豆漿大王

Open Now

Now Closed

招牌正宗上海痴飯：同坊間的有點不同，有得㨂咸/甜，都頗特別。咸痴飯: 材料有炸菜、油炸鬼及肉鬆甜痴飯: 材料有砂糖及油炸鬼個人比較接受到咸，夠classic之餘都唔會話食正餐時有甜食，糯米暖笠笠及油炸鬼脆口，落單時仲會問你是否需要切開。玉米漿滋補飲品/湯品，真材實料煲成，補身及粟米控推介肉鬆奶脆多煉奶、肉鬆及香脆麵包三者配合得恰如其份，作小食/主食也可以

黎到九龍灣淘大商場，想搵一間平價食堂，豆漿大王係其中一個選擇由於行MegaBox嘅時候已經食咗啲Ikea小食，所以喺豆漿大王冇叫任何嘅麵飯，只係叫咗三個小食同埋一杯凍豆漿 for兩個人，嗰陣係週日夜晚7:00左右，都已經好多人，遲多幾步應該就要等位，我哋坐咗出面，而家嘅天氣唔凍唔熱啱啱好，需要落完單就俾埋錢首先上菜嘅係炸饅頭，速度超快5分鐘左右就已經到，雖然有兩隻饅頭唔係好靚仔，但係食落有但饅頭應有嘅水準，夠熱，但又未至於燙口然後酸辣湯配餃子，餃子原來得三隻有少少失望，餃子餡了只有韭菜，冇乜肉，望落啲皮有啲厚，不過食落又幾有咬口，唔會覺得好厚粉，反而有少少煙靭嘅感覺，至於酸辣湯，都幾夠辣，後勁較重，唔太食得辣嘅我飲完幾啖要飲番杯凍豆漿中和下，有啲芡打唔均，但整體都OK，入面配料好多，絕對唔吝嗇，有幾舊豬皮，好多豆腐，如果再多啲木耳絲就好了最後係炸雞扒，唔算大塊，但都叫分到4舊，正常炸雞扒，炸粉返唔算太厚，但感覺用咗千年油，所以比較深色整體黎講，不過不失，想搵個位坐下、食小食，都係唔錯嘅選擇嚟嘅～

因為車軚人嘅加持，所以將呢個品牌加入待食list中。星期六中午路過，唔駛等位，侍應幾好禮貎，不過個個打衝鋒咁，冇畀餐牌就問我想食乜第一次食就叫啲基本嘢試下俥：鹹豆漿、鹹粢飯、煎菜肉包佢啲基本嘢，基本上都令人好失望：鹹豆漿稀薄，又唔夠味，冇結塊之餘，用蝦皮代替蝦米，所以質地同味道都錯嘅；鹹粢飯細粒、餡少又鬆散，冇原本應有嘅厚實感；煎菜肉包求其煎就算，餡少，菜肉餡裏面嘅菜竟然係用酸菜，當堂胃都反埋3樣嘢夾埋59大洋，銀碼唔大，但十分難食

位於淘大廣場地下的角落位置 雖然不太起眼但眼見人流不斷 就知道是實力小店😄晚上時間來到沒有套餐 但是單點價錢亦不貴 亦沒有茶位或加一服務費👍🏻餐牌不論主食或小食選擇都很多 還有甜品豆腐花選擇 如果不太想吃主食 來這裏也是一個好選擇😆上菜都好快✨油炸鬼 $8油炸鬼已預先剪開4件✂️相對幼身但好脆 不會油膩膩的 做得幾出色👍🏻我喜歡點咸豆漿一起食✨咸豆漿 $18加了蝦皮、青蔥、麻油香香的🥛豆味也香濃仲有幾片泡軟了的油條 好大碗飲完暖笠笠✨紅油抄手 $28有5大粒菜肉餡的抄手🥟加上炸蒜粒同青蔥 沒什麼辣味比較偏甜✨上海小籠包(4粒) $26小籠包入面的湯汁熱辣辣🤤皮厚薄適中 味道不過不失 價錢便宜可以一試✨脆香雞扒酸辣麵 $42雞扒好脆皮🐓不太大塊但厚身🍜上海麵份量多 麵質滑 能保留口感也不會太軟 酸辣湯不太辣夠酸好開胃📍豆漿大王 (九龍灣)九龍灣牛頭角道77號淘大商場2期地下G208-209號舖

