華豐藥業保健藥療營養湯 (Closed)

晚上同了朋友去,因為都差唔多9 點, 唔使等都有位.地方就真係唔好有要求,有D似學校飯堂.不過,都整齊乾淨.叫咗個鎮江骨,炒芥蘭,芙蓉蛋湯同白飯係跟餐送既.一人要咗個花膠排骨湯,因為係貴價湯要另加錢.個鎮江骨好食,,其他餸味道都唔錯湯水感覺係足料.咁既價錢,真係好抵.

論場地環境，真係一般過一般想要靚靚環境o既，就算喇......但若果唔計較地方係點，咁一要來呀.......我自己食過５次，而家先得閒Ｄ野俾大家睇點解唔食過第一次就評論呢？原因為食多幾次先知佢地水準係咪真係穩定得好好呀......又真係幾好喎最重要賣點係上得去食必定有湯，每日仲要有７款俾你揀，揀到你o岩為止！佢地o個D名乎其實係湯水，例如龜苓湯、瑤柱響螺雞湯咁，款款都好足料，真材實料冇花假，以香港人一貫忙碌冇時間煮飯O既習性，來呢度就最好不過，因為起碼有個湯水俾大家可以保健一下。食物方面，當然係住家式咁FEEL，外觀唔會點有花巧野，基本上就同屋企煮o既冇乜分別，飯仲可以任裝添ga；至於味道，唔會過份濃味，當然某Ｄ菜式油少少就少不免ga啦，起碼唔會太濃味啦。我推介之一o既鎮江骨真係點都要食o下，原因係正確應該叫做鎮江排骨，因為呢度係用排骨去煮o既，好處係唔似得其他地方，成條骨咁，比較難咬開去食，而味道方面，甜酸度好適中，以我呢Ｄ一向好鍾意食極酸味、少甜O既人，兩種味道又唔會覺得是但缺一喎，份量方面都唔算細碟GA（所有菜式都係)！絕對值得推介！提提大家，星期五、六、日晚飯時間，記得早少少打

俾朋友帶左上樓，先發現呢度有間私房菜。平平地真係ok。3個人食都唔洗淨$150落樓，埋單時真係超surprised。 叫左三個餸同椰子雞湯.個湯就一般啦我覺得，d餸就不過不失,無味精黎講真係叫唔錯!有d屋企飯feel之餘亦似好耐無食過gei大排檔風味小菜。我地叫左金菇牛肉煲，蝦醬通菜同甜酦桂花魚。個甜酸汁佢整得幾好食，夠甜夠酸，有機會下次會叫甜酸骨試吓。

兩個人...食左一個套餐...有:椰子雞湯 / 瑤柱響螺湯: 湯好味....又大碗....睇湯渣就知佢足料XO醬炒雜菜 - 賣相麻麻..但係好味豉油雞半隻 - 雖然明知係整定....唔夠熱.....但係肉質仍然超滑...又唔生(即係見唔到紅色血粒)....用個汁黎撈飯勁正......我好鐘意......白飯任裝 (見到有食客自己裝飯先知)....埋單只係 $100食物絕對住家 feel ......又肉又菜又湯又飯都咁抵.....我已定左呢間係我新飯堂.....

湯唔錯,花膠湯,椰子豬骨*但明明我點的是雞...),但略嫌唔夠熱招牌豉油雞...ok la...涷涷地...同埋個大鱔....其實係細鱔.....金銀蛋莧菜...ok la,同出面差唔多...

睇到yahoo介紹d湯好似好好味咁, 於是約男朋友一齊去試下, 叫左個二人餐, 有半隻豉油雞, 真係超滑超好味呀, 愛食雞既我好快就食晒, XO醬炒雜菜, 都幾多XO醬, 但略嫌多油, 飲左海螺湯同花膠湯, 兩樣都好味, 好濃, 不過都係屋企既好味d~好貪心咁叫多個咕嚕斑塊, 如果d汁用黎送飯應該好味d, 但佢黎到既時候我地已經食晒成碗飯, 唔想再食太多飯太飽, 結果d汁就變左太濃喇….d斑塊呢, 勁多炸粉, 塊魚又薄, 唔係好得囉, 冇肉食, 全晚最差係呢樣見到d小菜平均都係$35, 幾抵食, 有機會要食多次不過我地果張檯好污槽, 檯邊有一大pat杰達達橙色野, 攪到我一手都係囉, 我估多數係冇認真咁抹乾淨張檯囉是晚食左135蚊, 冇加一好抵

