雲貴軒米線專門店

Open Now

Now Closed

年初四外出揾食，好多食肆都仲放緊假⋯覓食中無意發現雲貴軒二話不說即刻入去揾位對上一次食雲貴軒已經起碼兩年前，只係記得炸豬排好食所以今次都叫返炸豬排，但係就試個未食過嘅酸麻辣湯。又幾好味喎，有我最中意嘅榨菜係入面味道唔會過酸，食多幾啖麻辣嘅感會慢慢出黎，好有層次炸豬排比較多油，不過食落好香，好鬆軟粉嘅份量好多，食極都食唔完建議細食嘅朋友落單時叫「少粉」唔好浪費～整體黎講，雖然價錢比起之前調整過，但都好抵食上菜嘅速度ok，唯獨炸豬排比較耐，碗麵食左一半先上另外推薦膠質豐富嘅『魚唇』好厚身好大舊

咁啱去新北江行下，順便食個lunch~好耐無行，多咗好多新嘢食~見到開咗間雲貴軒（之前喺元朗千色嗰間食過，唔錯），決定試下~一坐低就見到呢個menu好吸引: “蕃尋味”~😍😍於是叫咗個 “香炸豬扒鮮茄湯米線”，另外叫多個西多士試下~😋叫完無耐，好快就上咗個蕃茄米線&熱朱力~熱朱力無咩特別，都係平時沖粉嗰d~至於蕃茄米線方面，蕃茄味真係好重，但比較似茄膏，但都ok嘅~幾鍾意佢配埋粟米&木耳絲~豬扒方面，略嫌上得有d慢🙈，米線上咗差不多10分鐘後先到~但豬扒炸得幾好，唔會太厚粉，好鬆脆~👍🏻到甜品時間~🤗西多士好好味，呢間鋪炸嘢都炸得唔錯。但如果俾多d糖醬就好喇~👉🏻👈🏻

初四放假，諗住落樓下睇醫生，點知全部都滿額。為了不白行一轉，決定在新北江搵食，中午時間平日人來人往， 水洩不通的新北江商場，仍然有很多餐廳未啟市。行了一圈，決定食雲貴軒。點了一個魚肚，魚唇，墨丸微酸辣湯米線。第一次見到有魚肚及魚唇，魚肚個形狀就似一塊大海綿，方方正正，比手指更厚，有咬口，可惜味道不足，嘗試在魚肚㩒 扁再吸收酸辣湯會好一點點。魚唇，依菜單介紹是魚尾部波有翅針的鰭，含有豐富膠原及蛋白質，魚唇本身沒有味道，只能靠湯汁。口感煙韌軟滑，份量很多。墨魚丸，有4大粒，爽口彈牙，有墨魚肉在丸中，不過不失。

由唔知幾時開始 就覺得服務開始好差. 今次叫薯粉啦 加兩個餸 另一碗都係薯粉加一個餸 再加小食炸大腸（太耐無食） 三個人用餐叫第二碗薯粉時 想多茜菜 個人話指定份量 無得多然後 望去廚房位置 人地碗碗都好多茜菜 黎一碗 得4-5條茜 再黎第二碗 得2條茜 （我心諗 哇！ 個指定份量咩黎架？ 人地碗碗多茜 我地就碗碗少茜 人地碗碗d茜都多到遮到d餸） 咁3個人 食2碗野 梗係要.......碗仔筷子. 未上野前 叫左要碗仔 以為侍應好醒目 比埋筷子. 係無既..再叫要筷子 叫左2/3次 由於碗野食到左 我都等唔切 所以自己去拎. 然後 炸大腸等左成20分鐘先有 可能多單 ok無問題 催佢啦 佢答我：岩岩炸緊架喇 基本上 無意去幫我去跟單 多茜果d問個經理： 係咪米線同薯粉茜既份量唔同 米線係咪多d佢答： 有指定既份量佢既指定份量 就係廚房鐘意點放就點放 心情好就多 唔好就少 失望！

今日米線癮又發作， 可惜呢幾日天氣唔係咁好，都唔想去太遠地方搵嘢食 。近近哋去新北江搵米線食算啦 。原本諗住去食譚仔，見到佢隔離新開咗間雲貴軒，又嚟試下新嘢先。米線41蚊包一個餸，一熱飲，凍飲加三蚊， 價錢貴過譚仔小小。我今次嘅叫法比較特別，因為今日只係得我同個仔嚟食，佢太細食而我又想食酸辣，咁就一人一碗一送米線，我就要咗腩肉酸辣米綫，幫佢叫咗豬腸清湯米線，另外再加多個蒜蓉雞翼 (16蚊三隻)俾呀仔。單餸米線嘅餸份量真係好多！豬腸有十幾舊，腩肉亦都有好多片，我夾曬個仔啲豬腸之後，連埋我自己果碗嘅腩肉，啲餸嘅份量多到可以遮哂成碗米線。 不過個米線湯底就非常之清淡，冇酸味亦都冇乜辣味， 而啲酸菜亦都係冇味嘅，又冇得叫呀姐加酸。檯面有提供獨立包裝的醋同埋辣椒油，唯有自行調味，不過亦都調唔出雲南風味。

一個人無咩做去食下下午茶，試下雲貴軒個下午茶，27蚊起，睇下好平咁樣。叫左個D餐$27，再加米線$6，加凍飲$3，咁一個人都係$36，又真係平嘅。D餐有熱狗一隻，雞翼一隻，份量正常。熱狗勁多沙律醬同茄汁，脆皮腸，味道ok。雞翼加了蜜糖甜甜地，整定好耐咁樣，凍嘅，唔難食囉。加左碗炸醬米線，啲米線有驚喜喎，好彈牙唔係淋到一pat咁，炸醬微辣幾好味。凍檸茶落左五塊檸檬，好闊綽喎，夠凍有茶味有檸味，好飲。

見新開張，便去試下，無咩心水，徐徐便便叫豬軟骨微酸辣米線，嘩....從未食過甘難食豬軟骨，好似在大陸超級市場現成真空包裝果d貨式，又梅又甜，個味好假，個湯底一般貨式啦，價錢一般啦，我忘記好似40左右。