輝記香港仔魚蛋粉

Open Now

Now Closed

我男朋友於7月23日晚上9點左右，於天一商城購買一碗淨紫菜三寶同 一碗淨雲吞，店員收82元，我男朋友問店員每碗價錢幾錢，店員講淨雲吞29元，紫菜三寶53元，想真係呢個價錢?

入去嗌外賣俾錢果下都要催我快手d都算啦 叫咗個魚蛋河 等左10分鐘都未有其他糖食嘅入嚟一坐低叫完1分鐘即有我走去催一催佢 佢話整緊 ok我繼續等再等多3分鐘左右拎左碗河粉 同佢講話想要1個醋同埋1個辣椒油 佢話淨係比辣椒油....醋既話要俾錢個下提早講定 我就問乜有啲咁嘅規矩㗎咩 佢同我講要醋要加錢 真係R晒頭 費事同佢嘈女呢間野真係要黑名單！絕對唔會再幫襯

擺明玩嘢！我叫外賣雲吞麵，無諗過啲湯同麵既份量少到咁，（大家可以移一移玉步望下相），一打開個外賣成兜廚餘咁，似人地食完既垃圾，我真係成日叫外賣都未試過有咁既事發生，呢舖肯定吾係兜麵索哂水，而係明玩野！嬲到我直程打電話鬧佢，咁就算你無分湯，都吾會小到咁呀？由外賣攞番屋企都係五分鐘姐，你估你兜麵係海綿可以咁快索哂啲湯？啲湯點睇都少過5ml！定係依家係後生幫襯你就玩針對啊？吾想做生意早講啦！你咁樣做生意法你遲早挺執粒

話說收工買外賣 叫佢唔洗分湯翻到屋企打開一滴湯都無打去問 佢話係咪索曬湯我話一滴都無 佢都話可能索曬 係咁強調係索曬好似唔識聽中文咁仲話我唔知丫 唔關我事丫然後佢話咁你自己落黎拎翻個湯啦無人送丫 咁我就燥左有無搞錯 你自己做錯野仲要我自己落去拎？！收工買個外賣遇著喱啲咁嘅處理方式 不了

晨早流流，胃口不太好，時間唔係太多，又食唔到太多野，所以就揀左係商場門口，十分方便既輝記雙拼精強百搭餐就啱啱好，我就揀左雲吞拼魚皮餃，因為兩樣都好足料，配上河粉對我黎講就剛點好！

因為住在附近，所以經常光顧輝記。每次行經輝仔，都被它的牛腩和魚旦味吸引著呢！魚旦粉味道不錯，魚丸有新鮮魚味，魚皮亦香脆可口，如果是一個人，時間又倉促的話，是不二之選！

$25個牛腩麵，真係好抵食，加＄10仲有魚皮，但牛腩真係好肥，好多肥膏，老公都頂唔順要咬左啲出黎先食，但係係咁多野中最好食㗎喇，魚皮就真係值得推介下，夠薄同脆，係鹹左啲姐。

呢間野我第一次去，當入到去坐低，見到張張枱都冇餐牌又未諗到食咩，唔緊要啦，來得呢d地方緊係魚蛋麵牛腩河啦，金毛短髮女店員走問我食咩，我話：肥牛河(門口有貼餐牌紙)佢未開始寫單又冇入廚房落單而且佢人仲係我面前，我即時改：都係牛腩河啦(就係咁簡單我都唔知佢做乜，咁都要黑面)佢就黑面發癲話：你到底想要咩啊，你係咪要食肥牛腩河啊。咁我問佢：門口唔係寫有肥牛河咩。佢又繼續X我：有，果個叫白灼肥牛河，你到底要咩架，你要肥牛河定肥牛腩河啊。(呢刻我想起身走)我真係頂唔順：咁是但一樣啦。佢又繼續X我：咁你到底想要咩野啊？我最後黑面答佢：牛腩河，得唔得啊？果刻如果佢繼續問，我保證我粗口橫飛，落個單都落到不知所謂不如轉行啦，可能我鄉下仔真係唔識香港文化，d野好食又點呢，賣得平咁又點，你可以叫我唔滿意唔好來食，得，冇問題，但我一定要開呢個帳號講呢件事，我對人唔對事，食物環境係可以