有個朋友神神秘秘約我地上樓食飯一上到去真係唔講得笑....好多人排隊呀好彩有訂位由於屋企係無飯家庭一黎整碗雞腳湯不得了再食埋隻豉油雞好滑好入味其他野都好好味呀成餐飯都好有屋企既感覺*太愛了=]

　已經食過兩次，套餐抵食(小菜，湯，白飯/米粉)，就算列作$10元湯款亦多料夠火喉．食過豉油雞($45/例)，個汁唔錯，雞亦入味，但相對個人較喜愛霸王雞($45/例)，面頭一堆蔥絲薑絲，D汁係原碟蒸出黎既雞汁加豉油，夾住一齊連雞件食，好鬼滋味，雞胸肉都唔會嚡口，滿足感尤勝各推介之豉油雞．海鮮雜菜煲($35)夠熱辣，雖略為雜亂，但仍算好送飯．早前飲過青紅蘿蔔$10(套餐已包，自選)，花膠湯(要另加錢,7時後入座其餘款式一律有折)，生魚湯$10(套餐已包，自選)，真材實料，對於飯餐無湯不歡者此處為好選擇．

上個月同朋友去呢間野吃晚飯~~我本身係紅蘿蔔粟米豬展湯ｏ既ｆａｎｓ～所以我揀左呢個飲！d 湯的確好好飲!! 唔知點解可以煲到好濃!不過其他o個d餸菜就一般啦!沒什麼特別姐～

第一去食飯,真係比較難搵。但係真係值得O架,到門口已經好有住家FEEL。入面啲人好有禮貌,可能出左廣告嘅關係人流多左。我試左個龜苓湯,以為會好苦,因為黑色,飲落就好甜。炸魚柳用新鮮嘅魚唔係急凍。九王炒芽菜非常新鮮。炸大蝦就比較辣。鼓油雞必食。

呢間所謂私房菜o係尖沙咀做野既人大部份都識，我有時好想飲湯就去，環境係差D，但品質係ok，家庭菜無味精。豉油雞係必食，但有時雞太肥！湯就邊種都咁正！魚就好似唔太新鮮，我無食過，係D朋友講！

22-10-2005 1524如不是有人帶路，也唔知這裡有類似中環樓上靚湯的食店。縱管自己未去過樓上靚湯，相信這裡更加隱蔽。呢間食店位於幾舊式既商住大廈，電梯更是要自己拉閘。上到去仍有少少食客，我和朋友叫了今日的神秘湯、菜甫肉鬆炒蛋及鴨胸炒油麥菜，每位惠顧25蚊以上，送10蚊的湯，小菜還會送米粉或白飯一碗。這裡每日都有7款不同的湯水、150多款菜式(應該會有些要視乎來貨或時令)及稍為貴價少少既套餐選擇。而其中當日的神秘湯只是從其他日仔掉過來，而幸運兒是粉葛豬骨湯。湯幾鮮味，而肯定是沒有落過師傅，飲得過。炒蛋鹹味剛剛好，蛋不會太生或太熟，亦係叫得過的菜式；炒油麥菜事前已叫要走油，幸好最後出來係少油，鴨胸似食梳打牛肉，菜就林得黎仍然保持到青綠色，也不錯。如果想食得清淡一些，煮時可以叫佢地少油、少鹽及用萬字醬油，否則佢地會以正常手法去弄。總括來講係值得翻炒，不過阿姐的服務態度有點不太好，這亦都可理解。當一班經常光顧的熟客態度唔好時兼相方的基本禮儀及禮貌沒有進步，有幾好脾氣的服務員有時都會冇乜心機工作，有時大家要互動一下，而不是單方面既input，而冇另一面既output，「客人永遠是對的」在