金葵苑越南餐廳 (Closed)

是日玩長征，出走新地方，最後落腳石籬屋邨一個比較隔涉的地方，漫無目的，不想到連鎖店，突然看到屋邨有越南店?適逢情迷越南，店鋪又大得很，最少3間屋邨鋪既空間 ，人流不算多，一定坐得舒適，食得招唔招積呢...一坐低，花多眼亂，太多選擇，有選擇恐懼症者，絕對要留意眾多餐牌，放棄最平，選擇最難得吃到的牛仔骨，埋單42蚊蜜椒牛仔骨配咖哩炒飯。嘩，望見已經覺得有水準。這真是屋邨小店?雖然沒有蜜椒，完全是沒有，牛仔骨是黑椒，是否寫錯? 還是今天沒有呢?咖哩炒飯，樣子絕對吸引，像是黃金炒飯，金黃色得像黃薑飯，但絕對是咖哩味，而且香氣迫人，又不會過辣，剛剛好留在口中，絕對是傑作，真是屋邨廚房出品???牛仔骨，濃濃黑椒味，多了點咸，不過整體唔錯，肉質不會是使用梳打粉過度地淋，是需要用牙齒咀嚼一番，但又絕不是擦膠，整體很好。凍檸茶少甜，很難得要求少甜，真是少甜，又不會太苦澀，連杯茶都唔錯，難道要我每天來幫襯? (可惜住得偏遠...)整個套餐絕對有質素、有態度、屋邨小店有如此質素，但最可惜，似乎捧場客不算太多，又或者本身地理位置與人口問題，老人較多，並不太欣賞。少許問題，始終是屋邨店，有些服務員態度需要改善下

和媽媽在家附近下午茶， 到了全石籬唯一的越南餐廳這餐廳面積大，下午茶時間很少人，因此很寬敞熱愛撈檬的我點了越式春卷撈檬 十多分鐘後後侍應送上食物春卷有2件，熱辣辣脆卜卜，好吃！ 檬粉份量很多，餐廳也沒有吝嗇配料但撈檬的魚露有很多辣椒和蒜頭，把瓶口塞住了，汁很難倒出來一番搏鬥後終於可吃檬粉了撈檬魚露很辣很辣很辣很辣很辣，連我這個嗜辣的人也要不斷喝水這撈檬頗好吃，但對於不吃辣的人來說實在辣得過火$30 有撈檬連餐茶，很平呀！

2-5-2013(四）近年來，我有一個怪習，就是喜歡到一些舊區，拍下一些舊式樓宇、小型商場、街道及食肆門面等照片，回家後就當它們如寶物般收藏於電腦內，閒時拿出來看看；現在我仍未有正職工作，更令這個怪習有恃無恐地蔓延，一發不可收拾。。。你們了解我麼？我是一個傻人吧！是日，在尖沙咀吃過午飯後，一個人便坐巴士 35A，又來到上葵涌這個舊區。我很喜歡這兒一帶，因為這兒一帶有很多小店，很多地方也保留著上世紀八十年代的特色。逛了兩個多小時後，見肚子有點餓，我隨意選在 金葵苑 吃個下午茶。看見餐牌，第一個感覺就是此店的售價夠經濟，$18 竟有多款粉麵可供選擇。最後，我選了要一碗 煙鴨胸湯金邊粉。上桌時已被其份量多得嚇倒，真的頗大碗呢！煙鴨胸有六、七塊，肉身帶頗多肥膏，但肉質尚算煙靱；金邊粉所煮的時間應不太足夠，使麵質頗硬身，要沾上湯底久一會才可食用；湯底是蕃茄湯底，夠濃郁；味精不算多，吃後也沒感到口渴。唯店舖是主打越南菜式，但此碗湯粉略欠些越南風味。而飲品跟餐是按半價收費。整體而言，不過不失！勝在夠平、夠大碗！

我有個奇怪的嗜好, 就是喜歡走到不同地區的公共屋邨, 去感受一下地區邨民的生活習慣並且到訪一下屋邨商場的非連鎖性食店...石籬商場是領匯旗下的其中一個商場, 因此商場裝修得很標緻, 客戶服務員甚至保安都似乎有從儀表上挑選過；商場三層卻有多間食肆, 以屋邨商場來說算是多樣化。這間金葵苑的舖面好大, 估計佔了兩三個舖位, 室內裝修幾見簡陋, 燈光暗黃, 而且地板也有點滑；店內開著電視機, 下午茶時段多數都是屋邨家庭在邊吃飯邊看電視或者附近舖頭的員工是時候要午膳了。下午茶精選$18, 不過並不包括飲品, 飲品有半價優惠。炒嘢下午茶就每款$31, 包飲品都好香茅豬扒金邊粉 $18 ... 金邊粉的口感煙韌不過米味就不足, 好懷疑含米量有多少 (會否好似新竹米粉咁???) 清湯裏還有一件清甜白蘿蔔。反而香茅豬扒的香茅味道好濃, 也吃得出並非用新鮮香茅去醃, 肉就當然有被鬆肉粉過, 卻不太過份至少還咬到肉纖維。

