豚之家豬排專門店

Open Now

Now Closed

今日就去試試葵芳第一店豬排專門店，店舖屬於小店，設計簡約，座位不多，食物除了豬排丼飯和麵餐，還有特色小食，小食種類都唔少，例如有雲吞、炸豆腐和蠔、鹽酥雞、涼拌豬肚及玫瑰豆沙脆餅....，主食選滑蛋吉列豬扒丼飯，豬扒頗有份量幾厚身，不過肉質有d硬，另一個主食秘製煎豬扒陽春麵，呢塊豬排較薄身但就很夠味和肉質較軟，我覺得比吉列豬排好味，而小食炸豆腐和鹽酥雞都是即叫即炸，外脆內嫰，相當出色，跟餐加$5就有飲品，有可樂、豆漿、五花茶和竹庶芧根水，我揀黑芝麻豆漿唔太甜，值得一試。

下午一點多去，坐到9成滿。坐底叫左個日式豬扒飯連可樂，盛惠$70。冇諗到黎到係咁，豬扒正常ok 既。只係碟飯整到好似碟頭飯，同我所想既日式豬扒飯都幾有出入。另外，呢個飯仲有一兜仔沙律跟既。下次就算再入去食，都應該唔會叫呢個飯了。

朋友介紹葵芳新開炸豬排麵，立即嚟試下！叫左個招牌炸豬排配蔥油拌麵，另加三粒雲吞同韓式辣醬炸雞。先講炸豬排，炸槳好脆，炸得又夠乾身，最驚喜係食落有肉汁吾糙口。蔥油拌麵吾會死鹹，食得出店主有精心調校過蔥油，配搭豬排食真係一流。另外加10蚊有三粒鮮菜肉雲吞，見到姐姐係我後面不停包就試埋，雲吞每日用新鮮豬肉包，每粒足料脹卜卜，雲吞皮仲要好滑，食食吓隔離果枱贊緊炸雲吞好食，下次都想試下！以後屋企打邊爐都會考慮下買一打食下！韓式辣醬炸雞係坊間未食過，甜甜酸酸好開胃，炸雞又夠脆，食到停吾到口。總結：店主出品好有誠意，所有食物都真係好好味又抵食，係心機之作，喱啲小店絕對值得再返黎支持！

行行下街落大雨見到美芳街有間新餐廳啱啱開張見門面隻豬仔好得意就入去試試入邊都幾乾淨、簡潔舒服，位同位之間都幾闊落全日嘅餐單都一樣，個餐單嘅設計都幾得意（睇得出幾有誠意），而且食物價錢都幾抵小食類推介炸豆腐，配甜酸醬，幾香口又唔會油膩主食就點咗招牌炸豬扒，契爺涼拌麵個麵酸酸甜甜少少辣，夏天唔想食湯麵可以試呢個，好開胃招牌豬扒即叫即炸，外脆內嫩，好味而且食物份量都幾多，男仔一定食得飽，跟餐仲可以加一支豆漿，唔會太甜嘅好飲甜品就叫咗個玫瑰豆沙鍋餅出面比較少食到玫瑰味我個人好鍾意，玫瑰味好香，都幾啱女仔食，不過份量都幾大可能同幾個人share會好啲總括嚟講呢間小店有驚喜，店主都係年輕人要多多支持，服務都好好，雖然啱啱開張幾日上菜可能有點慢，菜單上有啲食物暫時仲未有，但店員都有禮貌，令人會想再返嚟支持吓！聽講招牌係擔擔面，下次一定要再嚟試過 ☺️