金豪茶餐廳

Open Now

Now Closed

牛雜、牛腩、雲吞及魚蛋河好好味。這裏的牛湯底鮮美濃郁，河粉爽口唔會林，另各式的餸菜配搭都很出色，值得推介，比起附近聯合道有一間天下第一腩更好味。大家有機會可以試下。另外魚蛋魚片頭都好正。又近九龍城廣場、九龍仔公園、寨城公園，假日去呢頭食下嘢玩下都幾好幾方便。

金豪在九龍城多年, 一直有一班忠實捧場客。舊式茶餐廳格局, 衛生情況尚算 ok! 咁多年黎食過很多次了, 今次再來, 我地各自 order 左佢出名嘅牛坑腩河, 同埋魚蛋河。牛坑腩河走青, 坑腩頗瘦, 正合我意。喜歡肥牛腩的話, 可以叫崩沙腩, 相信一定更滑更香牛味。較瘦的牛坑腩部位, 沒有太多肥膏, 雖然不算滑但亦不鞋, 而且牛味香濃, 整體絕對中上, 比起港島區出名的那幾間絕對不會差呀!而且牛坑腩的份量頗多, 全部滿滿的舖在湯河粉之上, 對得住 $45 的價錢啦!屋企人的魚蛋河都爽口彈牙, 原價 $35, 跟餐連凍檸茶 $44, 偶爾經過九龍城, 仍然會再來的。

黎得九龍城，點會唔識得金豪茶餐廳，黎得金豪茶餐廳又點會唔食牛腩。今日同幾個同事一早黎左九龍城做野，順便食碗牛腩米。雖然朝9早點幾，但其實金豪都有早餐食，唔一定要食牛腩的。牛腩米，飲凍檸茶 $46碗麵大大碗，而且牛腩粉量好多。不過我覺得牛腩既質數無以前咁好食了。可能因為佢既部位相對地較瘦，肉既質地雖然腍，但就有d「鞋」。但牛腩相當入味，而且入味得有點兒鹹。另外，叫多左一件奶油多食，食鮮麵包而且烘完之後熱辣辣。牛油溶哂喺麵包中，相當惹味😂

今日9/12係金豪粉面食牛什面，我無叫錯，但來左河粉，我唔食河，叫佢換，點知，個師傅用手係碗湯逐舊的揀返牛什，仲要仲舊摸，d湯比佢洗手，我叫佢唔好甘樣，佢話切牛什都係用手啦，我話甘你係湯到洗手，好肉酸，但最後都無換過新比我，甘都得

九龍城唱完k有d肚餓見好多餐廳都收左，就諗住食碗牛腩河醫醫肚叫左碗牛腩河同一杯凍奶茶牛腩真係好普通，冇乜牛味，份量亦偏少都三十幾蚊一碗，下次真係唔會再幫襯大把更好既選擇

約左契仔媽食糖水，佢宜家搬左去九龍城真係好方便呢！落到九龍城先去食碗粉，我未食DINNER呀！去左九龍城廣場兜左個圈，一出黎就見到LEE間粉麵就入去醫醫肚啦牛腩片頭河粉~~~牛腩好"鞋"，片頭得兩片，但河粉好滑喎！個湯底都不錯，碗野唔平架，要38大元架

奉命到九龍城辦點事，完成後，得知晚一點會掛八號風球，快快找個地方吃點東西，便回去。走了入金豪，在這地方原本應該吃些潮州粉麵，不過突然飯癮起，叫了西炒飯。不一會，炒飯送上，飯是太濕，不過味道都正正常常，只是蝦肉粒粒都清楚呈現蝦腸，有點不太理想。點杯凍奶茶，好奶，冇咩茶味，係咁多。

這日在九龍城想吃個quick lunch，路過這間未食過的粉麵茶餐廳，一於試試吧。店內一貫粉麵店的格局，不過衛生情況看來不錯。看到不少人客在吃牛腩、牛什，可能這裡有名吧。於是點了一碗牛腩河（＄27），加杯凍奶茶（＄6）。落單時以知道牛腩只有瘦腩，不過沒想到牛腩肉質會如此乾，比起其他店的瘦腩來得更‘瘦’。食起來既乾又硬，加上沒有肉香，很失望呢。而且濃又鹹的湯底把河粉都弄得很鹹。凍奶茶的茶香其實不錯，夠濃。但要注意，我雖然要了少甜，但甜度仍頗高。各樣食物、飲品都果然夠重口味，不過不是我杯茶呢。那個下午喉嚨都感到乾渴，看來這裡都是食一次就夠了。

奶茶：茶和奶比例恰到好處，夠香滑。 肥牛腩河：肥牛腩上一層肥膏完全不覺肥腻，突顯了肉味。牛腩份量多，煮到好淋，夠鬆入口即散。湯香偏咸，河粉普通没有特别，等河粉吸收湯汁後吃更好。三十蚊一個河粉餐不算便宜，肥牛腩要另加四蚊。 肥牛腩如魔鬼一樣,每次心裡想阻止自己叫,最後還是把整個肥牛腩河吃下肚.

