福滿庭酒家 (Moved) New Location

食物好，可惜服務一般。作為街坊酒樓嘢食都唔錯，所以吸引左附近幾條村的街坊黎食飯同飲茶。好多時街坊酒樓都有呢啲問題，例如要人到左叫飛等位、枱同枱好迫、唔夠樓面、成日都漏單呢啲，由細食到大的褔滿庭，或多或少都有會…今日就好啲，下午1點左右黎到，咁岩拎到張細枱唔搭枱，等左一陣就有得入。叫左滑蛋蝦人炒河，賣相好靚，蛋金黃色，蝦仁大大隻，而份量都幾大碟。 炒河粉選揀厚薄適中，炒底再加上滑蛋蝦仁濕芡撈埋食，調味濃啖亦岩岩好。牛肉腸粉，皮薄又軟滑，但變左新式的做法，預先分開成6件，坐大家唔係咁熟的，就唔駛擔心夾開條腸粉後，一件大啲一件細啲。鮮蝦餃，呢度似乎蝦係出色嘢，蝦爽口彈牙，蝦餃唔似預先蒸定，皮薄好煙韌，蝦味鮮甜。雪山叉燒飽，一般般，外面只係灑左糖霜，但雪山叉燒包外面唔淨係糖霜黎。鮮竹卷，正路嘢，似工場拎返黎加熱的味道，似層相識嗰啲。藥材雞腳，夠哂腍，湯底濃，食到好多骨膠原咁，但唔夠熱，有隻雞腳無俾湯浸到的部份係凍的。最後揾左阿姐叫加乳鴿，呢樣無紙寫，就咁拎住餐牌同阿姐落，等左20分鐘都無上台，走到出收銀check 單係無落過。補返落後5分鐘就上台。成個場得3個姐姐樓面，食完成枱碟都無人收，又無

每次黎內心都掙扎，因為坦白座位不太好坐，有點迫，幾乎每次都要搭枱坐。今日食左煎腸粉，炒米粉，蝦餃，燒賣，灌湯餃。煎腸粉係由第一次食到依家都無退步過，係好滑好好食。蝦餃不錯，餃皮厚簿剛剛好，皮同蝦既比例亦合適。灌湯餃唔係好多酒樓有得食，不過真係好一般，得菇肉同一舊蝦。最最最驚喜既係燒賣，本人對燒賣好一般，但佢既燒賣好香，香到食完一粒想食第二粒。而且見酒樓既職員同年長既食客都有講有笑，同客人關係幾好！職員都算親切。

今日晏就同一大班同事去飲茶，之前未飲過，11個人亦好快有枱。由於咁多個人去食，都試左幾多野食，例如燒賣、奶皇包，叉燒包、豆腐、鳳爪等等。 食品大致上ok，但偏淡，無咩味道同埋唔多熱。但要推介下有個點心，係好多間茶樓都無—就係燒肉包，想試下傳統包點可以試試！ 仲有而度lunch無lunch set，所有野都要單點！ 另外，我地咁多個人一齊坐，都無比旋轉枱我地，搞到我地要用手不繼搬最後，我個人就唔多推薦黎而間食，因為而頭附近都幾多野食同埋都有幾間茶樓。

六點幾放工唔想返去食飯，約附近朋友出嚟一起食，商量好去福滿庭酒樓食。不用等位，可能來太早，兩個人點了時令羊腩煲，服務員介紹東北酸菜炒聖子皇，上菜後試下味道不錯，羊腩煲跟碟唐生菜，兩人食得好好，仲打包返去，食完飯仲有糖水送。味道很好，服務熱情，環境不錯，下次約多幾個朋友來食(點菜時見到菜薄裡好多菜，好想試，這次人太少了，兩個菜都食唔完)，也會介紹朋友來食。

優質食品、服務態度幾好！值得信賴！係一個唔錯的選擇！好多人排隊，我啲11am來到要等位，等位起碼要等好食、服務員動作快！見到全場爆滿！出品速度也都幾快，下次再來過！

當日有人係個度搞百日宴包左大半個場要等左十分鐘左右就入得去食啦 非常幸運野食唔差 水準不差 海鮮類比較一般 其他小炒類比較海鮮野味服務態度非常好 因為都係街坊街里 都熟識的6個人食 最後買單 13xx 人均都係二百幾蚊 算幾抵食的

實習生實習快完 ，於是運動組決定同靚靚食個午飯。坐下，見枱布唔夠大。。。。三色飯味道麻嘛，賣相可以。奶黃包味道正正常常,始終流沙奶黃比較好吃😋。炸春卷味道好還可以，蝦餃味道正常。

依間酒樓地理位置又唔好，食物又唔係好食，而且衛生環境都唔好，雖然門面裝修比起其他鋪係好啲，但入到去發現連洗手間都冇，要去出邊一啲冷行位置嘅洗手間，環境惡劣，而且感覺唔安全。我哋今次要在兩張大枱，一間房入面有兩張大枱，加多一張細枱，侍應都安排其他人入嚟坐，咁做生意來講都算正常嘅不過環境就好迫，而且枱布同杯碟都唔係特別乾淨，咁就諗住屋苑酒樓係咁上下啦，點知睇下個餐牌，啲價錢唔係一般屋苑酒樓嘅價錢，一碟菜都要$98食物整體來講算係油膩同埋唔好食，蝦伊面啲汁勁出水

