蜀府川鍋 (Closed)

油塘是我成長的地方，每一處都好有感情！住嘅地方當然已不在呢？名稱已變成大本型了，很美的名字，不過還有些舊嘅工廠大厦還在，而且還變了工廠大厦食肆了，”蜀府川鍋”樓上也是當年姊姊曾經做過嘅地方工作，大厦外觀無乜點變，變嘅是樓下是食店了，影完懷舊相回想舊日的足跡😃😃，當然要品嚐下蜀府川鍋啦！地方不算優雅，返而覺得似成長大排檔嘅風格，或者這是有親切感呢？😀😀油塘環境近海，又近鯉魚門，以前好多海鮮食架，唔怕講吖，我係食海鮮大㗎！到而家都很喜愛食海鮮😋當然試下” 海鮮鮑魚雙層蒸氣塔”啦！🎉🎉😊😊好多海鮮呀 !又大又肥美又鮮，而且望落重好新鮮呀！鮮味和份量都十足👍👏👏 由於蒸氣塔蒸海鮮比較慢，也沒有計時器給我們計算， 我們又不太懂要蒸幾多分鐘，所以保守啲計時每一種海鮮都比較用時間長些，😂 不過海鮮夠新鮮所以也不太影響海鮮味，最後我哋便將其他海鮮呀雞呀魚呀龍蝦放入鍋裏面煮熟便算，嘩!原來配埋瑤柱鮮竹排骨粥，味道重鮮甜呀👍👍😋😋✨✨✨✨✨海鮮有:沙巴龍躉一條🐟 蒜蓉粉絲大元貝 蒜蓉開邊龍蝦🐲 原味蒸大蜆皇 九頭活鮑魚和細貝殼。好豐富啊！😀😀😋😋呢個套餐仲有蟲草花雞 粟米 綠茶芋蓉餅送添，餅香口脆熱辣辣，

今晚與朋友飯聚，早已上網看到此店食評不錯，希望不要中伏，果真沒有令我們失望。我們點了原條深海東星班跟大隻蜆粥作火鍋。另外點了2碟食物，雞脾茹及澳洲黑毛安格斯上肩肉（牛），肥牛便吃得多了，牛的肩肉真的第一次吃，便試試吧！ 東星班刺身好新鮮，鮮味十足，而且整條魚好肥美，分量可以3-4人食，這個粥又大蛽又東星班，相信粥底一定會好鮮甜😋！而牛肩肉呢個位置，有少少筋，所以較為有咬勁，而脂肪也較少，但又不會因此變得粗鞋，牛味相當濃！而雞脾菇都好好味，因為完完全全吸滿粥底的鮮甜味，加上雞脾菇是厚切，所以吃落去好多汁👍🏻，好香菇味。整個粥鍋又鮮又甜，叫我吃了又吃，我倆吃得飽飽，好滿足呢！

同屋企人食飯，見佢食評咁高分數所以就選擇咗黎食，去到門口開始有少少唔多想入去，門面令人覺得唔係咁乾淨咁，入去到仲未有其他客人時間仲早可能，入面就更令人覺得不安，污污糟糟咁樣我地叫東星班去打蜆肉粥底邊爐，條魚係好食同夠新鮮，但個粥底就俾得太多米水又太少，煲咗5分鐘都無就開始痴底我地額外叫咗響鈴、牛、雞脾菇、鮮支竹，分量正常，鮮支竹由頭落去煲到尾都唔仲係好硬，質素好差，食咗半條成碟放棄咗無食，大家都食太好趕，因為真係唔想再坐落去啦！

今晚突然想黎鯉魚門，即係油塘搵食，係openrice 搵到呢間食海鮮、川菜，不錯！坐底後見到餐牌有海鮮蒸鍋、粥底火鍋、雞煲、烤魚，仲有海鮮套餐，心大心細左一輪之後就揀左2人餐，再加兩款小食。先黎前菜同小食～蒜泥白肉 - 五花肉片包住青瓜，夾埋一齊食冇肥膩感尖椒重慶皮旦 - 流心黃金皮旦，有旦黃香味加上秘製醬汁搭配，好食椒麻海哲 - 本身冇味道既海哲拌以椒麻醬，即刻好惹味清炒菜心 - 食咁多重口味野，民碟最清淡海鮮黎啦....蒜蓉粉絲蒸元貝 - 大大粒元貝，配蒜蓉粉絲蒸，實好食豉汁果皮蒸鮑魚 - 鮑魚新鮮，蒸既時間剛剛好蒜蓉開邊蒸波士頓龍蝦 - 雖然冇乜膏，但好厚肉，肉質彈牙仲有特色泥封富貴荷葉雞 - 感覺好似食燒雞咁，外層既肉比較乾但有荷葉香味，包住係入面既肉就嫩而有肉汁最後有甜品 - 炸綠茶芋蓉餅，又香又脆既外皮夾住芋頭蓉係中間，係內地成日都食到既甜品！

