蚊蚊豬老火鍋

Open Now

Now Closed

今日再一次嚟到蚊蚊豬老火鍋，今次嚟嘅係深水埗分店，餐廳位於荔枝角道，由深水埗站出行5分鐘左右就到，位置非常方便😊。。呢間餐廳真係好抵食，120分鐘任飲任食，無限轉煲，都只不過係大概$300，而且而家仲有期間限定，有三款特別嘅鍋可以選擇，分別係真。龍蝦鍋、鮑魚雞煲、雪蟹三文魚頭鍋🤩。每一款都好吸引，真係好想全部都叫晒，不過只可以三揀一😂。。最後，我哋揀咗真。龍蝦鍋，個湯底非常之鮮甜，好有龍蝦味，真係要飲返兩碗先，而且都有大大隻龍蝦喺度，食落都幾新鮮唔錯👍🏻。飲完個靚湯，跟住當然要轉返我嘅最愛-烤魚啦😂。我揀咗原味香辣清江魚，魚肉本身已經烤得好香脆，清江魚肉質比較滑嫩，而且有少骨，咬落口啖啖肉，再加上佢嘅辣味同調味料，越食越惹味，食得好過癮😋。既然係無限轉煲，當然要食埋雞煲啦❤️。重慶麻辣雞煲，簡直冇得頂，佢嘅啦調得好出色，非常入味，而且佢嘅雞肉十分嫩滑，無論係雞髀定係雞胸部份，食落口滑嫩多汁😚。最後當然要用呢個重慶麻辣嘅汁底打邊爐，本身入座就已經送上左一份極品牛皇拼盤同空運刺身盛🙈。牛肉嘅脂肪分布均勻，食落好牛味十足，再加上個鍋底嘅調味，勁好食。而刺身亦都好出色，冇雪味好鮮甜，好正👍🏻。

一早book 咗檯所以唔洗等 直接入店員好nice 咗同我哋講整好啲醬油同配料先之後就拎走 張檯空啲可以放食物😋開頭係雞煲 之後就打邊爐 雞煲好夠味 叫咗小辣 個人覺得啱啱好 啲雞件唔算大舊但勝在夠入味 😍除咗雞煲打邊爐之外仲有得叫刺身一去到會送人頭份量嘅鮑魚同北寄貝刺身我哋仲叫咗三文魚刺身 都幾新鮮 😎食夠雞煲就加湯打邊爐🤤🤤最期待就係蚊蚊豬嘅牛 因為朋友推介 呢道啲牛幾高質先嚟食唔係肥牛 而係有花紋嘅牛肉仲有好多邊爐嘢食同蔬菜選擇個人好鍾意有得食炸饅頭😝😝外脆內軟 同朋友人均食咗2個！最後埋單 人均$300 但係食物好高質同坐得舒服所以值得encore !🤩🤩🤩

有人話拍拖就係兩個人互相問大家食咩，直至到一方死去為止😂所以，到底誰人發明了火鍋咁偉大，為好多唔知食咩嘅男女解決左無數煩惱🤣朋友介紹嚟呢間火鍋放題，見到價錢唔貴諗住都唔好咁高要求，點知原來CP值極高！而家秋冬限定仲可以升級個湯底，可以揀羊腩煲，胡椒豬肚雞同埋藥膳魚頭。老老實實齋食個煲都值回票價啦😋但今晚都係想打邊爐，所以叫咗個鮮菌清湯窩同粟米豬軟骨清湯，呢度雙拼仲要係免費嘅😳每位入座都會送咗啲刺身上嚟俾你食先，有北寄貝同鮑魚，不過質素就麻麻哋冇乜味另外再叫咗啲刺身甜蝦，墨魚同螺片，都係麻麻地冇味既，所以可以唔洗叫刺身唔使叫到會送個牛肉拼盤上嚟先，有牛肩胛三角肉同埋牛柳粒湯底好多料，味道都唔錯，唔會淡茂茂好似水咁估唔到任食火鍋嘅牛都可以咁出色，好濃牛味，絕對唔係普通平價任食火鍋嘅肥牛質素仲有牛白肉同牛板腱叫，任食火鍋來講牛嘅種類都算多另外仲叫咗脆肉鯇同埋牛筋，質素都好好，好新鮮，脆肉鯇冇腥味，大大舊淨係食牛都可以食到回本，埋咗單仲可以落樓拎雪糕食，係香港製造嘅gelato😻美中不足係樓上閣樓樓底矮同位置比較細，一多人嘅時候就好嘈，完全聽到老公講啲乜嘢只好默默地繼續食😂總結火鍋既牛肉CP值

