長江飲食中心

Open Now

Now Closed

今日下午我們去咗荔枝角青山道嘅「長江飲食中心」買外賣自取返屋企食！我們買咗白切鷄「一隻」嘅肉質非常嫩滑，而且都幾鮮味！酥皮蛋撻「一打」嘅酥皮相當酥脆鬆化，蛋漿好香滑濃郁，味道唔會過甜！菠蘿包嘅包質相當香滑軟熟，菠蘿脆皮超香甜鬆脆！

這店是從前經常來下午茶的茶餐廳之一, 幾年無見再返來這區工作, 曾經是香工角落的一間相當大的茶記, 現在的它變得剩番一半左右門口由長沙灣道正街鋪轉為面向通州西街的橫街鋪, 唔知係租金上升定係生意唔夠的關係了, 但還好的是沒有放棄自家製麵包這一環節,始終工業區賣麵包曾經是一個好豐盛的行業,現在則被大集團麵包店侵蝕,這天下午剛好路過自然會想試番一次啦,下午茶餐可以是多士但就沒有配蛋撻的, 唯有蛋撻另外叫吧, 奶油多下午茶餐$22一般茶餐廳價位吧! 多士唔太突出, 奶茶也普普通通, 唯一覺得值得的還是”蛋撻”, 以$5來定位也是一般, 始終是新鮮出爐的蛋撻, 每天到黃昏自然會賣清光, 撻底好少會唔過心, 蛋漿亦是剛剛坐回那種溫度, 同九龍餐室那些唔過心的撻底比, 嬴一條街吧! 撻的蛋漿稍稍偏甜但只要飲品落少一點糖就可以平衡得到了,但下午茶餐的質素, 服務態度同環境就大有改善空間了, 

34蚊有湯有飯有飲品，都算底食嘅。是日快餐有兩個選擇，我就食Ｂ餐對男士黎講就可能細碟啲，但女士就ok味道都唔錯，起碼食到佢所講嘅煙肉碎，仲有蒜蓉味雞扒少少鞋，但都算大塊嘅至於餐湯，小妹鐘意淡口味，所以覺得唔錯仲有啲菜食下

鵪鶉蛋燒賣ok la冇乜口感好多粉!!!另外仲有腐皮卷quite good!!!nice 口感腸粉very bad!!!!!!!!!!!!!一夾就散!!!!even worse than 街邊嘢

呢排頻頻外勤，多咗機會先嘆個早餐再作戰。今日要去荔枝角開會，一出地鐵站有間幾大嘅茶餐廳，一於入去試吓。除咗有西式早餐外，亦有點心可選擇，而最特別係有阿姐推架點心車周圍行，完全冇諗過喺茶餐廳見到呢個情景，非常有風味。點心雖吸引，最後都係揀番我最愛嘅沙嗲牛麵，配餐飽及餐肉煎蛋，加埋凍飲，只係$26。堂食仲有蛋撻送，不過送完即止。食物好快送到，真係有蛋撻，非常豐富。蛋撻係曲奇皮，也不錯；飽就係一般餐飽仔。沙嗲牛肉麵沙嗲牛好黑，有少少懷疑沙嗲醬嘅質素。不過沙嗲味挺濃，拌勻後整個麵也充滿沙嗲味。牛肉腍身，麵亦不過不失。餐肉煎蛋煎蛋賣相有啲差，餐肉都係standard貨，ok啦！店內環境裝潢雖然唔新，但尚算乾淨；茶餐廳嚟講呢度算好大，有卡位亦冇嘜油煙味，hea吓都唔錯。

今日同事介紹到此食午飯，一坐低，佢即叫肥叉飯，一黎到確實半肥瘦叉燒, 賣相不錯，個同事一食到就唔停口。心諗呢間餐廳既野食應該唔錯。而我就叫燒豬頸肉喇沙米線，等左成20分鐘，個同事都已經食到一半，終於忍唔住追下個米線，點知個伙記話喇沙係要咁耐，你估就咁筆出黎？仲要係咁重複呢句說話。火都黎，但忍住。最後，30分鐘後，米線終於到左。夠大碗，但味道一般。 講真，咁既服務態度，食物再好味都無補於是，何況只係一般水準。

一般來得荔枝角公司, 同事都會帶我來此店食飯.而我最愛就係此店既蒸飯,是日叫左個臘腸雞蒸飯, 星州炒米及粟米肉粒飯一起食此店既蒸飯軟硬適中而且熱辣辣加上雞肉嫩滑醃得入味.粟米肉粒飯份量十足,粟米汁加入蛋花好滑夠多汁用來配飯一流.估唔到這裡既炒米都唔錯, 這一碟星州米雖然配料唔算多, 但炒得好好少油又有陣陣咖哩香味唔怪之得同事當這裡係飯堂.

