養心殿台式養生鍋 (Closed)

養心殿開左好多分店，銅鑼灣都有兩間，如果多啲人嚟打仲可以包房唱k如果普通打邊爐嘅話，每一枱都有屏風，呢到私隱度好高，坐得舒服今日嚟到銅鑼灣廣場二期呢間分店養一養生嗌左鴛鴦鍋，麻辣鍋小辣配酸菜白肉鍋。要讚一讚佢地呢到麻辣火鍋味道好有層次，唔係淨得個辣字，配埋入面勁多唔同嘅藥材，令到我想不停飲個湯。而家個湯底本身都有鴨血同豆腐，吸收哂啲湯底，非常入味，好食，滿意酸菜白肉鍋都好好味，唔會太酸，食落好開胃。入面仲有好多白肉，好足料。 重點係湯底有寬粉，好煙韌同入味，啱我口味。另外一提，如果嗌麻辣鍋或者酸菜白肉鍋，會加送一份酸菜白肉或者鴨血，我地簡左白肉免費嚟講都幾大份御選梅花豬 $118好食，肉質唔錯，淥耐左都冇好”鞋”。不過覺得咁嘅份量有啲貴，但呢間邊爐本身定價都平均地高，都預左。鵝肝墨魚丸 (半份) $48幾特別，真係好重鵝肝味，可以一試，掂呀鮮蝦滑 $88非常彈牙，我鍾意我個人覺得勁夾個麻辣湯，仲要份量都幾多，食極都都食完萵筍 $48幾新鮮，又係一樣好入味嘅嘢如果份量多啲會更好龍鬚菜 $78本身想嗌冰菜，但咁啱冇哂。店員介紹左龍鬚菜，我之前從來都冇食過，一嚟到，份量好多，幾新鮮。食落味道

平日都比較小食開唔係任食嘅邊爐，大個左自然對湯底同食物質素要求高左，就決定黎食下呢間都幾多朋友推薦嘅Binlo!呢間地理位置真係極方便！一上到去就有種古式風情 坐亦坐得好舒服(⁎⁍̴̆Ɛ⁍̴̆⁎)茶芥醬料二十蚊一位 個茶真係幾好飲 staff亦十分主動幫我地斟水沖茶～ 醬料選擇方面都係基本醬料 係自助形式的～湯底我哋揀咗美人鍋同麻辣美人鍋有成隻烏雞響度 真材實料！野食方面 身為食肉獸嘅我地 只係循例叫咗一個什錦蔬菜盤，份量比想像中大 蔬菜種類亦比想像中多ヾ(๑╹◡╹)ﾉ" 蔬菜好新鮮叫左極上雪花肥牛 肥美程度如圖所見！好食！我地懶得諗 丸同餃子都叫左拼盤 樣樣試d個人認為餃子拼盤較出色！皮薄餡靚！而芝士牛丸最有驚喜 一吉落去 卜一聲 啲芝士即流緊出黎 搞到我都分唔到俾朋友食(´༎ຶོρ༎ຶོ`)其他都好彈牙！真係絕對唔會好似平時28蚊一磅個啲丸得啲面粉！ 小小建議 蝦丸同墨魚丸質感同蝦滑同墨魚滑好似 大家可以兩選其一！Btw 一路打 間中見到入面唱k唱得好開心 400幾蚊一個人 食得都算幾飽下 下次要順手唱埋k先得٩( ᐛ )و

養心殿食過好多次，多數都係半價時段黎食，7點前離坐可享半價，食得好食得平先係真正吃貨！😁今次黎到銅鑼灣廣場新開嘅養心殿，環境都幾大，裝修同其他分店一樣係古式古香格局。不過呢日有野做要好遲先開飯，catch吾到佢果半價時段，算....7折都勉強殺佢...😆黎養心殿主要都係飲湯，所以火鍋配料我地吾會叫好多，而且佢啲火鍋料都無乜特別兼且貴，但湯就真係出色，本身湯料都好多，所以吾使徙錢叫咁多火鍋料，講真為左打邊爐吾係黎呢度！😎😎”我地叫左養心寧神湯拼薑母鴨湯，我地次次黎都係叫呢兩款，兩隻湯都好好飲，尤其薑母鴨個湯又甜又夠薑，冬天飲一流呀，仲有好多鴨肉食。推薦大家...叫侍應俾個腐乳醬黎點鴨肉，超正！👍👍另外，個炸午餐肉好脆又熱辣辣，上枱即食最好食！酒香豬肉分量都吾少，真係塊塊都有酒香味。雲吞亦都大大粒，個人覺得雲吞好食過水餃。仲有個白色嘅寛粉好好食，索晒啲湯汁，煮到煙煙韌韌咁，平靚正抵食！😍

朋友生日飯，想食火鍋，聽過呢間唔錯，whatapps 去book 另一分店，被建議試下新開呢間，甘唸住新店更加冇甘迫，仲正，試左美人鍋和養神鍋，藥材味濃郁，同樣味精好濃，吃完後整晚不停喝水。食物方面比較一般，被推介食韓牛，288大元分量唔多，本身不食牛的，朋友話唔算太好吃，叫左丸，雞肉，菜等簡單食物，埋單都要每人$420，仲要話冇得碌卡及eps, 只收現金，要即場籌款😅，之前 whatapps 有俾現金有優惠，最後都系話冇，都幾昆水，不會再幫趁

一路唱K一路打邊爐，呢個新食法又幾正喎！材料新鮮，美人鍋湯底非常正👍🏻，麻辣湯底都唔錯！肥牛超掂！其他材料都新鮮，包括海鮮係價錢貴咗啲囉⋯⋯每人平均$500左右啦！#養生殿