醉江南

Open Now

Now Closed

初嚐上海春卷！店家係咁問試唔試呢個，因為平時要預訂先有得食咁岩今日有客人訂，低我哋又食唔得多所以比我哋份量由5條變2條。原來上海春卷係入面有汁嘅！主要係蘿蔔、津白、冬菇做餡，外皮炸脆但又保持濕潤！酸辣湯因為隔離枱話想試，做咗個mini版係一個飯碗咁細，送錯左比我，我話多謝啦。點知最後話收$33蚊？下？佢正常一大碗$64，你送錯比我試又收返我錢？又唔同我講$30再加10%？我話唔合理，佢話咁係佢哋送錯咗，但我都冇話唔要喎係咪要免費請我試喎？咁最後我比咗一半mini size $15, 冇酸味嘅，超滾，本身幫你落咗豆辦醬同麻油，淡咗少少。不過我就唔會再想試喇鎮江肴肉 街坊推介，試咗不過不失，正常發揮小籠包多汁可惜皮略嫌厚咗啲，🥲又係食過好嘢就返唔到轉頭呀⋯⋯炸銀絲卷 炸得唔均勻但銀絲仲一條條嘅，要媡奶話要加$2 第一次見。。算啦今次就咁食！呢餐星期六日晚市+10%成餐$200不過小家咗啲，下次唔好送完又收人錢，我都食咗你開60蚊叫我找數丫咁？

飯腳想食上海麵，唯有在附近找一間，搜尋了開飯網，決定到醉江南一趟。今日假期，所有套餐改為單點並要加一，有食客因而離開。二人點了齋菜雲吞麵，炸排骨麵，小籠包及豆漿。上菜速度慢，但食物都是熱辣辣，甚至乎辣咀。炸排麵及云吞麵湯底不一，一清一濁。湯底味道普通，麵底都是普通，豬扒炸漿不太厚，末有太大肉味。反而云吞比一般麵店的大，餡料多。而小籠包皮較厚，湯汁不多，未有瀑汁情況。豆漿雖然係甜，但不是超甜。唔錯。整體末有驚喜，要加一的話，性價比低。

想去的餐廳滿坐，所以改了在附近的醉江南吃，第一次光顧，到了才知小店地方淺窄，而且我即日訂枱也給我留坐，雖然小店裝修一般，但給我的印象很不錯。友人遲大到，我們等了朋友一小時，白坐這麼久店家也沒有罵我們，更介紹各種小菜，服務一流！最喜歡店家介紹的肉碎炒龍鬚菜，菜很嫰又很爽脆，店家說這小菜要看時令的，其他餐廳也不常見，必試之選！回鍋肉炒年糕也是店家介紹，分量十足，好味又抵食。小籠包味道也很好，如薄皮一點更好，純粹個人喜好。點了酸辣湯雲吞，雲吞是店家自家製，大大粒，酸辣湯味道很不錯，各種材料比例和酸辣比例都做得出色。豬扒擔擔麵，豬扒是炸的另上，不論豬扒或麵都好吃！蒸銀絲卷，正常水準。甜品是豆沙鍋餅，也是水準之作。平價小店，性價比高，滿滿的人情味，希望小店可以一直保持水準。

在太子做臨時工一個月，每次最期待係同各臨時工同事一齊去捃食！頭幾次試咗餃子、米線、Cafe等，有個同事就話食過一間豬扒擔擔麵拕一食又好味😍跟過佢去食，果然無介紹錯，豬扒擔擔麵就係我喜歡的口味！我食過一次之後，向未食過嘅同事推介得繪味繪聲繪色，個個都嚷著要盡快跟我去食最後一星期在太子工作，我再三和一行6人一起到醉江南一張圓檯用板分隔兩邊各坐3人，大部份都是吃炸豬扒擔擔麵🤣人多關係，今次可以試多少少野😄小籠包原先一籠5粒（$35），我哋加錢（$7）加多一粒咁就人人有份皮薄關係⋯⋯⋯夾小籠包記得要拎埋匙羹，否則後果自負🤣小籠包一定要趁熱食，擺耐咗尐皮就會比冷氣吹到變硬午市套餐連飲品或湯：炸豬扒擔擔麵跟是日餐湯所以見到炸豬扒外層粉醬層超薄炸豬扒好掂，即叫即炸，外層香脆內裏仍是鬆嫩多汁（必吃）我依碗係特別版嘅擔擔麵，係特濃醬和多蔥其中一個同事將幼麵改成粗麵（加$3）粗麵相對地冇咁容易掛到醬汁，始終都係幼麵同擔擔醬汁夾啲豆沙鍋餅$42仲未食完碗麵，個豆沙鍋餅已經上枱，起初都好擔心食完麵之後佢已經凍哂，但居然仲係暖暖的，啱啱好入口🙂；豆沙餡唔太甜我鍾意平日唔使加一星期六日公眾假期要加一㗎

雖然晚市已開放了堂食，不過有時還是覺得買外賣回家吃才最安心。收到之後經過太子，就來到一家上海菜小店。🙂我們叫了三道菜，分別是糖醋排骨菜飯、回鍋肉菜飯以及豆沙窩餅，埋單只需$126元，感覺性價比相當高。☺️糖醋排骨菜飯首先它的飯量真的很多，絕對令人相當飽肚。糖醋排骨酸酸甜甜，真的很開胃，而且肉質軟腍。😛回鍋肉菜飯依舊是飯量非常多，不過有點失望的是回鍋肉不夠辣，缺少了那種上海的辣味，相對較之清淡。🥲豆沙窩餅六塊的豆沙窩餅，皮薄餡靚，而且也很甜很美味，作為飯後甜品一流。😆整體來說，$126可以品嘗三味菜，絕對是超值的。🤪