以前都冇幾間粉面好食。最近輝記係天秀開左之後，我都會坐輕鐵過來食。價錢非常合理，份量又夠。重點係味道好！而家好似係23蚊一碗，真係全港冇幾多地方食到呢個味道。佢地元朗分店都唔係買呢個價。特別好食係魚蛋魚片，雲吞。不過經常見到好多人叫牛腩，應該都唔錯！

放假去搵男友食午餐，行過見寫住自家制魚蛋，就決定入去試試入去鋪頭唔算好大，但坐得都算闊落，唔會逼住晒我叫左碗魚蛋河，男友就叫左碗牛雜河，另外叫多碟腐乳醬通菜魚蛋河魚蛋食得出同出面街既唔同，雖然唔算好彈牙，但食得出好香魚味，而且證明左佢地啲魚蛋應該係魚多過面粉，算係真材實料另外我仲落左兩滴話係自家制辣椒油，已經好夠辣，仲要好香，陣味有啲似XO醬牛雜河 男友話幾好味，可惜湯底未夠熱🤔如果再熱啲會好啲，我試左一舊牛肚，入味腐乳通菜是店員介紹既，因為佢去話腐乳醬係岩岩炒好，於是叫左碟試下，腐乳醬幾香，但咸左少少，要勞匀啲菜食先岩岩好我見佢餐牌有好多其他野食，問下店員先知原來佢啲餃/雲吞/魚皮都係自己鋪頭整😱下次要黎試下整體黎講都唔錯，價錢唔算好貴，～$30一碗（唔係好記得價錢），走果陣見到隔離兩間餐廳都會呢間客人咁多，希望下次有機會再黎試下佢啲餃

我夜晚7.幾 打電話過去問佢有冇外賣 跟住佢話唔好意思唔接外賣 跟住我就問有冇外賣自取 我野都未講完佢就cut左線 跟住我打過去問佢做咩cut線 佢話：「咁我都講咗唔接外賣囉 」請員工時請注意。態度好差

抱著懷舊心情入到店裏，坐落看完菜牌，選擇了傳統魚蛋麵一碗試試，魚蛋麵上台後發現不是想像中的模樣！魚蛋太鬆化了；麵湯底好行貨；麵質一般；接受不了！那有香港仔山洞後巷的滋味。

今晚我們去咗天水圍天一商城嘅「輝記香港仔魚蛋粉」食宵夜！我們叫咗招牌魚蛋河粉同紫菜四寶河粉嘅河粉就咁睇比平日食開嘅粗身同厚身，食落覺得質感比較「粗嚡」，魚蛋都幾爽滑彈牙，魚皮餃嘅皮亦都係非常「粗嚡」，入面嘅餡料唔係好新鮮，味道亦比較鹹，而且感覺超級油膩！鮮蝦雲吞粗麵嘅麵質好煙韌彈牙，雲吞皮都幾嫩滑薄身，蝦肉好爽甜彈牙！湯底嘅味道比較淡，祇係比滾水有味啲啲！本來我們充滿期待諗著食香港仔魚蛋粉會有質素嘅保證，但今次就真係令我們覺得好失望！

之前係元朗見過呢間，不過一直都冇試。今日就黎呢邊天水圍新分店食。今日初2都幾多人下，每碗麵要加$2。我叫左牛腩河粉，牛腩河粉，牛腩既份量比想像中多，而且有肥有瘦，食落好香👍🏻河粉就稍為腍左d，不過都可以接受，湯唔會太醎岩岩好。佢本身$25加埋$2之後都係$27，好抵食！朋友叫左魚蛋米線，呢個雖然話係招牌，但係我就覺得一般，食左一粒魚蛋覺得好醎，都係牛腩比較好食d。雖然牛腩麵、魚蛋河呢d係好普通既野食，但係我就覺得好有舊時香港既味道，食完就行左去濕地公園，非常近。