芝C Sushi (匯景商場) (Closed)

呢間壽司鋪我由佢係大角咀開始就食，水準一直都冇變過，啲壽司依然係咁好食價錢方面來講，佢啲壽司唔算貴，卷物大約$20至$40，手卷就十零蚊都有交易。佢嘅午市套餐都係大約50幾蚊，仲有嘢飲送，認真抵食😍😍我自己就最鍾意叫芝士漢堡扒便當，$54但係用料相當豐富👍🏻，塊芝士漢堡扒切開一半嘅話會見到入面啲芝士嘭嘭聲流出嚟😍個視覺效果已經一流，食入口更加唔使講，有芝士一定好好食👍🏻已佢個飯底都唔普通，有留咗啲芝士落去，令到普通嘅飯都變得好好食😍呢個便當佢仲有芝士汁燒玉子燒，呢個玉子燒係我最鍾意食嘅，入面放咗少少飯，再加埋啲醬汁芝士一齊燒，超好食！！非常之推薦👍🏻👍🏻另外佢仲會附送兩件三文魚卷同埋一個日日唔同嘅配菜，啲嘢真係好豐富，絕對係良心小店👍🏻👍🏻佢哋嘅卷物我都有食，味道都係一流👍🏻👍🏻而且老闆好好人，每次一有大型遊行佢哋都會冇開舖（大家知咩事），鋪頭貼滿文宣，最近仲擺咗個figure喺出面,黃到核爆。雖然最近好似俾人搞所以冇得再坐喺度食，但係就算係要企喺度食或者外賣攞返去都要大大力懲罰啊！！！

落開藍田探個朋友，佢話呢頭只係得一間真黃店，食壽司既，問我制唔制。咁我好明白係藍田咁藍既地方，開大道門做黃生意係難既，呢區無咩選擇都可以理解。雖然我唔係咁好食生冷野，但過去支持下都要啦。一間細細既舖面入面企住三個黑衫叔叔，面門好多黃貼紙啊文宣咁，正中間有一個記者figure，好型！佢早由612開始已經瘋狂罷市，11月西灣河果次出post講睇到新聞唔開心。同香港人企埋一齊，我地都會同佢企埋一齊！$44 芝味加拿大海膽手卷$38 芝C卷海膽鮮甜，芝士味好香，食到落最底一啖飯都仲有芝士係到，正！見佢連舖名都叫芝C，知佢主打芝士就嗌個芝C卷。可能食完海膽再食佢，好食但無咁大驚喜，不過都好足料。無端端係腰間竄左一個小妹妹出黎，佢拎住張廿蚊紙細細聲講唔該蘋果綠茶。黑衫叔叔第一次唔係咁聽得清，問妹妹係咪要xxx啊？見小妹妹無扤頭確認，又口擘擘細細聲講野，叔叔即刻走去收銀bar枱閘門下面個窿到捐個頭出去，好耐心温柔咁問小妹妹想要咩。真係估唔到叔叔原來係個暖男。好人一生平安。

落完order等一陣就有，係立食嘅叫咗兩款卷物，一個係同鋪頭名一樣嘅招牌芝C炸蝦卷，另一個係黑松露蟹棒卷黑松露個個卷物好香，係蟹棒青瓜壽司卷上面，加上火炙嘅沙律醬，最後鋪上適量嘅黑松露份量剛好唔會蓋過壽司飯同埋蟹柳嘅味道芝士炸蝦好香脆，吉列蝦係新鮮熱辣炸好，加上燒過半融化嘅芝士，雖然冇拉芝嘅效果，但係都好香口呢個三文魚腩相對冇咁出色，因為三十魚燒得over咗，個魚皮係焦黑帶苦嘅雖然入面有好大塊芝士搭救，但味道都係同想像有出入，not as expected三文魚腩如果可以靚啲肥美啲就好，唔使咁大件

