陳春記

Open Now

Now Closed

潮州巷重現皇后街熟食市場，在眾食店中，較具代表性的有陳春記、陳勤記、亭記及曾記四間。自己一個都來過幾次，但因為每次只吃得一、兩間，份量少又不夠過癮，已話過來找次搞次多些人的。乘大家都有點興趣，就搞個午市小聚，想不到吊腳的地方，都有八位食友出席，終於可以一次過試勻四間。在這裡吃的當然是豬什湯，人夠多，就叫了一大窩，陣容比自己來叫的一小碗當然有天壤之別。材料充足，豬什夠多，由面吃到落底都是一舊舊的豬什，包括豬肚、豬利、豬肺、豬潤、粉腸、雞紅等等，沒有臊味，啤水的功夫好到家，結果雖然是豬內臟，也給我們吃過一舊一不剩；湯胡椒味十足，用上豬什去煲，是十分鮮甜，座上大部份食友也同意，這啖湯，很有水準；湯內還有大量的西洋菜，加上芫茜及芹菜，更是好味，我都食左兩碗幾三碗。好似係50蚊一窩，足夠八個人分，非常抵食。如果來這裡吃的話，第一樣不能錯過的，就是這窩豬什湯。絕對值得推薦。

同幾位食友黎皇后街熟食中心午聚，一次掃勻幾間潮州檔，其中當然唔少得KC推介o既陳春記豬什湯啦！一窩湯非常充料，湯頭鮮甜冇腥味，豬肚、粉腸等亦新鮮爽脆，果然名不虛傳！如果唔係要留肚食曾記o既粿品，我實唔止飲兩碗呢！

八個人食晏, 分別於幾間鋪點了不到的東西. 在陳亭記則要了一個大豬什湯. 個湯用平時酒樓食飯的大湯碗裝住, 入面裝滿了各種豬什, 豬粉腸, 豬"月利", 豬腰, 豬潤, 豬(雞?)紅等等... 我第一次以這種形式淨食豬什, 雖然我唔抗拒食內臟, 但會擔心有異味. 點知食落又完全無異味, 仲好淋好入味, 個湯底都好鮮味, 似係真材實料煲過.眼見唔少人只要了一碗豬什粉/麵/米就一餐, 而陳亭記亦只係主力供應豬什湯一味, 仍能在這個熟食市場隱佔一席, 果然有"食"力呢!!

1-6-2005本應很久以前已經很想去試，但又不太熟路，到了今日知道了怎樣去，所以我就很順利可以到此一試! 幸好去到不是太多人可找到位置，我和友人坐下，即叫了一碗豬雜米，但友人不喜歡吃豬雜所以叫了豬潤雲吞米線。豬雜果然名不虛傳，好食。我平時最抗拒的豬脷都非常夠味又腍還想再食呢! 我什麼也沒有落更覺鮮味，另外很想買茶果但真是太多人，已夠鐘了唯有下次再買過。

是朋友說這裡開了幾間特色的舖頭，有質焚化爐兄吃過的陳勤記，亦有豬什湯及好多款糕粿，見今日下晝有空閒，就自己一個來試試。呢度係街市附設的熟食市場，擺設就如日式百貨公司底層food court一模一樣。選心水的食物，去舖頭落單就搵位坐，阿姐就會送食物來兼收埋錢。陳勤記成日吃，反而豬什湯好少見，就要了個豬什湯米。見賣糕粿果邊又埋滿人，又去要了兩件煎粿。可能真係好多人叫豬什湯米，所以這樣看似簡單的食物都要等左十分鐘至有得食。豬什有豬肚、豬肺、豬腸、粉腸等一大碗，湯底好濃郁好鮮，是火侯的成果。當然這樣濃味的湯，可能會有些少味精，但情況可以接受。豬什軟腍，沒有異味，事前功夫做得足，好味，其中尤以豬腸最正。舖面的有西洋菜及鹹菜，非常之不錯。下次會交帶佢下多一點胡椒粉，會仲正！還有豬紅，我想可能都是雞紅，所以沒有試了。加埋隔離曾記買的兩個煎粿，這餐很滿足了。埋單總共21蚊，是便宜又抵食，唔怪之得咁多人。如果開埋其餘果邊，睇怕食飯時間都會幾難搵位。這裡的豬什湯，平又好味，會一試再試。