金泰美食 (Closed)

又帶屋企人去幫襯(四個大人一個BB).除左必食菜式之外(串燒牛,豬,雞翼,椰青,燒則魚,蒜蓉包,青檸梳打)今次新試:燒大蜆- 好鮮味, 正!不過當中有人認為有D腥;又話又D沙...不過我就食唔到.咖哩炒蚧- 我冇食, 不過其餘3個大人都話好食, 個汁好好味.泰式炒椰菜苗- 上次食\'飛天炒椰菜苗\',上次正好多.椰皇沙冰- 個樣好得, 夠哂冰凍,食落一般火車頭炒飯- 一般札肉湯河- 一般埋單四佰幾,最貴係只蚧.

18/6(日)好耐之前黎食過一次,本來想去隆姐,但隆姐條隊好長,呢邊少d人,唯有過黎食要就朋友的口味,所以唔叫得魚同辣野叫左拚盤,菠羅炒飯,豬頸肉沙津,芒果汁同可樂拚盤包括蝦餅,魚餅,春卷,雞翼同鳳爪,其中蝦餅,春卷,鳳爪味道最好,魚餅味道好怪,咬左一啖就無食菠羅炒飯味道平平豬頸肉沙津又係怪怪地,話係沙津,但全碟都係豬頸肉同洋蔥,但豬頸肉味道也不錯芒果汁好好飲,夠凍又夠芒果味下次一定要黎食美味燒魚~

第三個comment XD今次又係6:30pm 入到去食, 3 個人叫0左泰式乾炒海鮮河粉, 炒雜菜, 仲有一堆串燒:- 雞腎x 2- 雞肉x 2- 豬肉x 2- 雞肝- 牛肉- 一客8 隻燒大蜆今次最好食係d 雞腎, 又爽又香.大蜆幾甜不過勁多沙>_<乾炒河好好食! 唔太油, 料幾多, 我覺得好食過炒飯好多!炒菜係用蒜蓉炒, 都唔錯, 西蘭花最好食.呢間0野已經變0左我屋企逢星期日0既飯堂, 哈哈!

好少1星期會去同一個地方食飯食兩次咁多, 佢地D泰國菜真係好抵食同好好味, 必試推介:1)冬陰公湯- 我以前不嬲都唔鍾意飲冬陰公, 但試過後就好掛住D湯, 真係好好飲!2)火車頭炒飯- 好好味, 料多夠火氣;3)生蝦- 抵死ONLY$35一碟, 味道唔錯;4)蒜蓉包- 好特別點埋咖喱汁仲正;5)咖喱CRAB - 點汁真係好正.另外D串燒都唔錯！但廁所真係污糟左D!

又幫襯多次... 哈哈!今次早0左成個鐘入去, 6:30pm 就坐低, 似乎佢0岩0岩開門. 4 個人叫0左好多串燒- 雞翼- 雞心- 雞腎- 豬頸肉- 牛肉- 大蜆- 蝦餅- 蒜蓉包仲有半隻海南雞, 鹹魚炒椰菜苗同泰式海鮮炒飯.串燒真係好好食... d 燒大蜆凍0左之後雖然唔腥, 但d 肉汁已經流失好多0架喇, 所以愈熱食愈好. 另外蒜蓉包個樣唔算好靚, 但真係出奇地好食!除0左豬頸肉普通d 之外, 其他全部都非常好食.海南雞好滑, 不過無乜雞味. 炒飯... 我無食到, 個樣唔多吸引.環境同service 不嬲都唔ok, 不過今日唔知點解d 人responsive 0左, 地板亦出奇地乾淨0左好多.原來早一個鐘幫襯, 所有0野都差咁遠? 似乎下次都要早d 0黎喇.

阿爸阿媽介紹的, 今日3 個人0黎0左呢度食晚飯.叫0左好多串燒- 牛肉- 雞腎- 雞翼- 雞肝- 魷魚- 大蜆仲有蝦醬通菜, 同泰式豬肉炒飯. 自己亦飲0左個椰青同一杯可樂(叫後者係因為d 燒魷魚太辣, 又飲晒個椰青-_-).d 蜆好大隻! 味道幾鮮, 不過都幾多隻係有沙的.魷魚好辣@_@ 不過腍身的, 幾好食.牛肉同雞腎好好食! 牛肉好腍, 唔知點解甜甜0地的, 幾得意. 雞腎好脆! 又唔似得好多餐廳0個d 咁有異味, 好食!雞肝都唔錯, 又係甜甜0地咁(可能係因為d 蜜糖?), 唔苦, 不過少少滯.雞翼一般啦... 好食過我自己去BBQ 燒0個d 的咁多, 哈哈!蝦醬通菜偏鹹, 不過無所謂啦, 係蝦醬煮0既都鹹0架啦.炒飯唔好食... 鑊氣夠, 但太油, 豬肉好硬... 碟飯賣相亦唔好睇.椰青飲落就ok 啦... 不過d 椰肉好硬.環境up dup, 幾烏煙瘴氣的; 坐得迫, 不過唔算唔舒服.Service... 同我預期0既一樣(入去之前阿媽已經warn 過我!); 人手唔夠係一個問題, 不過d 阿姐s d 態度就比茶餐廳更差. 不過都唔expect d 乜0架啦

