00) –三文魚/甜蝦/吞拿魚/立魚/魷魚/帶子/赤貝–最鮮甜係帶子, 吞拿魚及三文魚都ok, 略嫌赤貝太少, 只有一片, 但價錢都唔算貴炸串拼盤咖喱芝士火鍋($38.00) –一個字“咸”, 拼盤有薯仔/吉列薯蓉波/吉列魚塊, 每樣都細細件, 建議唔好成舊浸入啲咖喱度. 點黎食好喇鄉土料理具澤山豬湯小鍋($45.00) –同伴話想食具澤山豬, 點知個豬無乜特別, 有啲厚度, 細細件, 唔韌…成個鍋都有陣酒味, 食落都可以接受, 不過得4塊豬肉, 少量菜…份量都算少..白飯套餐($16.00) –有一碗白飯, 一個麵豉湯及一碟仔漬物. –幾好吖, 一定要有飯到肚嘅人可能好彈性咁點菜, 唔使一定要叫佢地啲定食或炒飯…服務方面, 唔會主動斟水, 要叫幾次先至叫到人埋黎, 不過尚算有禮貎.埋單$237.00(滙豐咭有9折)

o shit <唔好意思>.....真係坐落去,聽到無左個放題,ok~叫野食係無野好食....諗左好耐最後叫左個薄餅仔~牛肉窩,仲有一個牛油帶子,牛油帶子好好好咸,我個fd要"no"飯食.....我就食左2粒停手.薄餅極厚粉,無咩味,又無咩料,個個牛肉窩,真係,,,,,,,,,,,,,,,,,,,,,最後,係去after 5再黎多round.太失望喇。而已好貴~

個晚同兩個同事一齊去食飯,係apm 諗緊食咩之際,行下行下, 行到最高既一層,見到呢間野好似好多人排隊食, 所以就去左等位啦.我地叫左成野食, d野味道幾好,,,不過就好似分量少左d, 因為多野食既緣故,我地都好飽, 有個竹筒雞肉餅, 帶子蟹肉pizza, 芝士年糕,唔知咩炒麵, 最後有個菜燒餅,

雖然我發覺menu o既菜式係有重覆,但係款式都算ok啦!(可能我都係幾個月先去一次!)是晚和男友點了4款菜:牛肉火窩和牛筋窩--size很少,牛肉火窩很少牛肉.湯底較甜,不過整體還可以.牛筋窩的牛筋算多,味度一般.三文魚腩飯--是我每次都點的菜.雖然三文魚腩蓉不算太多,但是配飯的味道剛好!烤雞pizza--是薄批.烤雞和pizza面的cheeze是很惹味的不過唔脆!還是去吃pizza的地方吃pizza是最適合的!係較貴o羅...不過因為晚飯時間o既apm真係好難搵食,呢度等一陣就有位,都算係唔錯o既選擇.

和將離開的同事食午飯, 倒數中…叫了親子丼, 雞肉連皮切丁, 略淡, 蛋加洋葱味道尚好, 也算滑, 送飯一流.食了一口同事的照燒漢堡扒, 內嫩但無乜質感.

和同事食lunch, 我未試過這間, 想一試.叫了飛魚子三文魚飯和照燒雞扒飯share來吃.三文魚淡而無味, 雞扒分量比和民多, 尚算肉爽.餐飲要了巨峰乳酸, 好藥水味呀!

今晚係到食晩飯,點左總共十二碟餸,當中有三碟係三文魚刺身,其餘有三碟都有帶子,有鹽燒,牛油香蒜焗法,同埋炒三鮮,還點了兩碟拉麵,一碟炒另一碟就伴湯!炒嗰碟好食d,無試甜品因為全部都係雪糕,呢個商場有很多甜品可售呢!服務員ok!唔夠人手但無混亂場面看見亦無出錯,間中添水幾好,有吉就收,好好!但得hsbc咭有優惠咋!整體可以一試但唔係必試!原因{隨你鐘意}仲好食!

又唔抵得佢咁平,但又食到好悶了.但$48又想點喎.算係咁啦.

