貴香園

Open Now

Now Closed

第一次行到嗰邊附近，見到呢間好似未食過，諗住入去試吓。一開始嗌左個雞肉串，點知個沙嗲超好食。個沙嗲醬仲有少少嘅花生醬味，加埋超脆嘅雞肉一試難忘。我驚辣所以嗌咗小辣，雖然我都係覺得好辣但係真係好好食，特別係個豬頸肉，真係超級脆超好食。強烈推薦！第二次去食嗰時帶埋班friend，我哋成班人都食得超開心仲嗌左多幾個小食，環境好乾靜，服務態度都好好，如果大家未食過嘅話，真係要試吓，聽日打算帶埋媽咪一齊去食。

🥢旺角米線店美味沙嗲湯底米超脆雞翼🥢呢間米線店食過好多次，前排因為米線關注組的關係搞到成日排隊，到而家終於唔洗點排就可以再過去食🥢肥牛豬扒沙嗲湯米粉 $52 凍飲+$7因為呢間嘅沙嗲湯底只有呢到有，如果食呢一個沙嗲湯底必定要嗌肥牛，變成沙嗲肥牛米，湯底味道夠曬香濃又惹味，大大碗份量夠曬多，目測見好多人都會點呢個湯底，豬扒亦係即炸，香料醃得入味，加分位係分開上的，味道唔錯🥢粟米餃腩肉麻辣湯米線 $44 凍飲+$7粟米餃就感覺厚皮，咬落質感好實味道一般，腩肉係全瘦而且比較厚身，口感偏乾身，呢隻款的腩肉好唔好食就好個人，因為有d 人鐘意肥嫩滑，有d 人鐘意瘦，麻辣湯辣度幾溫和不會搶喉🥢單山雞翼$24 /3 呢隻雞翼真係夠晒大隻，一盒有三隻雖然個炸粉比較厚身但係咬落去卜卜脆同埋都幾麻辣下，食完真係好熱氣📍 貴香園 (旺角)旺角西洋菜街216號地下

貴香園位於旺角西洋菜街，係旺角東站行過去大概8分鐘左右平日晏晝點零鍾到都好滿，不過流量都好快等左幾分鐘就已經有位😆Menu有好多款唔同選擇，揀左自己想要既麵底再另外加餸🍜貴香園涼皮（$31）配炸醬、芽菜、酸菜、韮菜、芫茜、蔥花另加腐皮（$6）同雞絲（$7）再加左支裝豆漿🥤（$7）總共$51埋單，都好抵食辣度我揀左小小辣份量好多，而且配菜都好足料，啖啖都有配菜😍個湯望落好似好辣，但其實一啲都唔辣，唔食得辣既朋友都食到👍不過原來涼皮唔係煙韌果款，係一咬就斷，呢個有啲失望😟下次可能揀薯粉/米線好啲🤪總括黎講都幾好食😋/😋食物質素：6.5/10🍽️用餐環境：6/10💰性價比：7/10👣回頭率：6.5/10

貴香園位於旺角西洋菜街，係旺角東站行過去大概8分鐘左右平日晏晝點零鍾到都好滿，不過流量都好快等左幾分鐘就已經有位😆Menu有好多款唔同選擇，揀左自己想要既麵底再另外加餸🍜貴香園涼皮（$31）配炸醬、芽菜、酸菜、韮菜、芫茜、蔥花另加腐皮（$6）同雞絲（$7）再加左支裝豆漿🥤（$7）總共$51埋單，都好抵食辣度我揀左小小辣份量好多，而且配菜都好足料，啖啖都有配菜😍個湯望落好似好辣，但其實一啲都唔辣，唔食得辣既朋友都食到👍不過原來涼皮唔係煙韌果款，係一咬就斷，呢個有啲失望😟下次可能揀薯粉/米線好啲🤪總括黎講都幾好食😋/😋食物質素：6.5/10🍽️用餐環境：6/10💰性價比：7/10👣回頭率：6.5/10

一到lunch 就成日都想去食佢個麻辣米粉 中辣 麻到個嘴唇都麻曬 超級無敵鍾意 出面食啲麻辣都唔會話好麻 佢哋嘅麻辣就正👍🏻👍🏻推薦食佢哋嘅蘿蔔同埋豬扒 又甜又香👍🏻