在附近返工，朝早有時也會來買早餐吃的，菠蘿包一向是我的選擇。每朝都是一兜兜的新鮮出爐，要排晒大隊買的，這天很幸運，因有同事請我吃。由於是剛出爐，仍是熱的。外皮鬆脆，要小心吃，包身則軟熟香甜，很好吃，三扒兩撥便已給我清掉。還有很多人會吃盅頭飯，其實質素也不錯，我偶爾也會買來吃的，不過會是中午的選擇。這個長江其實很厲害，隔離的時裝廣場也是它的。

前排行經買過菠蘿包, 提子麥包, 酥皮蛋撻, 味道&質感都唔錯, 今日行完山特登來呢度試試佢柸奶茶($11)先 ....... 茶味都唔錯播~ 會再來的~ 佢既菠蘿包都ok, 但今日去到已賣哂了, 就叫了雞尾包$3.5試試, 可以但都係喜歡菠蘿包多一D~

一個人在client 的公司工作, 由於天氣太熱, 所以不想外出, 被迫叫外賣食.client給了我這間茶餐廳的外賣紙, 由於早前去過印尼, 食過當地的印尼炒飯, 所以想試試香港的怎樣. 呆等了差不多45分鐘, 終於送來, $29 也不包飲品.很肚餓呀..一打開飯盒, 我所見到的, 是比平時的楊洲炒飯深色一點及咸一點, 及多一點點材料的炒飯. 我食不出我在印尼食到的印尼炒飯的香料味, 只有一點怪味.另外, 飯也炒得不平均, 有很多白飯都是一舊舊的.如果可以改善一下印尼炒飯的炒法和配方, 應該會好一點的.

有熱辣蛋撻出爐，如果胃納負荷得起，總會掏出零錢嚐嚐熱辣辣的撻香，這天也不例外，要了即出爐的酥皮撻。薄薄四層左右酥皮，牛油味不重，勝在皮底酥化，蛋漿夠熱有蛋香，甜滑滑的，$3.5比起泰昌味道上稍遜半分，但比起凱施又或蛋撻王又貴又唔對路的出品，這裡就面顯地好吃亦抵吃多了。

人多坐住圓檯先，見卡位有人食完走，就自己擰埋杯茶轉檯，點知給寸爆侍仔話我，問我幾多位，又話不歡迎自己轉檯！如果不是約了人，早就走了。我要快餐A。平情而論是不錯的，豬扒幾鬆軟，蔥油又香，只略嫌雞翼太過乾。酥皮蛋撻熱辣辣，當然討人歡喜。不過侍仔送上另外單叫的奶茶時，就將奶茶撥到瀉晒！如此服務，加上環境欠佳，地面濕滑，再好食都與我無關了。

二月中旬‧晴約了在附近試菜，順道也在附近走走。路經此地，見蛋撻麵包一盤盤的放在門前。行過側門，見有大焗爐，該是自家焗製的，又走番轉頭，買個酥皮蛋撻吃一吃。看樣子是新鮮出爐的，熱辣辣。蛋餡偏鮮黃，吃起來滑溜又有蛋香，配上酥化的酥皮，真不錯。放下二元半，繼續我的行程。

星期六, 早放工, 因為要等包裹而要先回美孚等. 未食飯的我就在地鐵內諗諗食乜好. 當地鐵去到深水埗, 不如看看荔枝廷有乜好食. 之後便往青山道行一個圈. 由C出口行到麗新, 由麗新行返轉頭. 都係呢間, C出口旁的長江飲食中心吸引. 店外仲標榜佢係荔枝角懲教處既指定膳食供應商. 咁就要試下佢既皇家飯啦.係工廠區, 不叫自己做冰室茶餐廳, 一於叫做飯堂更加親民. 從前係工廠區上過班, 飯堂其實同茶記無別, 而且食物既選擇一向都比起茶餐廳更多, 價錢又經濟. 不過, 長江, 明明是茶餐廳, 就是因為親民吧, 一於稱自己做飲食中心, 對工廠區上班既人士, 來一個親民既招呼.我到達時, 剛好過了2點半, 下午茶時間開始. 不過, 始終要下午茶充當午餐,所以要食多D, 叫一個炒麵. 問了侍應, 魷魚鬚不好意頭, 我叫下的龍鬚炒麵, 就是魷魚鬚炒麵....."炒魷"對打工仔來說唔係幾"老黎"既.味道咸道適中, 但龍鬚好細條, 食到是有的但口感並未滿足到我. 鑊氣夠而且唔係幾油. 作為一個下午茶餐. 份量都算幾大下. 麵條夾身, 又唔會食到成咀油. 而且夠熱, 是不錯的小小炒.奶茶, 香滑但未夠濃

有好多係附近返工都會嚟lee度食飯,門口有蒸飯點心包類,有好多人係門口買外賣人頭湧湧,於是老公就來一盅鳳爪排骨飯,但係包類已經賣晒,入到去午飯時間超多人,當然要搭檯啦,我見到人地d燒味好正咁喎,就來一碗叉燒油雞米.蒸飯熱辣辣,米飯香軟,鳳爪肥大,仲好厚身,味道同茶樓無分別,好好味,排骨份量都唔算少,而且入味,不會骨多肉少.($26)我地坐係燒味師父前面,好快就有得食,而且仲斬左隻雞脾比我呀~~~雞脾肉好滑,唔錯唔錯,叉燒係半肥瘦,好好味,米粉幼身爽口,有條油菜係度顏色都靚d,女仔食就啱啱好夠飽,男仔就一定唔夠飽($18)