祥景茶餐廳

Open Now

Now Closed

上個月來個場景餐廳食吉列豬扒拉麵，味道滿意😝今次是第一次來嘗試餐廳的早餐，見到餐牌種類繁多，基本要有的全部都有，食個豬扒,今次就要試一試牛扒😋今次叫了牛扒煎蛋，配一塊牛油多士😛牛扒有黑椒汁配合令味道更加出，可惜汁太少，如果想味道更加香濃，牛扒更加濕潤😆可以叫職員加多一些黑椒汁！多士中間有少量牛油，如果再多啲牛油就更好了，不過就會更加肥😆這間餐廳最好味的仍然是飲品，上次的凍檸茶茶味濃郁今次第一次嘗試熱奶茶，奶茶未放低已經聞到香味，奶味非常香滑👍🏻熱飲不用加$2🤗

第一次來到海麗商場，人流不多，路過一間舊式茶餐廳，又不用等位😝我就入去填飽個肚😁現在是午飯時間一點半，但是只是得幾個顧客！所以上菜時間也非常快，不夠3分鐘已經有得吃了👍🏻我選擇了吉列豬扒日式拉麵$41加凍檸茶，凍飲要加兩蚊。吉列豬扒是剛剛炸起的,不過豬扒的厚度非常薄，所以沒有口感😢拉麵的湯底入面有兩片日式魚片， 加一些粟米粒和蔥花，拉麵的份量相當多，麵質非常滑，並沒有鹼水味👍🏻👍🏻最吸引我的是凍檸茶，茶味濃度非常濃郁🤩

要講祥景茶餐廳，可能要時光倒流二十幾三十年了。我第一次接觸祥景茶餐廳，是大約在 1989年，屯門良景邨剛剛落成入伙，祥景便已經在那盤踞到今天了。由當年到今天，祥景可以說是陪我成長的其中之一間重要茶餐廳了。中間經驗97回歸，98金融風暴，01科技股災，03SARS，08雷曼金融風暴。一間道地茶餐廳可以經歷多個盛衰而不倒，可以足證其實力之表現了就，此外，祥景亦是一眾行山人士（菠蘿山）的早餐補給基地。今日竟然在荔枝角遇到其分店，想也不用想便直接衝入去回味一番，三十年如一日，我每次都必然會叫“沙爹牛肉麵+炒蛋火腿”，一直都是如此經典，雖然元朗永順的沙爹牛肉麵優秀很多，但，祥景的沙爹牛肉麵，感情分直接拉高到三四層樓咁高，我會毫不猶豫的偏心，有機會大家都可以一試，特別係屯門元祖店。P.S. 荔枝角店的沙爹牛肉是合格的，但對比屯門元祖店，（特別係個炒蛋）屯門店仍然拋離很多條街。

叫了碟牛河，等了15分鐘，見住旁邊既人都已經有牛河(啲人比我遲入座) ，叫佢幫我追，佢話叫我等等，5分鐘後見到有人已經牛河(又係比我遲入座)，跟住我又問，佢又係答我就快，最後佢一堆牛河咁送出嚟，但又係未派到俾我，我已經黑面咁問，佢先話俾我先，聽完真係火都嚟，由入座時無乜人等到滿座，老公碟快餐都食完，我都未有得食。之後有個職員嚟解畫，話啲單無記時間又唔係電腦單，越早叫就放得越底，所以派左俾遲叫既先，咁我話呢個係你公司問題啦，越早叫既就越遲，跟住個職員就話呢個係老闆問題。牛河啲河粉碎濕濕，牛肉好un。快餐石班魚只得雪藏味，差。住海麗咁耐，呢間餐廳越做越差 ，由以前經常食，食到而家1個月都食唔到1次，真係唔會再幫襯。

最欣賞呢個蛋白杏仁茶, 口感滑滑 味道夠濃郁, 食落暖入心~忍唔住要放首圖~ XD 朋友介紹 話佢公司附近嘅屋村入面有間茶餐廳好掂, 叫我去搵佢食下午茶~好啦既然你咁有信心, 我梗嚟架... 嘿嘿嘿入到去, 價錢好合理, 而冷氣超級凍... XD嗯嗯, 奶茶濃滑, 唔錯唔錯~佢話必叫炸雞比薯條喎, 好啊一齊 share 啦咁~大大隻 好肉地 啱啱好熟 而又keep得住嫩滑, 好OK喎！最緊要係冇雪藏味, 果然好推介！西多士都好味, 炸得啱啱好 吾會 over 呀！

