粥世家

Open Now

Now Closed

呢間粥鋪有好多款手刮拉腸，而且有凍糖水食，睇個Menu就感覺好充實。先嚟一碗碎牛粥，口感順滑而粘潤，牛肉新鮮好足份量而且鮮紅冇變質，呢一點係我食過咁多間粥必定試食嘅其中一道平凡粥品，好多次都奶嘢食到冇酸臭變質。緊接其後嘅係手拉鮮蝦腸，份量又係超大份，同樣米槳同蝦都好新鮮好好味。炸両係唯一美中不足普遍出現嘅老問題，冧咗好似食跟橡膠咁。不過我成晚黑十點收工先嚟食，就將就下啦。食完呢三味，我再追加咗魷魚刮腸同凍緑豆沙作為飯後甜品。魷魚刮腸係我人生第一次食，佢冧碗嘅甜豉油加上彈牙有口感嘅魷魚同層次分明嘅刮腸，我真係勁驚喜同點住頭笑住口咁食清哂！凍緑豆沙夠哂足料又夠粘綿，而且好足料仲真係有放海帶同陳皮，食完真係由心而笑好滿足。成個晚餐喺一個光猛而冷氣充足又乾淨冇臭味嘅環境，就算炸両扣咗分，但係總體而言非常性價比高。如果有中外朋友嚟香港玩，我會力推呢間平民高質粥鋪！

放工想食啖靚粥，但是：富記光榮結業了。十大碗租約期滿無做了。妹記生滾粥不嬲唔做晚市。女人街同豉油街係有幾間粥店，但睇落好似麻麻......即使身在美食天堂旺角，要搵間好味的傳統粥店，原來都不易。唯一想到的是朗豪坊後街的佳豪粥店同粥世家。前者食過一兩次，我覺得還可，但唔知點解總係未能視佢作為飯堂。今日一於試試附近的粥世家。睇佢openrice食評數目寥寥可數，2正1負，仲要係成6年前的，真係咁無生意？耳邊響起直升機伏伏聲......但我信自己直覺，應該帽事嘅。入去見到都幾多人，絕對唔係冷冷清清拍曬烏蠅。一睇價錢，非常實惠，一個單拼粥先$23,炸兩$17, 好平！點了皮蛋艇仔粥加炸兩。 個粥一上，已覺得非常對路，食落夠綿，材料豐富有豬皮鱿魚免治豬肉花生同青蔥，樣樣配料都有自己的美味，豬皮爽而入味，魷魚鮮味，花生香脆，青蔥新鮮，食到落底依然無變水，也不口渴。一碗$23的粥有呢個質素，值得俾高分。炸兩的油條不是妹記的即叫即炸，但一樣香口，頭尾部份都香脆，而且都有一定熱度，加埋爽滑腸粉同幾色醬料，也相當不錯。再睇睇個菜牌，有特別的蔬菜入饌的粥品，例如沙葛粥同芫茜香芹粥，很有特色。各色送粥小菜如酸

有時候食得太多連鎖或者位於大街嘅鋪頭。都容易會忽略咗內街既細舖由於近日腸胃唔多妥。要食得清淡。例如食粥。如果鍾意食綿粥既人係絕對適合。粥既款式都唔少。落料唔孤寒。叫咗碗南瓜肉碎粥。食完起碼唔會勁口渴。亦唔會似出面既勁多味精。另外腸粉有刮腸亦有豬腸粉店舖內員工有禮貌雖然裝修新。但有街坊及舊底粥舖格局。而且衛生乾淨。舖內冷氣超夠就算夏天食粥都唔會辛苦出野食又夠快唔駛等好耐位於旺角朗豪坊附近黎講價錢唔算貴。價錢屬街坊價位。地點位置便利。絕對會再回頭幫襯

人情味十足！足料粥世家！一早就出到黎旺角..因為要帶住仔仔玩..玩..同玩..玩之前首先要醫左大家個肚先..仔仔心血來潮突然話要食粥…講真旺角真粥鋪真係買少見少..呢一年裏面都唔知執左幾多小店..以前食開果兩間都執哂..帶住仔仔左行右行！見到呢間粥世家唔算多人！睇落亦乾淨企理！就入左黎喇！估唔到佢地有賣埋糖水！當然唔係花巧果d！係最傳統的紅豆沙、綠豆沙、芝麻糊！雖然好想試..不過時間太早..真係食唔到糖水住！我地叫左個清清地既翠肉瓜粟米粥同炒麵！叫完唔洗五分鐘就上台！超快！食物溫度仲熱辣辣的！快、靚、正！$12豉油皇炒麵$12大大碟..！翠肉瓜粟米粥開頭我怕會好水！點知又好好味bor！仔仔都食到半碗添！香港良心店經已買少見少..衷心希望呢類型店鋪可以保留多些！總括粥世家環境乾淨企理！食物水準良好！店員服務細心！佢見仔仔個匙太大！主動換過隻比我地！讚讚！最重要價錢非常親民！我會再來的！

👌免治牛肉粥。$19粥底綿密，碎牛份量不少，有少量花生伴食，不錯。若花生再多d就好了👌碎牛肉腸粉。$16全部即叫即蒸要等耐少少但新鮮滾熱辣牛肉滑👌銀芽炒米拼炒麵。$12如果可再乾身D就好地方乾淨舒適，幾好

去左上海街果邊整完野又想食下粥所以就入左呢間粥舖嗌左一個皮蛋瘦肉粥一個魚片粥一個炒麵嗌左唔夠3分鐘就有粥到 !而且仲好熱添 ! 整體都係算ok如果想要快啲有得食既話呢度都係一個選擇 !

I was captivated here because there were so many vegetarian choices from veggie congees to veggie ricerolls.Ordered the courgette congee and the spring onion ricerolls.I wanted to ordered the vegetable congee but they said it was choisum and somehow it doesn't match and I can imagine them plonking a whole choisum with the long stalk in the congee!!!It would be great if it was lettuce.Anyway, the congee was really disappointing because you couldn't taste any rice flavour to it, the taste was just

We were tourist living nearby. This place have eclxcellent congee, Chinese donut was pretty good. Chong fun was not good enough, but overall clean and enjoyable food. the seating was comfortable but service although pretty good, they implied that we needed to order more when we only ordered 3 dishes for 2 adults and 2 kids.