金百滬

Open Now

Now Closed

平時都唔會寫任何食評，今日你迫到我出手啦，當日下午去Book 晚上食飯，一個待應阿姐話唔洗Book 都ok 啦，直接晚上過黎就冇問題，叫左佢幾次寫底番啦，佢都係話ok 啦，仲話比收銀對出張枱我，點知到當晚去到就full 晒，枱又冇留比我，搵番個阿姐佢就扮睇唔到鼠左入去廚房應該就係知道自己賴左野，第二d 職員仲好態度，同佢講野扮聽唔到起到扮忙，講多兩聲仲要串嘴話今日咩野日子full 晒啦，我又想問係咩野日子又唔係做冬，我book 就話唔洗都ok,一句道歉唔好意思都冇，仲同我講下午個個阿姐唔知咁多，唔通我book 親枱都要搵你個經理呀？講到好似我唔岩咁，香港有呢d 咁好服務態度既餐廳，真係遲早玩完！

差，唔系裝修差、系啲服務員態度差，一早8:40去飲早茶。去到一個人都想搭台，見只有幾張空台都唔想霸佔，問有冇位，點知服務員態度唔想理我，空台一個人就唔好坐，搭台自己搵。有病俾錢受氣，走過傍邊間彩匯飲好過。

《完全冇服務》《冇職員》《冇人幫客攞位》《樓面態度極差》1/7 諗住同屋企人飲茶，黎到酒樓門口一個職員都冇，任由客人入店搶位，問職員有冇人幫客攞位，竟然趕我出門口，淨係識話「有位就俾左你啦」，一肚氣即刻掉頭走。估唔到話晒一間連鎖酒樓管理可以差到咁，仲話刺激本地經濟真係嘥氣，激死你就真！

早上同家人飲茶，人流吾算多，明明有卡位，都要迫人坐大枱同人搭枱。。。假日10點半前有特價孖寶點心叫，我地叫左2個孖寶加個點心‘’北菇棉花雞’’ 煎釀茄子熱辣辣上菜，魚餅好味，夾住茄子食岩岩好，茄子吾會煮得太淋，有口感 桂林牛肉腸腸粉皮有d厚， 牛肉很細舊，如果牛肉多dd就好好多。。 蠔皇鮮竹卷屋企人讚呢碟鮮竹卷，吾係用炸過既腐皮，健康d甘話😂材料豐富，最好食係呢碟點心啦 薑汁雞包仔普普通通，有薑絲響入面 北菇棉花雞估吾到得2舊棉花。。 但雞係好大舊既，有2件雞，2件魚肚，1粒冬菇，味道ok總結來講，呢度野食ok, 但職員態度有待改善，有卡位都吾比人坐🫨🫨

一入到間嘢就無講卡位唔可以坐兩人，要最低消費三位茶位，全心欺騙之意其後服務之差,誤以為回到上世紀地痞酒樓，侍應姐姐全沒有回應食客，似是很忙，因全場只有兩个侍應加一个女經理（估計），食物質量只能算入得口，沒什麼，整體能俾一星好評，只希望店舖有待改善

事緣我媽同e媽去呢間飲茶，佢地已經坐好位，個大媽經理要佢地換位，態度仲要好差，2老唔換個大媽唔幫佢地開茶，仲要話唔做2老生意，態度勁惡劣。但2老無妥協，堅持不換位不走，一路鬧個大媽經理，呢d人欺善怕惡。

好日唔飲茶，去近屋企附近啦，入到去見到有卡位咪坐囉，點知個所謂唔知經理定部長啦，行離話卡位要計三個茶，其實本身都無問題，但個女人嘅態度真係差到無人有，佢話喎，唔好問佢喎係公司決定，然後開茶擺位全部都大大力，一係叫佢沖水就唔應你，唔會有下次囉！p.s.（全店都無一張紙一隻字話兩個坐卡位要3計架）…..... 。。。。。。。。。…。。。。。。。。。。。。。。。。。。。 。。 。。。。。。。。。。。。 。。。。。。。