喺荔枝角嘅海麗邨，嘅一間茶餐廳。佢呢都會送外賣，都幾快嘅，所以如果叫外賣叫夜間其實真係唔錯，因為佢多數都開。今次呢就係堂食嘅。佢中午時段呢通常都好多人，因為附近嘅學生啊做嘢嘅人啊都要過嚟食嘅，佢啲選擇都幾多架，又有拉麵又有焗飯。星洲炒米 （是日午餐）有得陪嘢飲佢呢平時都會有一啲是日嘅午餐，有杯野飲，咁大概每日都唔同嘅。份量都OK呀，唔會話太少。之後就叫咗常餐，雪菜肉絲米粉。朱古力！我鍾意佢用細冰，好飲啲架！

尼間茶餐廳夾住嚮屋村同私樓既中間,一個唔係好顯眼既傳統商場入面,相信大部份都係做街坊生意,成日都見到送外賣大叔出出入入,中午有好多勞動工人幫趁,下午茶後就學生幫趁,我就喜歡去佢度食下午茶餐,幫趁過好幾次,下午茶餐價錢算係中上價錢,不過味道真係幾好~ 食過店家既: 炸豬扒拼薯條;炸雞脾拼薯條; 肉醬意粉;焗豬扒飯 配熱奶茶炸物香口熱辣辣,肉醬意粉偏甜,焗豬扒飯份量偏少同只可以叫豬塊,因為唔係完整既豬扒,令人驚喜既係佢個炒飯底,用心製作~Btw 分量太少,唔夠喉啊~另外, 值得一讚既係佢杯奶茶,香濃口感細滑,唯冷氣偏大,令到杯熱奶茶好快凍,當你食完個下午茶就會凍左,一杯飲品 先熱後凍,俾我講到佢好似有after taste咁(哈)仲有仲有 就係要讚一讚侍應哥哥,佢地個個都敬業樂業同幽默風趣~一個令人輕鬆既afternoon tea!

午飯時間，一行六人去到祥景，店員好快就安排到座位入座雖然我我地已經唔係學生，但餐廳店員好歡迎我地叫學生餐……叫左個沙嗲牛肉炒蛋飯，個沙嗲牛肉真係好好味，加上店員風趣幽默的做事風格，今餐食得好開心…坦白講，$37 個學生餐仲有飲品，今時今日已經算平！不過茶餐廳始終都係茶餐廳，食飽就要走，唔好諗住可以抖多陣！！！！！

屋企人唔係屋企,所以索性叫外賣叫左個乾炒牛河 外賣系幾快系有效率但係份 好oily而且分量都唔算多不過炒得幾好味 feel到好有鍋氣！價錢方面就好似4x 我個人覺得都幾貴下

琴晚冇飯食，出去食自己~ 嗌左個黑椒牛仔骨煲有湯跟，都幾多料，有雪耳，豬骨，雞腳，木瓜。飲晒啲湯都冇口渴，証明冇落味精牛仔骨: 都幾多塊，送飯一流，因為腌得夠晒味，黑椒都好出味，好夾，但偏咸。另外，唔知師傅有冇落鬆肉粉啦，食落好鬆軟面仲有啲豆角，估5到又幾好味喎! 爽脆，好新鮮，亦有幾多份量balance返個diet~不過整體覺得多油，日日食實變肥

lunch 入去叫左個午餐，乾炒牛河，等左10分鐘未黎，搵個伙計問下啦，話幫我睇，再過10分鐘都未黎，再搵第個伙計問啦，佢話等埋一次過炒，我話如果無人叫我碟野係咪唔使炒？條友話好快，再過5分鐘都未黎，我再搵第三個伙計問，依個就唔同喇，同我講話漏單，碟野足足炒左半粒鐘！碟牛河都係一般啦，牛肉可能炒得太耐，有啲硬，同埋碟野有啲咸，杯熱好立克因為等左半粒鐘已經凍晒……依間野啲伙計一向服務差，好似欠左佢地咁，不過成條邨無咩選擇無辦法，唔係應該一早執左！