經過見到好多人排隊，餐牌價錢唔貴，決定試吓，鋪位細細，四個人幫手整嘢食，雖然多人等，但值得。芝士黑松露炸蝦卷黑松露味道濃，配搭芝士大蝦，一流！極力推介佢嘅黑松露卷物，非常好味。火炙芝士三文魚卷不錯，火炙壽司值得試！火炙芝士鰻魚卷熱辣辣，趁熱食口感好好。芝麻醬日式三文魚冷麵配搭芝麻醬，好味😋見到好多人食佢嘅套餐，包埋嘢飲，仲有啲套餐會包兩件壽司，性價比幾高，特別係個鰻魚定食，下次再黎可以去試一試。

藍田真係有好多隱世美食，壽司又平又好味今日唔想出街，係某app見到有間芝c shusi, 就按入去望望有間用cheese做主打的shusi一於試下Menu當然唔少得芝士呢個topic海膽當然係我地必叫之一同叫左d其他款的壽司火灸芝c卷 (有芝士﹑帶子﹑三文魚同飛魚子)芝味卷屋(有芝士﹑帶子﹑海膽﹑黑松露)原隻赤海蝦刺身(1客2隻)榮螺壽司﹑辣味螺肉壽司﹑介辣八爪魚壽司同熟蝦壽司如果想食壽司又唔想自取的話。可以試下叫呢間

這餐廳以外賣為主，但舖面有四個座位，今日去到有十多人排隊叫餐，但仍有兩張吉位，想堂食不妨碰碰運氣。但趕時間的人就要注意了，因為所有柯打都係即叫即做，以保證新鮮，所以即使表面上人流不夠多，但仍可能需要等候一段時間。主打的芝士系列很受歡迎，小弟作為一個芝士控就先試了個火炙芝C卷，暖暖的芝士夾著三文魚+帶子+魚子，小巧精緻但不失邪惡 ，若不是趕時間一定會試埋其餘幾款。舖面放了不少精美文宣，經過不妨拿張欣賞一下。

呢度鋪仔細細做外賣為主外面有個bar枱都有幾個位可以坐低食台上有三位佳麗宜家為你地逐一介紹！.左邊：火炙芝味三文魚腩刺身輕輕燒過吓嘅三文魚夾雜住火炙嘅焦香同三文魚嘅油香中間仲有粒暖暖又軟軟嘅芝士表面有番啲沙律醬酸酸地吊番起個味好邪惡呀🤤.中間：汁燒芝士厚燒玉子厚厚嘅玉子燒夾住少少壽司飯食嘅時候諗住將佢一分為二中間嘅芝士份量都唔孤寒一夾開就拉到大大條絲出黎難離難捨藕斷絲連咁過癮過癮😆.右邊：黑松露汁燒饅魚卷黑松露醬味道較濃一開始係原完遮哂啲饅魚味咁濟𡁻到最後先有少少饅魚味走番出黎唔係唔好食不過就同左邊兩樣就比下去了🤔.間唔中行過食番一兩件好愉快呢~ 😙

有一段時間無去匯景啦，一向都好多野食一上到去商場，發現開左間壽司舖反正未食下午，買左個飯試下我叫左$52 燒三文魚飯(配3件壽司，2件吉列蠔同前菜) + 1盒紙包飲品食左一件生蝦壽司先醒起未影相首先要讚下個吉列蠔，我外賣返屋企食返到去個蠔都仲脆，好好味壽司方面就無乜特別。不過估唔到壽司會比3款都係生嘅壽司三文魚燒得岩岩好。飯方面，有一陣味，但又唔係燒汁又唔係醋味。初頭食覺得怪怪地，食食下都ok，可以下次再黎試下其他。

燒到咁，點解可以拎比客？翻到屋企見到超級無奈....唔係住附近，又無得拎返去....帶子，玉子燒，加州卷好明顯黑曬。我係同一個商場或者元氣都叫過類似燒壽司，未試過咁誇張......