我開始的時候都對負評抱住懷疑的態度，但呢度關於呢間酒樓的負評完全係真實的。母親節那天親身感受到！只是3人的晚餐，不過都因為知道當天是母親節，所以早一星期都打了電話去預約，但當時接電話那位知客阻止了我哋預約，並唔係因為已經爆滿，而係同我哋講佢酒樓主要係細枱，所以一定有位，唔駛預約。咁當晚準時7點半到酒樓，奇怪哋真係一個隊嘅人都無，咁企響個門口成5分鐘都無人，洗碗放碟嘅行過又唔會問我哋乜事，不愧為垃圾級別。跟住要主動行入去搵放碟的姐姐，叫佢搵知客，但佢第一句就叫我哋唔駛等，話唔再接單了。響我堅持下最後等到派碟姐姐派晒幾張枱後，終於見到有人招呼我了。跟住我得到的回覆係，晚上9點半之後先會上菜，我反問，咁我預約留位嗰陣又話一定有位，而那位唔知經理定知客就回覆我，佢哋酒樓有位，不過係無人煮，因為要煮晒所有酒席先到普通餐枱。既然係咁，我亦只有離開我希望大家唔好好似我咁遇到呢啲垃圾級別的待遇，請儘量離開呢間酒樓，免得激氣。

我諗係我人生第一次要上openrice劣評一間餐廳，真係好後悔冇上openrice睇吓評價。今日去青衣探屋企人，去商場搵間闊落少少的餐廳，因為有老人家要坐輪椅又有BB車。去到呢間酒樓，企左係門口十分鐘冇人理，已經心知不妙，但婆婆好想食上海菜，想就吓老人家就自己行入去問，點知Cashier 答：「呢度自己搵位，你見有位就坐！」我哋真係呆咗，行到最入見有位就坐，張枱未執，叫左個紮辮嘅阿姐嚟幫下手。呢位阿姐表演飛碟神功，好似發脾氣話我哋點解要入嚟搞到佢要執大枱咁。全程不禮貌地掉嘢，飛餐具，佢冇飛爛到，真係武功高強，可能平時訓練有數。跟住姐姐問廁所係邊，另一個短髮阿姐大聲呼喝，「咪果度囉！」如果大家想貼錢買難受，可以去體驗下。另外，茶都好難飲，啲茶又酸又苦澀，其實好難茶都難飲。食物中規中矩，冇咩特別！呢間餐廳最大嘅問題唔係食物，而係員工非一般嘅態度，如果想繼續經營落去，我諗真係要換咗啲樓面，否則極度趕客！

剛入去飲午茶，門口沒有經理或知客帶位，咁我自己二人入咗去搵位坐底咗，跟住叫咗20分鐘都冇人理，夾硬截咗個阿姐，個阿姐好悔氣咁又話忙乜等陣，再等5分鐘，果個阿姐又經過，淨係埋嚟話點解依度冇人理，大佬我食客嚟點應你，我跟手講句：係喎30分鐘冇人理嘅！？佢發顛話：冇人理冇人理，咪有茶囉！佢以為另－阿姐攞住壼茶係比我，我都未叫飲咩茶，我當然即刻起身走！overall,辛苦晒青衣d街坊

一家人到此做冬食晚餐，book左7點，已經預早去到都等左一陣先有人來安排入座。坐低點菜侍應就推介我地叫套餐，大時大節食飯套餐應該都唔會太差，我地19:06落單，等左半個鐘水都飲左兩壺都未有得食，反而隔離枱遲來先到菜。催左幾次啲職員態度奇差，唔好意思都冇句就叫我地等多陣，結果第一個菜係19:45 先上，最後一個菜係21:05 先到。我地總共有十個菜，無一個餸係熱嘅，全部都凍冰冰，個阿姐就係咁話做唔切呀個廚房細咁，其實眼見都係得1/3 客人已經係咁，聽啲阿姐不停大大聲發脾氣，隔離枱一家大細做節成個鐘上得一道菜嬲嬲地話要走，個經理就好似係個客唔啱咁講到成間鋪都聽到😤最嬲嘅係咁嘅服務咁嘅食物質素價錢仲要唔平😡食物唔掂，管理不善，服務都唔掂，完全無一可取，食老麥都冇咁嬲，一定唔會再幫襯