和友人們隨便選附近一間食，不過不失。環境溫馨家庭風味，牆上貼上每個菜的樣貌，喜歡看照片。一行五人叫了四人餐再另加一個餸。.小竉包皮有點厚，裡面少少湯...醋上沒有薑。肉碎有點「梅」，四季豆過熟。甜品不錯！

一直以來都不是特別喜歡江浙菜，但是這家的鎮江排骨都好好吃，上海炒年糕一般，我覺得都有點淡，紅豆窩餅好吃，餡料都好足，環境比較狹小，但是晚上人不多時候還算寬敞的！

在花園街買完野，話去位於太子地鐵站旺角警署旁邊的上海食店，在太子區來說這個價錢幾平民，店舖面積不算大，昨晚叫了一個二至三人套餐198.套餐會有一個小籠包，油豆腐湯，海蜇雞絲和回鍋肉及兩個白飯，由於這晚有三個人的關係，還叫了一個排骨炒粗，獅子頭和豆沙鍋餅，整體來說味道不錯

突然之間很想食擔擔麵，第一間在我腦海中浮現出的就是《醉江南》。《醉江南》的擔擔麵湯底很濃郁，重花生味而帶一點微辣。麫條很彈牙，相信是即叫即拉的面頭的豬肉碎吃起上來很酥脆，不知是不是有炸過來呢？再加上一點點蔥花和蝦米，有畫龍點睛的效果不愧為我心目中的全港第一位擔擔麵，一流男朋友點了京式水餃，可能是京式的關係，有點吃不慣，因為皮比較厚，很飽肚，不過也因為厚，因此也很有口感。內涵就如一般的菜肉餃，多肉少菜。第一次吃賽螃蟹雖然是很普通的上海菜，卻是第一次食雖然只是蛋白，炒得一絲絲，加上上湯煮真的很像螃蟹🦀️！很適合茹素的人呢！《醉江南》是間傳統的上海菜館，可以吃到正宗的上海菜式

今日經過見到有間上海店都不少人食就入去試試，這間位於太子的醉江南，食物方面都不少選擇而我今日叫了一個年糕和一個菜一個人食十分足夠有餘但味道就一般。見不少人都吃這個菜而且待應話少有就叫了這個，龍鬂菜炒肉碎，來到肉碎勁少，而且菜食落去冇味，只可講似用熱水煮成咁，原汁原味，幸好菜渣不多口感都可以。到我最愛吃的回鍋肉年糕，味道都是偏淡一點辣惹味都沒有而且都幾油身，但份量十分足(年糕)而且炒得都幾香口，菜多但肉比較少，同得幾片豆腐乾，一人食完堅飽都食吾晒。

係太子上完堂，原本想食老麥，但比人拉左去食呢間，話食好啲喎🤷🏻‍♀️但食完又真係幾好既。我地3個人食完下面，係岩岩好既。個四季豆好足味🤤，啲豆唔油，個肉醬（好入味，整體係正既。另外個賽螃蟹我聽得多，都係第一次食。佢整得都幾得意，好似太陽蛋咁。就咁食好淡味既，佢有個豉油比你加，咁加左濃味好多，都幾得意。呢個鎮江排骨就比較濃味，同埋比較甜，但真係好送飯。個上海小籠包都幾唔錯。個豆沙鍋餅邊邊位就有少少油，但中間紅豆多既位就唔油既。

呢度都算近地鐵站唔係行好遠就到叫咗個朋友陪我嚟呢度食叫左紅油抄手同埋雲吞我覺得紅油抄手有少少辣辣但味道都唔錯㗎另外雲吞都幾出色因為佢做到皮薄餡靚個效果 而煎炸類嘅食物都比較油有少少不足

今日去到太子，突然記得有間叫醉江南是上海菜，而我同朋友又喜歡食小籠包就入去食，因為六點幾關係都幾多位，不過可能坐係門口位就熱了點，今次叫了二樣餸加一個白飯和豆漿，份量都夠，首先來的是鎮江骨，細細粒都吾錯但可能炸得太乾身口感硬咗少少，醬汁味不錯夠酸又味道好食，配白飯醬汁的確不錯，如冇咁硬就好味啦，另一個新鮮整的小籠包，一籠有五粒都幾大粒，但可能太迫關係，好易爛而湯不多，肉味道不錯，皮厚度都適中，醋沒有薑絲但有點蘿蔔蓉(類似)，味道有點怪怪的。豆漿應該自己整味道偏淡不大豆味，$10有點貴。

一條友的晚餐，叫左幾個韮菜煎餃同上海炒年糕。炒得好有火候，值得一讚份量好多下，年糕熟透而且好入味，係略嫌咸左啲！煎餃煎得好靚，金黃色而且好脆！皮厚左啲但料新鮮，入面包滿肉汁👍🏻下次會再黎👍🏻

喺太子附近行完街突然之間好想食上海野於是就去到呢一間叫做醉江南嘅餐廳。餐廳嘅裝修係好平民化，但係都叫坐得舒服。我哋三個人叫咗四樣嘢食:清炒草頭呢款菜式似乎唔係好多地方有得食我覺得幾特別而且呢間餐廳炒落去嘅菜唔會感覺好油膩草頭嘅質感係有啲爽口，好似係爽爽地嘅豆苗咁韮黃鱔糊呢味菜我就認為佢咸咗小小，不過個份量亦都唔錯，鱔亦都好新鮮上海粗炒味道啱啱好唔會好鹹而且份量亦都好大碟砂鍋雲吞雞半隻呢一味菜係我全晚最欣賞嘅啲雞非常之嫩滑而且黃芽白嘅份量係非常非常非常多食極都有。除此之外雲吞嘅味道亦都唔錯個湯亦都很濃郁