金禾閣餐廳

Open Now

Now Closed

星期日晚上十點多在第一城不知食什麼，因為大部份食肆都巳經關門，最後還是到了這裡食飯，當初不知道食什麼好?因為他們有很多款式都是同一價錢，飲料半價，結果落了到個焗豬扒飯加涷檸檬茶，等了一會，焗豬扒飯到喇，如果論晚上十點多食宵夜來講，份量剛剛好，而豬扒肉質很滑，入口即溶。

今日黎金禾閣嘆左個靚早餐揀左早餐A，係鮑魚火腿螺絲粉配腸仔炒蛋，再加杯熱檸水補充吓維他命C，假日都唔想飲咁多咖啡奶茶，點檸水感覺比較健康。螺絲粉煮得啱啱好，唔會太淋或太硬，火腿同鮑魚絲都足料～餐包烘到暖笠笠，鬆鬆軟軟，炒蛋都夠滑早餐都有幾多選擇咖～

八號風球殺到黎，大部分餐廳都暫停營業。見到呢間人流ok,環境好，同friend子諗住求其解決。朋友豉椒牛河not good,有種說不出的酸味，豉汁味係零。勝在牛肉多多。湯泡飯都幾巨下，加餸要咗金菇，紫菜，魚雲，白菜。湯底望落去都幾白幾濃，朋友嫌味精味重，我就覺得尚可。生炒牛肉飯就正常發揮，獲氣夠而份量也不差。三個餐食落黎都係炒飯掂。總體呢，每個餐都大份，味道就差咗啲。茶餐廳野平均過50真係幾貴下。

今晚宵夜想食三文治，所以唸起第一城金禾閣即刻打電話去叫外賣自取，到我落去攞外賣時見到張單即刻眼都凸埋然後得啖笑，20蚊一杯凍0茶熱飲18蚊，用燒鵝嘅價錢俾d蔗渣嘅味道我？

從來未試過食野全程都要受氣，陪阿媽食晚飯叫左三樣野，再配涼粉紅豆冰，落左單後，有服務生同我講無涼粉，我講咁淨係紅豆冰，但無人主動係張單到減返錢，雖然係好好好少錢，但道氣有少少唔順，咁岩個老闆行過，同佢講，佢發我老脾，一直發到我走為止，佢係有幫我改，但改完後勁大力飛張單過黎，之後又係我身邊係咁大力整啲凳。首先唔覺啲野特別好食，環境想整到高級但啲人又咁樣，九唔搭八，都算，身為老闆咁樣樣實在太過份，一句唔好意思都無，仲要比氣個客受。我係啲咁嘅餐廳無期望會有好嘅態度，但至少唔會係比錢黎食野，全程都要係咁比人嚇同要受氣，果下真係想報警。一開始果個後生嘅男侍應係唔錯，但個老闆咁樣係唔會再幫襯。離曬譜，就算係少錢無理由嚇人嚇足全程，我仲陪阿媽係過度食左成半個鐘至45分鐘!

早兩日做野做到晚黑十點都未食野，咁經過第一城睇下仲有咩餐廳開，發現好多都已經要收鋪，我又唔想食m記，搵搵下就見到呢間茶餐廳，見佢企企理理就入去食喇。咁啱又有宵夜餐牌，每款都係廿零三十蚊，好似都唔錯，咁我就叫左個沙嗲金菇肥牛公仔麵同凍檸茶，個麵都算大碗同多肥牛，味道都不過不失，不過如果可以多返少少金菇就好喇，哈哈。之後食食下見到隔離檯有個小妹妹食緊西多士，好似好滋味咁，所以忍唔住加左件西多當甜品。可能太耐冇食西多，當我見到塊牛油喺黃金色嘅糖漿入面浮浮沉沉， 切開之後見到西多夾住嘅花生醬又冇偷工減料，我突然有一種被治癒嘅感覺lol

