雲南小鍋米線 (華都商場)

Open Now

Now Closed

唔係第一次幫襯，我其實比較鐘意去新墟個間米線（十約年前食開荃灣分店）點知圍哂板，唔知係執左定.......聽琴日真係小鍋米線癮發作，醒起華都有間但都成年咁耐無幫襯過，決定收工返入去食時間算早唔係好多人，叫左豬腸腩肉，好快有得食，效率高左，送都多埋，記得以前食都係得幾舊，正常分量啦。今次差唔多d送多過米線👍我食酸辣湯底，雖然冇新墟嗰間既湯底咁濃郁，但味道都有八成相似，都可以止到我既癮肉碎同芽菜呢，既分量充小左d.但係送多都好滿足 希望我下次去，d師父講‘衰野’唔好咁大聲比我地聽得咁清楚喇

星期日又係出街食晚飯既日子由於上星期吃了荃灣的雲南小鍋米線分店，懷念其味道所以今日決定去屯門分店是晚三人同行點了三碗米線加一款小食1️⃣麻辣米線小辣配腩肉魚皮餃2️⃣麻辣米線小辣配墨魚頭雞絲3️⃣酸辣紅薯粉小辣配豬軟骨豬腸4️⃣炸春卷麻辣米線小辣配墨魚頭雞絲墨魚頭 - 爽脆可口而且有墨魚的鮮甜味雞絲 - 依舊分量十足，食極都有好抵食湯底 - 叫咗小辣都係好辣繼續食到噴火麻辣米線小辣配腩肉魚皮餃米線 - 煮得比較碎腩肉 - 較為碎濕，沒有完整的一片魚皮餃 - 都是屬於四海的品牌，知道好吃的，但只有兩粒不夠喉呢酸辣紅薯粉小辣配豬軟骨豬腸紅薯粉 - 相當煙韌，值得一試豬軟骨 - 入味而且相當淋豬腸 - 都洗得相當乾淨沒有任何異味，有咬口推薦試一試炸春卷香脆可口配上酸甜醬，真的很好吃春卷餡以蔬菜為主屯門分店座位雖然沒有荃灣的寬敞，但下次都再會去相比起連鎖式店舖經營的，這裡有更多配料選擇而且食完都唔會好口渴

屯門市中心係我由細到大都去到熟哂既地方，每當要係屯門市中心諗唔到食咩既時候，雲南小鍋米線 就係必二之選，位於華都商場一樓，仲要轉角位先見到，雖然係禁，但人流都不斷，唔係大排長龍，而係人核人往，又係平、靚、正之選而呢度啲薯粉標明健康高纖低脂，食左好多年都係好好味！屯門人必試。每次一定叫薯粉，因為鍾意薯粉有口感，小小彈牙得黎可以慢慢食。腩肉魚皮餃薯粉湯底有芽菜、肉碎豐富口感、酸菜、韭菜增加層次，湯味濃郁，鹹甜酸辣皆俱。腩肉本身係小辣，肉既口感接近豬頸肉，食落都酸嫩彈，同時有小小脂肪增加肉香。魚皮餃食落係新鮮果隻，唔似超市買既果隻-d肉係梅既。最重要係湯底，濃味之餘又不失風味。電視劇成日話啲湯底由遠古年前開始滾到家下，再不斷加料，味道先會禁好味，事實係點我唔想知，只知道呢間雲南小鍋米線真係好好味推介，腩肉係必食！整體黎講，呢間雲南小鍋米線正唔正宗我就唔知，只知道好唔好味，呢間真係光顧了無限次！時不時都會黎呢度食下薯粉，就係貪呢間係小店，位置僻d人流少d一定有位，但係食物質素唔錯，性價比高。

店舖在華都花園一樓相對偏僻的地方，但是很好找。這家的米線和譚仔不太一樣，配菜的選擇還是挺多的。還可以選紅薯粉。紅薯粉很好咬斷，不至於嚼到腮幫子疼。酸辣湯底的口味也蠻特別的。一個人點一碗吃剛剛好。

心血來潮想食辣米線，就俾我搵到呢間細細既雲南小鍋米線。小鍋米線(小辣): 小辣都已經幾辣，但湯底好香好惹味冇俾辣味蓋過，米線好煙韌係我幾中意既質感，每食一啖都食到好多湯汁。雞翼係鹵水雞翼，煮耐左少少，但好入味。鮑片都好好味，雖然知道係即食嗰啲。最好食既係墨魚頭，咬落爽口，而且份量幾多除左頭既部分仲有觸鬚。蟹柳味道唔錯。佢每一樣餸都沾到好多湯汁，食落特別好味。湯入面既肉碎好辣，但有啲脂肪令佢更香口。芽菜亦都浸淋左好入味，連埋米線食岩岩好。呢間米線係我食過咁多間最好食既，價錢適中，就算揀多幾款餸都唔會貴。

講到食米線，除左連鎖式個幾間之外，其實屯門都有特色嘅米線小店，呢間小店我地已經幫襯左有十年，老公特別喜歡呢到嘅涼伴米線，夏天食就真係一流，唔洗食到出晒汗，汁醬調較得好好，而我就鍾情紅薯粉，今次我揀左雞絲重慶紅薯粉（$33），多酸小辣，另加一罐可樂（ $6），一上枱已經聞到酸酸辣辣嘅味道，紅薯粉係粗條型，好煙韌彈牙，仲可以根據自己嘅喜好要求酸辣度，雞絲吸收晒酸辣湯，芽菜夠晒爽口，每次都食到捧住個肚走呢個價錢真係好抵食。

