街坊美食無骨海南雞專門店

Open Now

Now Closed

等我又介紹下個小店嘅海南雞烏冬先。喇沙湯底，個湯底系非常唔錯的，濃但唔太辣 (我唔系好食得辣，一辣就覺得蓋咗其他味)，而且有少少花生香。海南雞好滑，重點系無骨！！平時一路食烏冬咁滑嘟嘟，如果個餸有骨🍗🍗，好似疾下疾下咁，呢個系無骨，啖啖肉，正。不過無比海南雞個3個醬，要飯先有。不過無醬都夠味，只系睇下你仲當唔當佢系海南雞🤣🤣。烏冬就正常港式發揮，無酸味。總括嚟講，😋😋味道上我都非常滿意嘅。價錢$50幾蚊，正正常常。仲有清湯底，雞都一樣好嫩。雞湯味，配菜都變咗榨菜，咸咸香香好惹味。

唔知係咪遺傳嘅關係我全屋都好鍾意食海南雞飯🤦🏻‍♀️ 喺澳洲返嚟之後家姐介紹我屋企附近有呢一間海南雞飯 因為當時疫情嘅關係我哋通常都係叫外賣送上嚟🙆🏻‍♀️🙆🏻‍♀️🙆🏻‍♀️ 咁我通常都係叫海南雞飯配油飯值得一讚嘅係佢個湯 如果冇錯應該係椰子湯嚟嘅 飲落似係冇味精或者可能得少少味精👍🏻👍🏻👍🏻 嗰三個汁都係海南雞飯精粹 雖然試過有一次直接自己落去外賣自取 職員嘅態度好似一般般 但係食物唔錯而且價錢唔貴份量又多 繼續叫😂😂

晚餐嗌左兩份無骨海南雞飯同埋一份份鹽焗雞飯包左每人一份例湯嗌網上外賣平台送到黎要25分鐘黎到個湯都仲係熱既👍🏻👍🏻飯方面有白飯同油飯選擇少少乾 一粒粒有啲生硬但肉質真心非常嫩滑雞皮juicy到肉眼都睇得出鹽焗雞一揭開成間屋勁香😂😂😂

入到天水圍就要試試呢間海南雞飯 就店舖環境就好巿井啲 普通茶餐廳咁 無裝修 所以 價錢都唔會好貴 好貼地 一黎到份量好足 一啲都唔孤寒 接近半隻鷄禁制 仲有半碗伴菜 仲有酸青瓜同蘿蔔 鷄好夠滑 仲要用香料處理過 入口有陣沙薑味 個飯就係薑飯 入口味道唔會好濃淡淡地 夾埋個鷄就啱啱好 雖然 天氣熱熱地 但係 都叫咗個例湯 個例湯超好飲 口裡面係有紅蘿蔔同粟米既甜味 排骨既肉味 無味精 好清甜既湯水

佢d野食係唔錯 醉雞飯 同 口水雞飯唔錯今次講佢服務 一入黎無比餐牌 問多幾次有咩食 好似唔多想服務你叫左個喇沙牛肉烏冬 跟住佢落左羊肉 落單前講左3次 之後叫佢換 d人叫極都唔過黎又唔理你 總互相推塘同佢講左之後淨係換左塊肉 湯底好大陣羊肉味 入面廚房個男淨係換塊肉 都搞左一陣 總要無人同你道歉 最尾取消左碗野搞錯左 佢唔覺得自己係錯 無人黎理你態度好有問題人手有4個 一個廚房 2個係樓面 總有個唔知做咩 2個樓面忙住整外賣 落單 無咩默契 顧住做自己野 唔理人

天水圍呢合住宅區，出名冇乜嘢食冇乜嘢玩。而呢個算新開嘅天一商場記有間街坊飯堂。呢間舖頭嘅海南雞飯幾好食，雞係去骨嘅，而且雞肉都幾滑唔會好肥膩，而油飯又唔會太油，盒飯仲會跟啲酸蘿蔔俾你解膩。而如果雞唔夠仲可以加雞，都只係15蚊，再飲埋佢個湯就飽飽啦，佢個湯係冇味精嘅蘿蔔豬骨湯，甜甜地唔錯。但佢個海南雞汁就得個咸字，冇出面果啲汁咁帶辣，但係天水圍嘅街坊飯堂嚟講，我覺得呢個飯可以。而且佢仲有其他嘢食，下次就食下佢啲餃子先。

難得偷得浮生半日閒，於是落街食個tea。行過天一商場見到有呢間《去骨海南鷄專門店》，一於入去試試。正值下午茶時間，咁我揀咗呢個海南雞飯(HK$42)，嘩!套餐嚟咗一睇，份量都唔細，尤其係碗油飯，真係超大碗。隨套餐奉上嘅老火例湯，有紅蘿蔔加粟米，清清甜甜，味道唔錯。到主角登場嘞!啲海南雞皮薄肉滑，雞味足，配埋三色醬油，都食得幾滋味。另外嗰啲酸菜、青瓜，酸酸甜甜，好好送飯。估唔到街坊街里嘅小館，做出嚟嘅海南雞都有番咁上下水準，而且下午茶套餐價只賣HK$42，經濟實惠，認真抵食。

今日突然好想食海南雞，於是走嚟屋企附近天一商場呢間街坊海南雞食晚飯，呢個商場都有幾多食店其中有幾間係時常爆滿6點幾到已經要等位，聽家人講呢度時常爆滿因爲價錢唔太貴但質素唔差今次叫咗二人餐有蔥花霸皇雞/煎咸魚肉餅/油菜/例湯x2/白飯x2$132份量唔細，雞有半隻好嫩滑，豉油汁唔會一味得個咸字煎肉餅睇落好似麻麻但食落好香口，但又唔會好乾紅蘿蔔粟米湯好清甜，飲完唔覺得口渴！以呢個價錢有咁嘅質素唔怪得時常滿座啦！果然做到街坊食店

雞飯ok 的，我是由樓下食到而家開了樓上雞係ok 好食，但蒸餃子不是蒸的，是水煮，有點不似預期服務態度需改善，落單妹妹仔可能太忙，態度麻麻，問多兩句黑面，不是要笑，但用不着黑面的