雲南小鍋米線

Open Now

Now Closed

其實真係幾好食雞絲好幼好吸湯腩肉好入味最仲意係佢既螺旋澡唔係度度有而且有咬口又入味湯底黎講..真係真係好睇手神..好睇廚師..有時食少少辣就夠..有時食中辣都可以...所以不予置評但整體個湯底係好味

依間好出名 有人話係宇宙最強米線 🍜雖然位置隔涉 附近冇地鐵🚞可到 但仍然好多人慕名而來  慶幸住附近 所以都幾常會幫襯佢😋配菜：配菜幾好食 例如雞絲🐥撕得好幼細 容易嗦d湯 有雞味 腩肉🐷大塊有預先調味 另外 螺旋草 紫菜 🥬豬大腸  都係幾好食 入味 🍜米線：粗身 煙韌 軟硬適中 價錢：唔算特別平價 但佢配菜量多 好似點腐皮 都有5大塊 就算肉類 如腩肉雞絲個d 都算比得多嫁 食完好滿足同飽肚😁😁湯底：幾多肉碎 本身湯底普通 甜甜地 食完少少頸渴 *辣度要注意 佢小辣都巳經好辣 所以唔食得辣可揀肉碎辣同小小辣🌶個人評價：米線店之中佢係算好食 但未至於傳聞咁誇張 👅

斜路米線🍜點解佢叫斜路米線🍜 純粹因為佢係條斜路到開😂 以我所知佢屹立不倒20年都有，細個嗰陣完全未食過，自從係沙田食過雲桂香之後就覺得呢啲小鍋米線好正🤓 平時自己食開豬紅腩肉，但係到食記得嗌雞絲，仲有如果嗌外賣我都十分超級建議你分湯😂 雞絲未落湯係乾身嘅，浸湯吸味後再食，真係好正🤓 仲要所有餸都落足料，一定夠飽🤓

平時見到好多人去食，都要排好耐隊本身位置較偏遠，住港島九龍去嘅話未必方便大約一開門時間去到，不過當刻太多人等外賣，反而堂食米線一碗約等20分鐘，嘢飲好快就到，隨後外賣少咗就好快上到嘅奶茶幾好飲🥤由於聽過🐷豬軟骨出名就嗌咗，都幾軟唸，如果鍾意食應該OK螺旋藻都多，不過碎咗啲，難夾嗌咗中小辣都啱啱好，感覺唔夠酸米線就正常如果唔食青，可以放心，因為韭菜/蔥都好少芽菜就多整體比佐敦/荃灣始終遜色啲如果順路 或去附近 就可以去try try

大家叫外賣嘅話唔好諗住打電話可以去到有得拎，店家係收咗錢先至開始煮你個碗！所以無論你幾早打去都好(我去前15/30分鐘同1個鐘打都係咁)，去到都係要等埋俾咗錢既人拎哂，先至整你個碗，姐係到左再等多15-20分鐘，我見有啲人都打左電話黎，後尾轉埋堂食..建議改善下，咁樣都唔叫有得電話落單。-除左外賣問題，其他都冇乜問題，真係又愛又恨🥲-雞絲豬軟骨大腸酸辣米線雞絲同埋豬軟骨不嬲都係我一定會叫嘅嘢👍🏻，豬軟骨唔會好大舊，每件都細細件但係份量算多又入味，大腸有彈性，如果唔係切條形會再開心啲。

