豆漿大王

Open Now

Now Closed

熱豆漿：味道不錯，飲到黃豆味，而且味道偏淡，飲完唔會口渴。同埋都好大碗，基本上每次黎食，我有半杯都要外賣拎走。粢飯：好推薦依到既粢飯，因為唔太鐘意食肉鬆既關係，好多時都唔太想食粢飯。但依到既粢飯，因為係即叫即包，所以可以隨意加減配料。今次我走肉鬆，但無影響到粢飯既味道，飯同配料既比例係一半一半，所以每一啖除左食到飯之外，都可以食到配料。入面既榨茶食落爽口而且無渣。油炸鬼就非常香脆。唯一既缺點就整體唔夠實，建議食之前，可以用力禁一禁實佢先。環境：由於都係細鋪，所以環境都接幾逼。同埋如果一個人黎食既話，有時食食下，店員都會叫你搬去拎一張枱坐。不過我覺得可以接受既，因為店員都比較有禮貌，

咸粢飯好味 入面嘅油炸鬼好脆 煎餃子要襯熱食 熱豆漿冇味 要自己加糖 但加完都唔係好好味 早知就叫凍豆漿...咸粢飯+煎餃子+熱豆漿 $44 本身我唔係太細食 但咁嘅晚餐已經夠飽...

係網上見到好多人話呢間餈飯好正！鍾意食餈飯嘅我，當然要黎一試本來唸住黎食早餐，不過位置度幾難搵，黎到剛過左早餐時間餈飯可以額外➕油炸鬼 肉鬆 炸菜我就揀左全加好多料，好正店員仲會好細心咁問你要唔要切開兩份D糯米飯都好煙韌鹹豆漿好大碗，材料都好豐富！有油炸鬼，蝦乾建議兩個人share一碗，因為一個人食一碗會好飽同埋好膩熱豆漿，上台食唔甜味，可以自己加砂糖豬排送到上檯個陣仲熱辣辣！剛炸好，外皮好脆，豬排都好鬆軟肉碎拌麵肉碎辣辣地，如果可以有多D肉碎就pefect啦

夜晚6點幾搵野食，經過見到呢間豆漿大王覺得佢豆漿同粢飯幾吸引，又有粉麵、飯、同小食，價錢又唔貴，於試入去試一下。因為本身唔太肚餓，所以淨係叫左個粢飯同一杯凍豆漿。朋友叫左個雞扒飯同杯凍豆漿。傾左一陣計啲野食就慢慢上。雞扒飯黎先，佢啲雞扒炸得好香，啲飯既份量又多，一個人食絕對足夠有餘。$36既飯黎講，朋友話味道幾好，幾高質👍🏻 之後我個粢飯佢好貼心咁剪開左兩半，方便進食。粢飯既油炸鬼炸得好脆👍🏻，味道中上，但冇想像中咁好食。值得推薦既係佢既凍豆漿！甜度適中，消暑解渴🤤👍🏻最後埋單兩個人都係$69咋😆 係性價比好高既餐廳：）

行過見到咁多人拎票，趁下熱鬧先😆我覺得滷水豆腐幾好食既，大大件同入味，我覺得豬排個皮炸得太厚啦，😖肉質太硬麵都無咩味道.....一般水準豆腐幾好飲😊😊😊

上海餃子麵+$6轉酸辣湯原來得3隻餃子 明明叫雲吞係有4隻架 不過餃子係韮菜餃 鐘意食既都可以一試酸辣湯都係好好食 有豬紅、豆腐、蘿蔔絲作配菜（還有一種不知是什麼 不過爽爽的挺好吃） 湯是比較濃稠的 不是譚仔那種 像吃沾麵一樣 湯是濃味的 仲有豆板醬可以任加 鐘意食辣既人可以係咁加 唔錯。坐位有冷氣開放都不錯，服務也很好。埋單$42有凍豆腐飲 好似好健康咁 食完再加飲埋豆腐真係好飽 所以杯豆腐我係次次都飲唔哂T_T 係淘大既平食lunch之選！

叫了白菜豬肉水餃跟熱豆漿，水餃味道對得起30幾蚊，但因本人對海鮮過敏，而水餃雖無蝦肉但發出濃烈蝦穀味，疑似使用加入蝦殻成分味精而只吃了半口。豆漿較市面一般豆漿濃，加上無糖，抵贊！唯進食不夠10口即被頭頂冷氣機滴水滴中兩滴，基於衛生考量，放棄繼續進食。

