神

Open Now

Now Closed

見到網上介紹呢間新餐廳，身為牛魔王既我就當然要黎試一試！假日下午黎到，不算多人，好快有位！先點餐，後排隊等候安排入座。好似日本咁點餐，用機點餐，全自助，黎之前記得要帶定多d紙幣。有4款牛扒：哥士牛扒、牛柳、西冷牛扒、安格斯牛扒。份量就分別有180g, 300g 同400g揀。價錢已經包左沙律吧，非常抵食。今次我就叫左牛柳，而朋友就點左哥士牛扒。牛柳肉質較腍，而哥士牛扒就比較有口感，個人比較推薦哥士牛扒。店舖仲有唔同既醬，蒜蓉，牛油，芥末等等，自己鐘意點咩都得。沙律吧就有紫菜飯，蕃茄蔬菜湯同埋椰菜沙律唯一就係抽氣系統做得麻麻！成間舖都非常大煙，而舖頭都幾窄，去沙律吧拎野食果陣就要小心d，好容易撞到。

某日見到FB介紹元朗「熱石牛」，覺得好吸引，所以今日專程入去試試。12點幾到左，門口已經排了一條小小人龍，最後排了30分鐘左右就有位，比想像中快！這裡是先買飛，後響機，然後自取。今日三人來食，就試晒佢三款牛：哥士牛扒180g、西冷牛扒300g和牛柳300g，另外飯、湯，沙律，水無限量供應！湯：足料羅宋湯，湯入面有很多牛，紅蘿蔔同西芹，湯沒有放太多茄膏，唔會太咸，好味，好住家味沙律：椰菜絲好新鮮，還有茄仔同粟米等了10分鐘左右主菜上枱.......哥士牛，肉質中規中矩，唔嚡，以這價錢算幾抵食。牛柳：三款中最軟滑，肉質比其他淋西冷牛扒：三款中肉味最重，有咬口，但唔嚡唔痴牙整體來講以這價錢，食這些質素嘅牛扒，還有沙律，白飯，餐湯無限量任食，性價比高，值得一些！

"神"好特别的餐廳名稱，在元朗教育路，因為這個名同埋最低價格只是78元的吸引下，走入去嚐試這間新開張的熱石牛扒餐廳，我12點到達，已有一群人在門口等候，服務員叫我在門口先用部購食物機點餐，但要用現金，還未有八達通系統，所以不大方便，希望快些改善。點餐後就可入座，前菜沙律、白飯、湯和飲料都是任食，加埋主菜熱石牛扒，足以吃到飽，牛扒表面是半熟，經過食客將牛扒切開，然後在熱石板上燒熟，加埋餐廳提供的燒汁、介末醬、wasabi醬，就可食到超美味的牛扒，用來配飯真是最佳配搭。這種方便快捷便宜的餐廳，食物質素不算太差，一定有奉場客，我極力推薦。

雨夜既周六, 游走到元朗另一端, 教育路既盡頭, 拜會「神」呢間新開既石燒牛🙏 門面除咗神字招牌外, 仲有一部自動販賣機🔣 同之前試過既上環「三拍子」一樣, 三部曲: 買飛、帶位、等食。神既選擇, 比較簡單, 哥士牛扒 (有無人話我知係乜?)、牛柳、西冷、安格斯; 分別搭180克、300克、400克既份量; 留意番佢個價錢係已經包埋沙律吧 🥗 神既位置坐得比較迫, 乎合番呢類快轉枱計。全店大約30個位, 但佢抽風真係未做足, 成舖都係煙🚬 有上次既經驗, 係塊牛黎之前衝鋒陷陣咁將餐具🍽️飯🍚湯🍲醬料放好晒。當通訊碟既紅色燈號響起時🚦 我不語而笑知道已做足準備😎 (不過都係漏咗圍裙😜) 神係滿客情況下, 10分鐘內已經燒起塊牛🐃上枱前有紙巾蓋面, 以防激烈牛油沾上食客衣服👍 食石燒牛, 真係忙著和時間比賽, 人都差啲忘記了愛 (⚠️石燒牛絕對係談情晚餐殺手❌❌), 厚厚既安格斯牛同西冷牛, 係黑色石板上滋滋滋咁變熱🔥 亦代表住佢一步步走向韌🙅‍♀️經驗告訴我, 要將一半先移離石盤或者放去邊旁無咁熱既部份, 先可以BUY TIME 去食到最完美既熟成🙆‍♂️零活既安排, 小心處理到牛去到MEDI