雲南小鍋米線 (石蔭)🇭🇰召集米線關注組🔔舖面裝修簡單 但係味道超值得encore嘅米線🥹﹎﹎﹎﹎﹎﹎﹎﹎﹎﹎﹎﹎﹎﹎﹎/皇牌米線🍜 $58/ (4.8/5)腩肉🐖雞絲🐣螺旋藻🌿米線煮得好煙韌有咬口😍湯底好多料 有芽菜 酸菜 韭菜同惹味微辣肉碎🥰啖啖米線都有餸🤤嗌咗中小辣 整體酸而偏甜 但係飲落多啲層次就好 同可以再酸啲😚腩肉醃得好腍好入味 肥膏位爽口🐽雪花手撕雞絲好索湯 雖然齋食會有啲鞋 但係撈埋湯就會軟身啲🍗螺旋藻好特別 爽口有啲似幼昆布 平衡返肉嘅膩同重口味🤩/自選腩肉豬紅米線🐽 $49/ (4.3/5)湯底揀咗中辣 相比之下油同辣啲🔥豬紅好滑好腍身❤️份量都好夠🫶🏻﹎﹎﹎﹎﹎﹎﹎﹎﹎﹎﹎﹎﹎﹎﹎﹎

工作關係找到呢個荒蕪嘅地方，盲中中就走咗去買呢一間屋村中出名嘅麵食。雞絲海藻米線小辣(同事）雞絲同海藻分量都係足夠，米線冇咩特別。雖然係小辣，但嗰個樣子就好勁辣味，不過放心食落去係okay。比較其他舖頭嘅米線冇乜特別，唔算多味精，食完都唔口渴 豆卜紅薯粉中辣（me)打開濃濃嘅辣香味，雖然佢嘅中辣對於我嚟講不足有夠，仲啲失望！不過酸味有驚喜，特别夏天之前非常開胃。9蚊豆卜玩呢四個原隻，大概係街邊展開嘅八個半邊豆卜，性價比還可以。麵食足扣分嘅地方小辣同中辣味道完全唔一樣，我的中辣明顯出色好多，酸味帶起胃口，最後我碗湯到咗一半比同事一齊食。。。

香港人熱愛米線嘅程度真係不能低估! 無論幾遠嘅小店，只要佢嘅米線出色，都會受到大家熱捧🙌🏻企鵝妹今次就去到都幾隔涉嘅石蔭試下呢間好多人推介嘅米線🍜⭐️皇牌米線 小小辣 $57 (8.5/10)皇牌米線係小鍋米線配上店家三樣最出名嘅配料，雞絲、腩肉同螺旋藻。雞絲撕得好幼細好綿真係好似雪花咁❄️，索晒湯汁好好味😋腩肉肥瘦適中，唔會鞋口，醃到少少辣剛好~而螺旋藻就比較特別，唔係好多米線店有得食，口感有少少似爽口版嘅海帶，感覺配埋重口味嘅米線食好似健康d🤭🤭配料嘅份量俾得好足，每啖米線都有雞絲同螺旋藻配住一齊食，口感好豐富🤩而湯底就叫咗小小辣🌶，廢事食得太辛苦。湯底夠濃但唔會過鹹，辣度麻度都剛好夠惹味，帶微酸，唔會蓋過辣味，屬於所有野都balance得唔錯嘅一碗米線，啱晒怕太重口味太油嘅人👍🏻🐧企鵝妹食後感:企鵝妹都幾鍾意食呢間米線，甚至會將佢排得前過老闆娘添👑湯底濃郁得嚟唔會太油，係辣麻酸甜度都中和得幾好嘅米線。而且整個份量俾得一d都唔吝惜~不過就真係有d遙遙🤣得閒要再去食過🫶🏻🐧企鵝妹推介指數: 8.5/10