午餐時間，茶記係冇心水野想食是最好的選擇。金禾閣正宗茶記格局，環境一般，樓面唔算乾淨，感覺好迫。但係款式好多選擇，有ABCD... 餐，常餐，湯飯，炒粉炒飯等，茶記所有應該有都有晒。同一般茶記唔同，我留意通常茶記 大部份人都叫午餐，但金禾閣係好多人叫炒粉面飯。連飲品價錢係貴過午餐4成。今次我叫左炒滑蛋牛河，等左1x 分鐘都未到，"吹"左先話3 分鐘到... 算，茶記係有呢D風險。炒滑蛋牛河賣相一般，但好多牛肉，粉又多份量十足。河粉炒得好好，夠熱又唔噥，唔會炒到成舊粉餅，可以分得開又唔係碎。炒滑蛋都夠味，難得唔會淡或過咸好野!牛肉一定整到鬆到軟係茶記常識，但都食到少許牛味，起碼分到牛肉定肉片，份量又夠!午餐時間，新界區的茶記黎講，$52 食碟炒河算貴，不過係物有所值!

第一城茶記唔多，可以放得入口真係仲少。上次叫左個雞絲意粉，d雞絲放入口吐都吐唔切，個陣雪味加霉味即湧上來。今日，我來食個早餐，又叫左個雞絲丁連奶茶（盛惠32！蛋都無隻）。又中，即時食慾都無！我認，我記性差！無下次，真係無下次，茶記去雪味都做唔好，間店好食有限。bye bye!

今日同老爸睇樓，來到第一城，午餐都無食到，所以到附近餐廳食過 Tea, 一入商場就見到這間，肚子餓不作他選了。焗豬扒飯，睇落好似好大碟咁，其實個鐵兜好淺。雖然是下午茶，但是豬扒卻大塊，軟淋入味。炒蛋飯底再焗，香口乾身，仲有少少飯焦，確實好好味。茄汁甜甜酸酸，還有在上面焗嘅芝士，有誠意！鹹魚雞粒炒飯，飯粒炒得乾身少油，飯成粒狀又很煙韌，分明的有彈性，濃香撲鼻的鹹魚香豐富了整碟飯，雞粒有咬口，炒飯裡加入不少爽脆生菜絲，多點纖維口感，這炒飯很美味！坐位很寬闊，侍應都幾多，落單和上菜都幾快，快食完都唔會好似想趕你走的。價錢都合理，有機會再來。

常常午市經過都座滿人 感覺有啲擠雍 今日落雨少啲人 唔駛等位 就試下 以茶記哩講 座位算十分舒適 三人行 午餐有4款選擇 朋友叫了西式 香草汁牛扒拼紅腸 很有牛味沒有茶餐廳勁用梳打粉嘅感覺 不過可以多啲汁 我叫咗肉絲炒麵 麵底夠詭 好食 不過要等得耐啲 另外朋友叫咗魚湯米線 超大碗 魚湯出奇地清甜 女仔好難食得哂 好足料 以今時今日嘅市道 其實十分衹食 可做飯堂

沙田第一城的購物商場經過大翻新之後，商場是華麗了點，寬敞了點，或許這也引入一些想走中高檔路線的餐廳食肆。之不過，有時有些本身是做開平民化一點的餐廳，要融入這個提升格調的商場，免不了要做點功夫。然而呢，功夫這家o野又係要看本質的，如果是走開平民化的餐廳，硬要將其提升，有時會適得其反。唉…初到沙田第一城商場，來到這個大堂，看看周圍有甚麼好食，看到這家「金禾閣」的裝修很開揚，很光鮮，小妹想這家店子都不應該太差吧！ 也就是這樣鮮明的裝修，可以吸引到在購物商場大堂的人流。好，當我進入這家「金禾閣」裡面，內裡的裝修同樣是很鮮明光爽，而且這食肆的面積很大，食桌雖然多但不會讓食客有逼住逼住的感覺。近外街那一邊更是一張長長的沙發，對商場那一邊則是卡位座，中間有多張方桌圓桌，適合各種食客的要求。而這家食肆是走中西菜式，卻仍然是茶餐廳格局。因為在牆身貼上林林總總「午餐」﹑「茶餐」﹑「是日推介」等等海報，而餐牌也是茶餐廳那些一張張過了膠的餐牌。小妹貪快，點了「午餐快餐」的蜜桃汁雞扒腸仔飯，午餐配餐湯(羅宋湯)和餐飲。雖然說是快餐，但也要等五分鐘之後才有餐湯端上來…是餐湯！但這時候午市的人潮已漸退，我真不明白為

