義香荳腐食品

Open Now

Now Closed

天氣酷熱，路過九龍城街市，見到「義香」，食碗荳花＋涼粉消下暑，坐底叫完豆花，想加煎荳腐，點知老板娘惡氣沖天鬧『噤遲落單』，其實店內只有三四個客，何況我只係幾分鐘內再order，從來都未試過解暑食品，越食越激氣！吾想做生意可以關門，無謂用這種態度趕客，抹殺『獅子山精神』🤔😤

我第一次寫評論，真心唔明呢間野點解咁多人幫襯。我第一次買 企係度等緊佢比豆漿豆花同炸豆腐，隔離有個女人拎起舊野問個呀姐幾錢，佢答「自己識睇啦，我唔會再答呢d問題」個女人當堂嬲到走左。咁佢唔係串我，我本身都無咩野。咁佢整完個豆花比我，就劈咗係前面個紙皮兜到暗示我自己拎，我一拎起個豆花係45度傾斜，我又兩手都渣住野，佢望住都無諗過幫手，仲bear我覺得我阻住後面，然後我唯有用一隻手慢慢整返好佢打直拎起。最嬲既係，我比左錢買埋3舊炸豆腐，佢唔記得都算，我問佢先幫我整，整好果陣佢拎起想比我我兩隻手都拎緊野仲拎緊部電話，諗住收返部電話落褲袋先接佢袋豆腐，然後我手機都未放落袋（一秒都無）佢就「dxx，你自己拎」（就將袋豆腐劈去另一邊個紙皮盒）我自己拎。真係心諗使唔使呀。返到屋企都仲成肚氣，想飲啖豆漿下下火又成浸燶味，我就真係唔識欣賞喇，呢間垃圾，我一定唔會再幫襯。

市建局話要重建，一心想嚟支持下，整返碗熱豆腐花先，送到過嚟見到，唔好講個size了，可能會俾人鬧”依家百物騰貴”……，個豆腐花嚡熠熠又硬，沒有豆香味，不想多講，支持市建局💪🏼ps: 如果再要講，樓面啲阿姐，尤其是短白髪的一位，我唔知佢係唔想做(如果佢係打工），還是唔憂做(如果佢係老闆），完！

九龍城變天，區內大部份名氣老牌食店都會受今次，市建局大規模重建此區計劃影响，須要結業或搬遷，而這問矻立在此區多年靠售賣荳品食物而譽滿全城的義香荳品食店，亦受影响打理人甚至巳向傳媒透露，會趁勢結業，因此揾食肥華就把握這店夕陽時機在6月10日，專誠到此店一試佢嘅熱荳腐花及涷荳䊢，等日後有番個集體回憶，先講個熱荳腐花味道真係堅得，可以同深水埗另一售賣荳品名店公和分庭抗禮，兩者都夠滑夠香，亦有應有嘅傳統荳腐花味道，此味食品打成平手，至於嗰杯荳䊢肥華就認為公和嘅比義香勝一筹，因荳味較濃和甜度較重，合揾食肥華口味多啲，奉勸各位看官，趁老店尚在快把握時機到此店食番碗平，靚，正，荳腐花喇喂👍👍👍

超級懷舊荳品店叫野食驚險過程比美10年前澳牛。首先同大家講下流程免等比阿遮用好重嘅語氣同你講野。1.自己搵位坐低2.自己睇定食乜, 牆上面貼左有乜食3.阿遮問你食乜時， 講清楚要乜，要唔要甜，重點記得講凍定熱，夏天無熱荳漿，如果想聽阿遮同你講多幾句就試下叫啦。4.默默地享受（可以拍照，阿遮唔理你）5.食完，起身，阿遮會計數同叫出去比錢，重點又黎啦， 錢💰～ 係要比賣荳漿果邊阿遮，千祈唔好比煎野阿遮，唔想阿遮又同你再講幾句，就唔好向錯方向比錢。——————————荳花 $10碗- 係正常滑嘅， 同以前細個街市食果D一樣。唔好問有冇薑汁，無架，枱上面有黃糖，自己加啦。無糖荳漿 $8杯- 飲一啖，真係有燶味架！飲多幾啖，飲晒成杯都係有燶味，荳味都有嘅放心。一路都有街方買支裝，阿遮每個都會提佢地要今日飲晒， 所以應該無問題，燶味應該係特式。—————————-其實 呢個食荳花經歷都幾特別幾好笑嘅。不過 阿遮s開舖做得咁谷氣不如唔好做，退休休息下啦。

今次去了一間九龍城的舊店舖，這是一間專吃豆品的餐廳。只要站在店舖的門前便會有懷舊感覺，讓你回憶兒時到街上吃東西的感覺。雖然店舖有一點歲月的痕跡，但是食物絕不馬虎。我話朋友選了一個碗仔翅撈米，顧名思義便是碗仔翅加米粉在一起，在日常的舖頭不太常見，所以選擇了這個來一試。碗仔翅內的材料從中，包括了冬菇等等另外米粉吸收了碗仔翅的水份及精華，讓米粉更像平常在茶餐廳吃撈丁的感覺，這種配搭實在是首次嘗試，感覺新鮮。另外，選了一個煎三寶，包括素雞、雲吞、豆卜讓魚肉。這種口味彷彿回到在街邊吃煎釀三寶的感覺，炸得十分酥脆有味，乾乾的感覺配搭鼓油，真的很舊沒有吃過，油份已篩走並吸乾，絕對不覺得油膩，但剛炸出黎有熱氣的感覺。最後不得不說的必定是豆漿，很多人會認為豆漿有甚麼特別。這是有濃濃焦香的豆味，當然這種口味真的要有歷練的人才會明白，可能小朋友就會覺得是燶厃的感覺，大家不妨一試，聽說很多人都會特意到這小店購買焦香味豆漿。