這一天，第一次來到海麗商場，在這個陌生的屋邨商場內的一間陌生的茶餐廳裡吃了一頓懷舊與創新兼備的下午茶餐。餐廳名叫「祥景」，地方不細，一看陳設佈置便知是街坊商場茶餐廳格局。看看餐牌，除了一般茶餐廳都有的下午茶款式外，還有一款較為特別的特色茶餐，只售$26，當中的配搭頗有新意，例如食品有「焗吞拿魚厚多士」、「焗鹹牛肉厚多士」和「焗沙嗲牛肉包」等，而飲品或甜品則有「花生糊」、「蓮子蛋茶」、「鮮奶蛋白杏仁糊」、「紅豆冰」、「蓮子冰」和「鴛鴦冰」，顧客可以自由搭配。實在很久沒有吃過傳統冰室及茶餐廳有供應的「蓮子冰」了，也有興趣試試較為特別的「焗鹹牛肉厚多士」，於是便揀了這兩者的配搭，一於來個懷舊與創新兼備的下午茶餐。「蓮子冰」先來。奶味頗重，幸好不是太甜，蓮子有少許苦，也還可以接受。「焗鹹牛肉厚多士」因為是即叫即焗的關係，所以來得較遲。這多士可是不錯的 ，焗得香脆而不過硬，熱熱地上桌的厚多士上舖上了一層金黃的芝士，包裹在芝士與烘麵包之間的則是細碎的鹹牛肉，吃來味道鹹鹹香香的，是一道頗有特色的下午茶小吃 。雖然我不知道這間街坊茶餐廳的其他食物質素如何，這次光顧的感覺可是不錯的。

放工後四點幾, 見有D肚餓, 就諗住買D野食, 行過商場茶餐廳見到有海鮮乾炒公仔麵, 就諗住試下呢個餐, 雖然話餐, 但都只係跟一杯野飲, 凍飲加兩蚊, 外賣又加一蚊, OK, 我平時喺中環食都唔止呢個價, 唔介意! 俾完錢, 喺門口等左七分鐘, 以即炒來計叫做快, 我仲以為個廚師開盡火候來炒, 應該都唔衰得去邊, 點知三分鐘後返到屋企, 一打開個盒, 成盒炒公仔麵都係濕既, 我要干炒, 你俾濕炒我仲乜? 炒公仔麵唔夠干身, 咁叫乜野乾炒? 點解唔叫濕炒? 隨左湯麵, 我從來都未食過咁濕咁油的麵, 完全係一PAT野, 跟住睇埋D配料, 少到無朋友, 搵晒成盒麵, 尤魚得兩粒? 我食一粒墨魚丸都多過佢呀, 咁既料想我再幫襯都幾難!!

我同我朋友每人叫左一個餐係蜜桃豬扒飯。落單嘅時侯，個伙計唔知係唔係想講吓笑，我地叫餐，佢就不斷話我地係唔係叫殘餐，攪到我地有少少尷尬。之后個餐好快就上，味道唔錯。佢地唸到呢個餐證明佢地肯花心思係食物上。但食左一陣，期間我同朋友就傾吓計，同周圍D學生冇咩唔同。點知又係同一個伙計，佢叫我地唔好成日掛住吹水。我同朋友即刻呆左，唔敢出聲。又過左一陣，另一個伙計問我地可唔可以快D飲完個餐飲，話有大把人係出面排隊，我冇話唔得，仲快快手，未飲完杯野就走人。我朋友話，呢間茶餐廳D伙計嘅態度一直都好差，佢少不免都唔會去食。而我就第一次見識到有侍應會直接叫人快D走，唔好阻住佢地。我自問自已都食都幾快手...雖然佢D野食係幾好食，但我真係有D怕佢D伙計。以后我都唔會去食。希望佢地能有所改善!

奶茶好香，公仔麵等港式早餐亦有水準價錢ok，最好就係佢外賣又快(10分鐘內)，叫一個餐都送，有時懶起上o黎都幾好!