事緣約咗朋友飯聚，朋友講起曾幫襯過深水埗區嗰間蚊蚊豬火鍋店嘅120分鐘任食火鍋放題，話佢哋個啲食物質素同價錢以及樓面服務都ok，所以我哋一行5人就決定再次幫襯，但今次為咗方便住得偏遠地區朋友仔就改去佢哋另一間喺太子嘅分店，點知呢個決定就令我哋中哂伏！我哋訂咗星期六晚上七點鐘嘅檯，晚上六點四十二分左右朋友早到咗但未齊人，佢哋問職員可唔可以早少少入去坐住等，職員話可以接著就安排佢哋入坐，之後其他朋友陸續嚟到湊齊人數，就聽著其中一位女職員開頭都好聲好氣咁講解落單流程，但職員成個過程系完全冇提及過一落湯底就開始計時呢樣嘢（朋友講明上次深水埗經歷完全唔係咁樣一回事），我哋就盲摸摸咁鍋轉鍋直到想轉回普通火鍋蕃茄湯底打邊爐時嗰個女職員就話「冇得轉，120分鐘前30分鐘 last order 已經截咗單」，連last order 都冇出句聲溫馨提示下，之前落咗單嘅火鍋配料仲要落6樣就送得3樣（落完單啲蟹柳、陳皮魚蛋、牛舌粒完全冇送嚟），同店家話事人反映不滿，佢指住嗰時間話「落第一次嗰個鍋時已開始計時，已經夠晒鐘冇得加」，仲懶好人俾你加轉火鍋食物，試問你張單邊度寫住嗰第一次落湯底時間，簡直強詞奪理到不可

想食刺身, 又想食🐥雞煲♨️其實烤🐟魚都唔錯 樣樣都想食🤣🤣小朋友先要做選擇🤔, why not both我全部都要🤣, 所以先揀呢間, 任食刺身雞煲烤魚➕️火鍋掛住食🐟冇影到, 店員實在太細心, 驚我哋太辣叫我哋唔好叫中🌶🌶， 實在太睇小我哋無辣不歡， 其實。。。中🌶都唔係好🌶跟住係刺身時間🎉🎉包括冰鎮鮑魚 /北寄貝 / 紅鯛魚再嚟過牛肉拼盤牛柳粒 / 牛腱阪 / 牛舌 / 牛肩肉 / 封門柳另外仲有其他任食刺身當然唔少得叫三文魚 / 甜蝦 / 馬刀貝其實仲有其他不過冇叫例如有仿鮑片 / 墨魚。。。小食有芝麻八爪魚🐙 / 味付螺肉 / 手拍青瓜 ( 如果係辣就更好)/ 陳醋雲耳 /子薑皮蛋 。。。 另外仲有黃金饅頭 / 川汁皮蛋火鍋配料有最愛嘅黑色黑栢葉 / 牛胸爽 / 牛黃喉 仲有好多好多不過呢幾種都幾特別

