陳記魚蛋

Open Now

Now Closed

牙so介紹得魚旦王 點都要試試就係欽州街間百佳隔離我叫左串魚旦 細佬叫左香腸就係條後巷度食食落口 一個字辣!又唔覺佢十分好食當然比起一般街頭魚旦佢算係好食果邊但係坦白講 佢呢d辣醬放係咩度都係咁既味架啦放係燒賣 撈面 香腸 牛拍葉一樣驚喜不大 過得去所以今次俾ok

買完2杯700ml, 去左陳記魚蛋食左一串魚旦大辣($5): 過辣, 蓋哂d味一串燒賣小辣($5): ok

食完蛇王協,飲埋公和豆漿梗係要食埋陳記魚蛋~我叫左一碗兩溝,同牛柏葉亞b叫左個小辣魚蛋食兩溝要係後巷食,亞b有小量潔癖,自然唔滿意la~食食下又話成地咖哩汁又自己行開左整多串魚蛋唯有我孤身作戰左la~不過碗兩溝真係幾抵食,味道又唔差,亞姐可能較味太重手越食越咸,應改善不過我又覺得陳記又唔係真係好食到非吃不可魚蛋仲有其他舖頭好過佢所以我今次都係比個ok佢jor~@!!!

31-10-2009在長沙灣上課完. 走到深水步等埋友人先去食下阿蘇推介的fish ball5元一串覺得魚蛋好細粒, 色偏黃佢有分大小唔辣我們要了小辣, 幾香, 幾硬身, 有口感雖然不錯, 但又未至於阿蘇講的咁好可能對佢的期望太大了~

其實很久以前已試過，也知道並沒有阿蘇說得的這樣好，這次經過又再試試，搵了自己笨。魚蛋的確是彈牙，但並不是阿蘇說的可以吃到魚味，汁(小辣)是不錯，但好像比上次試時稀了一點，不過仍可掛在魚蛋上，有別於一般的咖喱汁。整體還是一般，並不是阿蘇說的「全香港最好食的魚蛋」。

其實呢度d魚蛋真係好好好普通.又淋,又冇魚味,但好味在於個汁.小辣,大辣.好好味.同mami買外賣魚蛋番屋企,唔要佢個盒,用自己個膠盒.哥哥仔話我地環保,所以送左幾粒燒賣比我地,燒賣加辣汁個味我覺得怪怪地.食哂d魚蛋後,想洗番個膠盒,點知,d色食哂入去.成個盒都變哂黃食,洗唔到.最後都係要掉.都唔知係佢d汁既問題定係咩.不過下次再買就一定要番佢個盒算,

由於明星效應所致，長期大排人龍~~~$5。魚蛋：首個感覺是~魚蛋好'黃'！此店的辣味有大、中、小辣供選擇，選了大辣，香料味較濃。此店的辣醬汁是較稠，香料味重，可吃到一些微碎的配料粒，醬汁味道的確是較特別，魚蛋質感較實、偏向硬身的，彈性不錯，配上特別的醬汁，頗惹味。

我食過呢檔魚旦好多次,每次行過都必食,話佢魚旦好正咩?,大把魚旦正過佢, 話D魚旦好粉,我又唔太覺,其實睇下你食果串魚旦佢浸得係咪好耐...(講運)我次次都食係覺得佢個汁好味,;蒜,、洋葸、薑、仲有佢唔肯講既材料,切成粒粒再煮成大中小既辣汁,我試過用佢黎送飯送公仔面亦好好味牛丸,魚旦,尤魚我必食(5元一串)見有唔少食評比扁咀分數佢,可知口味真係因個人而議..就本人來說,它是好味而可取的,不是和其他OPENRICE好友抬摃,但我真的覺得它的汁很好味

今餐宵夜:$20魚蛋+1條腸+牛柏葉!外賣盒上多辣!!一番到去一開蓋...嘩....香到丫...老實講...我對魚蛋冇乜要求,佢唔太粉已經OK架喇~佢好汁都幾杰身!!好食!!但都係唔夠辣!~辣汁係魚蛋既靈魂.....好食既辣汁令我會不斷幫襯.....

