Video
Payment Methods
Other Info
Spot payment
Above information is for reference only. Please check details with the restaurant.
Recommended Dishes
來到v city攞月餅，順便食個晏晝飯，唔想食商場連鎖店，朋友帶咗我嚟德政圍食一間小店，佢話呢間小店都開咗好多年，味道不變之餘，都仲係一樣咁抵食添。⭐燒賣&魚蛋點嘅主食未到，又加單要咗啲燒賣魚蛋過下口引，店家話佢哋魚蛋有兩款口味，咖哩同麻辣，咁就兩隻都試下啦，咖哩濃味香口，麻辣惹味，兩款都好食喎🤤另外仲有燒賣，軟軟糯糯加上辣椒豉油，又係一絕。⭐麻香雞拼酥炸魷魚鬚米粉自己就點咗份雙拼，揀咗麻香雞同魷魚鬚，雞肉嫩滑香口麻辣汁鮮香惹味，正到攞嚟撈米粉食🤤魷魚鬚份量十足，係舊派酥炸製法，香脆好味，勁正呀😍⭐咖哩牛腩飯朋友就點咗佢至愛嘅咖哩牛腩飯，佢話食咗咁多次都無失過水準，今次都唔例外一樣係咁好食。咖哩汁杰身有香料味帶微辣，牛腩炆得軟腍入味，仲有薯仔、洋蔥、三色椒等非常豐富，撈汁送飯啱曬😋⭐紅豆奶茶 & ⭐紅豆阿華田唔少得點埋港式特飲紅豆冰，呢度嘅紅豆冰口味多樣化，揀咗奶茶紅豆冰同阿華田紅豆冰，奶茶香滑茶味濃，紅豆微甜啱口味。朋友嘅阿華田都好正，阿華田沖得好濃，就算加埋紅豆都冇過甜，好飲喎🤤小店人流暢旺，食客絡繹不絕😆嘢食好食又抵食，唔怪得一枱難求嘅。
continue reading
屯門街坊一定識去德政圍的食肆，其中受街坊歡迎的茶餐廳要數“食口福”。雖然招牌寫著生滾麵，但其實這裏不是只做生滾麵，一般茶餐廳有的都有，這裏的醉雞、酥炸魷魚是招牌菜，咖哩也做得很出色！帶朋友過來，感受屯門街坊家常小店。朋友見到生滾麵，竟然有鴛鴦米，即是米粉加粉絲，而且配菜可以選雞扒、鹽酥豬扒、酥炸雞翼等，超興奮！不用多想，可以下單了。估不到招牌餸菜都很快賣光，我們八點半來到，有些菜式已售罄。最後朋友點了雞扒拼香酥雞翼，配鴛鴦米$58。上菜速度超快，鴛鴦米盛滿一碗，清湯也是自家淆製的，味道清淡得來健康，配濃味的雞扒就很好，雞扒醬汁入味，煎得夠香；雞翼外層炸得很酥脆，有鬆化口感，雞翼還有肉汁，滑嘟嘟，不錯！咖哩牛腩飯$62，這裏的咖哩味道是祖傳秘方，充滿港式茶餐廳情懷，味道辣得來夠鹹香，青、紅椒和洋蔥揮發香氣，牛腩炆得夠淋，口感煙韌，份量又多，拌飯吃超級開胃，在選擇困難的時候，點咖哩飯一定不錯！特地點了醉香雞例牌$40，酥炸魷魚例牌$40，給朋友嚐嚐，幾乎每台顧客都會點這兩款招牌菜。脆香雞熟度剛好，雞皮爽而滑，雞肉浸在酒裡夠入味，咬下有清甜酒香，非常好吃。酥炸魷魚，外層炸粉同雞翼一樣，非常鬆脆，咬下脆脆的響聲非常自癒！魷魚炸過香口惹味，可以點泰式甜辣醬吃得濕潤點，不點醬乾身吃也很香。好味又經濟的餐廳，是屯門街坊飯堂，平時都很多一家大小來吃飯，也很適合朋友聚腳，吃小食喝啤酒談天。
continue reading
難得嚟到屯門，一定要搵下屯門有咩好食，而且仲要食啲冇其他分店嘅，今次諗住去何福堂嗰邊行山，就睇下個度附近有冇咩好食，喺openrice就搵到一間西餐同呢間生滾麵係比較多好評，諗住食嗰間西餐，點知去到咁岩裝修中，冇開門，於是又行返返去食呢間生滾麵。平日下午，冇乜人食，得一枱客。已經好多野都賣晒，豬扒又冇，雞翼又冇。食茶餐，係包埋豬仔包加兩款配料，叫咗餐肉蛋同腸仔蛋，都ok。生牛肉米線生牛肉都細大片，放落去熟得剛好，仲幾嫩的，米線唔太多，唔係太食得飽。墨魚片米粉
continue reading
今日收工後係新墟附近搵野食，見到朋友推介ge 食口福。 見都有好多人係入面食緊，就諗都唔諗入去試。睇Menu 見都好多唔同選擇，有面有飯仲有好多小食。 因為呢排天氣凍又肚餓，決定揀個飽肚ge 麻辣香雞蔥油飯。黎到見到有隻脾，賺了！ 😁雞件十分新鮮，麻辣味道都好岩香港人食，而且配蔥油飯真係令人流哂口水。晚餐黎講，$65蚊 加咁高質ge 雞件，都係收工肚餓ge 好選擇， 朋友真係無介紹錯。
continue reading
今日係屯門睇完戲，就係V City附近食埋晚飯，呢間間餐廳主打咖哩和生滾麵，價格非常親民，而且份量適中。醉香雞飯首先，醉香雞飯的雞肉非常嫩滑，醃製得恰到好處，帶有淡淡的酒香，令人食慾大開。而配搭的蔥油飯，粒粒分明，吸收了雞肉的美味，再加上蔥油香味，令味道更加豐富。香煎豬扒鴛鴦米跟住就係香煎豬扒鴛鴦米，米粉和粉絲既搭配十分特別，口感上既有米粉的滑嫩，也有粉絲的韌性，讓人每一口都充滿驚喜。豬扒外脆內嫩，香氣四溢。湯底清爽，不油膩，恰到好處地提升了整體的風味。
continue reading