Video
Telephone
24921310
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
街坊小店 炒飯🍚🍅大份抵食落大雨嘅日子只想摺係屋企叫外賣，男朋友食開呢間炒飯，一於試下。雖然落緊黃雨但係around 15-20分鐘就送到，抵讚西炒飯🍅🦐🍚 $38🌟🌟🌟(走左蔥)材料有蝦仁，蛋，蕃茄，廚師腸同火腿，炒飯同料嘅份量真係極多，而且拎到手仲係熱辣辣，味道都有中等水準，呢個價錢嚟講CP值真係爆燈瑤柱蛋白炒飯🥚🥬🍚 $41🌟🌟🌟🌟呢個炒飯適合啲淡口味嘅人士，例如我🤣清得嚟又有蛋白同瑤柱香味，41蚊就可以食到呢個水準，真係好surprise。之後已經預左會成日食🤣🤣Canteen 2.0 認真抵食，味道亦唔錯，可以一試
continue reading
咁岩係依面翻工，是但入左黎食飯食左午餐星洲炒米凍奶茶個星洲炒米可以完全冇味係一啲味都冇淨係感受到咖喱粉係個口度之後飲杯奶茶又係淡到好似溝左好多水咁真心唔想再有人中伏
continue reading
好耐冇幫襯， 去呢啲都唔可能食環境，因為其實佢都比較殘舊，不過住附近就腳， 叫咗個酸辣豬扒米線，呢個味道ok㗎， 另外再叫咗個炸雲吞下午茶，味道尚可，只是炸得比較實，最誇張係只有三粒雲吞，實在係太少啦。 如果佢餐牌寫明得3粒，我一定唔揀呢個餐，佢都收 $ 30 。
continue reading
呢間野食左二十幾年,發現最近一年都無食,於是我今日決定特登走去食下午茶! 一入到去,環境同之前十幾年都係一樣無改變過,無裝修過,但你會見到好多熟悉既街坊面孔. 叫左炸雞🍗配沙律,跟熱華田可能今日少人叫炸野,等左二十分鐘先有野食雞脾有少少酸酸地但肉質算鮮嫩個沙律似係雪左一段時間因爲我食到幾舊冰係入面🤣但都代表唔會放左係室溫太耐😂 總括黎講係有少少貴,但地點就腳,員工態度都okay, 會keep住再幫襯
continue reading
第一次驚見小強：上星期有一晚去買外賣，只在收銀枱逗留了幾分鐘已見到有2隻小強出沒，冇錯連收銀枱都有。平日佢地面已長期黐立立，但從來冇見過有小強。再遇小強：前晚我再去，我去到坐低咗先醒返起果度有小強，但諗住算啦都坐低咗，同埋安慰自己：既然連收銀枱都有小強，污糟得咁明顯，佢地該會做大清洗啩。所以我冇諗咁多。食到中段，真係有隻小強响我枱面出現囉～～～！😖 隻小強仲向住我碟冬瓜燒肉飯行緊埋嚟。我未遇過呢個情況，真係唔知點算，叫極伙記都冇人應，好彩隻小強最終冇行上我碟飯，佢 U turn 行返轉頭走咗落枱底。然後先至有個一眼就睇得出佢係生手嘅伙記伯伯行埋嚟（同埋平時唔見佢），我話俾佢知有小強，原來佢仲係撞聾嘅，佢吓咗幾次然後我又講咗幾次佢先聽到，佢聽到我話有小強，佢仲六神無主過我。响呢個交流嘅過程，亦引起咗另外2個伙記嘅注意，其中一個係後生女，我估是太子女吧。另一個是大媽。佢3個望住我一個你眼望我眼無人有反應。我無奈話：咁一係你幫我轉過另一張枱啦～不合格的服務態度：個大媽就幫我搬嘢過枱，佢全程黑口黑面。我估佢唔知我頭先同伙記講有小強，我咪同佢講囉，張枱有小強呀～所以想換枱。到我去到新枱，大媽就大大聲同伙記伯伯講佢遇過 d 食客好難招呼，俾幾十蚊食個餐就當正自己係皇帝，佢重覆講咗幾次。我唔要你唔收錢咪算仁慈囉，你加送小強我係咪仲要同你講多謝？留响度幫你洗埋碗好無？？一路食一路聽到佢講 d 咁嘅嘢，加上諗起 d 小強…… 真係食唔落囉～即刻起身埋單走人。而家諗返，呢餐飯我唔應該俾錢添呀～
continue reading