最近都想食打邊爐，朋友就推介左呢間蚊蚊豬，見收工近近地就過去食～佢有幾款湯底可以揀，我哋就揀咗自選鴛鴦湯底（招牌紅湯窩＋花雕醉雞窩）另外佢可以叫打邊爐放題或者單點我哋就單點左個手切牛，質素都算中上，有雪花同埋食落唔會韌～咁啱撞正佢有新鮮鱆紅刺身供應，即刻嗌左一碟！好新鮮好好食！又唔會腥！推介！但係佢唔係成日供應，如果想食記得要早啲打嚟去問～另外都叫咗啲刺身，有三文魚、帶子、北寄貝等等，質素同出邊放題嘅都好相似，正正常常！而餐廳間隔都幾好，坐得好舒服，同朋友收工嚟都係一個唔錯嘅選擇😆😆

第一次食 算好彩 6點打去問7點留枱2個人 仲有枱可以留，但7點令鍾至9點食完走人外面仲有人等位😅😅，呢間鋪有閣樓上 今次坐閣樓 呢樣我個人比較鍾意 ，埋單每位$298加一$328 閒日19:00-21:00時段 原來雞煲烤魚任叫 🤩 烤魚鍾意叫盧魚少骨多肉 ， 仲有羊腩煲 魚頭煲 胡椒豬肚雞 3揀1 ，有叫刺身但食落普通，食完煲就打邊爐 打邊爐最關鍵係啲牛肉 牛肉來講 呢間算唔錯 有牛味，黑柏葉 鵝腸都唔錯👍🏻最後埋尾雪糕 就少啲選擇 只有朱古力同雲呢拿味 但整體而言都滿意 等遲啲冬天 應該會再去多次🤓。

最近食牛大人食多左，想試下其他火鍋放題😏，見到呢間餐廳做緊優惠，星期一至四7點半前結帳，每位$248，另外訂枱滿4位即時減$100，最終4人$991。🤤 我地準時5點半入座，首先點左個小辣青江烤魚。賣相真係好靚，大大條魚，而且全部都係粗骨，唔洗怕會唔小心連骨嘔，加上師傅劏好哂，半邊全部都係肉，啖啖肉好滿足~~ 烤魚啱啱上枱果陣個湯汁較多，所以魚肉未能入味，但水份蒸走一半後，辣味越嚟越出，個汁用嚟打邊爐最正!! 😋落柯打後，職員會送上一次性刺身，包括鮑魚、北寄貝、鯛魚(應該係)；一次性嘅牛頸脊；同埋牛肉拼盤，包括牛板腱、牛舌、封門柳、牛肩、牛粒；全部牛肉都好靚，以任食嚟講質素唔差。牛舌彈牙、封門柳最有牛味、牛頸脊肉質最淋、牛板腱切得太厚有點韌、牛粒比想像中軟，煮耐左都唔會韌，有驚喜、牛肩肉係第二淋又有牛味。牛類選擇好多，除左拼盤嘅牛外，仲有少見嘅牛胸爽😯!!! 全枱人第一次食，所以唔識煮，煮到好韌，韌到好似食緊香口膠...😂😂另外，任食刺身有三文魚、甜蝦、墨魚、馬刀貝、仿鮑片，係墨魚麻麻地，比我煮番熱嚟食😅，好有墨魚味🙊，其他正正常常。前菜則有芝麻八爪魚、味付螺肉、手拍青瓜、陳醋雲耳、麻

事源我地係星期日BOOK 左枱3 位, 都COMFIRM 左有位, 去到現場時佢地話無枱,咁我地話打左比你地同事話有位無打錯電話, 都係無啦. 咁出番門口打番電話去問, 佢好直接話我知我有位會同店聯絡安排。咁鬲多一陣問多次, 收銀個叔叔好唔耐煩咁話無枱啦, 等有枱先比我, 咁要等到幾耐呢? 仲話之前比d  WALK IN 客所以依家無位.  咁我訂枱黎做咩呢? 同場仲有一枱由佢分店行過黎, 咁佢地訂枱時又唔人地講邊間,又唔溝通兩間舖. 回咁無交帶既廳店, 1 次都唔想食. 真心DISLIKE 佢。