晚上在醫院探望完叔父，獨個兒來到第一城找地方食飯。來到時才發現，這屋宛的兩個商場，由置富接手管理之後，來了一個大革新，地方整頓過，加入了新的連鎖店，而更好的，往日的老牌街坊店依然健在，有新的面貌，亦有舊的風彩，置富顯然比領匯更有良心。我找茶餐廳，並在商場的一角找到了一家非常街坊的店，這店沒有什麼特別的裝修，而作為一間主要招待本地住民的店，的確不用什麼裝潢，簡簡單單，多幾張檯便可。一個人於晚上進茶餐廳，不知甚或原因，總會想起食一些西化的港式食品。或許，豆腐火腩飯不伯我本人的浪漫，鐵板大牛扒才是我個人主義的一個浪漫。食西餐，說過多次也厭倦了，不配羅宋湯絕對是在香港食平民西餐的大錯特錯。這一個羅宋湯好飲嗎? 我可以說他有一定的好飲，只是濃不濃的問題。而我面前的羅宋湯就是不濃，亦不夠料，幸好未至於飲水湯的程度。我點的是烚咸牛脷，但出來的牛脷我怎看都看不出是烚出來的，連一口咬入後也感覺不到任何似烚肉的感覺，說是煎，說是焗，也許會令人相信。食後感，令我感覺到，餐牌上的烚字也許是速成輸入法的錯別字。這一個是焗咸牛脷。焗咸牛脷，味道是十分之香口的，不過感覺上有點乾，幸好有一個燒汁提供，總算有少少汁液做

今日中午去左第一城，原本打算去和亭，但是太多人等位，於是落左地面果間門面似乎幾企理的茶餐廳。我叫左快餐：豬扒肉燥米線丶蒜蓉多士丶火腿奄列同熱檸茶，我老公叫了午餐：咖喱牛根腩丶羅宋湯配熱咖啡。我個米線塊豬扒係果啲有骨豬扒切左啲瘦肉得番條骨吊住條肥肉扮切碎上，蒜蓉多士係淋曬完全唔脆，奄列係正常。咖喱牛根腩係微暖，白飯係直頭唔熱因為午巿人多要搭枱，咁我同老公坐4人枱埋邊(背靠玻璃窗),侍應拎檸茶來時已經冇問檸茶邊位，就咁pat杯茶向枱，即是我對面位食客，輪到杯咖啡黎，另一位侍應又係咁，我出聲話佢可唔可以問下係邊位唔好就咁pat低我估佢地一向都係咁樣招呼客人！咁既質素真係冇下次！

很少在樓下的茶餐廳進餐，因為我是吉野家的死忠粉絲。夜宵時段，經過金禾閣一試，許多套餐都不用三十元，比晚餐便宜近半。公司三文治：正！麵包烤得香脆，雞蛋混了咸牛肉去炒，配上鮮蕃茄和午餐肉，足料的茶餐廳風味。時菜豬潤湯通粉：喜歡茶記這種火腿通的湯底，如果是坑紋通粉就更好。白菜還可以，但豬潤就不新鮮。總體來說，金禾閣是早餐和夜宵的好地方。中午和晚餐價錢略貴，兩個人也要過百元喔。

First, honestly, I am a person who seldom critizise the dish unless it is really very awful.I have tried three times after this restaurant being moved to this new location.The first time I ordered the set lunch: beef with tomato egg + rice. It was awful, some beef was too tender and some was too hard. The whole dish was full of messy corn starch source. The 'red soup' was like water and spicy.The second time I ordered baked pork chop spaghetti. It was fine.The third time I ordered bak