這店的粢飯和粟米汁非常好味，極正！豆漿也是很好，次之。只是，除了粢飯﹑粟米汁﹑豆漿外，真是每次點其他食物，都有瀨嘢的感覺。一年多前，飯是凍的，不是不熱，是凍的，當時是夏天。今年初，除了粢飯﹑粟米汁﹑豆漿外，所有食物都超鹹和勁重味精，無柰下只能退貨。上星期一，味道正常，粢飯﹐粟米汁﹑豆漿依然味美，可是白飯生米﹑米粉未煮開......能用心一點嗎？處理其他食物時，能與粢飯和粟米汁一般用心，你就成功了。這店，暫時只建議：粢飯﹑粟米汁和豆漿。

Lunch飽都嘔都係人均55hkd每次黎必點：1. 粢飯2. 炸饅頭這裡的粢飯真的是世界第一，因為係豆漿大王食過一次，最後就返唔到轉頭，一直都好掛住，試過買過好多間出面嘅粢飯食都係比唔上豆漿大王的。足料，好食，米芝蓮推介！牛肉麵很好吃！

每次返工都必定經過呢間豆漿大王，但係都冇咩意欲去幫襯，今日突然想試吓原來係一個錯誤嘅決定😩喺門口見到佢哋個餐牌入邊有幾樣有皇冠標誌諗住實冇死喇，點知仲晒伏，我揀了B02煎菜肉包加一杯熱豆漿成為$18 ，價錢就非常超值但係質素就極之差，先講煎菜肉包，完全都冇煎過咁，外皮軟林林入面嘅料極之少，而且個醬汁好難食，入面幾乎見唔到有肉。豆漿佢係冇落糖，非常健康。

好喜歡油條，但是很多店都不是現炸的不夠酥脆，只有這家，每次都熱辣辣出爐，沾著鹹豆漿簡直一級棒！每次可以吃下兩根。這次還嘗試了肉鬆奶醬多，酥酥脆脆的麵包，配上煉乳，加上肉鬆，一口大滿足！每次還會點的有鹹糍飯，酥脆的油條和糯米好配

豆漿大王係一間比較平民嘅米芝蓮小店，作為上海麵館，佢最出名嘅一定係粢飯。新蒲崗應該先係本店，依家淘大有分店就方便好多了。平民化嘅價錢，都有幾多選擇，上海麵/飯餐、小籠包、銀絲卷、紅油抄手等等，一眾上海小食一應俱全。咸粢飯糯米煙韌，少黏唔會鬆散，油炸鬼有口感夠鬆脆，配埋肉鬆同榨菜，有層次，配搭一流。👍🏻另外配上粢飯嘅好拍檔：咸豆漿，大大碗夠足料，食完好飽肚😂主食方面叫咗脆香雞扒飯，雞扒炸得酥脆，香口惹味，而且分量大，性價比高，令人喜出望外。👏🏻小食叫咗紅油抄手，分量足但味道一般。飲品方面奶茶係樽仔裝，典型港式奶茶味道，茶味濃，唔錯唔錯👍🏻現今百物騰貴，係大商場中都重有平民價錢嘅出色小店，值得一試。