是日被安排坐和式四人房間, 幾舒服同private!不過2小時內要交房.試左:三文魚沙律- 個沙律醬好好味喎,不過三文魚就顯得淡而無味了.石頭炒飯- 辣辣地味道配合得好好喎,portion都幾大!4個人分都ok!木魚豆腐- 個脆皮幾厚,長浸於汁中仍然冇林哂!裡面豆腐就係日式滑豆腐.ok咁啦.彩卷- 主要有三文魚,三文魚子,吞拿魚,蚧子,青瓜等,味道配合得幾好.日式炒烏冬- 烏冬好煙un,portion亦算大,ok咁啦.加一後, HSBC卡有九折.算ok咁啦.

係晚市黃金時間想係APM搵食真的不容易去了好幾間食肆都要大排長龍唯有一路向上找來到APM最高層的白本屋呢間食肆我之前試過佢地的LUNCH BUFFET都幾抵食而且係鍋鑼灣試過佢地的姐妹店笑笑都唔錯相信佢地的晚市都有一定的水準叫左兩款串燒(帶子同螺肉)帶子都OK 但螺肉就硬到好似石頭咁另外就ORDER左個三文魚生飯鐵板牛油粟米同和風PIZZA款式同一般居食屋差不多但味道真的有所不及服務員好似唔係好夠我地都覺得OK但隔離枱D ORDER係落到亂七八槽而且真估唔到佢地食具都不算好乾淨如果唔使等位的話我寧願選擇去其他地方用膳

於十月初時，我下班時候途經APM商場，看見商場宣傳新的換領禮品。我看到當中包括『白木屋』日本料理的禮卷(每張港幣50元)，於是我便到服務處查詢。服務員告訴我這張禮卷並未規定每次使用多少張，而禮卷上的確也沒有列出這樣的一個條款。於是我便跟服務員換取了3張『白木屋』日本料理禮卷。昨天碰巧到APM Palace看電影，順理成章地我與朋友便到了『白木屋』吃日本料理了。食物不錯，服務生招呼也可以，一心想著會再來的樣子。正當我們取出於商場換領的禮卷時，服務員跟我們說：「對不起，每次只可以使用一張禮卷!」。我們頓時覺得很突然，其後該餐廳的副經理走來告訴我們同樣事宜，氣沖沖地說：「禮卷上已經列明『如有任何爭議，以白木屋之決定為準』，你們可以隨便投訴我們!」。他並說：「為什麼你們於換領禮卷時不先問問我們?」我們跟他理論，可惜對方拒絕並說這只是商場單方面的責任，我們唯有要求與餐廳經理及商場人員理論。 最後只找來商場當值經理。經過商場經理解釋後，我們要求餐廳方面書面寫下這件事情，以便我們循其他途徑尋求協助。可是，餐廳副經理斷然拒絕了。經理先生說APM商場要求不要列上「每次只可以使用一張禮卷」這一條款，因為太

尋日同女朋友去左觀塘..諗住去睇戲...行到六樓..諗住仲有排先開場..食左飯先囉!門口要等位..不過沒幾耐入左去..唔知係咪今晚特別忙呢...入到去冇茶水...落單果時..我仲要出去叫人入黎落..有人應左..但係轉頭又冇人入黎..到有人經過~~我再舉手啦..果個人只係講左聲"先生..你等等"..係咪真係唔夠人得咁緊要呀...過左一陣終於有人落單..d野食都ok快...叫左個豬肉石頭飯..雞餅..帶子牛油..牛肉粒...o岩o岩好夠飽...另外..除左有人黎落菜之外..好少見到有員工經過..一行過就係咁叫人等...乜都等...好似好唔在乎我o地入o黎食野囉...到埋單...我又要出去係咁叫人埋單..找錢又勁耐...最後冇比tips...唔值囉!!仲激到我嬲嬲地..食一餐飯走黎走去...唉!!

睇左食評唔錯, so 去試食, 點知.....去到好多人排隊, 等左幾個字先入得...有d似快餐店要俾左錢先有得食!雖然係出去拎野食, 但係見到d野都唔太想食...原因係冇咩好食，只有: 菜，雞扒、秋刀魚、炒飯、意粉、炸物、沙律、冷麵、加洲卷、魚生飯(配給)、牛肉窩(配給)、甜品，蛋花湯，有茶/提子汁, 但要自己搞掂作為一個綠茶愛好者，綠茶味好淡...>__<如果係自助餐, 一定唔合格!最過份係: 拎完野食番入黎，見到筷子，wasabi，飲左一半既提子汁連杯都收走左! 感覺好似趕客咁，但其實我開始食左3個字左右!唔會再食第二次，但如果係以APM既價錢食一個lunch, 亦不失為一個選擇!