香港人, 10個有9.9個都食過魚蛋老實說, 此家出汁的是比一般的好.可以見到是用心造.不過, 比分是只有5/10分. 因為, 第1: 魚蛋是平價貨, 粉粉地, 第2:完全是汁同蛋分開, 大哥, 我要的是辣魚蛋, 魚蛋不辣, 辣汁辣, 用好一些的魚蛋, 便不怕魚蛋煮時間一長, 會好粉....第3:汁是的, 是比一般的好.不過...不是大家想像中的好.不是好辣, 都是香料, 而且煮時沒有把香料用心整細....先會一粒粒老賓說, 比5元吃魚蛋, 此家是剛剛合格.不是因為他造得好, 而是因為好多家造得唔好.先拉curve到合格

男朋友一直想來試,當然亞so的效應很強,相信很多人都因此而來!叫了牛丸和魚蛋,我想醬汁是令到味道提升很大作用令到平平無奇的牛丸和魚蛋,味道大增而加分! 因為只是把醬汁倒在上面!感覺好像好味道其實是它的醬汁而已....比起魚蛋,我反而更喜歡牛丸,大大粒同彈牙!不錯!

090110 魚蛋＄5佢嘅辣汁係杰身，食到有細碎嘅香料喺入面，有啲似沙爹汁，粒魚旦都有啲彈性，配合埋啲汁，好惹味，如果拎嚟撈麵，應該都幾好食有樣唔好，即係佢拮魚蛋之后，將串魚蛋擺喺個碟度，等你自己拎，佢就係將嗰個碟啲汁，會倒番落佢嗰大砵汁度，好似好唔衛生咁

受到蘇絲黃推薦的影響走去一試，答案是：名過其實，再一次懷疑阿蘇的口味。魚蛋不彈牙，不入味。所有味道全靠那些醬汁，並非王道口味。正宗的魚蛋應是煮魚蛋的湯汁，味道滲入魚蛋裡面，吃下去才有香味，單憑塗在外面的醬汁味道，完全搶了魚蛋本身應有的魚肉味。如果說好吃正宗，不如吃紅磡差館里的林記小食，他們的辣魚蛋是用辣汁來煮，汁的香味滲入其中，這是我小時候(最少三十年前)吃到的味道和正宗傳統食法，根本不用加甚麼醬料已經惹味非常。

1月25號中午，吃完下午茶還未飽肚，行經陳記魚蛋王．發現自己很久沒吃過街邊魚蛋，便要了一串作飯後小食．一串五元的魚蛋有六粒，阿姐把魚蛋串上後，便問我要不要辣．看到有不辣，小辣及辣的醬汁隨我選擇，我便要了小辣．把魚蛋放進口中，醬汁味濃，但果然是小辣，合適香港人想食辣，但又不能食得太辣的口味．雖則醬汁有點沙嗲的香味，但此終都吃不出是什麼味道，不過都叫可以接受．魚蛋咬落不但沒有彈性，亦沒有魚肉味，感覺好像吃了粉團丸一樣．最後吃罷便步向黃金吧，下次不會再吃這間吧，因深水埗的街邊小食店多的是，多試幾間吧．

究竟這串秘製咖哩魚蛋有什麼特別??** 魚蛋 **劣級F貨, 魚蛋無魚蛋味, 魚肉似霉爛爛.魚蛋好硬不彈牙, 口感全無, 像咬死魚一樣.(可能形容得幾恐怖, 但魚蛋真的很差.) ** 秘製咖哩醬 **特點就是除非你心中想著「秘製」, 否則就感受不到「秘製」的「秘製」咖哩醬.咖哩無咖哩味, 反而似有沙嗲味, 一種不是咖哩的咖哩, 感覺不倫不類.撇開非咖哩因素, 味道其實還可以, 但味道較寡不突出, 只屬一般貨色.(其實到超記自行買現成咖哩醬+魚蛋, 絕對美味過食陳記「秘製」咖哩魚蛋. 至於哪樽現成咖哩醬是好, 不方便賣廣告, 請到親子王國找答案.) 究竟點解深記猛人又再一次受騙?? 雖出入深水埗, 不過未吃過這間魚蛋, 亦未聽過地頭蟲說這間的魚蛋好特別.近日經過阿蘇發功, 大讚魚蛋醬汁「誇啦啦」, 這檔又再旺起來. 其實呢, 蘇施黃早於一粒鐘真人蘇介紹過這一檔, 似乎她對這間魚蛋檔情有獨鍾.一直沒有想過要試, 不過上OR網見到會員DragonFire食評介紹:"深水埗的這間小店，其獨特之處就是用來配魚蛋的醬汁。加入了一點行氣活血的藥材成份、令人回味的醬汁和香味，以及不下於五種材料混