豪江糕品專門店

Open Now

Now Closed

如果比你揀最中意既中式糕點，你會揀邊款🤣🤣？我會揀椰汁糕、紅豆糕、桂花糕仲有好多好多😂😂係街見到都會買黎食🤓......... 我覺得北角呢間中式糕點咨真係唔錯呢，平平地但又好食，$10/2件，仲有少見既斑蘭卷同斑蘭砵仔糕，既軟糯又帶清香❤️~~~~~~芝麻糕味道都好香呀!!!!各有千秋，可惜我不常去北角～～ 砵仔糕唔會太甜，紅豆既量岩岩好，口感q軟!!!~~~~ 豪江糕品專門店 地址：北角琴行街22號地下C舖

新年時候，屋企人曾經買過馬蹄糕返屋企食，我覺得唔錯，咁啱經過北角嘅時候，醒起有呢間高頻年，一於黎碰下運氣，因為聽講晏得滯，就會冇糕點賣因為已經食咗午餐，所以今次我淨係買咗兩件糕點，一件係斑斕卷，一件班蘭糕，兩件都係同樣係班蘭味，只係形狀有唔同...～我覺得班蘭味嘅糕點都比較少見～....呢個斑斕卷唔單止顏色鮮艷，味道都仲唔錯...... 夾雜咗一啲芝麻，更加好食～下次要買多幾件...........

平時好小出北角今日要去整小小野，見到有間糕點既小店 小胖子係很喜歡小店，因為呢d賣傳統糕點既鋪頭買少見少啦，經過就梗係幫襯下😊要支持小店老店嘛 😆👉🏼花生糯米糍 $17 一盒有四粒大大粒🤩完全迫爆個盒喔咬落去超級軟身最重要係咬落去會爆餡入面除咗有花生🥜芝麻粒，仲有好多椰絲😚香香甜甜 好值得一試呀！其他糕點 $6件 $10兩件價錢都唔係好貴仲有其他特色嘅糕點👉🏼例如斑蘭砵仔糕、馬蹄糕、芝麻卷、紅豆花生眉豆茶果 。 下次會再黎買😙

黑白芝麻卷......味道一樣........只系多左黑芝麻味.......個底其實都一樣味(唔知蔗糖定黃糖)。黑芝麻味淡(得個甜字)白芝麻卷只系加左白芝麻粒......味道無黑芝麻甜如可以白芝麻磨成粉做白芝麻卷就算是白芝麻卷(呢個有d hea)應該唔會回購

工作乏味，有點兒泄氣之時，有朋友的鼓勵確實係幸福之事，朋友仔知道我係一個綠茶怪，就醒我兩個綠茶砵仔糕，呢間店之前食晏都有經過，但是都冇機會試，今次竟然有人送給我吃，太感動啦，接過砵仔糕後，仲係暖暖的，原來新鮮整出黎！看到紅豆數量不少，按幾下糕身都好彈下，先吃一囗，冇令人失望，綠茶味十足，不甜仲有綠茶本身應該有的甘澀味道，糕身好煙韌，紅豆不只是表面有，底下仲有，而且入面都有好多粒架，紅豆size大大粒,有咬口之餘仲好粉所以話有綠茶就會有紅豆既出現，perfect match, 真的不錯喔。

眉豆茶果賣相好靚，漲卜卜圓碌碌咁，但係餡料咬落好少，而且味道單調，味道就係五香粉加眉豆。雖然皮比較厚，但好彩勝在翻熱後夠軟綿綿，又有彈性，整體而言不差，但當然同粿品老字號，如上環曾記、荃灣民豐、西貢同大澳嘅有一段距離啦至於芝麻糕同紅豆糕，冇乜大驚喜，只係一般用馬蹄粉整嘅糕點口感，糕身屬於比較彈牙，而芝麻味不算十分突出，紅豆糕亦屬正常水準。不過整體而言糕點較茶果為佳。下次想試試出面較少見嘅斑蘭砵仔糕。

又去北角做運動，去開就去呢度買中式甜點，地方依舊好細，因為今次早咗，所以仲有馬蹄榚，仲買埋其他款式！店員袋好比我！包裝簡單！馬蹄榚（$9/2件）榚身彈牙微甜，馬蹄好多又爽口！味道微甜好味！班蘭千層榚（$9/2件）千層榚彈牙，味道微甜，班蘭味幾香黑白芝麻卷（$9/2件）最喜歡嘅芝麻卷，估唔到有白色，我會拆開一片食，黑芝麻彈牙滑身，白芝麻仲卷有原粒芝麻，更加香同有咬口！砵仔榚（$9/2件）紅豆好多又炆得淋，榚身彈牙！好味！終於食到馬蹄榚！好味！

可能出名了，開始偷工減料， 紅豆糕愈來愈少紅豆， 愈落愈多魚膠，變得好似食擦膠。賣的一底紅豆糕， 想她們幫手切片，但不太願意。不過班蘭菲林卷還是很好吃，不過製作數量不多，經常很早賣完。