這間酒樓的員工真的很差服務，我已經不是要求很好服務，他們連正常服務都沒有，看到你叫他，他會裝看不見。然後，平日去排隊等位，知客每次都先給一些朋友或認識的人，不管先後次序，等了一小時，都會馬上給認識的先進，簡直差服務，乾脆變私房菜，只招熟客就算吧。。其實網上都好多投訴呢間酒樓既員工同服務，特別係優先比認識既人入先都有好多人發表意見，唔明白點解員工可以咁威，不過，或者老闆其實都係咁，鼓勵員工優先接待熟人，如果唔係，我真係諗唔到有其他理由。

95蚊燒鵝外賣囉翻屋企，一共有5塊肉，全部皮，加兩塊頭骨，真係無良，如果係咁嘎質素我自己認，以後唔幫趁，如果係師傅特登留翻的好野益自己，咁老細真係要好好幫他開年。

同老人家食飯,最簡單就梗係揀酒樓啦。每一次同奶奶食飯,費事煩,我都會話黎呢間度食。因為佢啲嘢真係唔錯,選擇多,我自己幾鍾意佢個鐵板豆腐，同埋沙拉骨類嘅餸，佢嘅乳鴿，性價比都幾高嫁。呢三個餸，幾乎係我每次嚟食晚市嘅必選。當然佢嘅豉油蝦同蒸魚都唔差啦。諗住佢嘅晚市都唔錯，有一次同老公啲朋友一齊黎飲茶，佢飲茶嘅質素，似乎冇晚市咁好，一嚟食物嘅選擇唔太多，二來對於鍾意食腸粉嘅我來講，佢嘅腸粉就非常之難食啦。

同朋友食飯多數都食中菜，所以對中菜的要求都比較多，又要少油同少咸，同埋多數餐牌內散叫，因為想營養均衡D，今次夜左食吾想揀試吓食套餐，餐牌寫4至6人，我地5个人食即管试吓，首先來个乳豬拼盤，跟著花膠海皇翅，小菜四款(胡麻沙汁蝦球，清蒸沙巴龍仔，鐵板客家釀豆腐，鮮淮山魚腐浸時蔬)整體拼盤味道吾是太濃味，跟着个海皇翅都算足料吾會水多過料，D蝦球彈牙而胡麻汁幾惹味，釀豆腐用鐵板Keep住温度吾駛食耐左凍晒，條魚尚算新鮮，另魚腐浸時蔬味都吾太咸，整體个餐份量同味道都算吾錯，埋單連茶芥都是1千元以下，都算吾錯喇

今日放工之後，約咗朋友去粉嶺，傾完嘢之後，去咗呢間酒樓食飯，之前都曾經食過一次，見到有一個套餐，都好抵食，今次我哋總共有五個人，就一於試下呢個餐， 呢個餐我哋點咗以下嘅餸菜 :鴻運乳豬拼盤花膠海皇翅胡麻沙汁蝦球清蒸沙巴龍躉仔鐵板客家釀豆腐鮮淮山魚腐浸時蔬雖然呢個係套餐， 但係啲餸菜呢到都好大碟，份量都好足夠我地5人份，而且賣相同味道都好好， 尤其係個鮮淮山魚腐浸時蔬，味道非常清新。而個鐵板客家釀豆腐都做到佢本身嘅特色。 而最有驚喜嘅係佢個胡麻沙汁蝦球，做到皮脆肉嫩，而個醬汁都做到濃淡適中。總括嚟講呢間酒樓食品係有驚喜嘅！

食物外觀味道正常，就係員工態度差。點餐問野無回應，結果點左幾個餸就算。然後上錯餐，同d員工講反而被話番轉頭，講左句「點知你叫咩餐」後就離去，要再找另一個員工跟進。然後食到臨尾突然有個姐姐問我地要唔要糖水，咁就答番佢要，點知聽到佢行走個時係到講問你地要唔要糖水又唔答點點點，先知道原來佢問過一次，但我地聽唔到，而且佢係去完另一台再過尼搵番我地既，唔為意你都好正常姐？講到好似我地突登唔答佢咁...之後有員工推車經過親戚張櫈背後，但唔夠位過，就咁無出聲拉住架車企係到，我地一發現即刻叫親戚拉前d張櫈比佢過，咁親戚就話左佢一句做咩唔出聲，點知有位阿姐反話番我地佢一定有出聲，點會唔出聲，但過程我地全程聽住睇住，個位員工真係無出過聲。佢地d員工比我既感覺好暴躁，郁d就話人。是否要改進下員工的服務態度？至少不要老屈人。。。

我哋屋企做節，如果揀出街食，不嬲都唔會揀正日，只要人齊夾到時間就可以。事關屋企人唔想硬食套餐，所以我哋都會提早食。今年團年飯又揀咗嚟花都呢間酒樓，都唔係第一次黎食，對於呢個餐牌都幾熟悉，雖然今次有少少變動，但其實嚟嚟去去我哋都係食果d，今餐都保持到水準！炸乳鴿皮脆肉嫩，加少少椒鹽食，超惹味。上面仲有幾塊空氣蝦片，一咬入口就溶化晒，呢種蝦片細個果陣我阿嫲都有炸！錦江海鮮豆腐煲呢個豆腐都幾足料，除咗主角豆腐，海鮮都唔少，有蝦、鮮魷、帶子、珊瑚蚌。酥炸美國桶蠔炸漿厚薄適中，又夠脆，有以前大排檔果種風味。美國桶蠔炸完仲好肥美，正!蒜茸蒸貴妃蚌蚌肉鮮甜，蒜茸蒸好香，係粒肉細隻咗d~脆皮燒鵝燒鵝皮都幾香脆，鵝少少肥，都ok!瑤柱炒豆苗喺街食菜一般我都鍾意揀豆苗，因為酒樓炒嘅豆苗特別好味！不過，我發現而家好多酒樓都用勁多金菇撈埋瑤柱煮個獻，真心覺得而家d物價高企。