羅東肉焿番

Open Now

Now Closed

羅東肉焿番台灣地道小食餐館！店內裝潢簡樸純潔，牆上懸掛著招牌麵食與小菜圖文並茂的巨幅餐點照大雞扒便當$67   台灣大街小巷最常見的人氣小吃除了鹽酥雞，大概就是大大塊的炸雞排了。香酥多汁的炸雞排讓人很難抗拒，而且平時覺得乾柴的雞胸肉也可以做出軟嫩的口感，真心覺得厲害。佢呢個便當，除咗有超大塊嘅雞扒之外，個飯仲加埋滷肉，肉嘅份量相當之多，非常抵食，而且味道份量都好夠多，要兩個人一齊食紅燒牛肉麵$69麵條吃起來非常Q彈，紅燒牛肉麵也湯頭濃郁不死鹹，口味各好大家可以嘗試看看，紅燒牛肉大大塊超滿足，一定食得飽濃香奶茶加$7因為台灣食品口味鹽分偏多少少，今次我哋叫咗炸雞扒，所以凍飲是必須要呢間係唔錯嘅台灣地道小店，值得大家去試吓

今日去元朗搵食，呢間台灣菜之前黎過兩次，點知一次摸門釘，一次去到好多嘢都話賣哂。今次終於食到！睇下係咪真係咁正！🔸羅東肉焿湯餐 大魯肉飯 台式濃厚奶茶(💰79+3)肉焿湯(7.5/10)味道就好似一碗好多醋嘅碗仔翅咁😂佢嘅荀絲多啲爽口啲就好啦。焿肉好特別，食得出係鮮肉同魚漿嘅混合。呢個焿肉好似平時食嘅墨魚滑咁，但就係肉滑。魯肉飯(8.5/10)味道好正，魯肉碎中間有豆卜皮，好入味呀，隻溏心蛋都好好味🤤🔸芋泥肉鬆吐司(💰42)(8/10)芋泥好厚好軟，夾埋烘過嘅麵包，同肉鬆好夾，不過我覺得芋泥唔夠暖，而且有啲dry。如果芋泥可以濕潤啲就好啦！🔸鹽酥大雞扒(💰49)(8.5/10)鹽酥雞扒好大塊呀！鹽酥味好突出，炸皮好薄好脆，好美味！Overall評分：8/10

成日都行過呢間舖，但係都未有打算入去食。有次同事講開話呢間小店嘅嘢食唔錯，卒之扚起心肝入咗去睇吓乜嘢咁好食。兩個人叫食魯肉飯，雞腳手工麵同芋泥肉鬆蛋餅，再加支白桃烏龍茶。魯肉飯細細碗，味道有少少似我去台灣食咁樣，幾好。碗雞腳麵嘅湯好清，味道又唔太濃，可能嚟香港都改良咗合適香港人嘅做法。芋泥肉鬆蛋餅就好香芋頭味，煎得好香。支白桃鳥龍茶係自家手工制，味道配搭都幾好。呢間台灣地道美食小店真係名不虛傳，可以介紹俾多啲人試吓支持吓。

➲ 元朗 羅東肉焿番➳ 仙草芋圓2號 ⁽⁶/¹⁰⁾甜度低，配料有三色芋圓、小芋圓、海藻晶晶，海藻晶晶好膠，體積好細粒，無乜味同口感。芋圓分量好少，芋感偏淡，配料唔夠加埋仙草底太多，麻麻地。⤵ 羅東肉焿番元朗鳳翔路69號建輝大廈地下5號舖

鋪頭似舊式嘅小店內位置坐位唔算超多今次冇坐入去堂食 買咗外賣openrice㩒外賣自取有平試咗👇🏻肉鬆香芋吐司好多芋泥 唔算超甜 幾好食芝士肉鬆蛋餅可能因外賣 凍咗食 芝士冇想像多 一般 可以接受冇想像中咁期望好食限定 芋泥麻糬蛋撻可能凍食 焗番熱少少 麻糬係入面熱熱地先好食同埋本身係諗住等外賣時買咗即場街食但即場買佢係俾個凍撻黎 有啲失望冇得暖或熱食