米線關注組又出動，知道哩間人氣店一定大排長龍，所以由六點幾開始打電話叫外賣📞，但打左二十分鐘都無人聽，就直接踩過去！岩岩好七點到達成功落Order，店員話會等有啲耐，問佢幾耐佢就話半個鐘⏱，無問題我地行住等。點知一等就等到七點五十八分先有得拎，期間有問過一次既，佢就話張單底都見唔到，真係好無奈😅。講返食物先…豬軟骨･腩肉小鍋米線(中小辣) $54雖然過左二十分鐘返屋企，但都仲熱既。就咁睇就相當油，厚厚既紅油遮哂啲米線🍜。唔知係咪夜晚又水尾關係，餸菜同米線份量都唔係好多，豬軟骨有三小舊，腩肉🐷完整得三小片，其他都碎濕濕☹️，芽菜仲多過米線。湯底係甜甜地，酸味都算明顯，但辣🌶既後勁好犀利，鼻水都出埋黎。腩肉偏肥，但好入味。豬軟骨都係肥膏位多，而且唔係好淋。蘿蔔･豬大腸･豬紅小鍋米線(中小辣) $62朋友就略嫌豬大腸🐷切得太幼太碎，無左口感又難夾🥢。蘿蔔有兩大舊，都算清甜。豬紅就不過不失，有五舊完整既。對我黎講，我覺得試一次就夠，除非經過附近，又有返堂食喇😅。

豬軟骨豬紅小窩米線(肉碎辣) $51豬軟骨都有唔少，夠軟骨夠入味，而豬紅好多，數過起碼有8粒，亦非常入味🉐必叫，湯底夠濃郁，食完唔口乾，肉碎辣對於食唔到辣嘅朋友👦🏻啱啱好👍🏻最深刻係碗麵有好多芽菜喺底🤣整體好味但無話好驚喜雞絲豬紅小鍋米線(中小辣) $49見到話呢間雞絲係必叫，個雞絲係乾身既，見d人話浸落湯一齊食好正😎但我自己就覺得無好特別，唔太中意雞絲散散碎碎既口感🤪個人比較中意豬軟骨多d，食開譚仔三小既我，食中小辣🌶️都OK，湯底係幾惹味👍🏻Overall小鍋米線味道係OK嘅🙆🏻‍♂️但唔算好驚喜，係預期之內既味道😜店面唔大，有啲歷史感🕰️只有幾張枱坐得迫唔太舒服，見大多數人都係買外賣，覺得住附近既朋友或經過的話可試一試，但如果要千里迢迢特登黎食的話就唔太需要

細細聲講比大家聽🙊但我就其實係米線達人❗️#食勻葵涌 #米線關注組🍜-一直我都好中意食米線，所以佢成日都會帶我食佢覺得一試難忘嘅米線店。無可否認港島好少好食嘅米線，好多出名嘅都會喺荃灣區🥲今次介紹俾大家呢一間雖然唔係荃灣區，但係都可以話喺新界數一數二嘅米線😋-🤩皇牌米線 走辣($57)今次已經係第二次過到嚟呢邊食，兩次我都係叫皇牌米線，因為實在好足料。雞絲，腩肉，肉碎，配菜韭芽走唔甩，仲有螺旋藻，夠晒特別。值得一提嘅係，佢本身啲腩肉已經有少少辣，如果唔食得辣嘅朋友，建議可以學我叫走辣。食得辣嘅朋友仔，不妨可以試吓佢哋嘅辣，記得帶紙巾呀❗️🍜🐽豬軟骨蘿蔔炸醬米線 小辣其實都係熟客仔，坐低Menu都唔洗睇已經識嗌。因為皇牌入邊已經有腩肉，所以就叫左最入味嘅豬軟骨，蘿蔔夠鮮甜，加上炸醬嘅刺激感，必食。🍹飲品方面，我地叫左一杯凍利賓納解下辣，唔知係咪好耐冇飲過，特別好飲。