夜晚堂食好多人，啲姐姐好忙；不過抵在又平又好食自己就叫咗中小辣，覺得辣味啱啱好，唔會太辣但又夠味。兩個人食加埋都係$101。店內好似淨係供飲品，唔供水。一包紙巾要$3，如果唔想畀錢買紙巾就要記得自備。

我哋叫咗一碗沙嗲紅薯粉同埋一碗雲南小鍋酸辣米線 🍜佢嘅沙嗲湯底好濃郁 一嚟到就聞到好香嘅沙嗲味食到有一粒粒花生碎 加上豬肉碎 口感一流紅薯粉煮得啱啱好 不特只會掛湯 仲唔會太淋 好有咬口 彈牙👍🤤我加咗紫菜 啲生菜同埋紫菜索晒啲湯底 好入味 好香口😍除此之外 我都有加咗雞絲 份量都幾多 雞肉幾嫩滑唔會煮得太鞋🍗雲南小鍋酸辣米線本身已經有韭菜，芽菜，酸菜，腐皮，炸醬等等嘅食材所以食落去已經好足料👍湯底唔會太酸 但足以開胃 味道啱啱好🤤

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️通常鍾意食米線嘅朋友都會認識呢一間貴香園，我係會因為太掛住佢而特登坐車去太子食😆⭕️雲南小鍋米線 - 湯底好濃郁，愈食愈上癮，配米線一流🤤 米線煮得口感啱啱好唔會太淋，份量多。最鍾意叫呢度嘅豬頸肉同埋午餐肉（冇錯，勁肥仔），因為佢都會炸咗而唔係就咁淥熟就算，食落更加香口👍🏻⭕️佢哋嘅沙嗲湯底都好正，香濃得黎又唔會太咸，好適合啲食唔到辣嘅朋友們。⭕️仲有就係鍾意呢度有好多小食可以嗌，通常我都一定要碟腐乳通菜（均衡飲食，感覺良好啲🤣）。小食當中我會比較推介嘅係單山雞翼，每次都新鮮炸起，每一隻都沾滿左脆卜卜嘅炸粉，加埋啲麻辣粉特別惹味過癮😍

#double👧🏽👧🏻吃在旺角【旺角|平價抵食涼皮x紅薯粉🌶🥢】..#🥭👧🏻-🔻阿姨撈涼皮🥢<酸辣 中小辣 走花生>配豬頸肉 豬耳 紫菜($58)🔻酸麻辣紅薯粉🌶<中小辣 走青>配豆卜 魚皮餃($44)🔻川味黃金皮蛋($25)呢度嘅涼皮望落同寬粉有啲似 但食落冇寬粉咁煙韌👀係一咬就斷嗰種 味道嚟講 👧🏻就覺得酸麻辣湯比較惹味👅涼皮個底都夠汁 不過唔夠酸同辣 揀咗中小辣但似微辣多啲 另外叫咗份皮蛋 但質感有啲過硬 似鐵蛋🤧同平時譚仔食嗰啲唔同－－－－－－－－－🍴食物：3.5/5🏝環境：3/5🛋服務：3/5💲價錢：4/5💥翻兜指數：4/5✨CP值：4/5-🍴餐廳：貴香園 (旺角店)📍地址：旺角西洋菜街216號地下-🔎食物選擇👉🏼#double_麵食🔎菜式選擇👉🏼#double_川菜🔎口味選擇👉🏼#double_咸#double_辣

因為唔想成日食同一間米線，見到太子介紹呢一間米線，話性價比好高好好食，於是過咗嚟試食米線選擇好多而佢嘅餐牌有少少似旺角一間米線店，唔知有無關係但旺角個間好食好多環境上都算光猛，但應該好污糟，櫈係有啲lup,同埋長短褲嘅我覺得隻腳好痕🤯米線方面不過不失，個辣味唔算太出同唔夠入味值得讚嘅係豬扒分開上另外叫左個花板小食，但應該係翻熱，好油膩整體黎講唔會特別再黎食，但米線又唔係話太差嘅，所以你都可以試下話我知覺得點