呢間酒樓其實之前都食過 記得以前主打食上海菜 但係今次嚟店員已經話俾我知 識煮上海菜嘅師傅已經冇做啦 所以今次啲餸菜都比較似酒樓食到嘅菜式🥬鹽燒大連鮑魚 6隻呢碟有少少失望嘅😬 估唔到鹽燒嘅意思係等於椒鹽 椒鹽鮑魚就完全食唔到鮑魚係咪新鮮 不過鮑魚嘅質感唔算太韌 係老人家都咬到嘅質感砂窩雲吞雞屋村酒樓我都冇期望佢係好高質素 雲吞雞都有半隻雞同埋六粒雲吞 唔知係咪因為我比較遲先食佢粒雲吞啦 所以層雲吞皮都比較腍😯 雞就普通冰鮮雞質素 個湯底都Okay嘅清蒸生猛海石斑呢個特價小菜都算係幾好 石斑幾大條 蒸魚火候呢間酒樓控制得幾好🐟 啲魚肉唔會太熟 雪菜肉絲炒年糕據說呢間酒樓係食上海菜嘅 所以呢啲上海小炒都整得幾出色🥬 入面除咗有雪菜 肉絲 仲有筍絲 而且年糕幾煙靭 又唔會全部黐埋一舊鹽燒小黃魚一碟有兩條 兩條魚都炸得好香脆 尤其係魚尾同埋魚鰭嘅部份😎 再配埋面頭嘅調味料 鹹香十足 非常好送飯象拔蚌小炒皇呢碟又係令人失望嘅 因為份量比較少 而且佢嘅定位比另一個小炒皇貴好多 就係因為佢用咗象拔蚌做其中一種材料 但係坦白講象拔蚌數量少 而且味道唔係特別出眾🥲 所以覺得呢碟唔係好抵食整體來講菜式就

大媽經理只顧招呼自己熟客，因有得醒$，生客自己揾到位坐底咗都趕人起身，因為佢想比個卡位自己熟客，生客已坐底先放個留坐牌話留坐，又大聲大氣想趕人起身，真係今時今日有D咁嘅服務！

嚟咗青衣長發商場食晚餐 同長輩食多數都係酒樓㗎啦 商場頂層有兩間酒樓 呢一間就係潮式嘅酒樓嚟嘅😮 寫住係小籠包專門店嚟㗎清蒸生猛海斑呢個係晚市特價嘅海斑😮 Size幾大條而且都幾有鮮味 餐廳對蒸魚非常有研究 絕對唔會因為大調要蒸耐啲先屬會過咗火喉🐟三鮮炒年糕有紅蘿蔔片 筍 火腿 蝦仁 肉片同埋菜 年糕非常煙靭而且唔會黐埋一舊舊 味道都幾惹味 又唔會太鹹😺酸菜魚片呢碟非常有驚喜因為份量好多 上碟嘅時候俾佢嘅份量嚇親😂 魚片唔算太多骨 酸菜魚片入面仲有水晶薯粉添 朔晒啲湯好入味😝 味道亦都唔錯屋村酒樓來講有上海菜嘅特色 晚市都幾多人嚟😗 大家有機會嚟青衣都可以諗吓呢間餐廳呀

之前嚟過呢間主打上海菜嘅屋村酒樓食晚飯 今次就飲埋個下午茶☕️ 呢度嘅點心 雖然唔係好平 但係味道都唔錯 幾值得推介流沙奶皇包上碟時熱辣辣 咬開流心真係會湧出嚟😮 不過我嫌呢個奶黃味道比較甜🙈蜜汁叉燒包而家已經好少酒樓一籠叉燒包係有三個 味道幾好 唔會得好少餡好大嚿包咁樣 麵包好鬆軟😗海皇煎薄餅賣相都唔錯 不過就食唔出點樣海皇啦😂 我覺得個名叫家鄉煎薄撐會開心啲蘿蔔絲鯪魚餅呢碟幾特別 外層係餃子皮 煎得香脆 入面嘅魚肉餡料好大塊而且有一條條粗條嘅蘿蔔絲🐟黑椒豬大腸份量唔算太多 但係勝在每件都醃製得好入味🐷香煎蘿蔔糕蘿蔔糕餡料好多 有好多臘味 蝦米喺入面 煎完出嚟好香噴噴😺家鄉釀茄子🍆呢碟size好大件 煎得外脆內院而且有好大嚿鯪魚肉喺面頭 好Juicy😋上海擔擔麵花生味好香濃 有好多豬肉粒喺擔擔麵入面 而且擔擔麵唔會煮得好腍 又有啲青瓜絲喺面 食落口唔會太漏😍雪菜肉絲炒年糕最好食係呢一碟 雪菜肉絲炒年糕 年糕好煙靭 雪菜肉絲味道唔算好鹹配埋年糕就啱啱好🥰呢間主打上海菜嘅酒樓 果然係上海菜比較出色🤪 所以都唔錯㗎