越食 (景林街市) (Closed)

位於將軍澳寶琳景林食街裡面的一家越南美食小店，主要是越南湯粉、撈檬、飯類、喇沙及越式小食，選擇多樣。特色小食：網絲春卷（5件）網絲春卷入面有蔬菜及豬肉，即點即炸，保持香脆及新鮮。特色小食：香辣肉碎生菜包生菜在外賣盒保存得很安穩，回去依然新鮮翠綠。肉碎油香，帶微辣，惹味非常。撈檬粉：香茅豬扒撈檬粉豬扒算是厚實，但咬下去腍滑，醃得蠻為入味，加上那股清新的香茅味。檬粉淋上酸甜汁，整體變得酸甜，十分開胃。 

今日來左景林呢個街市商場食lunch,都係揀返我至愛嘅湯粉啦🤓景林呢到啲野食比起我寶琳重多選擇～見呢間越南野啲野食噤平就買來試吓😋飯同麵都唔過$40😮真係超抵，鋪頭外面有幾個位比大家堂食嘅～𖣘𖣘𖣘𖣘𖣘𖣘𖣘𖣘𖣘𖣘𖣘𖣘𖣘⭐️生牛肉湯金邊粉，湯底清清地夠味好岩我😋勁大碗～⭐️牛肉拼牛肉丸湯金邊粉，牛丸彈牙～⭐️小食拼盤(雞翼，春卷，蝦餅，墨魚餅）每樣2件都係$48😮平到震，重要熱辣辣，即叫即炸，推介蝦餅同墨魚餅，勁香口彈牙～

經過景林街市見新裝修幾靚仲有條食街，行左入去睇下有乜食。最終決定買呢間"越食" 做晚餐，呢間好抵食，個份量絕對唔少，包裝一啲都唔Hea。香辣肉碎生菜包 $40呢個生菜包，讚，生菜新鮮，包裝企理，唔會壓到變哂形。個肉碎炒得好香，好惹味，食唔停口。豬頸肉撈檬 $30我好鐘意食撈檬，因為好鐘意個汁，平時食要浸到滿滿，呢度個汁都正好開胃，如果個汁份量多啲就好啦😋。香芧豬扒食 $37香茅豬扒入味又腍，仲有隻太陽蛋，又有一盒葱油餸飯，好味又靚仔。買飯、河加10蚊仲有小食，我加左香芧雞翼，又香又脆。呢餐真係超值，咁叫都係117蚊咋。

景林新裝修完之後，成個商場都靚咗好多，就諗住入去行吓睇吓有咩好食，見到有間街坊價越南嘢食，樣樣都大份夾抵食，依家要喺將軍澳搵$40內嘅晚飯真係有難度香茅雞翼飯雞翼焗得好香，有四隻，比想像中多！仲要有隻荷包蛋，份量都好夠飽！秘製豬頸肉飯豬頸肉有驚喜，燒得脆、有燶邊，識落都好軟口！兩個飯都好鍾意佢配有越南酸菜！生牛河河粉份量好多，係偏厚身嘅河粉，所以叫外賣都仲有口感！湯底好濃郁，再加上芽菜同金不換，食落都幾正宗！生菜包$40有呢個豬肉碎嘅份量，堅抵食，而且個調味唔會太鹹，但係又好惹味！串燒好可惜太夜去剩得豬肉，不過都唔會燒到好韌，入口都有串燒香味！支持年輕人生意！

景林商場新開咗間越南菜外賣店，今日就去買晚餐食。價錢真係好掋，平均都係30幾蚊就有個主菜，加十蚊仲可以叫埋小食。秘製豬勁肉飯（$37）- 個蛋真係好吸引，係燶邊同流心蛋，撈飯食一流。豬頸肉咬落去爽口，個飲甜甜哋咁，唔錯嘅。香茅豬扒撈檬（$30）- 而家天氣炎熱，食撈檬都係個唔錯嘅選擇。個魚露酸酸哋好開胃，下次試雞肉。越式蝦餅（+$10）- 呢個好味，仲食到粒粒蝦肉。網絲春卷（+$10）- 呢個拎到返屋企都仲脆身，掋嗌。越式串燒（$20）- 我就嗌咗豬肉串燒，烤到好香，個肉都好入味。