一行四人到此開飯, 叫左好多嘢食:1. 燒大蜆- 蜆大肥美, 不會乾爭爭, 不過有D沙2. 燒牛肉&豬頸肉串燒- 肉淋但唔夠鮮嫩, 豬好過牛, 可能部位問題3. 燒鰂魚- 肉嫩, 下次可以試下燒烏頭4. 燒乳鴿- 正! 肉醃得入味, 不過燒得不是皮太脆, 連骨也可以咬碎5. 燒鮮魷- 偏乾, 幾辣6. 螄蚶- 唔點sauce就幾腥, 唔好此味見到血淋淋都有D驚7. 鐵板蠔- 蠔都算大, D泰式香料sauce 都唔錯8. 飛天通菜- 好食, 菜嫩, 有D蝦醬同魚露味9. 咖喱炒聖子- 咖喱汁幾香, 聖子唔夠大隻law10. 蒜蓉包- 係用嘉頓豬仔包再燒哄既, 皮脆脆地, 內既蒜蓉醬也香, 點咖喱汁食更正11. 菠蘿啤&椰青各二

早排聽人講過, 話呢度的螄蚶幾得手, 於是就搵埋個好此道者的朋友, 一齊幫趁.猶記得幾個月前去過九龍城食晚飯, 各大小泰菜館都大排長龍, 而家可能熱潮已過, 星期六晚都唔駛等位.一坐低就叫碟螄蚶先, 阿姐問想要生d定熟d, 由於人人都話生d好食, 就生d啦. 色水幾靚, 真係灼得無以前食過既咁熟, 入口比較嫩, 味道亦算鮮美, 唔蘸汁食都可以.見門口有個counter專做燒物, 似乎呢味係主打, 於是都點左幾樣. 串燒雞肝及雞腎都過得去, 後者好味d. 燒蜆都幾大隻, 不過可能燒得耐左, 乾身左d, 味道就幾鮮甜.另外仲點左粉絲沙律, 比想像中乾身, 同一般泰式沙律一樣咁辣, 幾開胃. 朋友嫌太辣, 我唯有當飯食, 包辦左大半碟.由於朋友唔係好食個粉絲沙律, 打算叫多味, 問阿姐有咩推介, 係出面無咁常見既. 阿姐首推豬頸肉沙律, 我地問明係小辣之後, 就叫埋試下. 其實都係豬頸肉同香葉、香芹、蔥、花生、辣椒等等撈埋, 可能我地唔識貨, 唔覺得好特別. 不過本身味道唔差, 豬頸肉都幾肥美, 一試無妨.連兩杯青檸梳打, 埋單大約$190.

昨晚同bf去左呢間食! 去時差不多8:00pm 好易搵到位!我地叫左以下食物---so good!1)串燒雞翼2串--唔太乾,好正! (配沙嗲汁)2)串燒雞腎2串--唔un, 好爽! (配沙嗲汁)3)泰國海鮮炒飯---好多材料(新鮮)4)泰國濕炒雞絲河-- ok la5)青檸沙冰--- ok la6)泰國冬陰公---超正(咪濃, 材料多)***(唯一美中不足是唔夠空調, 都幾辛苦)****

食物水準和價錢成正比.不過可說是無服務可言, 每個服務員都採用"你睇我唔到, 我睇你唔到"的服務態度. 而且黑口黑面.(特別係個老d的女士)一坐下連水都唔俾杯, 樣樣野都要叫幾次先有人應. 講真間鋪又唔係好大, 又有成3-4 個服務員, 都唔知點解會咁.最低死係, 我地有個朋友遲來, 叫佢地俾個碗, 個服務員竟然問"要個碗來做咩?" 梗係有用先問係喇!!!!

