醉標無骨海南雞

Open Now

Now Closed

📸醉標無骨海南雞一句講晒：掂食夾大件超就腳外賣店🤣👍🏻店舖可以算係一站式服務主食、小食、飲品同甜品咩都有得揀大多數係泰國菜嘅選擇🇨🇷仲要平價 性價比 🆙 👉🏻位置喺藍田地鐵站A岀口沿住一入匯景商場就見到非常就腳😎🍴無骨海南雞飯 $35💛8.5/10主食嚟講份量非常飽肚 好抵食🐷海南雞嫩滑有雞味唔會有厚厚肥膏 仲跟埋隻雞髀添😆👉🏻特別想講海南雞墊底嘅蔬菜用咗鹽醃青瓜唔係求其墊啲生菜 味道調得不錯 食唔停口🤣黃油飯有味得嚟香料味唔會太重手拍得住泰國餐廳嘅味道😛🍴泰式無骨鳳爪 $30💛8.5/10望落細細盒但成盒都塞滿咗無骨鳳爪絕對冇填滿醃料呃秤🤣酸酸甜甜好開胃辣味唔重 怕辣嘅朋友都唔洗擔心🥰🥰🍴冰糖雪燕 $20💛8/10超級足料 大大盅仲要每啖都有滿滿燕窩絲好清潤啱晒秋冬食😚呢個價位 買翻幾碗啪都唔過份🥰留意翻 分店只做外賣⚠️📍 藍田匯景道8號匯景商場3樓19A號舖📍 長沙灣永隆街9號地下E號舖#wwh食勻藍田#wwh食勻長沙灣 #wwh泰國菜

醉標無骨海南雞 (藍田)全部飯餐都係$35 😗抵到無朋友，好耐都無見過呢個價錢了。海南雞做招牌，第一次買就試左海南雞飯$35，大大盒喎，飯好多，黃金金嘅飯好令人有食慾，粒粒分明少少咸香。雞肉滑雞皮爽，一定要點醬，醬令雞加分不少。小食泰式無骨酸辣鳳爪$30，唔好睇佢個盒仔扁扁咁，分量都幾多，夠兩至三個人食。好香香料同香茅味，鳳爪就比較硬實。估唔到鋪仔細細有埋甜品，我鐘意嘅楊枝甘露$26，芒果肉都幾多，好大杯附送左飲筒可以吸嚟飲。

今日去完觀塘再去藍田見客戶， 見完真的又倦又餓， 途經一間只做外賣「只做滑雞」🐣的醉標海南雞飯 吸引住了， 所以買來填一下肚子， 點知發現原來不錯的！無骨海南雞飯我自己覺得真心推介，是其皇牌招牌菜雞肉質真係好滑，無骨特別易入口， 點了醬更惹味！蒜泥白肉肥瘦剛好，唔油膩份量好多仲有驚喜是他們仲做自家製甜品，尤其我這個是牛奶炖雪燕，不會太甜，用料勁豐富又養顏，極滿足！醉標海南雞飯藍田匯景道8號匯景商場三樓19a 號鋪

📍Hong Kong📍#ami觀塘綫 #ami荃灣綫#醉標無骨海南雞🤭今次介紹一間性價比高既泰菜外賣餐廳比大家！係藍田、長沙灣既你一定要去試下。無骨海南雞飯$35個海南雞飯，真係平。宜家出邊閒閒地一個海南雞飯都要$50、60一個。呢個仲要幫你去埋骨，啖啖肉會唔會太正。大約有6-7舊雞仲有隻雞翼添！啲雞好滑完全唔鞋。😋食雞飯除左個雞重要，個醬都好重要。😍佢個醬完全係符合我心中海南雞個醬，個醬會另外比一包你可落可唔落，我就建議落啦！令到個雞會有小小辣辣既味道。🌶 另外，仲有小小青瓜粒做配菜。泰式無骨鳳爪鳳爪真係我每次去食泰菜必叫，呢個加入左好多蕃茄、芹菜、生洋蔥做配料！個汁會有微微辣🌶。酸酸辣辣既味道超級開胃。另外，$35飯餐仲包一包紙包飲品會唔會太抵。但今次就加左椰子冰，飲品就不過不失啦。除左有特式飲品之外，仲有養生甜品，全人手製作價錢仲唔貴下次可以去試下！______________________________
💰價錢: HKD $ 35-60😋味道: ❤️❤️❤️❤️🖤📍地址: 藍田匯景道8號匯景商場3樓19A號舖長沙灣永隆街9號地下E號舖