🇭🇰豆漿大王·我本人其實幾鍾意食粢飯嘅 不過自從我有一次食得比較急 無咬得好好所以全日都一路ung住個胃之後我就好耐無食啦🫢🫢難得個日黎九龍灣呢邊就決定比多次機會食下呢間米芝蓮小店😎·招牌正宗上海粢飯$16我自己覺得呢間對比起銅鑼灣我食開sogo對面嗰間配料冇咁多 而且佢係細舊啲既 不過佢呢個感覺上就無咁大負擔 因為佢係薄薄一層飯既姐 食落balanced啲😎之後佢中間個油炸鬼都好脆 而且佢個炸菜同肉鬆係有少少辣嘅 食落惹味啲🤤🤤女仔食既話其實一個都夠晒😌·#rbyeat#rby港式#rby九龍灣 #rby新蒲崗·📍九龍灣牛頭角道77號淘大商場2期地下G208-209號舖📍新蒲崗大有街34號新科技廣場地下9號舖

又黎到淘大食晚飯喇，因為中午食得太飽，又見呢間有好耐都冇食過既豆漿同粢飯，就入去試吓啦。好記得中學嘅時候成日都食粢飯，中間會加辣榨菜，呢間啲餸都幾足料，味道偏淡，不過就冇辣榨菜了，如果加埋就正上海小籠包啲皮唔算厚，夠熱，幾好食😋上海炸排骨都酥脆既，份糧都多，飲埋豆漿兩個人食超飽

點了排骨麵、雲吞麵、凍椰汁豆漿、榛子豆漿、炸饅頭麵有點太淋身。排骨是熱的，但肉質有點乾柴，有些類似台式的香料，但我明明吃的是上海菜呀！雲吞饀可以再豐滿一些，同是不要太實。椰汁豆漿是簡單嘢，就椰汁加豆漿，但我覺得味道還不錯。榛子豆漿只提供熱飲，碗上。榛子豆漿很香，味濃，但喝上去我覺得味道不明顯，有點像老麥豆漿，我老婆倒覺得是滿有榛子味的。炸饅頭夠熱而不燙嘴，皮脆，但油明顯得舊，有味！吃麵不能配飲品，豆漿都是原價單點的。說貴不能說很貴，但質素還是有點小失望。

今日同朋友去開九龍灣，之前我試過佢嘅粢飯好好食，今次就試埋其他嘢食。因為之前有朋友話鹹豆漿好味，特登收工買外賣買返屋企。咁我就試咗覺得有啲似啲某飯團品牌嘅豆漿湯。鹹豆漿顧名思義就係，豆漿加油炸鬼同蝦米，其實有咩都好飽食唔落其他嘢。我哋叫咗個炸豬扒飯、紅油抄手、炸銀絲卷同埋粢飯。個粢飯好鬆軟，不過可以多啲材料。其他炸豬扒飯味道都不過不失，紅油抄手略嫌冇乜辣味，性價比都幾高，叫咗咁多嘢都好似$200左右。

平時食開新蒲崗個間今日係九龍灣shopping呢邊又多餐廳選擇又吾想食太飽所以間左間小吃店咸粢飯油炸鬼脆脆的size 比新蒲崗店大份點豆漿3杯（2熱、1凍）熱豆漿可按個人喜好加糖1籠小籠包（4個）個包再薄點就好啦

平時都食開呢間既粢飯，多數都會全加（即係咩都會多啲），今次去買全加既栥飯竟然同我平時買普通既一樣，咁我點解要全加呢？我一攞上手就知真係細左，無論重量同size都係，我傻到以為阿姐比錯我，我仲問阿姐，阿姐，我要全加架喎， 阿姐話呢個咪全加，加左架喇，我話，全加咁細既，佢話”Lin”實左咪細左唻。我又唔可以話佢態度差既，你地自己judge啦。我都知生意唔易做，但都要過得人架，其實呢個size係加大既話，我寧願佢加價唻 😢😢😢我搵返曾經加大既相對比下：第1-2張相係今日買既，價錢係23蚊，啲飯薄到少到呢；第3-4張相係上年既，當時都仲係21蚊，又大舊又多料，飯都多好多，加左價唔緊要，但而家真係細左，食完已經冇咗滿足既感覺，非常失望☹️☹️☹️