我原本以前喺大角嘴發現呢間舖，佢主打係芝士卷物同壽司但我眼中佢嘅重點係手卷，之後佢轉到藍田，近咗反而少食咗芝C卷 $38芝士卷物有芝士、三文魚、帶子、飛魚子用反卷形式用壽司飯包住三文魚&流心芝士然後再外舖一層芝士&帶子&飛魚子加埋忌廉芝士+車打芝士+水牛乳酪芝士一次過食到幾種芝士，芝士控必食！芝味加拿大海膽手卷 $44我個人偏愛手卷，因為最抵食！價錢唔高用料充足今次揀海膽手卷質素唔差，入口即溶平時食啲手卷，食食吓去到大概3分1就無餡但呢間勁足料，佢個包法係食到底都係餸！

在2019年7月14日星期日，下班時間來到藍田滙景廣場5/F的壽司店☺。這家壽司店以外賣即製為主，但是店外只有少量空間提供堂食。當天order了軍艦壽司及普通壽司，普通壽司可以轉火炙製作，而且每一件都是用心製作以及都保持著新鮮的味道😊😊，但是帶子夀司被醬油滲透了，我不小心夾散了😂。左邊的是黑松露卷物，而且選擇了兩款，每一件都有新鮮的黑松露，以火炙方法製作非常咁香😂😂😂。右邊的是小卷，當天order了蟹柳小卷，而且每一件都帶點飯香。

西日crossover料理—黑松露魚生丼🐠🦐🦀🐚.藍田匯景商場被譽為東方潮特，因為藍田位處九龍東與觀油調將接連，與港島東亦是彼岸，所以慢慢令匯景自成一角成為東方的潮流雜散地。.黑松露魚生丼（$58連罐裝飲品）🔺有甜蝦🦐、三文魚🐟、帶子🐚、蟹棒🦀、蟹籽🦀及黑松露飯。🔺刺身鮮美，沒有翻雪的問題，三文魚鮮甜亦魚味重。🔺黑松露飯味道剛好，不會搶走整個魚生丼本有的清爽感覺，如果飯溫再低一點會更好，因為外賣時，飯溫會影響魚生的質素。

還好吧 但真的沒下次首先 我7點50分買 8點35分都仲未有等超久 但其實店內冇乜人買 等既時間太久了 唔值得 更加唔想同場有人因為太嬲等太久而嗌可見並非我一人等太久的。時間太長了而食物方面螺肉份量少。飯太痴身太淋 雖然係飯係辣但一咬好似吃飯團。。而手卷還不錯吧！但真的等太久了

食過幾次 定期都會轉下定食Menu👍🏻Menu有生食有熟食 冇咁悶啊麻今次就試左今期既B餐 粟米吉烈豬扒芝士丼($43)吉烈豬扒新鮮炸熱辣辣脆卜卜粟米係粒粒粟米 (我開頭以為係粟米蓉)飯底就不用講 芝士 加 蒜香牛油 芝士仲拉到絲架好惹味跟餐仲有紙包飲品唔食蒜 唔食芝士 都可以走架唔食飯既朋友仔可以轉冷面 應該都正因為鋪頭位置係商場入面 人來人往可以預先whatsapp定下單 預時間黎自取就得啦😍老闆員工都好有禮貌好Nice 會繼續支持

係屋企餓得制，就叫左網上外賣平台 一尼到係熱嘅，睇個樣係幾吸引嘅我叫左一個鰻魚加三文魚手卷，同埋一個黑松露加帶子加海膽嘅卷物睇個名係非常吸引架，咁一打開個盒，係好香黑松露味嘅，但係入面成舊嘅飯好多，同埋中間放左個青瓜，完全唔夾，食上面會覺得勁香好惹味，因為有埋海膽嘛，但係下面就好dry, 同埋啲飯好實，感覺麻麻另外個手卷呢係超級香嘅，個汁配得好好，不過略為多左啲....咁食到底都仲有三文魚同埋鰻魚嘅啲野balance d 就會好啲喇