走入一間茶記吃早餐，點的不是ABC而是一碗湯河，而且配料又是膽固醇爆標的牛什。對於一個年紀漸大的中年男仕而言，都可說是一大挑戰...不過偶一為之來放縱一下，又有什麼所謂 ?....牛肚、牛腸、牛肺及牛膀舖滿一碗，份量是足夠的。肚尚算夠淰；腸大大條亦算"粉"；肺則偏硬且沒甚味道，看來應是剛加在滷汁上，浸透得不夠時候；膀咬起來亦是硬梆梆，同樣不夠入味....論水準只是一般。不過在寒冷的早晨食一口熱騰騰的湯河進肚，頓時就感到一陣温暖.....

食東西是個人喜好,有人鐘意食肥D,有人鐘意食瘦D,本應無問題!點解這間金豪茶餐廳 食肥腩河要加三元,但食坑腩都係加三元,真係有點怪怪地............. 如果一碗粉十多元在香港都算普通價錢,但這碗牛腩河要二十二元,想要食肥少少腩又要加三元,咁就要二十五元才吃到一碗肥腩河 ...........想吃都沒有所為. 肥腩河來到,看個樣都幾好,但份量比較少,味道都可以,好似我鐘意食有少少肥的部份,吃起來有少少油香,須然有少少穌穌地的味道,但整體是好味道............我鐘意 因為套餐關係有杯餐飲再加碟油菜,咁就四十三元落樓.............我就覺得有點不值............ 最後提一提大家:小心個佬細寫單,亂咁計數,起初計我四十七元,想來想去都計唔到四十七元出來,最後要個佬細計比我睇,他才肯改番個價錢,不過連一聲(對唔注)都無講!!!!!!!!!!!!! .

一心諗住去某間茶餐廳,去到既時候,已經...............結業唯有再去另一間,雖然有牛腩河食,但係今日我想食"沙爹牛肉麵"於是叫左個茶餐,再另加一件奶油多凍奶茶最快上枱,不需30秒,奶香滑,茶味重,正正正 沙爹牛肉+蛋+出前一丁,外型好靚又夠深色,當我把蛋拉開,原來下面有好多沙爹牛肉,好心急食左一舊,味道超濃郁而且沙爹牛肉一點都唔韌,充滿肉汁,唔會用太多鬆肉粉,好香濃既沙爹味,麵煮到剛剛好,好爽,不會太軟...............正正正蛋黃汁都快要流出來,撈埋一齊食味道更加提升喇~~~~至於奶油多,非常合我心意,煉奶多到滿瀉,用了厚多士更加好,不會太甜又脆.這一餐我非常滿意,鹹既鹹,甜既甜,雖然無營養可言,久唔久食下都無防吖

昨因突然想食豆腐花所以就走到九龍城本想到德昌食魚蛋粉但超多人排隊+上天氣咁熱就過左隔離街食牛什河, 爸爸就食牛腩面唔係肥腩, 肥腩同普通牛腩差$4夾左爸爸一舊牛腩, 幾"淋", 唔黏牙不愛肥肉, 最o岩叫呢個面陣"皂"水味太勁牛什都ok~不過d腸陣味就勁左d......整體都可以啦~

又食宵夜...是晚不算肚餓,不過見到牆上的特餐有"干炒牛河"...忽然口水流,就食牛河朋友食他的至愛牛筋麵, 再叫了碟腐乳通菜干炒牛河話咁快就上枱, 完全感覺不到鑊氣, 早就煮好一大兜吧...河粉比平日吃的幼身,但豉油味不足,要加辣椒醬才能吃得下...牛河的靈魂--牛肉...是敗筆,無味..又肥 最後我只吃淨河粉...真是牛河騙局通菜的腐乳超鹹...總評就是不合格,又未至於喊臉

食完呢度嘅牛什後，依然不大滿意...多謝網友蝗蟲同學嘅推介，來呢度一試招牌牛什。上次去隔籬街嘅創豐，只可以用得啖笑嚟形容。希望今次會好D...牛肚相比起創豐嚟講係入味D及淰D，但距離好嘅水平還有一段路要走--- 五香及柱候味不夠重，腸還有一點異味，牛肺偏硬亦不太入味...麵有一點點鹼味，亦淥得太淰...講牛什水準，始終北角十三座及上次响尖東東海食到嘅，先至對路...