雲川 米線．紅薯粉 (美樂花園商場)

Open Now

Now Closed

係屯門做嘢，成日都遊走屯門唔同地方。都食過好幾間雲川！但呢間認真「麻麻地」叫左麻辣湯：大辣；但係一啲都唔辣！仲有啲米線一啲都唔入味湯還湯、米線還米線咁！要浸左勁耐先叫入啲味！最好食都係紅橋

好耐無食米線,今日經過美樂花園見到雲川門外有好多人排隊.於是買外賣回家享用.我哋叫咗兩個酸辣米線.湯底味道好濃,味道層次豐富,湯內有碎肉和酸菜.酸味又夠.所以越食越好味.米線口感非常好,加埋湯汁,好好食.餸就揀咗招牌豬頸肉:煙燻豬頸肉燒得好香.分量亦唔少.切成細細條又容易吸湯.另一碗嘅餸就揀咗香茅豬扒:醃得夠入味,好厚肉又重香茅味.食落口都唔會鞋.食酸辣米線,加一杯凍檸檬茶,非常滿足.呢度仲有其他湯底:麻辣湯,酸辣湯,豬骨湯和鮮魚湯.屯門雲川米線,試下佢嘅湯底,令你一試難忘.

即興過黎屯門分店食米線，早排聽過某page介紹係世一米線 勁Wakuwaku星期四夜晚 4個人大概等咗20分鐘左右係正輕鐵隔離 地點絕對唔難搵店舖仲提供自助下單 同有各種可以客製化既要求添！入座後 可以各自掃qr code落單 唔會有技術影響 落單後 勁快就上菜 真係快靚正麻辣豬頸肉米線 大辣 $46完全無辣味 少少麻豬骨湯底 食落就唔係好味精死鹹都可以一試 但嗜辣人士就唔需要為左食辣而黎啦下單米線時選擇左爽D 但感覺都係偏軟身魚湯豬頸肉墨魚咀米線 $56無辣度選擇 嗜辣人士對湯底都幾意外 鮮甜豬頸肉有口感 唔‘鞋‘ 有肉汁墨魚咀一般般米線偏軟身單點家鄉手撕雞$40 Juicy 唔靭 唔zip牙 有麻醬可以點 但影唔切相 成班餓鬼已經消滅左😂秘製豬頸肉$40 香口過擺左落米線果D!炸韭菜雲吞6粒$32一般 反而有D zip牙@@

不喜歡吃麵食的我，得同事推介這一家麪店，好奇去試！茶餐價錢也算合宜！點了一個豬耳湯粉及一碗韭菜雲吞，每一個餐有一杯熱飲！豬耳湯銀針粉：湯底有濃郁的魚香味，即是魚湯底！銀針粉，軟硬適中！麻辣豬耳，惹味可口的，份量又充足，吃得辣的朋友才能頂得住！另外，還奉上獨立包裝菜脯，菜脯十分爽脆惹味，味道獨特，吃完再想吃，配湯麪－流！韮菜湯雲吞：湯底濃郁，雲吞餡料足夠，韭菜與肉的比例合宜，雲吞咬上去柔軟可口，豬肉絞得很碎，好味！奶茶：茶味夠！正！餐廳環境佈置，簡潔優雅！惟不足之處，二人進餐跟隔離桌子距離太近！

約左中同黎屯門食野跟住佢話掛住一齊去食米線既日子就索性搵間食米線嘅餐廳 近排天氣酷熱推薦大家試熱拌米線/紅薯粉😋熱拌米線 豬扒一定推薦熱拌米線 配菜有蔥 芽菜同埋辣肉碎份量都足夠 撈完食落幾惹味米線粗幼適中 撈完之後啲醬汁吸晒啲辣肉碎汁今次揀咗豬扒 豬扒夠淋身 仲要幾大舊 份量幾多煎得啱啱好又唔乾 食落去豬扒醃得好好 好夠味奶茶 茶底夠香濃 奶夠滑好彩有杯奶茶搭夠

平時去開景峰搵朋友，其他朋友都會去雲川買外賣食，甚至有朋友搭成個鐘車特登入黎屯門食😂。呢次又係俾朋友捉左去美樂碌ling，佢就係為左食雲川先黎屯門碌😐…美樂分店好光猛開揚，唔算逼，落單都唔使等好耐就有得食。🔅米線套餐 ($42)基本上我次次都係食麻辣(微辣&走韭芽)，豬頸肉米線，熱檸水。Simple is the best😎雖然湯叫左微辣，其實唔麻又唔辣，不過幾香幾惹味，唔算重味精。酸辣湯我就麻麻，豬骨湯試過一般，所以都係繼續麻辣湯🤣。米線同豬頸肉份量都頗多，2樣都好掛湯。豬頸肉切開一條條，燒完唔乾又夠香🥺，好易咬，夠晒爽口。雖然簡單但無得輸！試過要2餸加左塊香茅豬扒，雖然好食，但飽到傻😂。另外幾個朋友都好鐘意食螺旋藻，我諗應該都唔錯。💬整體呢間絕對係抵食之選😎，淨係做屯門區都出晒名就知。米線原本亦唔需要太fancy，呢間既湯、米線同餸都交到功課，無咩挑剔位。之前覺得呢間麻麻我諗係因為做左環保撚，外賣無分湯，所以先無咁好食🤣。建議外賣既都係要加錢分湯(外賣+$1 分湯+$2)，或者自備碗。順帶一提佢既外賣餐具都唔錯的😂。