最近偶然間發現 ，元朗都進駐左一間熱石牛扒燒，好似近排都比較流行 ！最平就 $78 有180g 就可以食到熱石牛扒，而且價錢仲已經包埋沙律、白飯、餐湯任食！ 見到都算幾經濟所以點都要試一試 ！今日係閑日所以唔算太多人等位，而且呢度都係食完就走，所以流量都算好快 ！我晚上 8點 左右 ，等左10分鐘基本上已經有位 ！望落去地方唔算大，但係座位都唔少 ，衛生環境都算唔錯，食黑食完基本上啲名已經迅速收拾。 中間位置就係廚房、同埋就係有沙律吧 ！沙律吧好簡單 ：有椰絲菜、車厘茄、粟米 ，仲有三款醬汁你選擇 （柚子、胡麻、柑橘）！首先係門口自動售賣機器，客人先自助落單購票，之後將票交給店員 ，店員會安排座位，有座位之後就可以出去攞嘢食 ！上牛排時 只會有一二成熟，隨個人喜歡，可以將牛肉在熱石板上煎至自己喜歡的生熟度。 最初嘅時候熱石比較熱，但都算好快就冷卻，所以唔需要特別擔心會過熟，因為我食完個沙律再切開個牛扒，熱石開始變暖 ！所以牛扒切開咗，keep 住放係熱石都唔係太熟，肉質軟腍，咬落多肉汁，以價錢嚟講，可以說性價比高！

以前見過介紹這款牛扒，路過見到就試吓，試左最抵㗎$78哥士牛扒，很好味，牛扒剛好不太熟，建議每食一塊才切開，因為切開左好快熟晒。另外，沙律、飯、湯、汽水全部免費。

呢間同係日本既餐廳一樣 都係用自動販賣機買票見佢都個最平既$78蚊哥士牛排 一於試試佢👍🏻👍🏻👍🏻今日落雨 唔洗點等就有位坐啦😆見到沙律 飯 湯 同飲品 都係任裝 唔洗驚唔夠飽啦沙律係普通既椰菜絲 栗米 同番茄飯係珍珠米 而且配埋飯素 好開胃湯係羅宋湯 好多菜同肉 比較出色 同好夠番茄咪 我飲左2碗😆😆😆😆到主角啦 牛排放係石上面煎 好快就會煎到熟晒建議盡快食 因為熟晒就會硬啦另外加埋秘制醬汁一齊食 味道好出👍🏻👍🏻

經過教育路附近，又睇緊OpenRice 既途中，突然發現呢間‘神’。。。原來係新開既～比佢門口既牛扒售賣機吸引了，所以唔理咁多試下先～之前起日本食過，我同老公都好有回憶，真係冇諗過起元朗都會有👍🏻我點左個安格斯牛 180g $148非常有牛味同算大件，好有口感～另外，再點左個西冷牛扒 300g好好味～我覺得呢個西冷好易入口，容易𡁻，我鐘意食西冷多過安格斯另外，有白飯，湯，沙律，水，醬汁，隨意任裝👍🏻整體來說，係會再食既

元朗開左間新野。鍾意食肉既我地當然要去試試佢一去到就係部自動販賣機簡左食咩肉俾左錢再入去搵位坐。我地叫左牛柳同西冷入到去俾左張單佢佢就會俾個通知機你。整好叫你去拎餐廳有自助無限任添既沙律🥗椰菜同紫椰菜。湯🥣。飯同水湯都算幾足料。沙律就有3個醬汁（柑橘汁。柚子汁。麻醬）俾你簡 另外有飯素可以加肉未到可以食住沙律同飲住湯先佢啲位比較貼。。如果坐入面個個要去個自助位同拎肉個就會係咁撞到人塊肉味好麻麻。而且因爲塊石實在太熱了。塊牛放係上面好快就熟哂。。變到又硬 。。想慢慢品嚐真係諗都唔好諗所以食過試過就算了佢部販賣機放左係門外。有啲人可能無留意，買左飛先知未有位。不過大家食完會即刻走讓坐俾人