養心亭

Open Now

Now Closed

《養心亭》朋友介紹荃灣開咗一間好食藥膳雞。行開千色店專登行過嚟試吓。本土小店中式裝修風格，疫症期間冇人堂食坐得幾舒服。叫左個花膠鮮雞湯米線~$68大大碗，雞都幾多，花膠大大塊。個set可以揀米粉，銀針粉，白飯。跟咗一杯養生茶，飲唔出係咩茶，不過幾好飲。雞好滑好味。湯好好飲完全冇味精。食落好大碗，好滿足。呢個價錢食到咁高質素我覺得好抵食。而家周圍都係連鎖店，呢啲有質素本土小店真心值得推介。推介指數:

最近因為疫症關係成日想揾啲保養湯水飲吓，PS 自己無時間煲。😆今日中午經過荃灣見到一間新開小店叫養心亭，入去試吓支持下啲小店，雖然店舖比較細但裝修都幾好感覺乾淨。養心亭主打冇味精健康養心湯，叫咗個招牌菜嫩滑鮮雞湯試試。 本來沒有期望太高因為店舖比較細，試咗個雞湯感覺冇味精飲完無口渴，雞肉意外地新鮮還有我最愛的雲耳，份量商中沒有太多沒有過少，價錢合理，店員有禮親切，養心亭今個星期推介俾大家，值得一試。👍👍👍

果日同老婆行開荃豐買電腦野，見6點幾又無晚市，一路行下附近又乜好食，行下行下去到荃昌，見到有間招牌小小古式叫養心亭，心諗藥膳既野唔係我杯茶，不過老婆話呢排食得煎炸野多，不如試下d健康d既野，咁就試下買外賣。歸到家見微暖就梗係即刻食，話曬雞湯就梗係先飲啖湯，一心諗住藥膳黎煮既野會唔會好大浸藥材味，係有d不過估唔到又好好味，d湯仲好有住家feel，再試下d雞都好滑唔"鞋"，同埋幾鬼死足料，目測真係 1/4隻雞，62蚊外賣仲有折，性價比已經確得超抵，另外再試試老婆個嫩雞湯，都好鬼死清甜。聽收銀姐姐講叫我下次試下個肉骨茶同喇沙，下次一於試下先。另外小食我唔係好食得辣，所以麻辣都係揀小辣，個人推介最正牛肚絲，切得好幼身索曬d麻辣汁，送飯一流。如果下次我想再試就係堂食，再熱辣辣d食應該感覺會更好，個人都好小寫食評，不過又平又正又有heart既小店買小見小，點都要推介下。

試左間新店食藥膳雞，環境舒服乾淨。完全唔駛等位，都驚唔好食。餐牌種類唔算多，不過有得揀飯，米線，米粉，粉絲，銀針粉。價格係我接受範圍之內。叫左個古法藥膳雞湯米線。藥膳雞湯味濃郁，好重藥材味，我覺得好好飲。雞有7，8件，好食有雞味又滑。最後湯都清埋。值得再來食。個面跟左養生茶同幾粒青瓜。養生茶係玫瑰花茶(佢話日日會轉)，下次食再睇下咩茶。飲品選擇少，冇奶茶咖啡個D，不過佢杯養生茶可以無限加。送個幾粒麻辣青瓜仔好食。

屋企附近開左間食藥膳雞, 成日行過都聞到好香, 昨天入去試下睇餐牌種類唔算多, 得10樣8樣野, 不過有銀針粉揀都幾特別,最後叫左個藥膳雞米線.賣相好靚, 都有幾多藥材, 仲有我最愛枝竹, 好少食藥膳有支竹雞好多, 好食又滑, 米線份量都多, 我食唔曬D米線個湯好好飲, 我成碗飲曬.環境相我冇影, 好新好乾淨, 因為新開送左幾粒麻辣青瓜好好食, 即刻想叫多個麻辣小食, 不過太飽, 得自己一個就冇叫.杯茶都好飲,係羅漢果茶埋單$62 

I paid a visit to my girlfriend in Tsuen Wan today and she took me to this newly opened “Medicated Diet” place for lunch.  Well I was prepared to starve myself as I’m not a big fan of herbal or medicinal tonic food.Surprisingly, I was impressed with the strong taste of concentrated medicated diet soup which mingled with generous portion of tender chicken.  They actually add up just right and definitely aroused my appetite to finish the whole bowl…lol!Just want to say thank you for the good food