個天氣涼颼颼，嚟間店食個熱辣辣牛肉麵真係正到爆炸💥！湯頭夠晒鮮甜，啖啖肉呢，腍滑得嚟又帶點嚼勁，麵條就攪到啱啱好，唔會太硬定太爛，夾埋牛肉同蔬菜一齊嗌，簡直係滋味滿分👌！隔離枱啲人叫咗個飯團同涼拌小菜，睇佢哋食得咁過癮，下次一定都要試下。今次糖醋排骨我就真係愛咗，啖啖肉香噴鼻，外層裹得啱啱好嘅脆皮，酸酸甜甜嘅，完全係我杯茶！講到甜品，黑糖珍珠奶茶滑溜溜嘅珍珠，甜度得嚟唔膩口，飲一啖暖笠笠，好滿足噃~啲勁辣椒醬仲要自製嘅，辣得黎唔會蓋過其他味道，正宗嘅台味！一路食一路嘆，滿堂彩！香港嘅台灣味，呢度算係做得幾好，有種街市嘅親切感覺，真係諗起都想再去幾轉！👍👍🍜

難得入嚟元朗，上OP見到呢間台灣小店，而且主打香港少見的肉焿，立刻來試試。小店座位有限，所以坐得較逼點了2份假日下午茶配奶茶1.胡椒湯麵配精選炸物籃 （花枝丸，鹽酥雞粒，甜不辣）2.肉鬆蛋餅+ 仙草芋圓1號再單點一碗羅東肉焿湯胡椒湯麵湯底勁正，胡椒味夠香濃，麵條選用台灣光麵，食落較淋身。精選炸物籃，3款炸物都好好食，尤其是甜不辣，口感煙煙韌韌，唔會太粉，正宗台灣口味。肉鬆蛋餅，煎得好香，涵料好豐富有青瓜肉鬆等，配搭得宜。仙草芋圓1號，有三色芋圓，蜜紅豆及水晶。芋圓口感煙韌，整體配搭唔會太甜好好食！而碗羅東肉焿湯，好足料，肉焿好結實好足料，湯頭味道是台灣偏甜的類型，如果好喜歡台式口味的話是十分合適，個人就比較喜歡偏咸的口味。

多次光顧元朗呢間超抵食台灣野成日都出新甜品🍮本身已經超喜歡佢啲芋圓🩵今次冇叫 因為見出手工麻糬蛋撻可以加$10就叫一個來吃4個口味都叫來吃 因為每人可以叫2個🥹-原味麻糬-芋泥麻糬-紅豆麻糬-特濃朱古力麻糬（萬聖節限定）形狀就像高身的蛋撻蛋漿部分有一大半 好滑身又唔會太甜軟軟的麻糬好有奶香👍-主食方面，每次都一定會叫嘅招牌紅燒牛肋肉湯麵😍紅燒湯超濃郁 牛肋肉炆得非常軟腍 麵也是非常有彈性。仲有鹽酥一口雞乾拌麵，麵款都係一樣咁有彈性嘅 鹽酥雞都唔會太鹹，而且非常脆身。加咗一個白桃烏龍和湯青菜🥬兩個人埋單都唔需要$200飽到肚脹脹🤰🏻-📌羅東肉焿番 📍元朗鳳翔路69號建輝大廈地下5號舖

以前食真係平靚正。自從做咗出名之後做起咗，就越做越差，價錢越嚟越貴！性價比不高而且食物質素下降太耐冇去食，今日橫掂經過喺元朗就食佢套餐完全唔抵，佢碗米線原來真係一碗乜都冇嘅米線都要$25 ，兩啖都冇已經食完⋯最後一定要揀兩個小食，咁就揀咗一個$15嘅炸台灣腸，但係我冇諗過佢個台灣腸真係細份到⋯真係值$15？😓😓😓一口炸雞勁乾！而且勁大浸油抑味⋯⋯至於個糖水，更加搞唔掂，1號仙草芋圓我以為係個糖水完全味道都沒有！真係越做越差，性價比好底～

放假日走左入去元朗Chill下😬，然後望到呢間台式小店裝潢簡約，餐牌上都係地道既台灣夜市食物，都帶比我地舒服既感覺! 我地叫左個套餐，包括左一份🍝魯肉乾拌麵、🍡胡椒花枝丸湯及🧋凍冬瓜茶。魯肉乾拌麵粗幼適中，口感煙韌有咬口，加上本身既拌醬及油香，令到麵條口感更加滑嫩😚😚，另外豬肉Size不會太碎，可以逐粒咬，並感受豬肉🐷既質感。胡椒花枝丸湯方面，🦑花枝丸鮮味足，夠彈牙! 加上個湯既胡椒份量不多不少，有香味之餘亦不會嗆口，令人很容易會一口飲光成碗湯，亦可以平衡拌麵的油膩感。冬瓜茶甜味溫和，唔會覆蓋食物既味道。整個套餐都好完滿，各有特色，唔會搶走各自既味道!😋😋