好少黎淘大，原來開左咁多唔同嘅食店😳行左一個圈最後決定試下呢間豆漿大王😋望住餐牌有好多樣野都想試🤤最後叫左五香牛肉麵，滷水蛋豆腐米線，一份煎餃子，肉鬆奶脆多，仲有當然唔少得嘅豆漿！個牛肉麵好香，而且啲牛肉好軟腍，連好少食牛嘅我都忍唔住試左一舊😋煎餃子熱辣辣，仲要好多餡🤤最正嘅係個肉鬆奶脆多！平時我已經好鐘意食煉奶加包嘅組合，而家脆脆地，仲要加埋爆多肉鬆，完全合曬我口味👍🏻👍🏻仲有杯豆漿，夠凍又夠濃，果然係豆漿大王😆食左咁多野，2個人都只係120有找，抵丫👍🏻

淘大商場新開豆漿大王，我去好幾次，每次光顧感到意外，食物一次比一次姜，今次我要熱咸豆漿，放桌面上是凍咸豆漿又無料我只忍受，食紅油抄手肉餡内竟有豬骨碎，咬到我假牙崩之後食咸豆漿我未食完女服務員拎走咸豆漿，當時立即問她，不采不理，令我十分失望！無固定時間營業店舖，下午隨時關門，不光顧不是我們損失！

家住屯門的筆者曾試吃「上海美美豆漿大王」。今天初到淘大商場，看到這間「豆漿大王」，便想看看兩者有什麼不同。「豆漿大王」的餐牌寫著其連續幾年獲得某雜誌的最佳餐廳美譽。等侯期間觀看其架步，似是集團式經營。麵食除了本身的上海麵，還可轉為米線或粉絲。筆者今次選擇了吃粉絲。不過店員當時竟反問筆者可以轉粉絲嗎，看來是剛入職不久吧。餐牌上已列明雲吞的餡料是白菜豬肉，一碗麵有4顆。筆者頗欣賞上海雲吞的口感，與平日食開的鮮蝦雲吞截然不同。酸辣湯的湯料蠻多的，有豬紅、豬皮、豆腐等。但湯的份量可以多一點，因為上枱時，粉絲已把湯水全索去。而且，湯水偏咸了一點，反而不太吃到酸辣味。筆者進食時，不小心聽到鄰桌的食客表示清湯底過淡，酸辣湯底又過濃味的評價。他們的評語也和筆者大同小異呢～

在淘大餐廳林立的地方，當你是個選擇困難症的人，確實是頗煩惱的，我就是這類人，走了一個圈，發現有間新開的食店，於是走入去試試，排隊的人亦有不少，但等了大概10分鐘左右就可以入坐，坐位非常逼夾，但我是體諒的，這類型的餐廳是走便宜價格路線，所以會用盡每一個的空間，加上室內枱有限，所以如果你是想坐得舒舒服服食的話，那就不建議你試這店！以價格來講我覺得是抵食的！粢飯─味道不錯，咬開我覺得是足料的，油炸鬼亦保持脆身，無出現稔身，所以我相信是即叫即包的，不是預先包好。另外，我看過先前的一些食評，都批評了他們的服務態度，我好慶幸他們不但無劣服務，反而他們見我兩個人只叫一個粢飯，主動問我需不需要切開，這點令我覺得有些喜出望外！咸豆漿、豆漿─首先，先講咸豆漿，這是我第一次飲咸豆漿，我覺得味道非常討好，感覺就是飲一碗豆味很重的湯，加上其他配料，特別是炸香了的櫻花蝦，非常香！至於豆漿也算不錯，不會很水的感覺，豆味亦夠，不會太租！炸饅頭─好多時食炸饅頭，最怕是饅頭凍了，那些油抑味就會出來，這個炸饅頭第一不會太油，第二不是凍的，所以我覺得很不錯。煎釀豆腐─平平無奇，我覺得煎豆腐可以不需要太滑身，但要夠香，可惜它好

由於在屋企樓下，都比左幾次機會呢間小店。今次先文字點評啦。頭2次既光顧都感覺麻麻，因相信小店是家庭式經營，所以服務質素有待改善。有一次排隊叫外賣，有人打尖，老闆娘竟然無視。。。。而且每次外賣都好亂，等起碼半個鐘只焦等2個粢飯同2杯豆漿。。。另一次係喺店內堂食，即使佢地枱上面有按鐘叫人來寫嘢，佢地既服務生成日都企埋一堆喺門口位置，想追嘢食都等佢地傾完計先。我每次都叫佢地既粢飯，係咪好美味，只係普通粢飯，因為附近都冇得食。有叫過佢地既豆漿，咸豆漿同薑汁豆漿。我就唔建議點佢啲特別味道既豆漿，因為其實冇咩特別。普通豆漿佢地係無糖，呢個係我認為唯一賣點，因個人口味唔食太甜。整體評語，如果趕時間就千萬唔好以為呢間會快就叫外賣啦，平日下午茶冇乜人可以來試吓既。