以前成日去鯉魚門食海鮮，行落斜路之前總係見到蜀府川鍋大大個門牌。成日想搵機會試，今次終於偶然機會去幫趁。見到川鍋以為全部辣野，點知原來海鮮，小菜，火鍋任君選擇！服務員唔算多，都在廚房忙，我們自己兩個人找個卡位坐低便是。看完餐牌，都會以為自己看錯，因為D套餐（無論係小菜，還是火鍋（係海鮮吖）都超級抵食！唔知點解去到近海嘅位就是想食海鮮，但又唔想火鍋，我們就散叫了！食物：避風塘炒龍蝦-豉椒炒聖子-北海道大元貝-水煮魚-蒜蓉炒菜心飲品：椰青，咸柑桔下次希望可以食埋避風塘炒蟹啦

川菜，係我最中意既菜式，因為好香口，又刺激,所以每一次見到有呢一類菜式嘅餐廳我都會即刻走入去食😋😋首先我叫咗個原條象拔蚌刺身，佢呢個餐係配一鍋大蜆粥，都只係$398，超級抵，點解咁講呢？就係因為嗰條原條嘅象拔蚌刺身畀晒你呢度已經抵晒啦🤗🤗🤗另外個大蜆粥，一嚟到見到佢個樣普普通通，食落口又估佢唔到咁好食，因為大蜆好新鮮，佢係用自己養殖嘅海鮮去即刻烹調，佢個粥嘅味都唔止係淡淡既白粥，入口好鮮甜好好味，因為成個粥底都係海鮮淆出黎👍🏻👍🏻👍🏻象拔蚌刺身份量好多好多，亦都好新鮮，因為佢都係即刻拎自己養殖嘅象拔蚌出嚟切，超級正👍🏻之後我哋再叫多個烤魚，係麻辣味，魚就叫咗鱸魚，啲魚肉好滑，魚骨唔算多，d骨大大條，唔怕會啃骨，佢嘅麻辣味好香口，但略嫌麻味唔夠重，不過煲煲下已經好好味，最抵嘅係佢原條魚嘅價錢都只係$208 ，同出邊差天共地，總括來講呢間餐廳所有食物都好抵亦都好新鮮，份量都唔少，值得推薦。

難得約左一班朋友去打邊爐，特登搵左一間係油塘既火鍋店，因為聽聞係隱世餐廳🤣🤣🤣餐廳地點都算方便，油塘地鐵站行過去唔駛5分鐘。一入到去，裝修都唔錯，入面環境寬敞。原來呢間餐廳都有幾多人，7:15分去到已經full full 地😲😲一行4人，打邊爐當然唔少得牛肉。大家都係牛魔王，決定叫兩樣牛肉，分別係極品韓牛同本地牛頸脊。兩款都有好種牛味，雪花又均勻，又夠厚身，真係一試難忘😋😋另外，佢哋既黃沙豬潤又係值得一讚👍🏼👍🏼 新鮮好味之餘又係厚身，食落好好味。最後想講係佢既麻辣湯底，平時都係愈食愈無味，點知佢地既湯底愈食愈麻辣，真係好過癮😆😆至於其他火鍋料，如肉丸，餃子，蔬菜等都好新鮮。我地叫左好多樣野平均每人都係400唔駛，都算有質素又抵食。 下次唔一定要去鯉魚門食飯先去油塘喇，值得再黎encore!