好飽好滿足既一晚萬州烤魚 🐟舖頭有清江魚/鱸魚 選擇，超nice嘅姨姨推薦我哋食清江魚😙因為自己一般係街市都難買到。上到枱都有手臂咁大條！我哋四個人食岩岩好 好滋味😽 清江魚肉質好彈 比平時食嘅魚有𡁻口啲 真係值得一試👏🏻 烤魚入邊有蔬菜做配料，我哋揀咗BB辣，啲蔬菜吸晒啲汁又香又刺激😜重慶麻辣雞煲🐔呢個都係嗌咗BB辣，配埋蒜頭洋蔥 真係好惹味😍隻雞一啲都唔求其，超彈口 又滑嫩 完全唔老。最後我哋直接加湯落去打邊爐 唔想嘥咗個汁 order 店舖嘅手切靚牛落去碌 真係正到無得再正😝💕有各款炸物小食任叫🥰晚市火鍋放題仲送海鮮拼盤 樣樣都好新鮮😍而且火鍋食材 三文魚剌身 飲品雪糕 任飲任食！呢個價錢真係抵到爛🥹🌟餐廳特別會附送紅酒牛尾鍋🐮但食完頭兩味已經好飽 真係食唔落🙈見到隔離枱食都好吸引 可惜今次食唔到 咁就留返下次encore😚🌟

放題，任食兩小時 $228 (安格斯牛肉)一位(未包醬料及加一) ，任飲加$28一位.先食羊腩煲或雞煲或烤魚，再食火鍋.除左有火鍋，仲有小食同刺身.我地個日叫左羊腩煲，小騷，放題質素，正常發揮，份量足夠，新鮮，入口有羊味👍🏽另外仲拎埋佢淥牛肉食😬😬😬佢有隻要加錢嘅任食牛肉，個人認為唔使加已經好夠質素，有牛味，夠淋.食完羊腩煲之後我哋就叫咗腸個醉雞煲，啲雞都醃得好有酒味，最欣賞係佢啲新鮮雞雜同鵝腸，鵝腸係有肥膏新鮮個隻，好正.小食方面最欣賞嘅係皮蛋同炸饅頭，個炸饅頭係即整㗎😬😬.刺身嘅質素就一般.Cp 值及夠飽: 價錢就唔係超平正常啦但整體嘅質素係高嘅.翻啅:會再返去食啊，好掛住啲嗰炸饅頭，牛肉，羊腩煲，仲有索晒啲精華嘅公仔麵

朋友仔推介食蚊蚊豬，咁岩深水埗開咗間新分店，就嚟試吓有幾正😋😋120分鐘放題，我食6-8點，$268一位。無睇錯，係任食😋啱晒乜都想食嘅朋友仔😍有烤魚、雞煲、打邊爐全部都係任食，飲品任飲，雪糕任食。火鍋嘅湯底亦都有好多款😋😋每位附送海鮮拼盤，勁新鮮，蝦仲郁緊。重有刺身食，很新鮮，正👍🏻忍唔住叫炸饅頭，以為一客得一件，原來一客有4件。😂新店期間限定羊腩煲，岩晒冬天嘅時候食暖肚。不過每枱只限一煲，份量多，而且羊肉炆得很淋很入味，有蔥、馬蹄和筍。馬蹄爽口清甜。重慶麻辣雞煲，可以選擇辣度，我就揀咗BB辣🤣半隻雞，雞件切得俐落不會有碎骨。最後以粟米豬軟骨鍋為火鍋湯底，清湯為主。叫左三款牛，分別有手切安格斯，封門柳和牛板腱 。牛勁靚，肥瘦均好。Da doice 雪糕勁好食😋😋其實係食左5杯，最中意食柚子乳酪和朱古力99。呢款雪糕寫明係低糖低卡，先敢食5杯😂😂😂