一直都係米線控☺️屯門有幾間岀色米線 呢間係其中之一 酸辣米線加腩肉雞絲😋湯底帶小小甜 會忍唔住係咁飲腩肉係必叫！個人認為佢的腩肉係咁多間米線鋪入面最岀色！’蚊’得好入味 ！雞絲份量都好多，連米線食好正😋👍🏻

雲南小鍋米線，相信大家都聽過深水埗店的人氣，但其實屯門華都商場亦有一間。我認為它是最美味的米線，無論是米線的軟硬程度、其他餸菜配料，例如腩肉、蘿蔔、雞絲、豬腸等，通通都非常美味，而且湯底充滿肉碎，食落十分滋味。腩肉同雞絲嘅配搭非常出色，腩肉十分惹味，而且肉質柔軟，雞絲食落口啖啖肉，口感豐富，最令我欣賞的就是米線，火候控制很適中，每次吃的時候米線都很有咬口！建議唔係好食得辣嘅朋友，一定要叫小辣，因為佢係嗰種會越食越辣嘅感覺。🤤🤤🤤🤤🤤

-今日同朋友出市中心行街，行到餓就搵野食醫肚。市中心好多食肆可以選擇，朋友同我都好鐘意食米線，佢提意去食雲南米線。-我叫左腩肉豬腸中麻辣米線，豬腸係肥嘅，但切到細細舊，入口唔會覺得溜，腩肉略嫌韌左d，而米線就啱啱好唔會太淋或太韌，中麻辣湯底都好夠辣，但就油左d。-朋友叫左豬腸山根小麻辣米線，朋友話山根索曬d湯好好味。-我加6蚊叫左杯凍檸茶，我覺得唔似飲緊檸茶，無茶味，下次都係跟我朋友叫可樂穩陣d。

今日去到華都買野，見到離遠有個燈牌寫有米線就諗住去試下，店舖都幾入但原來都有2間所以位置吾少，因為11點幾吾叫多人，坐得都舒服，款式同平常的米線店差不多，今次就叫左個小鍋米線小辣……腩肉 腐竹 加多個凍檸茶 $44，首先個湯底吾錯香同微辣（叫了小辣） ， 咬落去米線 口感有驚喜吾錯，但腩肉偏鞋身和腐竹偏硬身有點失望，整體份量都剛好吾叫十分少，女仔黎講都夠飽。之後十二點多已全滿都吾少人黎，如果下次再黎會試其他配料比較好。

有米線食既店愈開愈多，要揀間質素好既就好似愈來愈難。喱間其實都好隱蔽下，係華都商場第二層，開係角落頭，行到路既盡頭就會見到。應該得啲附近住同返工嘅人會知。lunch time 係特別多人的叫咗重慶紅薯粉(小辣)加咗腩肉同豬耳。配料有芽菜，花生，肉碎，蔥。紅薯粉唔夠冧，要咬多好多下先呑到，都係叫翻平時叫開的米線比較好。湯底夠辣同濃味，腩肉同豬耳份量多。另叫了一碟螺旋藻，色澤好似煲咗好耐咁，食落去完全無味的，要加埋落個麵到得。$15唔建議叫。

作為屯門人，非常喜歡去到華都找小店光顧，在幾個月前發現這間在於華都１樓的米線店，它位置非常隱蔽，一般情況下你不會路經，但店內在中午時份有數十枱客人，明顯都是熟客。我食過很多間米線，特別喜好酸辣口味，而我最喜歡這間的湯底味道，份量充足，還有各款小食。我叫了牛肉上海面加螺絲藻，可以看到螺絲藻多的看不到牛肉，我一直懷疑這湯底是加了沙嗲，非常野味，價錢35加5 ，吃完飽到肚漲。吃貨女友叫了熱伴，因沒了湯底，味道沒那麼濃，但依然非常好吃，忘了加了什麼，但本身熱伴米線就24元，可以從餐牌看到。蒜泥白肉我叫過很多次，以往是白色有白醋點，非常特別的，我沒在其他店吃過這種蒜泥白肉，但今次上來的是紅色，我很驚訝問店員，原來他們有兩種款色，下次叫的時候要說要白色款，未吃過的朋友一定要試試，很特別的口味。

說起雲南米線，大家只會想到譚仔？雲貴香？ 屯門這家小店，可說是我近來最愛去的米線店之一！味道其實有點像雲貴香的，但價錢平一點，而且支持小店才最重要！跟一般米線店一樣，數十款配料，個人必定會食雞翼❤️ 平時還會點豬紅及蘿蔔，他們的蘿蔔很甜，很入味的！豬紅的份量也很多~~ 今次我則試了豆卜。 量不算少丫，因為是原粒上，一分為二便有8粒了！好開心，最愛浸湯吃~~ 我點了少辣，不算太辣，愛辣的朋友可以要中辣。他們還有牛腩！上次食過好林的，唔痴牙，好吃啊~ 在這附近的餐廳店面都很細，所以會加枱在走廊吃啊，很喜歡這種風味😆

好耐無黎幫襯，突然今日想食米線，即刻諗起呢間米線小店米線價錢係跟配料計錢的我叫左腩肉+芝士丸，辣度揀左小辣米線仍然keep到水準，食落口感好煙韌腩肉辣辣地，好入味，好惹味呀！最鐘意佢d腩肉唔會太多肥肉，食多左都唔會太肥膩

今晚去左雲南小鍋米線(屯門華都分店)叫左一碗兩餸小辣，腩肉加豬大腸好味，我幫襯左好多年水準都能保持到真係值得推介呢間舖嘅湯底做得非常好小小酸好開胃小小辣岩岩好大腸又肥又滑腩肉小小辣入晒味39個大洋，性價比ok啦都係我嘅飯堂之選