同1Team的同事生日我們就上石籬金葵苑群揪點餸為她慶祝我們有13人, 不過點的餸菜相信比13人多串燒雞, 牛, 豬各半打牛肉串有咬口, 而雞肉比較鞋, 豬肉我沒份吃沙爹醬很杰還有少許花生碎, 很香馬拉盞炒通菜馬拉盞味道不足!! 我炒肯定比他更好!!蒜蓉炒白菜仔普通吧~~蒜蓉牛油雞中翼蒜蓉味很香炸得亦都很金黃, 簡直外脆內嫩每次到金葵苑群揪必點!!野菌炒雜菜有鮮冬菇, 菜心, 馬蹄, 椰菜, 木耳, 西蘭花, 娃娃菜, 金菇, 應有盡有總有一款你岩吃 香茅豬扒飯x2很飽, 吃不完, 最後要包回公司做下午茶炸蝦餅非常彈牙沙爹金菇肥牛煲汁味道ok, 不過太杰像漿糊咖哩牛腩配蒜蓉包和沙爹金菇肥牛煲一樣汁像漿糊其實找不到牛腩, 全都是牛筋 ... 而蒜蓉包不脆, 稔稔的 ... 椒鹽軟殼蟹蟹肺未去得清就拿去炸不過炸得火侯不錯, 剛好金黃, 內裡肉質嫩滑好味道!!豬頸肉炒檬粉豬頸肉爽脆, 不過檬粉很油 ... 菠蘿咕嚕肉味道酸味開胃肉沒骨, 岩我這類懶人茄汁班塊班塊炸皮厚了一點點 茄汁用樽裝加新鮮蕃茄而成, 蕃茄豪氣的多

尋日大伙兒去石離食lunch我地幾乎個個都叫香茅豬扒飯夠香茅味, 唔太dry同埋夠份量我地中意加勁多蔥油食, 更香口不過跟餐杯凍奶茶就相當之難飲我果杯冇落糖水咁滯 ... 苦同事果杯就唔夠茶味下次飲返凍0算吧啦~~

係石籬商場，有好多茶餐廳。呢間金葵苑，開左好多年，仍然屹立不倒。我都係幫親左好多年的食客，因為呢度環境比茶餐廳坐得舒服點，座位同鄰桌有距離，令食客沒有太大的壓迫感﹗而且感覺這月南餐廳有好多侍應，更能照顧食客需要，加水和點菜都算快。街坊價錢，食物能保持一貫水準，即叫即炒，有獲氣﹗金葵苑為吸引街坊，星期一至五推出了特價小菜，40元全包：即炒小菜/煲+飯+湯，全日不加一服務費。嘩，又真係幾吸引，抵食﹗所以金次我和男朋友拍完拖，特登坐巴士到2樓的金葵苑用膳，吃得我們邊吃邊讚，飽飽又滿足。野菌雜菜炒牛肉：野菌雜菜種類有：棷菜、西蘭花、小唐菜、紅蘿蔔、雞脾茹和磨茹，令食物變得更健康有營。因為即叫即炒，人客不多，大約等了十分鐘，就新鮮熱哄哄上菜。食物有足夠獲氣，能感受廚師的誠意，四十大元的一碟，絕不欺場﹗值得一讚是，炒牛肉做得很好，有獲氣，牛肉夠嫩口，完全不會因為過熟而un身。同時，咬下能感受牛肉的濃烈味道，連不太愛吃牛的我，也幾欣賞廚師的廚藝。枝足豆腐斑腩煲：因為我愛吃魚，所以每次到來，必吃之選。豆腐入味，咬下內熱滑騮騮，斑腩份量多，而香口吃下有魚味道。而醬汁偏濃，建議撈飯吃，可能食多幾碗，哈哈哈

2010年3月11日 ( 1 ) 葵涌 ( 金葵苑越南餐廳 - 1 ) 下午茶 金葵苑越南餐廳，久未光顧的店子，以前它的奶茶及香予豬扒很不錯呀，今次經過門前，正值下午茶時間，肚子也貪吃了。香予豬扒河粉：($13元)河粉腍，香予豬扒不脆，味道也算ok。熱奶茶：($5元)下午茶飲品半價，奶味及茶味一般，不苦不澀，好飲。