新開了一陣子，之前見人頭湧湧，如今無乜人就食下，點知係一個伏，首先叫了一個⚫️醬爆肉碎煎蛋飯-肉碎味道不差，有啲干蒜混了進去，但肉碎很少，像客人食剩的厨餘，豉油只有兩滴，如同食白飯，整體來說都不合格。⚫️ 煎釀豆腐-豆腐無豆味，又鞋又實，石膏粉太多，上面塊肉仔有點怪味。⚫️臻子豆漿-見d野咁，叫個豆漿飲下啦(無影，已經無心機)一來到，個豆漿發出陣陣怪味。。臻子味，一D都唔覺。。。總括來講不再幫襯。。

先生今日興致勃勃想食呢間，難得佢提出意見咁就食啦！我因為一個粢飯，我呢篇食評只針對件粢飯，其他世火興趣講！我太嬲啦......我唔係為左$6，問題係我無錯....佢地唔認錯，覺得我為左慳$6而同我撐，同我爭論！我永遠唔會再幫襯呢間野就係因為呢$6我叫左個粢飯，因為之前食過都幾好食，餡料就少左啲，不過可以加$6，餡料就雙倍既！咁今日就加料啦，叫佢切開一半！食既時候我同先生講加左料同無加一樣咁少，早知唔洗加啦！我地食完再叫多一個（無加料）！黎到仲大件過我岩岩食完個件，叫人黎問，叫佢減返$6啦⋯⋯我誓估唔到我會唔成功！佢話佢地唔會出錯，同我堅持佢地係對的....我想講$6我唔係比唔起！但係比多左$6得唔到價值$6既野就唔抵啦我個心好唔舒服好嬲，點解今時今日仲有顧客唔係永遠是對的呀？比錢個陣我唔順氣再問，佢地仲調返轉頭問我點解食既時候唔出聲，食完先講.....仲問我咁我依家想點呀佢問我想問喎⋯⋯⋯⋯即係覺得我屈你想慳個$6啦，我講乜都得架啦！咩事呀⋯⋯我同佢地講，我唔係比唔出呢$6，問題係點解你地唔認錯，你地因為$6而無左我呢個客囉⋯⋯放低錢走左！我嬲爆呀⋯⋯唔會再光顧！

星期六收工，去牛頭角淘大商場買外賣晚餐🥡，搵咗呢間新開嘅上海飽點店，去到鮮黃色搶眼，門口有室外座位，又放咗大餐牌，揀好入收銀處落單，八達通比錢方便，再攞票等叫號碼！門口可以睇到出菜位，見到廚房啲姨姨煮食，店員不停取食物上菜，我見住負責包我份外賣嘅女店員，因為食物比較多，佢試咗大袋再分袋，完成包好外賣比我！普通發泡膠碗，除了酸辣湯嗰個可以入微波爐，菜肉包入紙袋！都因應唔同食物做包裝，我再搭半小時先回到家酸辣湯雲吞（$34）酸辣湯一片紅油，但食落唔太辣，雲吞4隻，菜肉雲吞皮幾厚，好在幾滑，菜肉餡唔多，幾爽口，酸辣湯內有荀、豬紅、豬皮條，湯材料多，荀爽口，豬紅不規則，幾嫩滑，豬皮爽！材料幾好味，湯底唔夠杰身，好浠，所以材料掛唔到湯！差咗啲！煎菜肉包（$14/2個）紙袋裝，焗咗一陣，所以已經唔夠脆底，包鬆軟，餡料鹹香，味道幾好！如果脆底會更好！粢飯（$15）膠袋裝，比較細條，糯米鬆軟，店家話即包，油炸鬼脆，榨菜鹹脆，肉鬆鹹香，好味！豆漿（冷熱都係$9）我試咗熱嘅，無落糖飲，味淡豆香味濃，落埋糖飲剛剛好！係幾好味！外賣收咗$2店員爽手，雖然唔多說話，包外賣試咗大袋唔得，幫我分成兩袋，穩陣啲又無咁