唔講唔知原來深水埗新店同太子店唔同，每枱送一碟海鮮拼盤，仲有牛板腱同封門柳等牛肉任食，值得叫聲牛肉專家啦！而且最近仲有期間限定既每枱一鍋羊腩煲，咁就可以過個溫暖既冬天!首先叫左薯仔蕃茄湯鍋同埋鮮菇清湯鍋，蕃茄同菇既份量都好多，認真抵呀！我地首先食左牛板腱，好香濃既牛味，而且唔會有蘇味，雪花紋十分靚。我地仲食左安格斯牛，佢比較稔身，但同樣出色，好有滑牛肉既感覺。呢度既飲品仲要有好多選擇，我鍾意飲茶，佢有烏龍茶同解茶，媽咪鍾意飲果汁，佢都有成四隻款揀，貼心之選。侍應姨姨服務態度令人感到賓至如歸，下次必定再黎。

今日嚟咗太子嘅蚊蚊豬老火鍋食晚飯🥣我哋叫咗＄228 2️⃣小時嘅仼食放題，裏面包括放題、刺身、雞煲……真係勁抵🤑🤑其實佢可以選擇雞煲🐓/烤魚🐟/羊腩煲🐐，不過我同朋友都知道佢雞煲其實幾好食，就梗係嗌咗佢啦！首先講一講佢嘅雞煲：真係極之麻辣！雞煲用咗花椒、八角、等等唔同嘅材料，營造左辛辣麻香🌶嘅味覺。朋友讚佢用上媲美新鮮雞🐣嘅雞件，非常之有雞味，雞件全部啖啖肉🍗，真係唔會同你吝嗇😂😂😂題外話，朋友嗌咗烤魚煲🎣，原來都好正！我哋之後嗌咗刺身食，款式唔多，但大路野都有：三文魚🍣、八爪魚🐙、墨魚🦑、鮑片🐚等等最欣賞就係墨魚刺身，非常之新鮮！我哋今次叫咗鴛鴦鍋底：蕃茄薯仔湯同埋豬骨湯我覺得豬軟骨湯底非常之足料！湯底裏面浸住大大件嘅豬軟骨🐖，滾到最後，豬軟骨浸林晒🦴，入口即溶，超正！侍應好快上咗一碟安格斯肥牛🥩，肥瘦均勻、亦都唔會有筋，同埋好足牛味🐄，值得一讚！我哋仲試咗佢其他配料：炸魚皮、五花腩、豬肚、牛柳粒、魚皮餃、墨魚丸、牛丸、芝士腸等等，全部都好正！最欣賞就係牛柳粒，因為件件都非常之有牛香味🐮，亦都容易咀嚼下嚥🤤，推薦俾各位。😌—————為食分界線——————📍 蚊蚊豬老火鍋 (太子)太子汝州

天氣變凍，大家梗係想一齊打邊爐取暖，而呢間火鍋店就位於太子，鄰近地鐵站，係雞煲或烤魚火鍋放題，任食兩小時👍，今日就同朋友去試下🤓➡️麻辣雞煲🐥，萬州烤魚🐟放題兩小時任食 (HK$228)首先揀雞煲或烤魚，再來加湯變火鍋。✔️萬州烤魚🐠烤魚餐廳是預先烤熟，再等湯底滾起便可以開餐🤤 魚的份量頗大的，肉質很鮮嫩。重點是魚不算有太多骨，啖啖肉，很容易進食。😋食完烤魚後，加湯打邊爐！每個枱面都有order 紙，食物選擇多不勝數，肉類🐄，海鮮🦑，餃子🥟，丸類🍢，蔬菜🥦等等，記得食到幾多先點幾多呀，不要浪費哦大家🥰➡️安格斯肥牛不得不提安格斯肥牛，肥瘦分布均勻，牛肉香味重，口感鬆軟。🐂 除左火鍋🍲配料，仲有日式刺身，前菜等，包括芝麻八爪魚🐙，辣味螺肉等。除此之外，仲有多款川味小食如川味皮蛋，拍蒜青瓜，陳酣雲耳，選擇多羅羅。😋呢個價錢💲，雞煲，烤魚，火鍋，日式刺身，前菜等等咁多野食，真係抵到爛，食到捧住個肚食🙆‍♀️