袁記雲餃

Open Now

Now Closed

點咗藤椒魚皮同粟米餃子。魚皮首先嚟到，食咗一條，硬到似橡筋。問店員可唔可以換，佢話全部都係咁，換咗都一樣。我問佢可唔可以換平啲嘅生菜唔使退錢，佢話公司規定唔得。算，唔換唔食放喺度，當俾錢買個教訓。我同店員講，呢啲橡筋唔買得比人㗎喎。當然佢唔會理我啦，大家千祈唔好叫。以為佢開咁多間分店，咁餃子一定好食啦，又唔係喎。啲肉好似落咗粉或者化學元素，好奇怪嘅味道同質地。內地朋友教我呢啲叫做高科技餃子，唔會再幫襯。

好鍾意食餃子，呢間嘢好似越開越多分店，咁啱經過就試吓佢。Lunch餃子加麵食嘅套餐，$53唔包嘢飲，都算係咁。嗌咗個薺菜鮮肉餃10粒再加網紅混醬乾撈麵。鮮肉餃方面，每一粒啲餡都好多，好驚出街食啲餃子餡會撈埋好多肥豬肉，但係佢冇，反而比較乾身，食落口感好實淨。 混醬撈麵份量都唔少，醬料非常多，特別係芝麻醬。每一條麵都可以索滿醬汁，原本係好事嚟嘅，開頭係覺得好好食嘅，但食多幾啖就會覺得全兜面都好乾身，漿住喉嚨😂同埋啲芝麻醬太多，好快就好滯，盡量食都剩低三份一食唔晒⋯現場見到好多姐姐即時包餃子雲吞，即包即煮，都幾新鮮。仲有幾個客係買生雲吞返屋企煮，有回頭客，應該都唔會太差。可能係我今次咁啱揀錯嘢食啫。隔籬枱啲人話酸辣湯好食，下次試吓🤔

⭐️我點的是粟米🌽鮮肉雲吞麵，食物非常之新鮮，都是現場現包現煮，唔係預製嘅果種。不過雲吞皮有啲厚，唔夠滑。相對香港一啲專門食雲吞嘅老字號黎講，就會顯得冇咁好食！可能我對好食嘅雲吞皮有啲追求，廣式雲吞和港式雲吞都係皮薄為主！⭐️環境:裝修很新淨，都好寬敞明亮，座位可以隨便坐。廚房都係開放式，俾大家都睇到整個製造過程，俾人感覺很安心!靠近太子站，附近都好多食肆！⭐️性價比:都算幾高，➕9蚊可以要一杯粟米🌽汁。

尋日開工同同事食呢間野，鮮肉餃子面38蚊加杯豆漿加9蚊。 杯豆漿幾好飲可能係自家制。雲吞細細粒，易入口不過個人覺得麻麻地，好淡口啲肉無咩味道。湯底都係淡淡地。不加油會好些

作為一個餃子控 係街見到餃子就會想入去試吓而佢個招牌又咁搶眼 就比個機會佢座位係比較迫 但食餃子速度好快所以就算座位唔太闊落都無咩所謂幾岩一個人堂食見到幾得意嘅係 佢唔係只係得湯餃/煎餃係有款撈餃式者叫拌餃個概念係有啲似紅油炒手本身都鍾意啲重口味野 就決定試一試呢個食法揀左紫菜鮮肉餃 網紅混醬幹拌（花生醬mix辣椒油）落單係即時比錢 可以八達通/現金等咗10分鐘左右就上菜了一黎就聞到好香花生醬味將餃子係啲汁醬撈一撈 再放入口超級惹味！首先佢餃子嘅肉係扎實有口感配上紫菜嘅香已經好好食加埋花生醬同辣油 令味道再昇華有種食擔擔麵嘅錯覺！比較可惜嘅位係佢無得揀雙拼貪心嘅我唯有下次再幫襯啦！不過佢都好多分店 應該好快會有下一次