鹽酥炸大雞扒乾拌麵 $69炸雞扒非常炸得外酥脆而内保留肉汁，醃得入味不用沾醬汁，份量勁大塊，清湯不過不失，乾拌麵拌上肉燥和青瓜絲，濃香惹味，麵條煙韌又滑，口感好好。另外加咗$12糖心蛋一齊食，更加正。台式奶茶$7飲落茶味非常香醇，奶味比較重，茶味唔算濃但飲到碳焙香味，超正！仙草芋圓1號 $36以黑糖沙冰底食落特別冰涼，黑糖味非常重！配芋圓、紅豆、珍珠同仙草芋圓口感夠哂煙韌！仙草都好爽口呢。香酥甜不辣$33炸得表皮酥脆，口感Q彈可口，配搭甜甜的辣醬讓人愛不釋手。粟米芝士蛋餅$43餡料有滿滿嘅芝士同粟米，有台灣食既feel餅皮夠Q，邊位有少少脆。

元朗雞地就不嬲出名都好嘢食 疫情前嚟過呢度食呢間台灣嘢 好好彩疫情後 餐廳仲喺度嘢食嘅質素都冇變 證明佢真係有返咁上下實力😍我就叫咗一個鹽酥雞扒滷肉飯 雞扒嘅份量超級大份 係間店嘅名菜 個雞皮炸得好脆口 外脆內嫩 而且又唔會太鹹個調味啱啱好 而且碗飯超級大碗滷肉嘅份量都好多就算係男士都食得飽😆😆朋友叫咗個炸花之丸滷肉飯 有成四大粒花之丸 炸得金黃色 味道都唔錯☺️我哋加咗碟生菜 同埋叫咗兩支嘢飲分別係佢哋自家品牌嘅台灣奶茶同埋冬瓜茶 兩個飲品都唔會太甜 用料十足😎一定要試佢哋嘅芋圓仙草 佢哋嘅芋圓係手工整嘅超級彈牙好味 而且仙草都好滑溜 飯後甜品一流💪💪

元朗人氣好高嘅台灣餐廳 有兩個舖位主打肉焿湯 其他都係一貫台灣美食自選午餐按主菜同小食決定價錢乾拌麵 ($21) + 甜不辣 ($15) + 燙青菜 ($15)有埋飲品 叫左冬瓜茶 唔使加錢😎 特飲加$7乾拌麵係上海麵撈肉燥 麵唔會過冧肉燥份量啱啱好撈哂成個麵 唔錯甜不辣份量唔係好多 不過都幾煙靭👍🏼青菜就普通嘅菜啦😂另一個自選午餐就揀咗肉焿湯米粉 ($28)小食跟花枝丸($15) + 鹽酥雞 ($20)肉焿湯質感其實就好似碗仔翅所以識落就好似碗仔翅米粉咁🤣花枝丸有三粒 炸得幾香口還可以👌🏻鹽酥雞炸得有啲乾 肉比較柴 麻麻地最後一個甜品作總結 叫咗凍仙草芋圓1號 ($34)可惜唔夠凍 但芋圓真係超煙靭！下面有大量仙草 紅豆唔會過甜 整體幾好👍🏼成個lunch食埋甜品人均都係$70-80食到勁飽 好滿足！😋

突來一個黑雨🌧️假期又撞正傷風作病🤧都冇咩胃口😶落街行個圈 冇咩想食咁 又唔想食粉麵飯咁就入羅東望下 雖然好近我 但都好耐冇食過🫣👉🏻招牌芋泥肉鬆蛋餅皮是比較厚實 芋泥都算綿 但有少少凍 配合肉鬆 口感味道有點分離 整體不是我喜歡吃的口感&味道 😓

🐔鹽酥大雞扒乾拌麵超大塊香脆雞扒，外皮非常薄，唔會有油溢味👌🏻麵嘅份量比想像中多，開頭以為會好似滷肉飯左右嘅份量🤣 肉碎同埋汁嘅份量都算多，可以均勻地撈曬成個麵，而且唔會太鹹🍳 粟米肉鬆蛋餅同台灣平時嘅蛋餅有少少唔同，呢款個外皮係脆嘅，有啲似手抓餅🫢雖然一份只有四件，但係因為每一件裹住嘅餡都好多，所以好飽🍚滷肉飯肉碎之間夾雜着啲豆皮，唔知係咪會入味啲呢？份量真係細細碗，好有台灣嘅風味😲 🥤冬瓜茶 如果有嗌飯類或者麵類嘅話，加$3就可以嗌杯冬瓜茶，尤其喺咁熱嘅天氣飲番杯凍嘅真係好爽同解膩👍