油塘除了有大本營，附近的鯉魚門更有不少海鮮食肆。放工後不想走得太遠，今晚就選了位於大本營對面街的蜀府川鍋嚐一嚐海鮮火鍋。門前放了大魚缸，內有多條游水鮮魚及象拔蚌。由於是平日夜晚，食客人數並不多。原隻大蜆粥拼象拔蚌刺身，孖寶組合都只是$398，十分扺食。以大火鍋煲盛載的大蜆粥底，充滿鮮甜蜆味。象拔蚌刺身口感爽脆，點上少許檸檬汁更能帶出象拔蚌鮮味。由於象拔蚌份量頗多，一大半用以生食，另一少部份則用作火鍋配料，又是另一風味。手切極品韓牛$288份量十足，厚切的韓牛肥脂分佈適中，稍為滾一滾便可享用，肉質鬆嫩。手打四寶丸$98有鯪魚丸、墨魚丸、蝦丸及牛丸，每款各有三粒，肉質彈牙。脆炸响玲$36，响玲表面呈微黃色，放湯浸一浸，味道一流。

今日和家人去大本型行商場，之後去了對面大廈的蜀府川鍋晚餐，吃海鮮及火鍋。原條深海活加州象拔蚌 + 原隻大蜆粥 - 今晚問店員有什麼好推介，他二話說就介紹這個優惠組口。象拔蚌是新鮮活的，作刺身生吃，極道鮮甜美味，沾上小量日式甜豉油及芥末，可提升味道層次。至於粥底火鍋，大蜆份量十足，粥底我建議上桌後先煮過半小時讓米身變軟綿才好吃，其間不妨暫當湯底先吃其他火鍋配料呢。火鍋水煮魚 - 這裡有數款魚可選擇，我們最後點了鉗魚，貪其新鮮即劏即切。由於我們當中有人不太吃得辣，所以點了小辣小麻湯底，的確大部份人也非常容易接受，至於鉗魚肉就不錯。手切極品韓牛 - 這個韓牛真的不得了，油脂適中雪花均勻，牛肉味重，放入鍋中輕煮一會即可，入口實在滋味無窮。脆炸響鈴 - 過不失，香脆可口，沾在粥底也好，放在水煮湯底個人覺得更好，當然你要吃得辣才好。自家手打四寶丸 - 相當彈牙有咬口，肉丸肉味十足，墨魚丸也出奇地好吃。整體食物錯，海鮮新鮮，火鍋湯底粥底種類繁多，有辣有唔辣，適合大班親戚或朋友聚餐。

今次喺鯉魚門揾野食，揾到依間蜀府川鍋，諗住食個海鮮大餐，點知朋友突然話唔想食海鮮🦞，所以我地就無叫到依到好出名嘅蒸海鮮同烤魚，轉食打邊爐，不過原來火鍋都好有水準，份量仲要都幾多一睇個餐廳名就知道四川菜好出名，所以就叫咗個雙色鍋（四川麻辣加芫茜皮蛋），兩個湯都足料同夠哂味。本地手切牛頸脊（大）（$228），好有牛肉味！手切極品韓牛（大）（$288），好滑，一睇啲油脂就知道係好肉，好味西班牙黑豚肉 （$98）黃鱔片海生蝦

有個朋友住喺油塘，佢知我好鍾意食海鮮🦞！所以介紹我去一個隱世食店⋯⋯🎈🎈🍲🍲蜀府川鍋🍲🍲🎈🎈位於四山街2號油塘工業大廈地下　可能係工業大廈關係！租金可能比較平！所以資源就去晒食材🤩海鮮超新鮮！係呀上枱嗰陣時仲係會郁添！🎈一人海鮮鮑魚雙層蒸氣㙮$168一位1.蒜蓉蒸開邊龍蝦🦞龍蝦🦞上枱仍然仲係郁緊🤩肉質新鮮甜美！2.原味蒸鮮活大蜆皇3.游水沙巴龍躉4.九頭活鮑魚5.蟲草花蒸鮮雞6.蒜蓉粉絲蒸大元貝7.鮮甜貝殼8.超甜粟米9.甜品🍮手工芝麻綠茶芋茸餅！即叫即製！10.湯底我哋揀咗🙆‍♀️瑤柱豬骨粥其實雙層蒸氣塔食咗好多次！但係價錢都比較貴！有一次去一間酒樓食五個人食咗四千幾蚊！逐樣計都幾和味😂！但係呢度一個價錢幫你搞掂曬⋯⋯非常超值！只收醬油費$20一位 茶芥 $8一位但係呢度雖然價錢便宜！但係一啲都唔馬虎！所有海鮮都非常新鮮！蟲草花蒸雞都超滑！所有海鮮經蒸煮然後！精華留落湯底！然後再加米煲粥！真係先甜到一個點啊！好味到停唔到口😋😋一滴都無剩！山楂咕嚕肉$68雖然醬汁非常美味！而且非常有鑊氣！但係我都係覺得海鮮蒸氣鍋最好吃😋⋯⋯最新鮮🙆‍♀️🤩後記我