斑蘭砵仔糕🕺🏿✨又平又特別的砵仔糕$4邊到揾😍😍✨想試喱個好耐上次特別去點知賣曬今次再去終於有👅拎上手仲暖暖地但天氣咁凍 影完相就已經凍曬😭砵仔糕糕身彈牙軟滑有絲絲斑蘭葉的清香🍃加埋煲到軟熟起沙的紅豆✨唔好睇佢表面好似好少咁入面都幾多下嫁😍砵仔糕迷不妨一試喔🙂🙂-馬蹄糕 芝麻糕 班蘭千層糕🤘🏿隔左一日口感硬了不太軟熟🙁可能當天食更好吧🤔🤔🤔🤔🤔🤔🤔🤔🤔🤔🤔🤔

去北角公司，回家前去買晚餐外賣，記得呢間中式甜品店馬蹄榚幾出名，之前報紙都有報導，去到門面好細，入內只有一人空間，比貨架同雪櫃堆滿晒，店員都屈在櫃臺後，再入就係廚房可惜無晒馬蹄榚，剩下嘅款式唔多！只好揀其他榚點，店員爽手用膠袋袋好比我，攞上手仲熱，每件榚都有塊透明膠片包裹，唔會沾污手同方便攞！砵仔榚（原味$9/2件）榚身彈牙，有米香，紅豆好多又大粒，仲要煲得透，唔過甜好味！班蘭砵仔榚（$9/2件）綠色榚身雖然唔算吸引，榚身彈牙，有微微班蘭葉香，紅豆好多又大粒，仲要煲得透，唔過甜好味！姨姨店員爽手！希望下次試到出名馬蹄榚！

成日喺北角搵嘢食周圍行，行行下發現左呢間買糕點嘅鋪頭，但係佢唔單止有糕點，仲會有薏仁水其他野賣今次又黎食斑蘭砵仔GO！真係好香斑蘭味，底仲有好多紅豆，好好食！成日都掛住！

斑蘭口味砵仔糕真係好少有，基本上我係第一次食。砵仔糕絲絲清香斑蘭味，加上微甜紅豆軟滑口感，令我諗番起以前小學好鐘意係番學前或放學後阿媽買比我地幾姐弟食既日子。如果新界都有呢種口味砵仔糕賣就好，因為真係幾特別。

黃色、白色砵仔糕見得多，綠色嘅砵仔糕真是第一次，初時以為是抹茶味，問老闆娘至知道是班蘭葉。班蘭椰汁砵仔糕‬ $4顏色十分之吸引，啖啖的班蘭香味，咬一啖，椰汁香味濃郁，有陣性，而且裡邊有好多紅豆tim班蘭椰汁芝麻卷‬ $4除了砵仔糕之外，亦有芝麻卷選擇，賣相QQ的，色澤光亮通透，口感柔軟，甜度剛好椰香的味道之餘，同時吃到粒粒炒香的芝麻紅豆馬蹄糕 $4紅豆粒佈滿馬蹄糕內外，有咬口味道清甜，亦吃到馬蹄的爽脆以上各式特色糕點的價錢都是4蚊件ja，真是好抵吃---------------------------豪江糕品專門店Address：北角琴行街22號地下C舖

本人係好鐘意食糕點既人～ 朋友介紹下去左試下新野～ 小店有紅豆糕，班蘭椰汁糕，斑蘭、黑/白芝麻卷，芝麻糕，原味同斑蘭 砵仔糕，馬蹄糕～我最鐘意係食作佢個斑蘭椰汁糕～ 好香同埋好爽～ 唔痴牙⋯ 又平！！ 20蚊已經有5舊～ 如果中意食爽口啲既朋友真係要試下⋯

在總公司收工行過呢條街， 見到有間唔起眼嘅小店開咗，唔起眼係連招牌都無名稱，只有一個舊燈箱做招牌！店面好細，無座位！裝修簡陋！ 門口一個雪櫃加摺枱放榚品！一眼見晒！ 馬蹄露（$8）膠樽裝，幾滑唔太甜，馬蹄粒爽脆，加蛋花滑溜！好味 花生糯米糍（$15x4)只有花生味！一盒四個，唔可以分開買！晚上同肥髀食，外皮意外地好輕好軟，好像棉花糖，入面啲餡料好多，花生糖碎好香甜！加上椰絲同芝麻，增加了香味同口感，而且好鬆！唔會一舊舊！食時會跌出來，有點論盡！店內得一個阿姐一腳踢，我到嘅時間佢在店內洗廚具！出來招呼我， 會將兩樣食物分開袋！因為佢話怕壓爛啲糯米糍！（佢同我拍心口保證好味）同埋我行返轉頭想攞卡片， 佢剛剛戴返手套洗嘢，好好咁又除低攞張卡片比我！雖然態度唔可以話笑容滿面！不過我好窩心嘅！