雲南小鍋米線 (葵涌)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$57 皇牌米線(9/10🌟）❤️ᴡᴀɴ ɴᴀᴍ sɪᴜ ᴡᴏᴋ ɴᴏᴏᴅʟᴇ -ᴀ❤️皇牌米線🍜特別之處係有好多雞絲🍗同螺旋藻🌱。雞絲同螺旋草鋪滿左成碗，每啖麵幾乎一定有好豐富既配菜一齊入口，好正✨。店舖指雞絲係用雞胸肉煮熟再人手撕碎🫡，極度容易索湯。而當中既腩肉亦都燘煮咗兩個鐘，非常入味😋。$56 過橋米線(9/10🌟)❤️ᴡᴀɴ ɴᴀᴍ sɪᴜ ᴡᴏᴋ ɴᴏᴏᴅʟᴇ -ʙ❤️過橋米線🍜材料一樣好豐富，有蟹柳、腐竹、火腿、紅腸等鋪滿咗半個碗。同時亦有好多配菜包括🥬芽菜、酸菜、韭菜、肉碎🥩。湯底酸度辣度都適中，唔會太酸太辣，湯底用豬骨雞腳熬咗9個鐘，飲落相當惹味😙。而且個碗好大，分量十足，紅腸亦都大大塊啖啖肉。食物：9/10環境：4.5/10性價比：9/10📝小店有兩層，下層環境較狹窄，上層環境裝修較好，坐得會舒適啲。📍葵涌梨木道112號葵寶大廈地下5號舖#hotnoodles #noodle #chickenbreast #bigbowl #ricenoodles #sausage #spirulina #hkfood #food

🌟石蔭雲南小鍋米線🌟⁡幾年前食過呢間米線印象幾深🍜今日難得泥到葵涌睇下keep 吓唔keep到當年水準！！話說呢間米線鋪長期都係米線關注組嘅頭幾位🤣⁡🎀<雞絲豬軟骨螺旋藻小鍋米線$61> ⁡雞絲係呢度嘅人氣之選🐓🐔份量好多軟綿綿 亦好健康❤️⁡豬軟骨比雞絲更驚喜🤩有三大嚿🐷🐷🐷全部都煮得幾腍又入味～友人都狂讚嗰豬軟骨😎⁡螺旋藻爽口🌱配搭米線唔錯唔錯⁡講反正題米線煮得夠煙靭湯底酸度恰宜筆者無叫辣嘅關係就唔評論辣嘅部分了但聽友人評價都算幾辣🌶😂⁡題外話每碗米線可加錢加飲品但原來小店無熱奶茶 只有凍嘅～雖然係咁但呢間小店值得回頭一試👍⁡🌠環境: 6/10👄味道: 8/10 💰價錢: 7/10 👍性價比指數: 7.5/10⁡*☼*―――*☼*―――*☼*―――*☼*―――*☼*雲南小鍋米線 📍葵涌梨木道112號葵寶大廈地下5號舖📞（852）2424 2510⁡⁡⁡⁡

呢間米線小店喺米線關注組出哂名，但因為地方實在太隔涉，今日終於搵咗個地膽fd帶我去🤣佢離港鐵站係好鬼遠，所以點都要轉程小巴/巴士上嚟～我哋大約兩點去到，唔洗等位～鋪頭就係一般米線小店格局，一定唔好預會坐得好舒服🤣我就叫咗雞絲冬菇螺旋藻小鍋紅薯粉 ($62)，好大碗😌而雞絲真係幼到好似雪花咁，可以溶埋落湯一齊食～冬菇厚身入味，而螺旋藻就係好爽口☺️好欣賞佢啲薯粉煮得啱啱好，煙韌得嚟又唔硬😋湯底方面，佢得一款湯底再揀辣度，我覺得佢本身偏甜少少，啲肉碎好惹味，辣度小辣算好適合我～食辣嘢就梗係要叫嘢飲，凍柚子蜜 (加$8)非常足料，好濃好飲😋始終都期待咗好耐，期望有啲高，食完又唔覺得有種好驚艷嘅感覺，未必值得咁長途跋涉去食，但都算係一碗好食同會令人上癮嘅米線～

食過咁多間米線🍜最鍾意都真係呢度❤最推介係個雞絲同埋腩肉！兩款都好好食😋雞絲絲到好幼 超級索湯～腩肉都好入味！仲有好見嘅螺旋藻都唔錯！米線嘅湯底有好多肉碎 好惹味！