茶匠 清水一芳園 (Closed)

有日無聊周圍逛商場。見到有間日式cafe兼有大量抹茶甜品選擇，就入去歇息同醫肚。抹茶雙層芝士蛋糕， 不是太重抹茶味亦不是太重芝士味，不過不失。 唯一嘅好處就係唔太甜同軟度適中😂我見佢定食套餐不是太貴，聽隔離枱嘅食評都應該可以一試。可以下次同朋友過嚟食🤣🤣

清水一芳園一向幫襯佢既items有綠茶Roll同多款Mochi 但今次膽粗粗試吓佢既鹹點「正餐」老實說賣開甜品既正餐一般我都不抱有期望既然星期日周圍都要等位就俾次機會佢啦貪佢有日廚主場，手勢應有些不同吧兼且重點係我睇中個cream brûlée crepe...好順便喇成件事坐低左去cashier前落單，叫左一西一日比拼吓點知Creme brûlée crepe 暫停供應就叫左個朱古力roll頂替Set5-忌廉鮮蝦蕃茄闊條麵有驚喜！ 蕃茄湯好creamy但又好家常feel即無味精但又濃味加埋個有黑椒粒闊條麵咬口味道都很特別，黑椒唔辣架，唔好以為食唔到，只會帶來多一份香氣不過鮮蝦就唔好期望太高，一般小蝦肉Set3-玉子燒定食不過不失啦蛋卷不錯既但未去到要讚既地步...不過反而配菜薯蓉加煙肉同忌廉就明顯出色個湯也多料兼入味最後以甜品朱古力Roll 作結，可惜始終同綠茶味有距離，可能未整軟， 唔太夠朱力味一試也可的

平時行過呢間餐廳，都冇留意到原來除左綠茶🍵，日式系甜品🍡，原來佢仲有dinner set 。見未食過，又近今晚工作嘅地方，所以就決定試一試佢Dinner set 都有幾多選擇，而我第一眼就被個蛋卷吸引了，所以就叫左匿個蛋卷set做我嘅晚餐。係cashier落完order, 拎左個number揾位坐，waiter就送上跟餐嘅桃茶，大約等左15mins左右，waiter就送餐黎喇。個set有湯，有飯，有薯蓉，有菠菜，有肉丸，當然有主角蛋卷啦！食落冇味精，好有日本主家飯feel。最後當然有食埋粒豆沙甜品做一個圓滿嘅結束

話說我琴晚6點，行晒成個奧運都冇一個1.5磅以上既蛋糕係fit for 12人食！黎到呢間問佢地有冇現成，佢哋話有，但得15cm⋯⋯我地都諗左一陣...之後有一位店員主動同我地講話某幾款蛋糕佢哋可以現場整，但係要問師傅需要幾耐時間，因為佢哋有個日本師傅駐場！天啊，好感動！😭😭😭😭😭咁我哋就揀咗最普通嘅千層蛋糕🎂，大概2個中左右有得拎🥰🥰🥰🥰🥰$400/18cm 但都夠我地12個人食❤️❤️蛋糕皮既蛋味超香！而且起碼15層以上佢層與層之間係cream & custard梅花間竹咁間住既，而且唔會甜！老人家都食得好開心💕💕中間仲有士多啤梨片～士多啤梨唔甜又唔酸，而且幾爽脆😂😂😂好欣賞個師傅呀！好有心做❤️真係好物超所值呀！

昨晚同老公突然想食返喺日本食過的芭菲杯，黎左奧海城呢間試。口味同日本的一樣，亦同menu圖片一樣。特別想提，我食完急急腳走左，留低左部手提電話，今日一早去返試下揾唔揾得返，應該係店員或好心人執到俾返前枱，佢地幫我keep 住還返俾我。我好感恩，多謝店員，希望管理層知道並嘉許店員路不拾遺。

剛在奧海城的清水一芳園吃了一肚氣，圖中的綠茶雪糕竟用普通cream，向女店員諮詢，竟回答說「綠茶冇啦」，心感不忿要求退款，卻又由另一男店員回答說再造。但再造的意思是更換杯面cream，可憐杯中雪糕經歷10分鐘再造過程後，已變成一杯「水」！這間可是日本名店，這是日本人的工作態度嗎？還是已經「港化」！！！

依間野位置勁偏僻，行到商場盡頭，覺得好頸渴，坐低飲杯野抖抖都不錯。 叫左朱古力忌廉脆脆鮮奶抹茶同埋海鹽雪糕，賣相不錯，可以係港女既打卡恩物，杯野飲落都真係幾香幾有茶味，我欣賞佢唔太甜，唔會飲完覺得好膩，但我覺得佢啲朱古力脆脆不太好食，46 蚊依杯野我覺得都算值既，因為依家買杯咖啡都係依個價。海鹽雪糕乏善足陳，淡而無味，同喺沖繩食到既無得比，連裝雪糕既 waffle 都係，又唔會話係難食既，不過不失啦。 喺我食緊既時候，我見無咩人幫襯，由黎到同離開都係空無一人，服務員既態度一般，問佢有咩推薦，佢叫我自己睇 😅😅 你唔駛好笑容可掬好親切既，但係俾個 suggestion 都可以卦....

