豐衣粥食

Open Now

Now Closed

一直都鍾意揾D地道美食，今次經開旺角熟食中心，見到呢間湯飯店好似評語唔錯，咁啱又想飲湯，所以一試。叫左胡椒豬肚魚骨腩湯飯同牛腩撈烏冬，買完等候期間，都見到好多人買外賣，應該係附近返工既人，所以越等越期待，點知......就咁睇都以為湯底濃厚，滿心歡喜咁試下個湯，真心覺得有無搞錯，個湯奶白色點解可以一D味都無，正常都有少少胡椒味啩，但係無囉，好似加左水咁試埋個魚骨腩先， 點知仲衰， 有陣 臭味 ，完全食唔到仲有叫咗牛腩撈烏冬， 一樣係好難食， 牛腩係淋嘅， 但係佢個部位唔多似牛腩，質感好奇怪一路食一路都見好多人排隊買外賣， 唔明點解咁多人食， 可能我自己嘅口味問題， 但真係唔推介， 第一次完全食唔到啲食物， 浪費咗一日嘅quota

湯飯用料實在，中藥材滿滿，火喉十足，沒有味精，吃了多年的醉雞湯極度好味水準保持平穩，一月吃三四次補補身子十分正常，唯一缺點是週末有時不開門營業。老闆伯伯十分可愛，中氣十足。若是自喻湯怪，萬不可錯過如此誠意十足，價廉物美的珍品，回血聖物。

之前同啲朋友去食朗豪坊熟食市場，佢地都有食過豐衣粥食，係以湯飯為主，因為男朋友牙痛，佢唔係好食到太硬的嘢食，所以就決定去食湯飯了。最後揀左一個瓜粒蠔仔湯飯，叫左之後大約7分鐘就可以有得拎了。佢的湯飯都色香味俱全，老闆仲話佢地加左啲蒜，好正好好味，的確啲香蒜加左入湯飯到，真係生色不少。啲勝瓜同冬瓜都好入味，蠔仔數目都唔叫少，而且佢個莞茜湯底都幾正，撈埋啲飯飯，覺得味道好好味，加上佢特整的辣椒豉油，唔會太辣，又唔會太鹹，點瓜定點蠔都ok，更加加重呢個湯飯的味道層次，確實不錯，連男友牙痛都食到，都覺得好食。以下評分以5⭐️為滿分推介⭐️⭐️⭐️

Hidden gem in the city! 旺角出名多野食，但唔係街坊嘅你就未必會來過熟食中心呢邊。其實喺朗豪坊2樓m記過條天橋就到，都算方便。呢度嘅湯飯足料又大份，好抵食。

最近成日都泡旺角，睇醫生👨‍⚕️晨早流流，最好去熟食中心👍🏻👍🏻👍🏻通常唔貴之餘，味道重不錯添行行行。。。咩諗法都無，好耐無食湯飯了，就你啦🤟🏻🤟🏻大家都見啦，成個門口都係menu😳重要老闆話可以自由組合，不過我里啲人就係唔想用腦，當然選menu諗左成個世紀先諗到☝🏻我愛的枸杞葉+豬潤+鯇魚（唔知點解要配魚，可能想有啲肉俾客食吧）枸杞葉超新鮮，一啲揸到沒有❤️❤️❤️數量唔少嫁😋😋豬膶一食就知係新鮮野，仲要勁厚添😝又爽脆🐽某記豬膶麵嘅豬潤都冇呢度咁好個魚就一般般，有啲鞋，反正我唔太好鯇魚溫馨提示：記得叫小凡啊，如果唔係碗飯會大到好似面盆咁，可能for 啲麻甩佬🙊同埋老闆會用啲特別野黎做湯飯，例如魔鬼魚、咸雞等等，重要啲材料係每日新鮮🥦🥒🐷🐮🐔🦆🦑🐑❤️下次要再試埋其他款❤️

放工已經好晏，仲要趕住去返學🤦🏾‍♀️快快脆脆飛奔去熟食食飯！夏天總是會想食下湯飯，濕濕地易入口😝因為唔想食咁多肉，揀左魚同菜！芥菜芫茜鯇魚湯飯😍😍😍 唔洗食肉又有魚有菜，正