📍屯門 《雲川》#屯門出色米線豬頸肉酸辣米線🐷 $𝟒𝟑雞中翼酸辣米線🐔 $𝟒𝟐.酸辣湯𝐯𝐬麻辣湯😗酸辣湯底好惹味，夠濃夠辣有肉碎有酸菜，麻辣就略厭唔夠麻😗可能因為叫左小辣，食得辣既人建議叫中辣起跳。豬頸肉係雲川招牌，切到幼條好易咬，而且燒得好香，面層焦脆，食落唔韌少𝐣𝐮𝐢𝐜𝐲😋鹵水雞翼正常發揮🤣米線份量都好夠，而且口感煙韌唔會太淋身👍🏼小食：炸韮菜雲吞🥟 $𝟐𝟖.好正😍😍炸得夠香脆，滿滿既韮菜味，咬落仲有少少肉汁 飲品都係精粹咸檸七 跟餐+$𝟔，粒咸檸檬醃得好入味，唔會過份鹹同酸，超解渴，配埋熱辣辣既米線一流🤤溫馨提示: 揀位對住門口坐，餐廳落地大玻璃出面可以見到輕鐵經過，好有幻愛視感，超寫意🤤味道：𝟕/𝟏𝟎性價比： 𝟖/𝟏𝟎

上次係卓爾廣場食完雲川後念念不忘，今日去開屯門碼頭附近，就捉埋朋友一齊食今次點了豬頸肉鮮魚湯小鍋米線，鮮魚湯湯底好鮮味，一d都唔腥，飲咗幾啖好好味！燒烤豬頸肉切條上，方便進食有咬口，而且份量多食極都有家鄉銀針粉，加了豬大腸及香茅豬排，每款加$10，上枱後發現好大碗，香芽豬排好入味，唔會過鞋，豬大腸炸得香脆，洗得乾淨，唔會有臭味銀針粉好大條份量仲好多，用上清湯底，但味道都唔會過淡，味道適中果然間間分店都咁有水準

因為有事做而到訪左平時吾會去既屯門區, 為左醫肚, 好快咁係附近揾左尼一間米線紅薯粉店。1️⃣紅薯粉豬頸肉 - 紅薯粉好入味!麵感吾會硬身! 豬頸肉份量都吾少, 不過係有小小煎得燶邊, 但D肉切開左睇都係有肉汁既, 而且食落吾會乾~2️⃣紅薯粉熱伴炸醬+醬爆魚丸 - 炸醬有一大湯匙咁既份量, 醬爆魚丸有3粒, 吾算好多, 但講求口感係好正, 最鍾意食有人餡料既丸3️⃣雞軟骨 – 多, 食極都好似食吾完咁, 又細細粒, 好抵食呀4️⃣手撕雞 – 我好鍾意食麻醬, 所以我覺得好惹味好香!!5️⃣豬大腸 – 真係岩岩炸好,送到我地枱吾會油淋淋, 因為我好怕個D好油既, 咬落都吾脆啦!好在尼間既豬大腸做得幾好, 真心脆, 而且吾會有酥臭味,洗得乾淨既~6️⃣鹽酥雞粒 – 都係好大份, 哈哈, 啖啖肉食左一陣, 我地都覺得尼間野好吾錯, 即刻睇下有冇分店, 點知一查之下竟然所有分店只有係屯門區……哈哈, 有D遠, 不過我之後會再返黎去吾同分店食多次嫁~!

-{屯門小鍋米線🍜}米線關注組嘅頭幾😋黎開屯門嗰頭😌就黎個外賣晚餐🥳🤤豬頸肉小鍋米線🤤 個湯要左微辣 2個餸都多🤣湯就偏酸帶少少辣味~食過咁多間依個唔算油😚入面有肉碎同榨菜好惹味🤩麵質偏彈爽！以下順序排最推薦嘅餸😛豬頸肉: 份量算少 不過係燒到卜卜脆😙係偏肥嘅香茅豬扒: 有一整塊薄薄地嘅 不過好重香料味☺️👖褲評: 8.3/10湯同米線都高質🥳電話外賣個姐姐好趕😂😂😂去開屯門可以食不過唔洗特登去！性價比: 9/10服務: 7/10環境: Nil🚩 雲川 米線．紅薯粉 🚩地址: 屯門湖翠路2號美樂花園商場地下46及61號舖#fuudjai #fuudjai #fuudjai港式 #fuudjai屯門