除左黑糖乜乜乜，其實今年都好流行水果茶。以水果茶做賣點既一芳，當然都吸引左一班忠粉。水果茶宜家好多店都有，今次就試下甘蔗系列😙夏天啃蔗透心涼！溪口甘蔗青茶🥤 $26本身十分愛蔗嘅清涼，去親台灣，蔗汁都大杯大杯飲（香港個啲太搵笨🤢）而呢杯都絕對唔失望🤩！一飲落去就有蔗汁嘅清甜，最尾加個茶味回甘，解膩之選！絕對係有第二次既選擇好味指數（5粒最高）：其實一芳唔止得水果茶，唔止限量黑糖粉圓架！下次可以試下！

之前經過沙田，已經想試試這間的抺茶甜品，但只有外賣又不太方便，得知奧海城開設了cafe,終於可以坐下慢慢吃！吃完飯後，不太肚餓，只叫了一個甜品套餐淺嘗。蛋糕（$45) 配飲品 凍抺茶牛奶，一共$79。蛋糕餐跟據不同的蛋糕款式會有不同價錢，而飲品則可選純抺茶/抺茶牛奶，當然抺茶牛奶會較貴。 這次選了五味抺茶芝士蛋糕，套餐配有兩粒白玉和一點紅豆蓉。蛋糕的賣相討好，正如其名，這件蛋糕共有五個層次，面層有抺茶慕絲，接著是一層抺茶乳酪蛋糕，中間有層紅豆蓉，再底下便是抺茶芝士蛋糕和消化餅底。層次分明，各種不同的抺茶味卻很平衡，加上抺茶的好搭檔紅豆，更是美味。 唯那兩粒白玉稍為過於軟身，欠缺些彈性。至於杯抺茶牛奶，從顏色看已知是奶味偏重，茶味稍弱，幸好甜度不錯，不會太甜，整體不過不失。

奧海城又有新店插旗.......茶匠 清水一芳園。單看店鋪門口已有一種欲罷不能的感覺。全是抺茶製品，眼球一遍綠色景象，感覺舒適恬靜😊門口左右擺放著兩大餐牌，店子細細，座位不多，但選擇卻不少，選擇困難症又來了。由於是tea time, 我還是點選了抺茶紅荳卷蛋加一杯熱抺茶，可以讓我在這悠閒的星期日慢慢享受。抹茶卷蛋的蛋糕很鬆軟，濕潤度剛好；中間的抹茶忌廉夠輕夠滑，抹茶味亦甘而不苦，再加紅豆蓉，齒頰留香。伴碟的紅豆和果子絕不是配角，質素同樣是上等，皮薄餡靚，紅豆蓉甜而不膩。而熱抺茶更是錦上添花，抺茶的香味在口腔內游走，茶味香濃帶甜，真的是一試難忘😋質素如此高的抺茶套餐也只不過是$58，真的是物超所值👍🏼

由開店只有兩款抹茶飲品及蛋糕,至今已經有不同款式的抹茶飲品,雪糕芭菲,蛋糕,泡芙,大福,嵌餅及提供多款套餐選擇! 我幾乎每天或隔天就來吃一次! 店內食物及飲品均以抹茶為主,抹茶味十足又不太甜, 抹茶味雪糕更是我的至愛! 除了抹茶口味,還有芝士,紅豆,芝麻口味的甜點! 店舖環境清潔衞生, 座位不多但勝在舒適自在! 店員服務態度友善! 一個人靜靜地享用美食或是與三五知己閒聊聚會的好地方! 這𥚃已成為我飯後甜點的必到之處!

一芳園芭菲杯：有抹茶果凍、栗子、白玉、抹茶忌廉、抹茶雪糕、紅豆蓉、朱古力脆餅、脆脆等配料，非常豐富。尤其個雪糕好好食，抹茶味好重綠茶大福：綠茶大福唔知係咪溶定d.入面個餡好癡好淋，外皮又癡住張包裝紙艾大福：艾大福好食唔太甜