熱豆腐花$10好味指數：😋😋😋😋😋抵食指數：💲💲💲💲💲環境衛生：🧹🧹服務質素：💁🏼‍♀️💁🏼‍♀️推介原因：滑的豆腐花不難吃到，但要吃到重豆味的豆腐花，就不是周圍也可吃到。

路過九龍城，見到有豆漿就買左枝解渴😝見到鋪頭都有十分多豆類製品，有豆腐花、豆腐、豆卜等，仲有幾款豆漿揀，分別係原味、無糖同埋黑豆漿，買左枝$14凍原味豆漿，諗住起車慢慢嘆，點知飲咗兩啖好大陣燶味，我都返去搵店員問吓。同店員講覺得啲豆漿好似有陣燶味～店員話 我哋呢度啲豆漿係焦香味～好多人都會返轉頭搵我哋依款焦香味。可能真係鋪頭特色，但店員既態度就麻麻。個人唔太欣賞，本身都好鍾意飲豆漿，但原味豆漿飲落係完全無糖😰飲多幾啖想解釋一下係咪低糖～但係真係無甜味，豆味唔算濃厚，飲落有少少苦澀嘅口感同煲燶左嘅感覺。

老店係要珍惜但唔包括佢哋！連尊重客人的基本都做唔到！ 做得辛苦，討厭啲客，甚至乎係人入到嚟都令你咁厭惡，追住啲客嚟鬧，不如唔好做啦！留返啲機會俾值得欣賞嘅食店！亦都使九龍城區少一份冤氣！

豆腐花。紅糖令豆腐花帶上一絲嬌麗，看到都覺得甜。還是非常，非常熱的豆腐花，豆味不是很濃郁，滑入喉嚨後，那豆香卻慢慢回泌出來了。豆腐片得比較厚. 豆漿。豆漿的豆味也是非常有個性，是滑入喉嚨後才感覺豆香。豆漿喝到底部也沒有渣。

每次去九龍城逛街的時候都總會去這間荳品店飲杯豆漿，這店總共有兩款豆漿，一款原味，一款是黑豆豆漿，黑豆豆漿充滿着濃郁的黑豆味，好像有一股焦香味，另外點了炸雙拼（釀豆腐卜和炸雲吞），是即場炸的，又熱又香脆，雖然這間店的出品味道都非常好，可惜這裏每個員工都做到脾氣暴躁，例如點菜點得慢又罵，詢問餐牌或菜式問題時又極不情願地回答，就算回答你都是表現出極度不耐煩和極度晦氣，所有員工的氣場都非常霸氣，令人感到非常不安，而且全程都食得戰戰兢兢，可惜多年來態度都仍然極度惡劣，可能持住自己店舖生意好…..

通常去九龍城街市買餸就一定想去食碗豆腐花，之前幫襯開嗰間已經結左業，附近搵到另一間老店，所以間唔中都會過嚟幫襯下，呢啲豆品舖其實已經買少見少，所以見到都應該要好好珍惜。豆腐花只不過係十蚊內嘅嘢，由於天氣太熱，所以就揀咗凍嘅豆腐花，當然如果熱嘅一定會更加滑啲，另外仲叫咗佢哋嘅煎釀豆腐，佢哋嘅豆腐係比較硬身，加咗豉油其實幾惹味，兩碗豆花一個煎釀豆腐都只不過係三十零蚊左右，其實已經好抵食。仲可以外賣一啲豆卜返去打邊爐食

【九龍城懷舊的味道】呢間豆腐花店，其實係眾多懷舊豆品店中，唔係最好食😂仲可以講得上唔算好好食🙃 但係呢，有時經過九龍城，總會入去幫襯下！原因係呢一種老字號嘅懷舊豆品店，真係買少見少，執一間就無一間，新嘅舖頭點樣裝修都扮唔到舊店架！所以行到攰入去幫襯支持下，唔知邊一日就會消失🥲我自己留一個回憶！小店係冇冷氣嘅，如果介意嘅朋友仔可以秋涼先過嚟試呀📍魚肉煎豆腐📍凍豆腐花豆味唔算好濃，有微微燶燶哋嘅味。食咗咁多次都係咁嘅味，應該係本店特色😌今次舖頭比較多人，唔好意思影店舖相。下次等人少啲再嚟，影啲店內相將來可以懷緬回憶下😔😔😔

位於九龍城市政街市附近的義香荳腐食品，舊式風格，舖頭是沒有冷氣，裝修幾十年不變，門前有豆腐食品賣，店內也可堂食，呢度出名 豆腐花和豆漿，自家用石磨磨豆，令到豆味有香濃焦香，呢度啲豆腐花柔軟幼滑，推介：熱豆腐花、鮮製豆漿有濃香焦香味，可以選擇甜味或無糖，黑豆漿都有，特色蛋菜糕，小朋友最啱，仲有煎釀三寶、炸物等……非常之多種類選擇，食豆腐花之外食埋午餐/下午茶都仲可以，都非常適合，食物美味值得可以再來的。

義香去九龍城食完飯梗係食甜品，公和執左，就去義香。同以前比較，就算地鐵通車，九龍城真系無乜人，好多吉鋪，所以入去義香都系得一檯客。豆腐花同公和比較系更有豆味，但比較“傑”，各有特色。個人喜歡義香嘍。