早兩日放假去完東龍島，就諗住喺鯉魚門附近搵一間餐廳食海鮮過吓癮☺️ 就比我地喺大本營樓下工業區搵到有一間唔係咁起眼嘅川菜館🌶 雖然佢係川菜館但唔係剩係得辣嘅嘢食，就好似我哋咁，今次點嘅就是海鮮蒸煱套餐😆 168一位，每位計有：蒜蓉開邊龍蝦🦞、大蜆、九頭鮑魚、蒜蓉粉絲元貝、貝殼、沙巴龍躉🐟同埋雞件🐔等等⋯⋯如果呢個唔啱口味，仲有其他嘅套餐可供選擇，價錢都幾實惠🐸醬油自行調配，不過成家酒家得呢一架醬油車😒 不是太方便（紅：甜豉油；藍：鹹豉油）湯底方面有三個選擇：瑤柱排骨粥底/四川麻辣/芫荽皮蛋。（註：以我理解只有瑤柱排骨才有米飯附送，作最後煮粥）我地選了瑤柱排骨粥底雖然係星期日嘅夜晚，但係人流並唔係十分之旺場🙊 大概六成滿。到最精彩既套餐海鮮了🤭另外我哋都未食到一半佢就送咗個甜品上嚟🤡擺明係因為我哋後面張枱都係要同一個套餐，不過佢哋已經食到尾聲🙄 廚房順手整埋！但係都要一讚這一個芝麻綠豆芋蓉餅真係整得好香🥰除咗套餐包嘅食物之外，我哋亦都叫咗澳洲黑毛安格斯上肩肉（$168）、聖子（$38/隻）、同埋娃娃菜（$28）最後食完嘅時候仲可以煲埋個粥底⚠️不過我搵晒成個瑤柱排骨粥底同個煲我都係搵唔到一粒

今日同同事係油塘見先客已經六點，於是就一齊食飯，途經呢間餐廳見到有海鮮食就入去坐底左叫左兩個一人海鮮鮑魚蒸氣塔，鍋底揀左瑤柱排骨粥底，有幾舊豬骨係入面，所有野都蒸八至十二三分鐘左右先黎個海鮮盤，兩隻活鮑魚好生猛，仲識郁好新鮮；龍蝦多膏，肉質彈牙，個龍蝦剛超大隻多肉；粉絲大元貝同大蜆皇，有大量蒜蓉蓋係面，惹味非常沙巴躉，嫩滑鮮甜蟲草花蒸鮮雞，雞件份量多，又滑又入味皇帝菜，脆嫩無渣手工芝麻綠茶芋蓉餅，外脆內軟，芋蓉唔太甜，好香口既芝麻

蜀府川呢間餐廳，食完一次，就會好滿足，但過多一排，就會好掛住，想食下一次。地點方面，呢間餐廳地點雖然未必個個就腳，但總算係地鐵站附近，所以算可以，而食物方面，我覺得性價比絕對優勢，佢啲海鮮絕對新鮮。每次嚟都會叫前菜，因為夠辣，超正。仲有皮蛋，好好食。今次叫咗2層塔窩，好正。海鮮方面，我地叫咗個套餐，，套餐入面有好多海鮮，有鮑魚，鮑魚係必食，好新鮮，可以叫做係必食之選！仲有雞，雞味十足，冇雪味。個套餐仲有魚。鮑魚真堅新鮮！龍蝦超大隻，剛剛夠4人食！

爸爸生日我哋一家人到屋企附近一間中式菜館食蒸氣火鍋，這裏海鮮新鮮，多選擇。我哋一家七囗就叫咗個六人套餐，再加少少散叫食物。海鮮款款都好大件，活生生超級新鮮。拼盤內面有龍蝦、鮑魚、大蜆王😋游水沙巴龍魚，魚骨好少，魚好滑好鮮甜👍蒜蓉海鮮蒸扇貝，蒸5分鐘就食得，粉絲爽口配扇貝一齊食非常好味👍活生生鮑魚，蒸10分鐘非常爽口，一啲都唔un😋蟲草花蒸鮮雞，雞肉有醃過，蒸熟後雞肉非常嫩滑，配粥底一齊食，口感一流😋龍蝦隻隻好似手掌咁大隻，啖啖肉，蝦肉非常爽脆鮮甜。蒜蓉燒蠔-蠔肉一啲都唔腥，好入味👍芝麻綠茶芋茸餅-外皮熱辣辣脆卜卜，芋茸甜甜香香，好好食👍