其實我都間唔中呢度買外賣，見到都成日排隊。所以今日試吓坐低食。唔坐低猶自可，我一個人入去，佢哋俾我坐喺用完餐碗碟擺放位置。咁細個鋪頭，可以理解會比較污糟，但真係污糟，地下濕同黐粒粒👎，枱面油粒粒癡粒粒，嗰啲污糟碗碟係我一隻手臂位嘅側邊👎，仲要咁啱係我食緊嘢嘅時候佢哋拖緊啲污糟碗碟喺我側邊。因為咁嘅環境，我都冇去欣賞碗嘢好唔好食，仲要碗嘢又唔係凍又唔係熱👎。食完碗嘢，飲咗少少杯凍奶茶即走。我以後唔會再去囉。啲人話想知廚房有幾污糟，睇吓餐廳樓面有幾乾淨就知。請問大家想唔想像到佢廚房有幾污糟呢🤢🤮🤢🤮。

成日見呢間野好多人食，又咁多好評，諗住實冇伏，點知就入左個勇者塔到。叫左個豬大腸豆卜瘦腩肉麻辣米線，點知五舊大腸入面，有四舊都係咁既樣，超多肥膏，食落去仲臭臭地，好明顯就冇洗乾淨，好嘔心。瘦腩肉 可能係我唔岩，但我冇諗過佢真係瘦到好似煲湯啲瘦肉咁，鞋到攝哂落牙罅。湯底方面，佢既辣同佢既湯底既味係完全分開，完全唔融合。我好鐘意食米線，但連鎖米線店雲桂x都仲好食過呢間，或者小店金西x都好食過佢100倍。難食到好嬲，仲要環境好污糟，成地都黑蚊蚊，仲有啲跣腳。廚房出米線個陣會將張單浸落碗湯到...食左一半就走左 no next time

今日真係好熱，成30幾度，口淡淡就好想食下啲重口味嘅嘢～行行吓醒起以前中學時代好鍾意食嘅貴香園，以前不嬲都係食佢嘅沙嗲湯底，今日咁熱又見到佢有涼皮，就即管試吓😋涼皮一上到嚟見到佢都有好多肉碎，又有酸菜，未食都已經覺得好香！唯一有少少意見就係佢成隻碗都好油，我撈嘅時候隻手都變得油淋淋～講返碗麵先，佢啲涼皮好滑，煮嘅時間啱啱好，唔會硬亦都唔會太淋，因為我平時都唔係食得好辣，所以嗌左佢嘅微辣，但係竟然平時食開連鎖米線舖五小辣嘅我都覺得唔夠辣～不過整體涼皮分量足夠，味道亦都調得好，下次絕對會再食👍另外仲嗌咗個麻辣汁青瓜，基本上我食米線都一定會嗌，同平時連鎖米線舖食嘅都差唔多，正～總括而言都係一間我會再幫襯嘅米線小店✨

Dieheart fan of this noodle shop since my secondary school age, they serve the best suan la fan in hk. Will come to this noodle shop whenever I am craving for my comfort food - a bowl of hot sour chewy noodles~ Their broth include a perfect portion of ginger, garlic, sesame seeds, and pepper flakes.The glass noodle is chewy and silky, perfectly matches with the all the ingredients. What makes it even better is the toppings: the pickled mustard stems, scallions, and roasted soybeans/peanuts. Also

雲南酸辣米線(中小辣)豬大腸 腩肉Price：$44📌擺上枱已經好香，中小辣唔算好辣，尚可接受，湯底好惹味😋米線都幾爽口，唔太腍。特別要講嘅係呢間嘅腩肉係瘦腩肉，小妹真係好開心♥️出面啲腩肉多數好肥，瘦腩肉食完無咁罪惡🤣雖然口感無肥腩肉咁好，但都易咬👍🏻豬大腸都幾大舊同肥美，入面啲油脂好多🤩餸同米線嘅分量都好多😉沙爹米線豬扒 豬膶 雞翼Price：$56📌沙爹米線意外地好食👍🏻👍🏻沙爹湯底好香好濃郁，啲餸同米線吸收哂個湯底，真係好推薦大家試‼️‼️豬扒都係必嗌嘅，燒得好焦香，肉質又嫩滑😋有啲位肥肥地，一咬落去啲油脂咇出嚟，一定要再encore🥳至於豬膶味道正常，雞翼本身係炸嘅，但擺咗落去湯入面就腍哂，但都食到炸嘅香味🧐如果另上會更加好😎煎粟米餃Price：$29/6pcs📌煎餃外皮好薄，有別於一般嘅煎餃，煎得好香脆，咬落去脆卜卜🥰但略嫌粟米嘅份量有啲少🥲P.S. 荃灣嗰間係黃店嚟㗎💛(荃灣西樓角路202-216號荃昌中心昌安大廈53至54舖)