上星期去唔到呢度食晚餐, 呢個星期專登早d 去, 終於可以食到呢間好好味既泰國菜.~~ 我地叫左…串燒--- 牛, 豬, 雞, 雞腎, 雞冀, 魚餅, 除左魚餅我覺得麻麻之外, 其他都非常地好味道, 我好鍾意食串燒的, 價錢又唔貴, 可以任叫, 哈哈~~炒金邊粉--- 都係好好味, 但係好容易飽肚, 變左唔可以叫得太多其他野食了.腩肉炒芥蘭--- 2個人食會覺得大碟, 芥蘭唔苦, 好味好味~~我同bf 2個人食, 都食唔哂, 不過, 實在太好味了…. ….比起上星期去左個間越南餐館, 呢間真係好味好多…地方又唔會太迫, 又光猛, 都算幾乾淨, 完全平, 靚, 抵呀!!!!!下次一定會再去…

之前响舊鋪食過好多次,最鐘情佢地d串燒,最正係加埋辣汁,正呀,今晚去左九龍城行,之後男朋友問我試唔試新野,但係唔係好想試,之前試過金寶,泰禾味,都係麻麻,so,又再食呢間,但係新鋪就第一次去,比起舊鋪,大好多,仲有冷氣,又坐得舒服左tim,味道仲係咁正~今晚食左串燒,同埋至愛既菠蘿炒飯,仲有叫左個泰式海鮮鍋,有少少似冬蔭公,好多海鮮,好香,but,我唔食得辣,所以覺得辣左少少,但係好味呀...如果去親九龍城,一定食佢地既串燒呀~同埋d店員都好好招呼,好nice~

20050522 8pm大熊之前食過金泰燒烤話正,知道開多間大鋪有更多泰菜就來試試,滿心期待.兩個人叫了:﹙1﹚細冬蔭公$35二人的話分量剛好,每人分到兩碗半.多蝦,有蕃茄.味道唔酸唔辣略甜,好味道.﹙2﹚清炒椰苗$30分量多.蒜香撲鼻,椰苗細細棵,咬落去好脆口,好好味.﹙3﹚串燒蝦餅$8蝦餅又肥又大粒.加埋個沙爹汁來食唔錯.﹙4﹚咖喱炒蟹$88一直都食唔到好滿意的咖喱炒蟹,今次終於食到喇～蛋花咖喱好滑,內有好多洋蔥、青椒及小許蒜頭.蟹蓋唔會淨係得個蓋,內有肉.蟹箝夠大隻,蟹箝殼拍得夠碎,好易咬,好大隻.蟹肉一D都唔散,肉質亦唔霉.﹙5﹚蒜蓉包$20個蒜蓉包係幾特別的,型狀就如迷你的熱狗包一樣,同手指差不多長.中間夾住的唔係腸仔而係有大大粒蒜的蒜蓉醬.用來點咖喱真係一流!﹙6﹚椰青+ 菠蘿沙冰﹙忘記價錢,約$30﹚好怕叫親凍飲來到係唔凍.今次個椰青係唔凍的,試問唔凍的椰青飲來有乜意思呢？希望下次再叫會係來個冰凍的.而菠蘿沙冰就真係冇得頂.夠凍,多冰,菠蘿味夠濃.要同大熊爭住來飲.埋單$211總括食物味道好好,令人非常滿意,食得好開心.服務方面,點菜時阿姐會主動介紹菜式,場內更有紙巾提供

呢排唔知點解好鍾意去九龍城食飯琴晚兩個人去叫左海鮮濕炒金邊粉($30),蝦醬炒通菜($25),蒜蓉包($20),西瓜冰($15),鐵板蠔($58)同燒雞心($6)海鮮濕炒金邊粉～有幾多料：蝦，魷魚，帶子，青口，芥蘭，蛋絲，叫左少油，但仍然幾油下，但炒得幾有鑊氣，味道都唔錯，不過同朋友仔都覺得九龍城街巿好味d，又無咁油淋淋蝦醬炒通菜～用左蒜蓉同蝦醬炒，味道唔錯蒜蓉包～呢個係阿姐推介用黎點金鐵板蠔ｄ汁既，都幾特別，佢唔同一般食肆，佢用左一ｄ類似手指咁長既嘉頓麵包仔包住ｄ蒜蓉醬同蔥一齊o係出面既燒烤爐燒，點汁好食ｄ，但都凍得幾快西瓜冰～真材實料，見佢真係用左好多西瓜加冰打成既，但個人覺得應該菠蘿冰會好飲ｄ鐵板蠔～呢個ｄ汁似係平時食串燒ｄ沙嗲汁咁，但就帶少少辣，而一碟都有幾多蠔，大粒ｄ既有少少ｕｎ，但最細o個粒都有一隻女仔手指公咁大左右，幾好食，呢碟係我全晚至愛燒雞心～其實食完已經飽，但因為見佢ｄ串燒好靚，叫左串黎試，味道不過不失，不過真係幾香燒野味，個汁比起個鐵板蠔稀，如果用番鐵板蠔個汁會好得多見佢大大條燒魚都只係三十幾四十幾蚊，下次再試下先得！