今年番學時間唔中lunch都會訂金葵苑原因就是懶得行出街食,差唔多3個月,係時候總結一下讚:黑椒汁雞扒飯,汁惹味,雞扒通常有4件,夠滑,好味!a餐的香芧豬扒飯,豬扒有4-5件,加埋少少香蔥同豉油,好味!星洲炒米,少少辣辣地,幾香口,不過其他配料得好少.海鮮炒烏冬,有蝦仔,蟹柳粒,魷魚等等,幾豐富,少得幾香,好味!地雷:任何的炒飯,它們的樣子都是很相似的無乜味,配料又小,很難食.煙鴨胸煎蛋飯,餸少,又無汁,得少少豉油,難以入口.叫有汁既飯多數正正常常,無汁既通常都會中地雷炒飯就一定唔會叫,因為實雷

今日同女友去左呢間野食晚飯, 呢間餐廳地方幾大, 亦唔多人, 坐位一d都唔迫今日叫左以下食品: 咖哩班腩, 越南春卷, 香矛雞亦, 蒜溶牛油焗青口咖哩班腩 ------- 咖哩好"傑", 椰子味重, 班腩唔嫩, 不過亦唔腥, 呢個菜送埋蒜溶包, 個包幾好味越南春卷 ------- 20蚊有6件, 幾抵, 新鮮炸起好脆, 入口好香, 又唔油膩, 唔錯香矛雞亦 ------- 6隻雞中亦, ok大隻, 皮脆, 不過冇香矛味......應該叫炸雞翼蒜溶牛油焗青口 --------- 8隻, ok大隻, 好多蒜溶, 有牛油味, 難得係d青口唔"un", 幾好~呢度d野真係幾大碟, 我初時以為佢唔係好多(因為都唔貴)所以叫4個菜.....點知咁大碟, 幾抵食!!最後, 其實呢度最出名係燒雞, 真係燒到皮脆肉香, 可惜供應有限, 要食就早d去~~ 唔係好似我今日咁........食唔到

呢間野午市真係幾抵食!!d學生餐$22蚊,以前20添...有埋野飲送....而家好少地方食飯既咁平啦.....味道又唔差...試左個香茅豬扒飯上黎飯夠熱,油蔥有d香味豬扒都係咁上下既貨色~不過野飲方面就真係唔錯啦可以叫冰類都唔洗加錢推介雜果冰~~!!!美中不足就係waiter叫極都唔會應.....不過可能係因為午市太多學生..太忙啦

紅日放假,又跟父母來這食早餐出左新既平價早餐$16一餸麵,但只得4款餸可選擇我要了一個煙鴨胸米線,米線依舊一樣的少,預左的了,鴨胸都是平價貨吧,入口還可以罷了媽要了炸蝦餅檬粉,檬粉超級多,份量和米線相差很遠,但蝦餅不知所謂,數塊麵粉團是了爸依舊叫了$20的雞翼豬扒米線,同樣啦,米線是十分少的,但雞翼豬扒都是新鮮,很熱,炸得很脆,好味!

今日8號風球,我唔洗番學,爸爸媽媽都番晏晝,落街食埋午飯先番工雖然8號風球,但都幾多人我叫了香芧豬扒飯,飯略為硬了一點,不過可接受,豬扒很脆很軟,yummy~爸叫了咖哩牛腩飯,他說牛腩很硬,吃淨了一塊也吃不下,但咖哩味道尚算ok媽叫了豉椒排骨炒河,看上去ok,有汁,但排骨少得可憐呀3個份量都足夠,整體感覺都ok,比起早餐仲底食,仲飽

好似每個月都會搵過藉口同阿爸阿媽食下飯。今日又去返呢度開餐，貪佢近近地。唔係好肚餓，所以三個人都只係叫左好少野。菠蘿炒飯：明明上次同上上次都用菠蘿上，今日變左碟頭飯。個賣相無咁靚，但都算幾足料，有d 提子乾，食落甜甜地又酸酸地，幾開胃。咖喱牛腩煲(送蒜蓉包)：咖喱汁幾香又唔辣，蘸埋個蒜蓉包，正!!椒鹽軟殼蟹：幾香口，不過真係好油。都好大件架，我阿爸話佢係"疑似"軟殼蟹，因為軟殼蟹應該唔會咁大隻。總括來講，用街坊心情食街坊餐廳，都算唔錯。

今日又同老豆黎呢到食早餐唔多人,可以揀位,我又揀了電視位坐這次我叫了咖哩滑雞檬粉,七喜少冰.爸爸叫了豬扒雞翼米線,熱奶荼檬粉可能幼啦,感覺比上次的米線多咖哩滑雞今次的雞,肉較多,薯仔竟然有3塊,難得.咖哩依然是不辣,味道ok吧,我期望它變辣我那個感覺上變好了,但爸爸卻相反,所以只是OK爸爸那碗很多..........水,米線很少...豬扒也少得可憐,只得3舊仔加埋半隻手掌都唔知有無雞翼們一定是發育不良...很迷你這次點完野食都無人俾水同餐具..直到野食黎左先俾,服務要扣分