韓國菜、甜品、火鍋、拉麵、懷舊冰室⋯⋯係香港你諗到既諗唔到既花巧既華麗既都有得你食。但花巧過後，平淡中果一抹鮮味，才是最令人百嚐不厭。我已經光顧過豐衣粥食好多次，最初去旺角熟食中心係唔想再等位，豈料就咁就發現左塊珍寶，一間我願意日日去食既餐廳。佢主打有無數咁多湯飯，我試過既唔多，因為紫菜蠔仔肉碎粥太好食，唔想再試其他野。定價$45既份量等同出面打冷鋪所謂一煲，但其美冠絕果啲被吹棒到天上有地下冇既打冷鋪。湯頭鮮、溫度熱、紫菜香、菜心脆，所有野加埋混和出令人食髓知味既家常味道。當然食咁多次，總有失手既時候，果次蠔唔鮮，但後來再食都保持水準。如果呢檔野個阿叔唔做，我呢世都唔會再想食蠔仔肉碎粥。最近有試過咸雞飯配生菜魚肉湯。雞味濃，飯味香，再配上雞油，比出面所謂海南雞飯好食10倍。配飯既生菜魚肉湯係用黎煮粥既鮮湯。絕不口渴。一個大男人食都夠飽，只係$38。以佢既美味，絕對有資格收double價錢。

最近成日感冒  lunch 就去左熟食中心之前都食過依間   清清地都唔錯2餸加1菜 既湯飯$36我要左海斑片 魚肉釀豆腐  加西洋菜湯底要左鯊魚骨湯底大約10分鐘就有得拎啦  味道一如以往有好香魚味  食落好香但唔肥膩如果大家有時經過不妨一試當清清腸胃都唔錯

是日外子又要病又要行街，唯有食餐住家飯補一補佢先啦呢間「豐衣粥食」開業已好幾年，間唔中都會幫趁下，主打魚/雞類生滾湯、蒸魚飯，非常簡單，味道卻又直接的好味~感冒唔食得雞(佢想食醉雞湯，極力推介)，迫住食「枸杞魚片蛋花湯」，另配白飯話明住家飯，所以只講味道，唔好講樣湯底係魚湯，加枸杞、魚片、豆腐生滾，最後打隻蛋，就係咁簡單味道說係上述食材既綜合，幾直接! 不過味道真係唔錯，食完感覺好似出左身汗(生滾湯熱爆)、清清爽爽。由於無乜肉(但好多魚片)，所以唔膩又有鮮味。真係0岩病病地時食

今日好友帶隊到旺角熟食檔(因我未到過.但原來在我經常坐小巴返荃灣的小巴站上面)真係過門而不入.朋友笑我是老花.到了旺角熟食檔真係好多選擇.有十檔八檔.朋友推介這間丰衣粥食(因知我喜歡食湯飯)我們叫了醉雞鮮山湯飯$36 洒味都系算濃.材料都足.味道唔錯.冬天食仲正勝瓜斑片花膠湯飯$38 個名好似好高檔(但只係$38) 味道唔錯.湯清有鮮味.同勝瓜合襯.咸雞半只$45 咸味.雞味道都唔錯.又而好嫩滑.價錢算平.味道唔錯,可以常到.應該係我杯茶.

嘔左兩晚...(食得太多啦)，真係咩都無胃口，今日一定要食返d清淡d既野，媽咪就叫我黎呢度食啦。佢話呢度幾多選擇，又有粥或者粉清淡D啱哂我。由於我地好肚餓，所以兩個人都叫左幾多野食。叫左一個套餐，係蠔豉魚片鹹肉粥配貢丸湯麵。個湯麵係伊麵黎架，佢唔會好淋，少少彈牙，口感OK。個湯非常清淡，真係一D味精都無，啱哂病人，不過其他人就應該會覺得無咩味。不過佢D貢丸好好食呀!!! 真材實料，唔會得D粉，有好多冬菇，非常好食。蠔豉魚片鹹肉粥呢個幾好食呀，雖然都有DD味精架啦，不過佢D料都好鮮味，蠔豉味好出，鹹肉都好正，魚片夠薄不過有少少腥。之後仲有個柱侯蝴蝶腩飯，飯既份量唔少，我地食唔哂拎左D走。原來蝴蝶腩即係爽腩，佢一D都唔UN，好淋WOR，而且好濃味，D柱侯醬入哂味，D汁要黎送飯好好食。我地仲叫左個生菜魚肉湯，幾多胡椒味，D魚肉一D都唔腥，凍冰冰黎飲啱哂，可以驅寒呀! 我地仲要左碟油菜添。我地叫食左咁多野都只係 $56，真係好抵食，而且味道真係唔錯，大家可以黎一試呀。