幫朋友攞啲宣傳單張嚟將軍澳，之後一齊落咗嚟景林商場行下。友人提議去景林食街逛逛，順便睇下有乜嘢啱食。原來呢條巷仔進駐咗咁多小食餐廳。朋友想食越南嘢，揀咗最近路口嗰間「越食」，店舖主攻外賣，不過店前亦設有少量堂食座位。我哋點咗香茅豬扒飯同豬頸肉撈檬，凡惠顧任何粉麵或飯，+$5 可配冷/熱飲品、罐裝汽水或甜品，+$10 更可享特色小食，咁筍，當然唔可以錯過啦！香茅豬扒飯 ($37) 盒飯份量好足，一邊裝咗白飯，而另一邊就放滿了切件豬扒，面頭仲加咗隻荷包蛋，經濟又實惠。件豬扒醃得好入味，肉質結實，肥瘦適中，而且食落香茅味好重，一點也不油膩。豬頸肉撈檬粉 ($30)豬頸肉嘅口感亦唔錯，肉質超爽，外香內嫩，十分 Juicy。檬粉表面沒有多餘嘅水分，但入口又唔會過乾，粉質幼細彈牙，用附送嘅魚露汁撈勻食，味道甜甜酸酸，好開胃。加咗兩款小食同甜品。越式蝦餅 2 件 (+$10)兩件蝦餅都炸得好香口，外脆內爽，彈牙滑溜，配搭生菜同之前嘅檬粉一齊食，口感好清新，中和咗炸物嘅油膩感。網絲春卷 2 件 (+$10) 春卷同樣係新鮮即炸，入面嘅餡料有豬肉同蔬菜，食落好鬆化，外脆內 juicy。椰香眉豆糯米粥 (

行完山在景林邨落，入咗去景林邨食街搵食，呢度有幾間食店，有小量座位，因為多數做外賣，我哋都係叫外賣，因為太餓所以就在附近的公園解決了😅春卷拼香茅豬扒撈檬～檬粉彈牙，春卷最好食，外表鬆脆內裡帶有肉汁，豬扒有口感得來又香👍扎肉香茅豬扒撈檸檬～個撈檬汁係老闆親自調教的，甜酸度剛剛好😋蒜香牛油雞翼～嘢味香口椰香眉豆糯米粥～雪凍好味，好特別，可以試吓😄有機會的話下次可以再幫襯，因為價錢實惠得來好味又足量

收工經過景林食街舖頭新開張就買d外賣返去慢慢嘆。叫左舖頭主打香茅豬扒撈檬，同小食串燒，生菜包，網燒春卷，老闆強烈推介椰汁糯米眉豆粥，又買黎試下啦。串燒d肉幾好，唔會好乾，甜甜地，幾好味，網燒春卷都不錯，幾香脆，香茅豬扒都好味！有肉汁的，不會太乾，撈檬個汁係老闆親自調較，甜酸度剛剛好。生菜包我最喜歡，唔會太辣又唔會太咸，個調味好啱我口味。～至於甜品 椰汁糯米眉豆粥，好特別幾新穎，可以一試。總結：有驚喜，價錢抵食！下次會再幫襯！

巧遇罕見越式外賣店，就本人嚟講好少見街市食店會有，睇落店仔細細，估唔到選擇都唔少，有湯粉，喇沙，撈檬，仲有多款小食，主要睇落價錢唔貴，平衡都係30零蚊，所以一於試吓點咗個生牛肉河，秘制豬頸肉撈檬，蒜蓉牛油雞翼，生菜肉碎包，連埋兩杯飲品，都唔駛150蚊，聽收銀講先知，原來係新張期間，29/4前買滿120蚊就減20都咪話唔抵生牛肉湯河，湯底牛味濃郁，秘制豬頸肉好有口感，蒜蓉牛油雞翼野味香口，生菜肉碎包更係一絕辣辣哋又唔會太搶喉，雖然飲品冇咩特色選擇，但又估唔到又有驚喜，竟然飲到咁香濃嘅港式奶茶咖啡，下次會再去試其他新嘢

早兩日試完景林邨食街新開果間越食 本身都諗唔到食咩好 見佢新開 果兩個哥哥仔都幾熱情幾有禮貌 價錢又夠疫情價😂就決定比個機會佢地😏睇下有冇機會得閒懲罰下佢地完全冇idea交比佢地諗試左佢地個豬頸肉墨魚餅撈檬粉檬粉唔多講啦 唔係成糊野分番一條條我就合格啦 墨魚餅ok啦 佢地冇整到好乾 冇萬年油 希望佢地第時keep到啦 甘就可以繼續回頭最驚喜係豬頸肉 出面食唔到果隻味 個味道要形容就比較有層次 入口果刻係有驚喜既攞餐速度比較快 唔知係味果陣冇咩人啦整體我推介既價錢親民 性價比高 份量都夠飽 最緊要買個外賣幾廿蚊都有禮貌 係要比讚既大家真心可以一試 疫情下真係都幾幫到手報告完畢😂