雲貴軒米線專門店

Open Now

Now Closed

完成用餐時間: 19:24所花$$:68食物:鹵水拼盤 (可吃) 鎮江肉排肉操飯(肉排醋味重,碗飯夠大碗,30蚊碗白飯一定飽) 小鍋米線(阿姐呯一聲放低果時話呢碗叫佢做齋米線,真係得米線,無咩味道)整體:以打正雲南米線招牌,味道真唔正中,以快餐店價錢唔值服務請參考以下經歷)因為要等屋企人,所以先叫鹵水拼盤,但叫了N次無人理,舉高餐牌個WATRESS一聽落完一碟野食佢好唔滿意咁出"CHIP"左聲到屋企人到再次叫左好多個人都無人應之後,經理黎落單,見到碟鹵水拼盤講左句你叫左野,跟住即刻行左開去,過左陣先發覺原來佢係去拎返之前個侍應寫左但未出電腦單既單出黎我地好驚訝之後問佢點解你地啲侍應好似唔多有溝通佢話" 你宜家想點? "到臨走,想再同佢講,唔係佢既問題,想同返佢講係個員工,佢話,宜家繁忙時間,你打客戶服務熱線啦 ......................... 唉,只怪我無錢,兩個人食68蚊野所以唔可以有妤既同服務?好同意之前 亞瑜所講呢度啲"阿姐好似未瞓醒,一些不醒目,一些不理人,唔知她們想點?所以次次都見到經理對著她們都勞勞氣氣的"

很喜歡這個小鍋米線,湯底可選上湯,酸辣湯和辣湯,仲有3級辣度任選.!每碗配菜有莞茜,蔥,芽菜和酸菜.很多很多啊,全部都是我的最愛再跟一樣餸(十幾款任選),午市$26,下午茶相對平$3,11點後米線餐另加多$2可轉此店名物:紅薯粉.彎彎曲曲的紅薯粉口感QQ,質感嫩滑.店方推介之一,注明是健康食材.不過原來米線都不錯,滑0者0者,帶點彈牙.兩隻麵條夾埋湯呀配菜呀一齊吃,好吃勁快清掉一大碗呢上次吃牛月展,店方非常大方附上8塊大大的;今次吃是店方另一推介--福州魚丸,用鱔肉打成魚漿,搓成丸狀再包入豬肉餡.成為爆醬丸.不過鱔肉的魚腥味勁重,邊吃邊倒胃口,而中間的豬肉亦非常多油份,轉眼間上湯都變了油湯了.好得人驚呀~周末例牌人頭湧湧,雖然是茶餐廳,都要等位和搭檯的.無論早市,茶市,(還未嚐過晚市),所有阿姐好似未瞓醒,一些不醒目,一些不理人,唔知她們想點?所以次次都見到經理對著她們都勞勞氣氣的哈哈哈

今朝又去試新野呢間雲貴軒都開左成個月, 今日終於黎試下呢度D早餐都幾多選擇喎, 價錢又唔太貴, 大部分都係廿蚊度我地叫左兩個早餐孖寶--叉燒米線 (可轉米粉/通粉/公仔麵) +火腿炒蛋+多士 (可要方包)一杯熱好立克, 一杯熱奶茶 (多奶)-多士夠脆, 正!-炒蛋夠滑, 唔太老, 好味!-叉燒米線--米線夠滑, 湯底味道OK, 但比較油膩, 叉燒份量足(有五大片), 但比較韌同埋"鞋"口-熱好立克-雖然係普通野, 但真係值得一讚-夠濃, 唔會"稀淋淋", 唔使加糖都已經好好味-熱奶茶(多奶)-香濃夠滑, 唔錯!可以再ENCORE!!

雲貴軒被領匯引進來商場後,現在成為全商場既最旺餐廳.開業未夠一個月,我都去左三次,嘻嘻,一次主要吃出名的紅薯粉(真係好好味,下回分解),另外兩次都是早餐時段去.因為被那塊煎龍利柳深深吸引左去~早餐炸魚柳見慣見熟,不過要減肥啦,所以盡少接觸炸物,所以近年食西式早餐,不是雞扒,就是牛扒.~_~直到遇上煎龍利柳,本身都鐘意食龍利柳的我直頭要大叫"萬歲"~龍利柳有成隻手掌咁大,厚度1CM雖然是雪藏貨亦沒有浸過蛋汁,魚柳輕輕煎過,魚肉軟熟,有香口脆邊,我鐘意沒有加蛋汁煎的龍利柳,因為少了那份滯膩感,面頭灑了點香草,賣相不錯.配套有勁多蛋汁的炒滑蛋和多士.這套餐是可以加四元有碗指定的火腿通粉,通粉是最basic的那種無坑,份量有湯碗的一半,還搭多條菜.以這個價錢來說是超額完成了.