又入大西北啦⚡️今次黎到每個屯門友都推介既雲川👍🏻主要係食酸辣米線 必食豬頸肉😍小編真係跟足屯門友落order😙出名既1次過食哂🤪 因為好少機會再入屯門🥲📍 小鍋米線 + 1餸 包熱飲 ($41)湯底有辣有唔辣 唔辣有豬骨湯底or魚湯辣既就麻辣、酸辣🌶小店最出名係酸辣 小編又點會錯過1餸方面揀左最馳名既豬頸肉😍米線黎到香味撲鼻而黎👃豬頸肉有別於出面 係1條條上 份量好多👅燒得好香 最正係外表脆邊‼️食落唔韌少juicy不過佢湯底略嫌唔夠酸 小編只係食到辣味😭如果balance番會好d🙏🏻總結：Overall 其實都好味但又未好食到要特登走入屯門食🤣豬頸肉必叫🙌🏻另外豬扒、螺旋藻都幾多人推介😈希望之後湯底更出色！—————————————————————味道😋：8/10抵食🥳：8/10環境🥂：7/10

難得去到屯門咁遠，當然要試吓佢嘅名物。呢間米線據聞係好出名，係屯門有有四間分店。我哋揀咗最近西鐵站嘅。星期六一點左右，門口已經相當多人。但人流去得幾快，半個鐘內就入座。🍜麻辣（小辣）米線第一次食，我地循序漸進，唔敢食咁辣。小辣真係幾mild, 唔夠麻亦唔夠辣，但食到佢既香辣味，調味不錯。炸豬扒幾令仔，香口而乾身。花枝丸中矩中矩。豬腸睇落係乾淨而唔肥既，因為小編唔食大腸，味道no comment🍜酸辣（小辣）紅薯粉聽說佢地既豬頸肉係名物，梗係要試下。 豬頸肉切得比我想像中細條，食落偏甜。但佢既份量唔少，食到最後都仲有。另外叫左個蘿白。 蘿白大大份，好清甜，甜到似係浸過糖水。欣賞佢無咩渣，食落比見到既淋身，好食。小編就麻麻地個木薯粉，有D似水晶粉，比較硬身而無味。至於湯底，都係酸同辣唔多夠，下次要試下中辣。

食過返尋味嘅米線，睇返先知原來得屯門有得食。今日打完保齡專登嚟呢度尋味！叫咗個魚湯米線配墨魚咀同埋螺旋藻！螺旋藻即係平時食開嘅海帶，份量勁多！墨魚咀亦都好鮮味，同個魚湯好夾。今日唔知係咪好早嚟食，餐廳唔使等位，坐得舒服，睇嚟下次要食都要去返呢間，唔使排隊！

屯門雲川燒真係出曬名係米線關注組成員必試！每日都可以見到超多人排隊 入面人多到要搭台！我第一次食嗰陣就食過豬頸肉覺得好正！但係試完店家推薦嘅螺旋藻覺得好似仲正🙊🍜螺旋藻豬骨湯小鍋米線💰41呢個價錢係包一款餸 如果想食多幾樣就另外要加$10-12 湯底來講豬骨湯其實已經有小小辣 同埋好多肉碎同酸菜 濃味已經好足夠啦！螺旋藻齋睇份量都好多！而佢嘅質地十分掛湯 每一啖都可以食到濃郁嘅豬骨湯味 建議真係要試下！米線煮得會偏軟 食慣譚仔米線會有D唔慣 不過份量真係好多 個人表示扣完底都會淨左一半🤣但係食完成個下晝都會覺得好鹹 可能係米線味精味比較重 所以呼籲大家飲少D湯！整體來講呢間會係屯門嘅打卡餐廳 唔係影相個隻而係真係街坊必試！食得多肉都可以試下清爽又吸湯嘅螺旋藻喔～📌 雲川 米線．紅薯粉 (屯門)屯門湖翠路2號美樂花園商場地下46及61號舖

呢間喺關注組討論度甚高，見有唔少人特登入屯門食，而我就成日去食🤣因為真係幾好食😋豬骨湯小鍋米線配豬頸肉($41連飲品)嚟度一定要試佢嘅豬頸肉！煎得好香，切到細細條，份量都幾多，不過我覺得可以大條返少少會再有咬口啲🤔佢啲米線好滑，湯底夠濃郁，配埋肉碎同酸菜好惹味🤤我叫咗小辣(感覺比譚仔十小辣再小啲)過吓癮就算，食得辣嘅朋友可以試吓中辣或以上😆唔食辣嘅朋友都可以試吓佢嘅鮮魚🐟湯米線，魚嘅鮮甜味好出，都係唔錯嘅選擇！另外個人覺得佢嘅韮菜雲吞都幾好食，有三粒大大粒，韮菜餡夠晒香，唔想食豬頸肉不妨試吓呢樣😉環境﹕6.5/10抵食﹕7.5/10味道﹕8/10